ಪರಿವಿಡಿ:
ಸಾಮಾನ್ಯ ಅಧ್ಯಯನ ಪತ್ರಿಕೆ 1 :
1. ಸವಲತ್ತು ಉಲ್ಲಂಘನೆ ನಿರ್ಣಯ.
2. ASEAN ಸಭೆ.
3. ಇಂಡೋ-ಪೆಸಿಫಿಕ್ ಪ್ರದೇಶ.
ಸಾಮಾನ್ಯ ಅಧ್ಯಯನ ಪತ್ರಿಕೆ 3:
1. ಪರಮಾಣು ಸಮ್ಮಿಳನ ತಂತ್ರಜ್ಞಾನ.
2. ಭಾರತಕ್ಕೆ ಪಳೆಯುಳಿಕೆ ಇಂಧನಗಳಿಂದ ಪರಿವರ್ತನೆಯ ತಂತ್ರ ಏಕೆ ಬೇಕು?
3. ಡ್ರೋನ್‌ಗಳ ಆಮದನ್ನು ನಿಷೇಧಿಸಿದ ಭಾರತ.
ಪೂರ್ವಭಾವಿ ಪರೀಕ್ಷೆಗೆ ಸಂಬಂಧಿಸಿದ ಸಂಗತಿಗಳು:
1. ಖೈಬರ್-ಬಸ್ಟರ್.
2. ರೇಡಿಯೋ ಫ್ರೀಕ್ವೆನ್ಸಿ ಐಡೆಂಟಿಫಿಕೇಶನ್ (RFID).
ಸಾಮಾನ್ಯ ಅಧ್ಯಯನ ಪತ್ರಿಕೆ : 1
ವಿಷಯಗಳು: ಸಂಸತ್ತು ಮತ್ತು ರಾಜ್ಯ ಶಾಸಕಾಂಗಗಳು – ರಚನೆ, ಕಾರ್ಯವೈಖರಿ, ವ್ಯವಹಾರದ ನಡಾವಳಿಗಳು, ಅಧಿಕಾರಗಳು ಮತ್ತು ಸವಲತ್ತುಗಳು ಮತ್ತು ಇವುಗಳಿಂದ ಉಂಟಾಗುವ ಸಮಸ್ಯೆಗಳು.
ಸವಲತ್ತು ಉಲ್ಲಂಘನೆ ನಿರ್ಣಯ/ಪ್ರಿವಿಲೇಜ್ ಮೋಷನ್:
(Privilege Motion)
ಸಂದರ್ಭ:
ಆಂಧ್ರ ಪ್ರದೇಶ ಮರುಸಂಘಟನೆ ಮಸೂದೆ (Andhra Pradesh Reorganisation Bill) ಕುರಿತು ಫೆಬ್ರುವರಿ 8ರಂದು ಪ್ರಧಾನಿ ನರೇಂದ್ರ ಮೋದಿ ಅವರು ಸಂಸತ್ತಿನ ಮೇಲ್ಮನೆಯಲ್ಲಿ ನೀಡಿದ ಹೇಳಿಕೆಗೆ ಸಂಬಂಧಿಸಿದಂತೆ ತೆಲಂಗಾಣ ರಾಷ್ಟ್ರ ಸಮಿತಿಯ (ಟಿಆರ್‌ಎಸ್) ನಾಲ್ವರು ರಾಜ್ಯಸಭಾ ಸದಸ್ಯರು ಮೋದಿಯವರ ವಿರುದ್ಧ ‘ಸವಲತ್ತು ಉಲ್ಲಂಘನೆ ನಿರ್ಣಯ/ಪ್ರಿವಿಲೇಜ್ ಮೋಷನ್/ಹಕ್ಕುಚ್ಯುತಿ ನೋಟೀಸ್’ ಅನ್ನು ಮಂಡಿಸಿದ್ದಾರೆ.
ಏನಿದು ಪ್ರಕರಣ?
ರಾಷ್ಟ್ರಪತಿಗಳ ಭಾಷಣಕ್ಕೆ ವಂದನಾ ನಿರ್ಣಯ ಸಲ್ಲಿಸುವ ಸಂದರ್ಭದಲ್ಲಿ ಮೋದಿಯವರು 2014 ರಲ್ಲಿ ಆಂಧ್ರಪ್ರದೇಶವನ್ನು ತೆಲಂಗಾಣ ಮತ್ತು ಆಂಧ್ರ ಪ್ರದೇಶ ರಾಜ್ಯಗಳಾಗಿ ವಿಭಜಿಸಲು ಅಂಗೀಕರಿಸಿದ ಸಂಸದೀಯ ಪ್ರಕ್ರಿಯೆಯನ್ನು ಪ್ರಶ್ನಿಸಿದ್ದರು, ಆಂಧ್ರ ಪ್ರದೇಶ ಮರುಸಂಘಟನೆ ಮಸೂದೆಯನ್ನು ಅಂಗೀಕರಿಸುವ ಸಂದರ್ಭದಲ್ಲಿ ಸದನದ ಬಾಗಿಲು ಮುಚ್ಚಲಾಯಿತು, ಪೆಪ್ಪರ್ ಸ್ಪ್ರೇಗಳನ್ನು ಬಳಸಲಾಯಿತು ಮತ್ತು ಮೈಕ್‌ಗಳನ್ನು ಆಫ್ ಮಾಡಲಾಗಿತ್ತು.
TRS ಸದಸ್ಯರು ಎತ್ತಿರುವ ವಿಷಯಗಳು:
- ಮೋದಿಯವರ ಹೇಳಿಕೆಯು ಸಂಸತ್ತಿನ ಉಭಯ ಸದನಗಳನ್ನು ಅತ್ಯಂತ ಕೆಟ್ಟ ಮತ್ತು ಅವಹೇಳನಕಾರಿ ರೀತಿಯಲ್ಲಿ ತೋರಿಸಲು ಪ್ರಯತ್ನಿಸುತ್ತದೆ, ಸದನದ ಕಾರ್ಯವಿಧಾನಗಳು ಮತ್ತು ನಡಾವಳಿಗಳು ಮತ್ತು ಅದರ ಕಾರ್ಯವೈಖರಿಯನ್ನು ಅವಹೇಳನಗೊಳಿಸುತ್ತದೆ ಮತ್ತು ಅವಮಾನಿಸುತ್ತದೆ.
- ಇದು ಸದನದಲ್ಲಿ ಸಂಸತ್ತಿನ ಸದಸ್ಯರು ಮತ್ತು ಸಭಾಪತಿಗಳ ಅವರ ಕಾರ್ಯವೈಖರಿ ಹಾಗೂ ನಡಾವಳಿಗಳಲ್ಲಿ ತಪ್ಪುಗಳನ್ನು ಕಂಡುಹಿಡಿಯುವುದಕ್ಕೆ ಸಮಾನವಾಗಿದೆ.
- ಸದನದಲ್ಲಿ ಬೆರಳೆಣಿಕೆಯ ಕೆಲವು ಸದಸ್ಯರ ಅವ್ಯವಸ್ಥಿತ ನಡವಳಿಕೆ ಅಥವಾ ಹೊಣೆಗೇಡಿತನವು ಮುಂದುವರೆಯದಂತೆ ತಡೆಯಲು ಸದನದ ಬಾಗಿಲು ಮುಚ್ಚುವ ಸಭಾಧ್ಯಕ್ಷರ ನಿರ್ಧಾರವನ್ನು ಸಹ ಪ್ರಶ್ನಿಸಲಾಗಿದೆ.
ಪ್ರಧಾನ ಮಂತ್ರಿಗಳ ಹೇಳಿಕೆಯು ಸದನದ ವಿಶೇಷಾಧಿಕಾರದ ಹಕ್ಕನ್ನು ಗುರಿಯಾಗಿಸುತ್ತದೆ ಆದ್ದರಿಂದ ಇದು ಸದನದ (ರಾಜ್ಯಸಭೆ) ನಿಂದನೆಗೆ (contempt of the House) ಸಮನಾಗಿದೆ ಎಂದು ಟಿ ಆರ್ ಎಸ್ ರಾಜ್ಯಸಭಾ ಸದಸ್ಯರು ಹೇಳಿದ್ದಾರೆ.
‘ಸಂಸದೀಯ ಸವಲತ್ತುಗಳು’ ಯಾವುವು?
ಸಂಸದೀಯ ಸವಲತ್ತುಗಳು (Parliamentary Privileges), ಮೂಲತಃ ಸದನದ ಸದಸ್ಯರು ವೈಯಕ್ತಿಕವಾಗಿ ಮತ್ತು ಸಾಮೂಹಿಕವಾಗಿ ಅನುಭವಿಸುವ ಹಕ್ಕುಗಳು ಮತ್ತು ವಿನಾಯಿತಿಗಳನ್ನು ಉಲ್ಲೇಖಿಸುತ್ತವೆ. ಈ ಹಕ್ಕುಗಳ ಅಡಿಯಲ್ಲಿ, ಸದನದ ಸದಸ್ಯರ ವಿರುದ್ಧ ಅಥವಾ ಅವರ ಶಾಸಕಾಂಗ ಕಟ್ಟುಪಾಡುಗಳನ್ನು ಪೂರೈಸುವ ಸಂದರ್ಭದಲ್ಲಿ ನೀಡಲಾದ ಹೇಳಿಕೆಗಳ ವಿರುದ್ಧ ಯಾವುದೇ ನಾಗರಿಕ ಅಥವಾ ಕ್ರಿಮಿನಲ್ ಕ್ರಮಗಳನ್ನು ತೆಗೆದುಕೊಳ್ಳಲಾಗುವುದಿಲ್ಲ. ಅಂದರೆ ಅವರಿಗೆ ನಾಗರಿಕ ಅಥವಾ ಅಪರಾಧ ಹೊಣೆಗಾರಿಕೆಯ ವಿರುದ್ಧ ರಕ್ಷಣೆ ನೀಡಲಾಗುತ್ತದೆ, ಇದರಿಂದಾಗಿ ಅವರು “ತಮ್ಮ ಕಾರ್ಯಗಳನ್ನು ಪರಿಣಾಮಕಾರಿಯಾಗಿ ನಿರ್ವಹಿಸಬಹುದು”.
ಸಂಸದೀಯ ಸವಲತ್ತುಗಳಿಗೆ ಸಂಬಂಧಿಸಿದ ಸಾಂವಿಧಾನಿಕ ನಿಬಂಧನೆಗಳು:
- ಸಂವಿಧಾನದ 105 ನೇ ಪರಿಚ್ಛೇದದ ಅಡಿಯಲ್ಲಿ, ಭಾರತೀಯ ಸಂಸತ್ತು, ಅದರ ಸದಸ್ಯರು ಮತ್ತು ಸಮಿತಿಗಳ ಸವಲತ್ತುಗಳನ್ನು ಉಲ್ಲೇಖಿಸಲಾಗಿದೆ. ಸಂವಿಧಾನದ 105 ನೇ ವಿಧಿಯು ಎರಡು ಸವಲತ್ತುಗಳನ್ನು ಸ್ಪಷ್ಟವಾಗಿ ಉಲ್ಲೇಖಿಸುತ್ತದೆ. ಅವುಗಳೆಂದರೆ: ಸಂಸತ್ತಿನಲ್ಲಿ ವಾಕ್ ಸ್ವಾತಂತ್ರ್ಯ ಮತ್ತು ಅದರ ನಡಾವಳಿಗಳನ್ನು ಪ್ರಕಟಿಸುವ ಹಕ್ಕು.
- 1908 ರ ಸಿವಿಲ್ ಪ್ರೊಸೀಜರ್ ಸಂಹಿತೆಯಲ್ಲಿ, ಸಂವಿಧಾನದಲ್ಲಿ ನಿರ್ದಿಷ್ಟಪಡಿಸಿದ ಸವಲತ್ತುಗಳ ಹೊರತಾಗಿ, ಸದನಗಳ ಸಭೆ ಅಥವಾ ಅದರ ಸಮಿತಿಯ ಸಭೆಯ ಸಮಯದಲ್ಲಿ ಅದು ಪ್ರಾರಂಭವಾಗುವ ನಲವತ್ತು ದಿನಗಳ ಮೊದಲು ಮತ್ತು ಮುಕ್ತಾಯಗೊಂಡ ನಲವತ್ತು ದಿನಗಳ ನಂತರ ನಾಗರಿಕ ಕಾರ್ಯವಿಧಾನದಡಿಯಲ್ಲಿ ಸದಸ್ಯರನ್ನು ಬಂಧಿಸುವುದರಿಂದ ಮತ್ತು ಸುಪರ್ದಿಗೆ ಪಡೆಯುವುದರಿಂದ ಸ್ವಾತಂತ್ರ್ಯಮತ್ತು ಅವಕಾಶವನ್ನು ಕಲ್ಪಿಸಲಾಗಿದೆ.
- ಅದೇ ರೀತಿ ಸಂವಿಧಾನದ 194 ನೇ ವಿಧಿಯು ರಾಜ್ಯ ಶಾಸಕಾಂಗಗಳು, ಅದರ ಸದಸ್ಯರು ಮತ್ತು ಸಮಿತಿಗಳು ಪಡೆದ ಅಧಿಕಾರಗಳು, ಸವಲತ್ತುಗಳು ಮತ್ತು ವಿನಾಯಿತಿಗಳನ್ನು ಕುರಿತು ಹೇಳುತ್ತದೆ.
ಸವಲತ್ತು ಉಲ್ಲಂಘನೆ ಎಂದರೇನು?
ಸವಲತ್ತು ಉಲ್ಲಂಘನೆಯ ನಿರ್ಣಯ ಮತ್ತು ಅದು ಆಕರ್ಷಿಸುವ ದಂಡದ ಬಗ್ಗೆ ಸ್ಪಷ್ಟ, ಅಧಿಸೂಚಿತ ನಿಯಮಗಳಿಲ್ಲ.
- ಸಾಮಾನ್ಯವಾಗಿ, ಸಂಸತ್ತಿನ ಸದನದ ಕಾರ್ಯ ಕಲಾಪಗಳಿಗೆ ನೇರವಾಗಿ ಅಥವಾ ಪರೋಕ್ಷವಾಗಿ ಅಡ್ಡಿಯುಂಟುಮಾಡುವ ಅಥವಾ ತಡೆಯೊಡ್ಡುವ ಅಥವಾ ಸಂಸತ್ತಿನ ಸದಸ್ಯ ಅಥವಾ ಅಧಿಕಾರಿಯು ಕರ್ತವ್ಯಗಳನ್ನು ನಿರ್ವಹಿಸಲು ಅಡ್ಡಿಯಾಗುವ ಯಾವುದೇ ಕಾರ್ಯವನ್ನು ಸವಲತ್ತು ಉಲ್ಲಂಘನೆ ಎಂದು ಪರಿಗಣಿಸಲಾಗುತ್ತದೆ.
- ಸದನ, ಅದರ ಸಮಿತಿಗಳು ಅಥವಾ ಸದಸ್ಯರ ಭಾಷಣಗಳು, ಸ್ಪೀಕರ್‌ನ ಕರ್ತವ್ಯಗಳನ್ನು ಪಾಲಿಸುವಲ್ಲಿ ಅವರ ನಿಷ್ಪಕ್ಷಪಾತವಾದ ಪಾತ್ರವನ್ನು ಪ್ರಶ್ನಿಸುವುದು, ಸದನದಲ್ಲಿ ಸದಸ್ಯರ ನಡವಳಿಕೆಯನ್ನು ಖಂಡಿಸುವುದು, ಸದನದ ನಡಾವಳಿಗಳ ಕುರಿತು ಸುಳ್ಳು ಪ್ರಕಟಣೆ ನೀಡಿ, ಮಾನ ಹಾನಿ ಉಂಟುಮಾಡುವುದು ಇತ್ಯಾದಿಗಳು.
- ಯಾವುದೇ ಸದನದ ಯಾವುದೇ ಸದಸ್ಯರಿಂದ ಸವಲತ್ತು ಉಲ್ಲಂಘನೆ ಮಾಡಿದ ತಪ್ಪಿತಸ್ಥ ವ್ಯಕ್ತಿಯ ವಿರುದ್ಧ ಚಲನೆಯ ರೂಪದಲ್ಲಿ ನೋಟಿಸ್ ಸಲ್ಲಿಸಬಹುದು.
ಲೋಕಸಭೆಯ ಸ್ಪೀಕರ್ / ರಾಜ್ಯಸಭೆಯ ಅಧ್ಯಕ್ಷರ ಪಾತ್ರ:
ಸವಲತ್ತು ಉಲ್ಲಂಘನೆಯ ಚಲನೆಯನ್ನು ಪರಿಶೀಲಿಸಲು, ಲೋಕಸಭೆಯ ಸ್ಪೀಕರ್ / ರಾಜ್ಯಸಭೆಯ ಅಧ್ಯಕ್ಷರು ಮೊದಲ ಹಂತ.
- ಲೋಕಸಭೆಯ ಸ್ಪೀಕರ್ / ರಾಜ್ಯಸಭೆಯ ಅಧ್ಯಕ್ಷರು ಅವರು, ಸವಲತ್ತುಗಳ ಚಲನೆಯನ್ನು ಸ್ವತಃ ನಿರ್ಧರಿಸಬಹುದು ಅಥವಾ ಅದನ್ನು ಸಂಸತ್ತಿನ ಸವಲತ್ತುಗಳ ಸಮಿತಿಗೆ ಉಲ್ಲೇಖಿಸಬಹುದು.
- ಲೋಕಸಭೆಯ ಸ್ಪೀಕರ್ / ರಾಜ್ಯಸಭೆಯ ಅಧ್ಯಕ್ಷರು ಸಂಬಂಧಿತ ನಿಯಮಗಳ ಅಡಿಯಲ್ಲಿ ಚಲನೆಯನ್ನು ಒಪ್ಪಿದರೆ, ಸಂಬಂಧಪಟ್ಟ ಸದಸ್ಯರಿಗೆ ಚಲನೆಯನ್ನು ಉಲ್ಲೇಖಿಸಿ ಸಂಕ್ಷಿಪ್ತ ಹೇಳಿಕೆ ನೀಡಲು ಅವಕಾಶ ನೀಡಲಾಗುತ್ತದೆ.
ಅನ್ವಯಿಸುವಿಕೆ:
- ಸಂವಿಧಾನವು, ಸಂಸತ್ತಿನ ಸದನ ಅಥವಾ ಅದರ ಯಾವುದೇ ಸಮಿತಿಯ ವಿಚಾರಣೆಯಲ್ಲಿ ಮಾತನಾಡಲು ಮತ್ತು ಭಾಗವಹಿಸಲು ಅರ್ಹರಾಗಿರುವ ಎಲ್ಲ ವ್ಯಕ್ತಿಗಳಿಗೆ ಸಂಸತ್ತಿನ ಸವಲತ್ತುಗಳನ್ನು ನೀಡಿದೆ. ಈ ಸದಸ್ಯರಲ್ಲಿ ಭಾರತದ ಅಟಾರ್ನಿ ಜನರಲ್ ಮತ್ತು ಕೇಂದ್ರ ಸಚಿವರು ಸೇರಿದ್ದಾರೆ.
- ಆದಾಗ್ಯೂ,ರಾಷ್ಟ್ರಪತಿಗಳು, ಸಂಸತ್ತಿನ ಅವಿಭಾಜ್ಯ ಅಂಗವಾಗಿದ್ದರೂ, ಸಂಸತ್ತಿನ ಸವಲತ್ತುಗಳನ್ನು ಅನುಭವಿಸುವುದಿಲ್ಲ. ಸಂವಿಧಾನದ 361 ನೇ ವಿಧಿಯು ರಾಷ್ಟ್ರಪತಿಗಳಿಗೆ ಸವಲತ್ತುಗಳನ್ನು ಒದಗಿಸುತ್ತದೆ.
ಶಾಸಕಾಂಗದ ಸವಲತ್ತು ಉಲ್ಲಂಘನೆಯಾಗಿದೆ ಎಂದು ಹೇಳಲಾದ ವಿಷಯಗಳಲ್ಲಿ ಅನುಸರಿಸಬೇಕಾದ ಕಾರ್ಯವಿಧಾನಗಳು:
- ಸದನದಲ್ಲಿ ಸ್ಪೀಕರ್ ಅಥವಾ ಅಧ್ಯಕ್ಷರು ಸವಲತ್ತು ಸಮಿತಿಯನ್ನು ರಚಿಸುತ್ತಾರೆ, ಇದು ಕೆಳಮನೆಯಲ್ಲಿ 15 ಸದಸ್ಯರನ್ನು ಮತ್ತು ಮೇಲ್ ಮನೆಯಲ್ಲಿ 11 ಸದಸ್ಯರನ್ನು ಒಳಗೊಂಡಿದೆ.
- ಸದನದಲ್ಲಿನ ಪಕ್ಷಗಳ ಸಂಖ್ಯೆಯನ್ನು ಆಧರಿಸಿ ಸಮಿತಿಯ ಸದಸ್ಯರನ್ನು ನಾಮಕರಣ ಮಾಡಲಾಗುತ್ತದೆ.
- ನಿರ್ಣಯದ ಕುರಿತ ಮೊದಲ ನಿರ್ಧಾರವನ್ನು ಸ್ಪೀಕರ್ ಅಥವಾ ಅಧ್ಯಕ್ಷರು ತೆಗೆದುಕೊಳ್ಳುತ್ತಾರೆ.
- ಮೇಲ್ನೋಟಕ್ಕೆ, ಸವಲತ್ತು ಉಲ್ಲಂಘನೆ ಅಥವಾ ತಿರಸ್ಕಾರ ಸಂದರ್ಭದಲ್ಲಿ, ಸ್ಪೀಕರ್ ಅಥವಾ ಅಧ್ಯಕ್ಷರು ನಿಗದಿಪಡಿಸಿದ ಕಾರ್ಯವಿಧಾನವನ್ನು ಅನುಸರಿಸುವ ಮೂಲಕ ಈ ವಿಷಯವನ್ನು ಸವಲತ್ತುಗಳ ಸಮಿತಿಗೆ ಉಲ್ಲೇಖಿಸುತ್ತಾರೆ.
- ಸಮಿತಿಯು,ಆರೋಪಿತ ವ್ಯಕ್ತಿಯು ನೀಡಿದ ಹೇಳಿಕೆಗಳಿಂದ ರಾಜ್ಯ ಶಾಸಕಾಂಗ ಮತ್ತು ಅದರ ಸದಸ್ಯರ ಅಪಮಾನವಾಗಿದೆಯೇ ಮತ್ತು ಸಾರ್ವಜನಿಕರ ಮುಂದೆ ಅವರ ವ್ಯಕ್ತಿತ್ವವು ಕೆಟ್ಟದಾಗಿ ನಿರೂಪಣೆ ಗೊಂಡಿದೆಯೇ ಎಂದು ಪರಿಶೀಲಿಸುತ್ತದೆ.
- ಸಮಿತಿಯು ಅರೆ-ನ್ಯಾಯಾಂಗ ಅಧಿಕಾರವನ್ನು ಹೊಂದಿದೆ ಮತ್ತು ಸಂಬಂಧಪಟ್ಟ ಎಲ್ಲರಿಂದ ಸ್ಪಷ್ಟೀಕರಣವನ್ನು ಪಡೆಯುತ್ತದೆ ಮತ್ತು ವಿಚಾರಣೆಯನ್ನು ನಡೆಸಿದ ನಂತರ, ಅದರ ಸಂಶೋಧನೆಗಳ ಆಧಾರದ ಮೇಲೆ ರಾಜ್ಯ ಶಾಸಕಾಂಗದ ಪರಿಗಣನೆಗೆ ಶಿಫಾರಸುಗಳನ್ನು ಮಾಡುತ್ತದೆ.
ವಿಷಯಗಳು: ಪ್ರಮುಖ ಅಂತರರಾಷ್ಟ್ರೀಯ ಸಂಸ್ಥೆಗಳು, ಏಜೆನ್ಸಿಗಳು ಮತ್ತು ವೇದಿಕೆಗಳು, ಅವುಗಳ ರಚನೆ, ಮತ್ತು ಆದೇಶ.
ಆಸಿಯಾನ್ ಸಭೆ:
(ASEAN)
ಸಂದರ್ಭ:
ತನ್ನ ದೇಶೀಯ ಉತ್ಪನ್ನಗಳಿಗೆ ಹೆಚ್ಚಿನ ಮಾರುಕಟ್ಟೆ ಪ್ರವೇಶವನ್ನು ಪಡೆಯಲು ಎರಡು ಪ್ರದೇಶಗಳ ನಡುವಿನ ಸರಕುಗಳಲ್ಲಿ ಮುಕ್ತ-ವ್ಯಾಪಾರ ಒಪ್ಪಂದ (free-trade agreement- FTA) ದ ಪರಿಶೀಲನೆಯನ್ನು ಪ್ರಾರಂಭಿಸಲು ಭಾರತವು 10-ರಾಷ್ಟ್ರಗಳನ್ನು ಒಳಗೊಂಡ ಸಂಘಟನೆಯಾದ ASEAN ನೊಂದಿಗೆ ಚರ್ಚೆಯಲ್ಲಿ ನಿರತವಾಗಿದೆ.
ಮುಕ್ತ ವ್ಯಾಪಾರ ಒಪ್ಪಂದ (FTA) ಎಂದರೇನು?
- ಇದು ಆಮದು ಮತ್ತು ರಫ್ತಿಗೆ ಇರುವ ಅಡೆತಡೆಗಳನ್ನು ಕಡಿಮೆ ಮಾಡಲು ಎರಡು ಅಥವಾ ಅದಕ್ಕಿಂತ ಹೆಚ್ಚಿನ ದೇಶಗಳ ನಡುವಿನ ಒಪ್ಪಂದವಾಗಿದೆ.
- ‘ಮುಕ್ತ ವ್ಯಾಪಾರ ನೀತಿ’ಯ ಅಡಿಯಲ್ಲಿ, ಸರಕು ಮತ್ತು ಸೇವೆಗಳನ್ನು ಕಡಿಮೆ ಅಥವಾ ಯಾವುದೇ ಸರ್ಕಾರಿ ಶುಲ್ಕಗಳು, ಕೋಟಾಗಳು, ಸಬ್ಸಿಡಿಗಳು ಅಥವಾ ನಿಷೇಧಗಳೊಂದಿಗೆ ಅಂತರರಾಷ್ಟ್ರೀಯ ಗಡಿಗಳಲ್ಲಿ ಖರೀದಿಸಬಹುದು ಮತ್ತು ಮಾರಾಟ ಮಾಡಬಹುದಾಗಿದೆ.
- ‘ಮುಕ್ತ ವ್ಯಾಪಾರ’ದ ಪರಿಕಲ್ಪನೆಯು ‘ವ್ಯಾಪಾರ ಸಂರಕ್ಷಣೆವಾದ’ ಅಥವಾ ‘ಆರ್ಥಿಕ ಪ್ರತ್ಯೇಕತೆವಾದ’ (Economic Isolationism) ಕ್ಕೆ ವಿರುದ್ಧವಾಗಿದೆ.
ASEAN ಎಂದರೇನು?
ಆಗ್ನೇಯ ಏಷ್ಯಾ ರಾಷ್ಟ್ರಗಳ ಸಂಘಟನೆ (Association of Southeast Asian Nations- ASEAN) ಒಂದು ಪ್ರಾದೇಶಿಕ ಸಂಘಟನೆಯಾಗಿದೆ.ಅದು ಏಷ್ಯಾ-ಪೆಸಿಫಿಕ್ ಪ್ರದೇಶದ ವಸಾಹತೋತ್ತರ ನಂತರದ ದೇಶಗಳ ನಡುವೆ ಹೆಚ್ಚುತ್ತಿರುವ ಉದ್ವಿಗ್ನತೆಯ ನಡುವೆ ರಾಜಕೀಯ ಮತ್ತು ಸಾಮಾಜಿಕ ಸ್ಥಿರತೆಯನ್ನು ಉತ್ತೇಜಿಸಲು ಇದನ್ನು ಸ್ಥಾಪಿಸಲಾಯಿತು.
ಆಸಿಯಾನ್‌ನ ಧ್ಯೇಯವಾಕ್ಯವೆಂದರೆ “ಒಂದು ದೃಷ್ಟಿ, ಒಂದು ಗುರುತು, ಒಂದು ಸಮುದಾಯ”(One Vision, One Identity, One Community).
ಆಸಿಯಾನ್ ನ ಸಚಿವಾಲಯ (Secretariat) ವು,ಇಂಡೋನೇಷ್ಯಾದ ಜಕಾರ್ತಾ ದಲ್ಲಿದೆ.
ಮೂಲ:
ಆಸಿಯಾನ್ ಅನ್ನು ಅದರ ಸ್ಥಾಪಕ ಸದಸ್ಯ ರಾಷ್ಟ್ರಗಳು 1967 ರಲ್ಲಿ ಆಸಿಯಾನ್ ಘೋಷಣೆಗೆ (ಬ್ಯಾಂಕ್ ಘೋಷಣೆ) ಸಹಿ ಹಾಕುವ ಮೂಲಕ ಸ್ಥಾಪಿಸಿದರು.
ಆಸಿಯಾನ್ ನ ಸ್ಥಾಪಕ ಸದಸ್ಯರು: ಇಂಡೋನೇಷ್ಯಾ, ಮಲೇಷ್ಯಾ, ಫಿಲಿಪೈನ್ಸ್, ಸಿಂಗಾಪುರ್ ಮತ್ತು ಥೈಲ್ಯಾಂಡ್.
ಆಸಿಯಾನ್‌ನ ಹತ್ತು ಸದಸ್ಯ ರಾಷ್ಟ್ರಗಳು: ಬ್ರೂನಿ, ಕಾಂಬೋಡಿಯಾ, ಇಂಡೋನೇಷ್ಯಾ, ಲಾವೋಸ್, ಮಲೇಷ್ಯಾ, ಮ್ಯಾನ್ಮಾರ್, ಫಿಲಿಪೈನ್ಸ್, ಸಿಂಗಾಪುರ್, ಥೈಲ್ಯಾಂಡ್ ಮತ್ತು ವಿಯೆಟ್ನಾಂ.
ಭಾರತಕ್ಕೆ ಆಸಿಯಾನ್ ನ ಮಹತ್ವ:
- ಲಡಾಖ್ ಉದ್ವಿಗ್ನತೆ ಸೇರಿದಂತೆ ಚೀನಾದ ಆಕ್ರಮಣಕಾರಿ ಧೋರಣೆಯ ಹಿನ್ನೆಲೆಯಲ್ಲಿ, ಭಾರತವು ‘ಆಸಿಯಾನ್’ ಅನ್ನು ಭಾರತದ ಆಕ್ಟ್ ಈಸ್ಟ್ / ಪೂರ್ವದತ್ತ ಕಾರ್ಯಾಚರಿಸು (India’s Act East policy) ನೀತಿಯ ಕೇಂದ್ರದಲ್ಲಿ ಇರಿಸಿದೆ. ಈ ಪ್ರದೇಶದ ಎಲ್ಲರ ಸುರಕ್ಷತೆ ಮತ್ತು ಅಭಿವೃದ್ಧಿಗೆ ಒಗ್ಗೂಡಿಸುವ ಮತ್ತು ಸ್ಪಂದಿಸುವ, ಜವಾಬ್ದಾರಿಯುತ ಆಸಿಯಾನ್ ಅಗತ್ಯ ಎಂದು ಭಾರತ ನಂಬಿದೆ.
- ಈ ‘ಪ್ರದೇಶದಲ್ಲಿನ ಎಲ್ಲರಿಗೂ ಸುರಕ್ಷತೆ ಮತ್ತು ಅಭಿವೃದ್ಧಿ’ ಗಾಗಿ (Security And Growth for All in the Region- SAGAR) ಎಂದರೆ ‘ಸಾಗರ್’ ದೃಷ್ಟಿಕೋನದ ಯಶಸ್ಸಿಗೆ ಆಸಿಯಾನ್ ನ ಪಾತ್ರ ಬಹಳ ಮುಖ್ಯವಾದುದು.
- COVID-19 ಸಾಂಕ್ರಾಮಿಕ ರೋಗದ ಅಂತ್ಯದ ನಂತರ ಆರ್ಥಿಕ ಚೇತರಿಕೆಗಾಗಿ ಪೂರೈಕೆ ಸರಪಳಿಗಳ ವೈವಿಧ್ಯೀಕರಣ ಮತ್ತು ಸ್ಥಿತಿಸ್ಥಾಪಕತ್ವಕ್ಕೆ ಈ ವಲಯವು ನಿರ್ಣಾಯಕವಾಗಿ ಮಹತ್ವದ್ದಾಗಿದೆ.
- ASEAN ಭಾರತದ ನಾಲ್ಕನೇ ಅತಿದೊಡ್ಡ ವ್ಯಾಪಾರ ಪಾಲುದಾರನಾಗಿದ್ದು, ಇದರೊಂದಿಗೆ ಭಾರತವು ಸುಮಾರು 86.9 ಬಿಲಿಯನ್ US ಡಾಲರ್ ವಹಿವಾಟು ನಡೆಸುತ್ತಿದೆ.
ವಿಷಯಗಳು: ಭಾರತ ಮತ್ತು ನೆರೆಹೊರೆಯ ದೇಶಗಳೊಂದಿಗಿನ ಅದರ ಸಂಬಂಧಗಳು:
ಇಂಡೋ-ಪೆಸಿಫಿಕ್ ವಲಯ:
(Indo-Pacific)
ಸಂದರ್ಭ:
ಉಕ್ರೇನ್ ಕಡೆಗೆ ರಷ್ಯಾದ ಆಕ್ರಮಣಕಾರಿ ನಡವಳಿಕೆಗಳ ಬಗ್ಗೆ ಇರುವ ಕಳವಳಗಳ ಹೊರತಾಗಿಯೂ ತಾನು ಇಂಡೋ-ಪೆಸಿಫಿಕ್ ಪ್ರದೇಶದ ಮೇಲೆ ದೀರ್ಘಾವಧಿಯ ಗಮನವನ್ನು ಕೇಂದ್ರೀಕರಿಸಿರುವುದಾಗಿ ಯುನೈಟೆಡ್ ಸ್ಟೇಟ್ಸ್ ಹೇಳಿದೆ. ಇದು ಇಂಡೋ-ಪೆಸಿಫಿಕ್ ಪ್ರದೇಶದ ಪ್ರಾಮುಖ್ಯತೆಯನ್ನು ಮತ್ತು ಈ ಪ್ರದೇಶದ ಭದ್ರತೆಯನ್ನು ಖಾತ್ರಿಪಡಿಸುವಲ್ಲಿ ಭಾರತವು ವಹಿಸಬೇಕಾದ ಪಾತ್ರವನ್ನು ಎತ್ತಿ ತೋರಿಸುತ್ತದೆ.
‘ಇಂಡೋ-ಪೆಸಿಫಿಕ್’ ಎಂದರೇನು?
ಒಂದೇ ಆಯಕಟ್ಟಿನ ಪ್ರದೇಶವಾಗಿ ‘ಇಂಡೋ-ಪೆಸಿಫಿಕ್’ (Indo- Pacific) ಪ್ರದೇಶದ ಪರಿಕಲ್ಪನೆಯು, ಹಿಂದೂ ಮಹಾಸಾಗರ ಪ್ರದೇಶದಲ್ಲಿ ಚೀನಾದ ಹೆಚ್ಚುತ್ತಿರುವ ಪ್ರಭಾವದ ಫಲಿತಾಂಶವಾಗಿದೆ. ಆ ಮೂಲಕ ಹಿಂದೂ ಮಹಾಸಾಗರ ಮತ್ತು ಪೆಸಿಫಿಕ್ ಮಹಾಸಾಗರದ ನಡುವಿನ ಸಂವಹನ ಮತ್ತು ಭದ್ರತೆ ಮತ್ತು ವ್ಯಾಪಾರ ವಹಿವಾಟಿಗಾಗಿ ಸಾಗರಗಳ ಮಹತ್ವವನ್ನು ಸಂಕೇತಿಸುವುದಾಗಿದೆ.
‘ಇಂಡೋ-ಪೆಸಿಫಿಕ್ ವಲಯ’ದ ಮಹತ್ವ:
- ಪ್ರಾದೇಶಿಕ ಸಮತೋಲನವನ್ನು ಕಾಪಾಡಿಕೊಳ್ಳಲು.
- ಭಾರತದ ಕಾರ್ಯತಂತ್ರದ ಭಾಗವಾಗಿ, ಯುಎಸ್ ಜೊತೆ ಬಲವಾದ ಸಂಬಂಧಗಳನ್ನು ಒಂದು ಪ್ರಮುಖ ಸಾಧನವಾಗಿ ನೋಡಲಾಗುತ್ತದೆ.
- ರಾಷ್ಟ್ರೀಯ ಹಿತಾಸಕ್ತಿಗಳಿಗಾಗಿ ದೀರ್ಘಕಾಲೀನ ದೃಷ್ಟಿ-ಕೋನ.
- ಹಿಂದೂ ಮಹಾಸಾಗರ ಪ್ರದೇಶದಲ್ಲಿ ಚೀನಾದ ಸಕ್ರಿಯ ಉಪಸ್ಥಿತಿ, ವ್ಯಾಪಾರ ಮತ್ತು ಮಿಲಿಟರಿ ಬಳಕೆಯ ಮೂಲಕ ಏಷ್ಯಾ ಮತ್ತು ಅದರಾಚೆ ಭೌಗೋಳಿಕ ರಾಜಕೀಯ (geo -politics) ವ್ಯಾಪ್ತಿಯನ್ನು ವಿಸ್ತರಿಸಲು ಪ್ರಯತ್ನಿಸುತ್ತಿರುವ ಚೀನಾದ ಪ್ರಯತ್ನಗಳನ್ನು ತಡೆಯಲು.
- ಮುಕ್ತ ಸಾರಿಗೆಯ ಸ್ವಾತಂತ್ರ್ಯಕ್ಕೆ ಬದ್ಧವಾಗಿರಲು, ಕಾನೂನು ಆಧಾರಿತ ವ್ಯವಸ್ಥೆಯನ್ನು ಅನುಸರಿಸಲು ಮತ್ತು ವ್ಯವಹಾರಕ್ಕಾಗಿ ಸುಸಂಘಟಿತ ವಾತಾವರಣವನ್ನು ಸೃಷ್ಟಿಸುವುದು.
- ಉಚಿತ ಸಮುದ್ರ ಮತ್ತು ವಾಯುಮಾರ್ಗಗಳ ಸಂಪರ್ಕಕ್ಕಾಗಿ; ಅಂತರರಾಷ್ಟ್ರೀಯ ನಿಯಮಗಳು ಮತ್ತು ಮಾನದಂಡಗಳನ್ನು ಕಾಪಾಡಿಕೊಳ್ಳುವುದು.
- ಇಂಡೋ-ಪೆಸಿಫಿಕ್ ಪ್ರದೇಶವು ಆರ್ಥಿಕ ಮತ್ತು ರಾಜಕೀಯವಾಗಿ ಪ್ರಪಂಚದಲ್ಲಿ ವೇಗವಾಗಿ ಬೆಳೆಯುತ್ತಿರುವ ಪ್ರದೇಶವಾಗಿದೆ, ಕಳೆದ ಐದು ವರ್ಷಗಳಲ್ಲಿ ಜಾಗತಿಕ ಆರ್ಥಿಕ ಬೆಳವಣಿಗೆಯ ಮೂರನೇ ಎರಡರಷ್ಟು ಭಾಗವನ್ನು ಹೊಂದಿದೆ ಮತ್ತು ವಿಶ್ವದ ಅರ್ಧದಷ್ಟು ಜನಸಂಖ್ಯೆಗೆ ನೆಲೆಯಾಗಿದೆ.
‘ಇಂಡೋ-ಪೆಸಿಫಿಕ್ ಪ್ರದೇಶ’ದಲ್ಲಿ ಭಾರತದ ಪಾತ್ರ ಮತ್ತು ಪರಿಣಾಮಗಳು:
- ಇಂಡೋ-ಪೆಸಿಫಿಕ್ ಪ್ರದೇಶವು ರಾಷ್ಟ್ರೀಯ ಭದ್ರತಾ ಕಾರ್ಯತಂತ್ರದಲ್ಲಿ ವಿವರಿಸಿದಂತೆ, ವಿಶ್ವದ ಅತ್ಯಂತ ಜನನಿಬಿಡ ಮತ್ತು ಆರ್ಥಿಕವಾಗಿ ಕ್ರಿಯಾತ್ಮಕ ಭಾಗವನ್ನು ಪ್ರತಿನಿಧಿಸುತ್ತದೆ. ಇದು ಭಾರತದ ಪಶ್ಚಿಮ ಕರಾವಳಿಯಿಂದ ಅಮೆರಿಕ ಸಂಯುಕ್ತ ಸಂಸ್ಥಾನದ ಪಶ್ಚಿಮ ಕರಾವಳಿಯ ತೀರದವರೆಗೆ ವ್ಯಾಪಿಸಿದೆ.
- ಭಾರತ ಯಾವಾಗಲೂ ಮಹಾನ್ ರಾಷ್ಟ್ರೀಯ ಮಹತ್ವಾಕಾಂಕ್ಷೆಗಳನ್ನು ಹೊಂದಿರುವ ದೇಶವಾಗಿದೆ ಮತ್ತು “ಇಂಡೋ-ಪೆಸಿಫಿಕ್ ಸ್ಟ್ರಾಟಜಿ” ಪರಿಕಲ್ಪನೆಯ ಪ್ರಮುಖ ವಕ್ತಾರರಲ್ಲಿ ಒಂದಾಗಿದೆ.
- ಮುಕ್ತ ಆರ್ಥಿಕತೆಯ ಪ್ರಾರಂಭದೊಂದಿಗೆ , ಭಾರತವು ತನ್ನ ಹಿಂದೂ ಮಹಾಸಾಗರದಲ್ಲಿನ ನೆರೆಯ ದೇಶಗಳೊಂದಿಗೆ ಮತ್ತು ವಿಶ್ವದ ಪ್ರಮುಖ ಕಡಲ ಶಕ್ತಿಗಳೊಂದಿಗೆ ಸಂಬಂಧವನ್ನು ಸ್ಥಾಪಿಸುತ್ತಿದೆ.
ಸಾಮಾನ್ಯ ಅಧ್ಯಯನ ಪತ್ರಿಕೆ : 3
ವಿಷಯಗಳು: ವಿಜ್ಞಾನ ಮತ್ತು ತಂತ್ರಜ್ಞಾನ- ಬೆಳವಣಿಗೆಗಳು ಮತ್ತು ಅವುಗಳ ಅನ್ವಯಗಳು ಮತ್ತು ದೈನಂದಿನ ಜೀವನದಲ್ಲಿ ಅವುಗಳ ಪರಿಣಾಮಗಳು ವಿಜ್ಞಾನ ಮತ್ತು ತಂತ್ರಜ್ಞಾನದಲ್ಲಿ ಭಾರತೀಯರ ಸಾಧನೆಗಳು;ತಂತ್ರಜ್ಞಾನದ ದೇಸೀಕರಣ ಮತ್ತು ಹೊಸ ತಂತ್ರಜ್ಞಾನವನ್ನು ಅಭಿವೃದ್ಧಿಪಡಿಸುವುದು.
ಪರಮಾಣು ಸಮ್ಮಿಳನ ತಂತ್ರಜ್ಞಾನ / ನ್ಯೂಕ್ಲಿಯರ್ ಫ್ಯೂಷನ್ ತಂತ್ರಜ್ಞಾನ:
(Nuclear Fusion Technology)
ಸಂದರ್ಭ:
ಯುನೈಟೆಡ್ ಕಿಂಗ್‌ಡಂನ ವಿಜ್ಞಾನಿಗಳು ಪರಮಾಣು ಸಮ್ಮಿಳನ ಶಕ್ತಿಯನ್ನು ಉತ್ಪಾದಿಸುವಲ್ಲಿ ಹೊಸ ಮೈಲಿಗಲ್ಲನ್ನು ಸಾಧಿಸಿರುವುದಾಗಿ ಹೇಳಿದ್ದಾರೆ ಅಂದರೆ ಇದು ಸೂರ್ಯನಲ್ಲಿ ಶಕ್ತಿ ಉತ್ಪಾದನಾ ವಿಧಾನದ ಅನುಕರಣೆ ಯಾಗಿದೆ.
ಹೊಸ ದಾಖಲೆ:
ಅಣ್ವಸ್ತ್ರಗಳಲ್ಲಿ ಮೂಲತಃ ನಡೆಯುವ ಕ್ರಿಯೆ ಎಂದರೆ ಯುರೇನಿಯಂ ಎಂಬ ರಾಸಾಯನಿಕ ಕಣಗಳ ಬೇರ್ಪಡುವಿಕೆ ಅಥವಾ ಒತ್ತಡದ ಸಮ್ಮಿಳನ. ಇದರಿಂದ ಭಾರಿ ಪ್ರಮಾಣದ ಶಕ್ತಿ ಉತ್ಪಾದನೆ ಆಗುತ್ತದೆ.
ಸಣ್ಣಗಾತ್ರದ ಯುರೇನಿಯಂ ನಿಂದ ಹಲವಾರು ವರ್ಷಗಳವರೆಗೆ ವಿದ್ಯುತ್ ಅನ್ನು ಪಡೆಯಬಹುದು. ನಕ್ಷತ್ರಗಳನ್ನು ಬೆಳಗಿಸುವ ಶಕ್ತಿಯು ಇದೆ ಆಗಿದೆ.
- ಇತ್ತೀಚಿಗೆ ಇಂತಹದ್ದೇ ಒಂದು ಯುರೇನಿಯಂ ಕಣವನ್ನು ಬಳಸಿ ಯುರೋಪಿನಲ್ಲಿ ವಿಜ್ಞಾನಿಗಳು ಸಂಶೋಧನೆ ನಡೆಸಿ ಸಮ್ಮಿಳನ ಪ್ರಕ್ರಿಯೆಯ ಮೂಲಕ 59 ಮೆಗಾ ಜೌಲ್ಸ್ ಪ್ರಮಾಣದ ಶಕ್ತಿಯನ್ನು ಉತ್ಪಾದನೆ ಮಾಡಿದ್ದಾರೆ. ಇದು ಈವರೆಗಿನ ಅತ್ಯಂತ ಹೆಚ್ಚು ಶಕ್ತಿ ಉತ್ಪಾದನೆ ಎಂಬ ದಾಖಲೆಯನ್ನು ಬರೆದಿದೆ. ಆಕ್ಸ್ಫರ್ಡ್ ಸಮೀಪದ ಕಲ್ ಹ್ಯಾಮ್ ನಲ್ಲಿರುವ ಯು ಕೆ ಆಟಾಮಿಕ್ ಎನರ್ಜಿ ಆಯೋಗದಲ್ಲಿ ಸಮ್ಮಿಳನ ಪ್ರಕ್ರಿಯೆ ನಡೆದಿದೆ.
- 1997 ರಲ್ಲಿ ಇದೇ ಮಾದರಿಯ ಪರಮಾಣು ಸಮ್ಮೇಳನದ ಮೂಲಕ 22 ಮೆಗಾ ಜೌಲ್ಸ್ ಶಕ್ತಿ ಉತ್ಪಾದನೆ ಮಾಡಿದ್ದು ಈವರೆಗಿನ ದಾಖಲೆಯಾಗಿತ್ತು.
ಕಾರ್ಬನ್ ಹೊರಸೂಸುವಿಕೆ ಗಣನೀಯವಾಗಿ ಕಡಿಮೆ ಮಾಡಿ ಅಪಾರ ಪ್ರಮಾಣದ ಶಕ್ತಿ ಸಂಗ್ರಹ ಮತ್ತು ವಿದ್ಯುತ್ ಪೂರೈಕೆಗಾಗಿ ಜಗತ್ತಿಗೆ ಇರುವ ಏಕೈಕ ಮಾರ್ಗವೆಂದರೆ ಅದು ಪರಮಾಣು ಸಮ್ಮಿಳನ ಪ್ರಕ್ರಿಯೆ ಮಾತ್ರವಾಗಿದೆ.
- ಕಲ್ಲಿದ್ದಲನ್ನು ಸುಡುವ ಶಕ್ತಿಯ 10 ಮಿಲಿಯನ್ ಪಟ್ಟು ಶಕ್ತಿಯನ್ನು ಉತ್ಪಾದಿಸುವ ಸಾಮರ್ಥ್ಯದೊಂದಿಗೆ, ಮುಂದಿನ ಶತಮಾನಗಳವರೆಗೆ ಜಗತ್ತನ್ನು ಸುಸ್ಥಿರವಾಗಿ ಶಕ್ತಿಯುತಗೊಳಿಸಲು ಪರಮಾಣು ಸಮ್ಮಿಳನವು ಸಮರ್ಥವಾಗಿದೆ.
ಪ್ರಯೋಗ:
ಡೋನಟ್-ಆಕಾರದ ಉಪಕರಣವಾದ ಟೋಕಮಾಕ್ ಎಂಬ ಯಂತ್ರದಲ್ಲಿ ಶಕ್ತಿಯನ್ನು ಉತ್ಪಾದಿಸಲಾಯಿತು ಮತ್ತು Joint European Torus (JET) ಸೈಟ್ ಪ್ರಪಂಚದಲ್ಲೇ ಈ ರೀತಿಯ ದೊಡ್ಡ ಕಾರ್ಯಾಚರಣೆಯ ಸ್ಥಳಾವಾಗಿದೆ.
- ಪ್ಲಾಸ್ಮಾವನ್ನು ರೂಪಿಸಲು, ಹೈಡ್ರೋಜನ್ ನ ಐಸೊಟೋಪ್ ಗಳಾದ ಡ್ಯೂಟೇರಿಯಮ್ ಮತ್ತು ಟ್ರಿಟಿಯಮ್, ಗಳನ್ನು ಸೂರ್ಯನ ಮಧ್ಯಭಾಗಕ್ಕಿಂತ 10 ಪಟ್ಟು ಹೆಚ್ಚು ತಾಪಮಾನಕ್ಕೆ ಬಿಸಿಮಾಡಲಾಗುತ್ತದೆ.
- ಇದು ಸೂಪರ್ ಕಂಡಕ್ಟರ್ ಎಲೆಕ್ಟ್ರೋಮ್ಯಾಗ್ನೆಟ್‌ಗಳನ್ನು ಬಳಸಿಕೊಂಡು ಸ್ಥಳದಲ್ಲಿ ಹಿಡಿದಿಟ್ಟುಕೊಳ್ಳುತ್ತದೆ, ಅದು ಸುತ್ತಲೂ ತಿರುಗುತ್ತದೆ, ಬೆಸೆಯುತ್ತದೆ ಮತ್ತು ಶಾಖದ ರೂಪದಲ್ಲಿ ಪ್ರಚಂಡ ಶಕ್ತಿಯನ್ನು ಬಿಡುಗಡೆ ಮಾಡುತ್ತದೆ.
ಈ ಸಾಧನೆಯು ಏಕೆ ಅಷ್ಟೊಂದು ಮಹತ್ವದ್ದಾಗಿದೆ?
ಪರಮಾಣು ಸಮ್ಮಿಳನದ ಶಕ್ತಿಯು ಮಾನವಕುಲದ ದೀರ್ಘಾವಧಿಯ ಅನ್ವೇಷಣೆಗಳಲ್ಲಿ ಒಂದಾಗಿದೆ, ಏಕೆಂದರೆ ಇದು ಕಾರ್ಬನ್ ಹೊರಸೂಸುವಿಕೆ ಗಣನೀಯವಾಗಿ ಕಡಿಮೆ ಮಾಡುವ ಭರವಸೆಯನ್ನು ನೀಡುತ್ತದೆ, ಈಗ ಉತ್ಪಾದಿಸಲಾಗುತ್ತಿರುವ ಪರಮಾಣು ಶಕ್ತಿಗಿಂತ ಸುರಕ್ಷಿತವಾಗಿದೆ ಮತ್ತು ತಾಂತ್ರಿಕವಾಗಿ 100% ಮೀರುವ ದಕ್ಷತೆಯನ್ನು ಹೊಂದಿದೆ.
ಅಲ್ಲದೆ, ಈ ನಿರ್ಣಾಯಕ ಪ್ರಯೋಗಗಳ ದಾಖಲೆಗಳು ಮತ್ತು ವೈಜ್ಞಾನಿಕ ಮಾಹಿತಿಯು JET ಯ ದೊಡ್ಡ ಮತ್ತು ಹೆಚ್ಚು ಸುಧಾರಿತ ಆವೃತ್ತಿಯಾದ ITER ಗೆ ಪ್ರಮುಖ ಉತ್ತೇಜನವಾಗಿದೆ.
ಅಂತರಾಷ್ಟ್ರೀಯ ಥರ್ಮೋನ್ಯೂಕ್ಲಿಯರ್ ಪ್ರಾಯೋಗಿಕ ರಿಯಾಕ್ಟರ್ (International Thermonuclear Experimental Reactor -ITER)) ಕುರಿತು:
ITER ಯೋಜನೆಯು ಒಂದು ಸಮ್ಮಿಳನ ಸಂಶೋಧನಾ ಮೆಗಾ ಪ್ರಾಜೆಕ್ಟ್ (fusion research mega-project) ಆಗಿದೆ. ಸಮ್ಮಿಳನ ಶಕ್ತಿಯ ವೈಜ್ಞಾನಿಕ ಮತ್ತು ತಾಂತ್ರಿಕ ಕಾರ್ಯಸಾಧ್ಯತೆಯನ್ನು ಮತ್ತಷ್ಟು ಪ್ರದರ್ಶಿಸಲು ದಕ್ಷಿಣ ಫ್ರಾನ್ಸ್‌ನಲ್ಲಿ ನೆಲೆಗೊಂಡಿರುವ ಇದು ಚೀನಾ, ಐರೋಪ್ಯ ಒಕ್ಕೂಟ, ಭಾರತ, ದಕ್ಷಿಣ ಕೊರಿಯಾ, ಜಪಾನ್, ರಷ್ಯಾ ಮತ್ತು ಯುನೈಟೆಡ್ ಸ್ಟೇಟ್ಸ್ ಸೇರಿದಂತೆ ಹಲವಾರು ದೇಶಗಳ ಬೆಂಬಲವನ್ನು ಹೊಂದಿದೆ.
ITER ನ ಕಾರ್ಯ:
- 500 MW ಫ್ಯೂಷನ್ ಪವರ್ ಉತ್ಪಾದಿಸುತ್ತದೆ.
- ಸಮ್ಮಿಳನ ವಿದ್ಯುತ್ ಸ್ಥಾವರಕ್ಕಾಗಿ ತಂತ್ರಜ್ಞಾನಗಳ ಸಮಗ್ರ ಕಾರ್ಯಾಚರಣೆಯನ್ನು ಪ್ರದರ್ಶಿಸುತ್ತದೆ.
- ಡ್ಯೂಟೇರಿಯಮ್-ಟ್ರಿಟಿಯಮ್ ಪ್ಲಾಸ್ಮಾವನ್ನು ಉತ್ಪಾದಿಸಲಾಗುತ್ತದೆ, ಇದರಲ್ಲಿ ಪ್ರತಿಕ್ರಿಯೆಯು ಆಂತರಿಕ ತಾಪನದ ಮೂಲಕ ನಿರಂತರವಾಗಿರುತ್ತದೆ.
- ಟ್ರಿಟಿಯಮ್ ಕಾರ್ಯಚರಣೆಯನ್ನು ಪರೀಕ್ಷಿಸುವುದು.
- ಸಮ್ಮಿಳನ ಸಾಧನದ ಸುರಕ್ಷತಾ ಗುಣಲಕ್ಷಣಗಳನ್ನು ಪ್ರದರ್ಶಿಸುವುದು.
ಏನದು ಪರಮಾಣು ಸಮ್ಮಿಳನ ತಂತ್ರಜ್ಞಾನ?
- ನ್ಯೂಕ್ಲಿಯರ್ ಸಮ್ಮಿಳನವು ಒಂದು ನ್ಯೂಕ್ಲಿಯರ್ ಪ್ರತಿಕ್ರಿಯೆಯನ್ನು ಸೂಚಿಸುತ್ತದೆ, ಇದರಲ್ಲಿ ಎರಡು ಅಥವಾ ಹೆಚ್ಚು ಹಗುರವಾದ ನ್ಯೂಕ್ಲಿಯಸ್ಗಳು ಒಂದು ಭಾರವಾದ ನ್ಯೂಕ್ಲಿಯಸ್ ಅನ್ನು ಸೃಷ್ಟಿಸುತ್ತವೆ, ಇದು ಹೈಡ್ರೋಜನ್ ಪರಮಾಣುಗಳು ಫ್ಯೂಸ್ ಹೀಲಿಯಂ ಅನ್ನು ರೂಪಿಸಲು ಅಪಾರ ಪ್ರಮಾಣದ ಶಕ್ತಿಯನ್ನು ಉತ್ಪಾದಿಸುತ್ತದೆ. ಪರಮಾಣು ಸಮ್ಮಿಳನದಲ್ಲಿ, ಎರಡು ಧನಾತ್ಮಕ ಆವೇಶದ ನ್ಯೂಕ್ಲಿಯಸ್ಗಳು ಒಂದು ದೊಡ್ಡ ನ್ಯೂಕ್ಲಿಯಸ್ ಅನ್ನು ರೂಪಿಸಲು ಸಂಯೋಜಿಸುತ್ತವೆ. ರೂಪುಗೊಂಡ ನ್ಯೂಕ್ಲಿಯಸ್‌ನ ದ್ರವ್ಯರಾಶಿ ಪ್ರತ್ಯೇಕ ನ್ಯೂಕ್ಲಿಯಸ್‌ಗಳ ಸಮೂಹಕ್ಕಿಂತ ಸ್ವಲ್ಪ ಕಡಿಮೆ.
- ಈ ಪ್ರಕ್ರಿಯೆಯಲ್ಲಿ, ಕಡಿಮೆ ಶಕ್ತಿಯ ಪರಮಾಣುಗಳನ್ನು ಬೆಸೆಯಲು ಒತ್ತಾಯಿಸಲು ಗಣನೀಯ ಪ್ರಮಾಣದ ಶಕ್ತಿಯ ಅಗತ್ಯವಿದೆ. ಇದಲ್ಲದೆ, ಈ ಪ್ರಕ್ರಿಯೆಯು ನಡೆಯಲು ವಿಪರೀತ ಪರಿಸ್ಥಿತಿಗಳು ಬೇಕಾಗುತ್ತವೆ, ಅಂದರೆ ಹೆಚ್ಚಿನ ತಾಪಮಾನ ಮತ್ತು ಒತ್ತಡದ ಹೆಚ್ಚಿನ ಪ್ಯಾಸ್ಕಲ್‌ಗಳು. ಸೂರ್ಯ ಸೇರಿದಂತೆ ಎಲ್ಲಾ ನಕ್ಷತ್ರಗಳಿಗೆ ಶಕ್ತಿಯ ಮೂಲವೆಂದರೆ ಹೈಡ್ರೋಜನ್ ನ್ಯೂಕ್ಲಿಯಸ್‌ಗಳನ್ನು ಹೀಲಿಯಂ ಆಗಿ ಬೆಸೆಯುವುದು.
ಸಮ್ಮಿಳನವು ಸೂರ್ಯ ಮತ್ತು ನಕ್ಷತ್ರಗಳ ಶಕ್ತಿಯ ಮೂಲವಾಗಿದೆ.ಈ ನಾಕ್ಷತ್ರಿಕ ಕಾಯಗಳ ಮಧ್ಯಭಾಗದಲ್ಲಿರುವ ಪ್ರಚಂಡ ಶಾಖ ಮತ್ತು ಗುರುತ್ವಾಕರ್ಷಣೆಯಿಂದಾಗಿ, ಹೈಡ್ರೋಜನ್ ನ್ಯೂಕ್ಲಿಯಸ್ಗಳು ಒಂದಕ್ಕೊಂದು ಡಿಕ್ಕಿ ಹೊಡೆಯುತ್ತವೆ, ಇದರ ಪರಿಣಾಮವಾಗಿ ಹೈಡ್ರೋಜನ್ ನ್ಯೂಕ್ಲಿಯಸ್ಗಳು ಬೆಸೆದು ಭಾರವಾದ ಹೀಲಿಯಂ ಅಣುಗಳನ್ನು ರೂಪಿಸುತ್ತವೆ.ಈ ಪ್ರಕ್ರಿಯೆಯಲ್ಲಿ ಅಪಾರ ಪ್ರಮಾಣದ ಶಕ್ತಿಯು ಬಿಡುಗಡೆಯಾಗುತ್ತದೆ.
ಪ್ರಯೋಗಾಲಯದಲ್ಲಿ ಸಮ್ಮಿಳನವನ್ನು ಸಾಧಿಸಲು ಮೂರು ಷರತ್ತುಗಳನ್ನು ಪೂರೈಸುವುದು ಅನಿವಾರ್ಯ:
- ಅತಿ ಹೆಚ್ಚಿನ ತಾಪಮಾನ (150,000,000 ° ಸೆಲ್ಸಿಯಸ್ ಕ್ರಮದಲ್ಲಿ).
- ಸಾಕಷ್ಟು ಪ್ಲಾಸ್ಮಾ ಕಣದ ಸಾಂದ್ರತೆ (ಘರ್ಷಣೆಗಳು ಸಂಭವಿಸುವ ಸಾಧ್ಯತೆಯನ್ನು ಹೆಚ್ಚಿಸಲು).
- ಸಾಕಷ್ಟು ಬಂಧನ ಸಮಯ (ವ್ಯಾಖ್ಯಾನಿತ ಪರಿಮಾಣದೊಳಗೆ ವಿಸ್ತರಿಸುವ ಪ್ರವೃತ್ತಿಯನ್ನು ಹೊಂದಿರುವ ಪ್ಲಾಸ್ಮಾವನ್ನು ಹಿಡಿದಿಟ್ಟುಕೊಳ್ಳಲು).
ವಿಷಯಗಳು: ಜೀವ ವೈವಿಧ್ಯತೆ ಮತ್ತು ಪರಿಸರ ಸಂರಕ್ಷಣೆ.
ಭಾರತಕ್ಕೆ ಪಳೆಯುಳಿಕೆ ಇಂಧನಗಳಿಂದ ಪರಿವರ್ತನೆಯ ತಂತ್ರ ಏಕೆ ಬೇಕು?
(Why does India need a transition strategy away from fossil fuel?)
ಸಂದರ್ಭ:
ರಷ್ಯಾ ಮತ್ತು ಸೌದಿ ಅರೇಬಿಯಾದಂತಹ ಇಂಧನ ದೈತ್ಯರು ಭಾರತದಲ್ಲಿ ಬೆಳೆಯುತ್ತಿರುವ ಇಂಧನ ಮಾರುಕಟ್ಟೆಯಲ್ಲಿ ತಮ್ಮ ಒಂದು ಪಾಲನ್ನು ಹುಡುಕುತ್ತಿದ್ದಾರೆ.
- ಪೆಟ್ರೋಲಿಯಂ-ರಫ್ತು ಮಾಡುವ ದೇಶಗಳ ಸಂಘಟನೆ (Organisation of the Petroleum-Exporting Countries -Opec) ಯ ಅಂದಾಜಿನ ಪ್ರಕಾರ, ವಿಶ್ವ ತೈಲ ಬೇಡಿಕೆಯು 2021 ರಲ್ಲಿ ದಿನವೊಂದಕ್ಕೆ ಇದ್ದ 96.44 ಮಿಲಿಯನ್ ಬ್ಯಾರೆಲ್‌ಗಳಿಂದ (MB/d) 2022 ರಲ್ಲಿ 100.59 Mb/d ಗೆ ಹೆಚ್ಚಾಗುವ ನಿರೀಕ್ಷೆಯಿದೆ.
- ಆದ್ದರಿಂದ, ಏರುತ್ತಿರುವ ಬೆಲೆಗಳನ್ನು ಎದುರಿಸಲು ಮತ್ತು ಸುಸ್ಥಿರತೆಯನ್ನು ಖಚಿತಪಡಿಸಿಕೊಳ್ಳಲು, ಭಾರತಕ್ಕೆ ಪಳೆಯುಳಿಕೆ ಇಂಧನಗಳಿಂದ ದೂರವಿರುವ ಪರಿವರ್ತನೆಯ ತಂತ್ರಜ್ಞಾನದ ಅಗತ್ಯತೆಯಿದೆ.
ಭಾರತವು ಪರ್ಯಾಯಗಳನ್ನು ಏಕೆ ಅನ್ವೇಷಿಸಬೇಕಾಗಿದೆ?
- ಭಾರತವು 85% ತೈಲ ಮತ್ತು ತನ್ನ ಅರ್ಧದಷ್ಟು ಇಂಧನ ಅಗತ್ಯಗಳಿಗಾಗಿ ಆಮದುಗಳನ್ನು ಅವಲಂಬಿಸಿರುತ್ತದೆ. ಅಸ್ತಿತ್ವದಲ್ಲಿರುವ ಸ್ಥಳೀಯ ಇಂಧನ ಉತ್ಪಾದನಾ ಕ್ಷೇತ್ರಗಳನ್ನು ಉತ್ತಮವಾಗಿ ನಿರ್ವಹಿಸುವ ಮೂಲಕ ಇದು ತೈಲ ಉತ್ಪಾದನೆಯನ್ನು 20% ರಷ್ಟು ಹೆಚ್ಚಿಸಬಹುದು, ಆದರೆ ಹೆಚ್ಚಿನದಕ್ಕಾಗಿ, ಇದು ದೀರ್ಘಕಾಲದಿಂದ ಬಂದಿರದ ಪ್ರಮುಖ ಆವಿಷ್ಕಾರಗಳ ಅಗತ್ಯವಿರುತ್ತದೆ.
- ಬಳಕೆಯ ಹೆಚ್ಚಳದೊಂದಿಗೆ ಅಡುಗೆ ಇಂಧನವು ಭಾರತದ ಹೊಸ ದುರ್ಬಲತೆಯಾಗಿರಬಹುದು. ಆದರೆ ಅದರ ಜಾಗತಿಕ ಪೂರೈಕೆಯು ಶೀಘ್ರವಾಗಿ ಅಥವಾ ನಂತರ ಗಣನೀಯವಾಗಿ ಬೆಳೆಯಲು ಅಸಂಭವವಾಗಿದೆ ಏಕೆಂದರೆ ಹೊಸ ಸಂಸ್ಕರಣಾಗಾರಗಳು LPG ಅನ್ನು ಫೀಡ್‌ಸ್ಟಾಕ್ ಆಗಿ ಪರಿವರ್ತಿಸುವ ಪೆಟ್ರೋಕೆಮಿಕಲ್‌ಗಳ ತಯಾರಿಕೆಗೆ ಆದ್ಯತೆ ನೀಡಬಹುದು.
ಆದ್ದರಿಂದ, ಭಾರತವು LPG ಗೆ ಬದಲಾಗಿ ಎಲೆಕ್ಟ್ರಿಕಲ್, ಫೋಟೋ ವೋಲ್ಟಾಯಿಕ್, ಇಂಧನ ಅಥವಾ ಜೈವಿಕ ಅನಿಲದಂತಹ ಪರ್ಯಾಯಗಳನ್ನು ಅನ್ವೇಷಿಸಬೇಕಾಗಿದೆ.
ಪ್ರಸ್ತುತ ಮುಖ್ಯ ಕಾಳಜಿ:
ವಿಶ್ವಸಂಸ್ಥೆಯ ಪರಿಸರ ಕಾರ್ಯಕ್ರಮದ (UNEP) ಇತ್ತೀಚಿನ ‘ಪ್ರೊಡಕ್ಷನ್ ಗ್ಯಾಪ್ ರಿಪೋರ್ಟ್’ (Production Gap Report) ಭಾರತ ಸೇರಿದಂತೆ 15 ಪ್ರಮುಖ ಪಳೆಯುಳಿಕೆ ಇಂಧನ ಉತ್ಪಾದಿಸುವ ದೇಶಗಳು 2015 ಪ್ಯಾರಿಸ್ ಹವಾಮಾನ ಒಪ್ಪಂದದ ಅಡಿಯಲ್ಲಿ ನಿಗದಿಪಡಿಸಿದ ಅವಶ್ಯಕತೆಗಳನ್ನು ಪೂರೈಸಲು ಸಿದ್ಧವಾಗಿಲ್ಲ ಎಂದು ಬಹಿರಂಗಪಡಿಸಿದೆ.
- ಪ್ಯಾರಿಸ್ ಒಪ್ಪಂದವು ಇಂಗಾಲದ ಹೊರಸೂಸುವಿಕೆಯ ಕಡಿತದ ಮೂಲಕ ಜಾಗತಿಕ ತಾಪಮಾನವನ್ನು ಕಡಿಮೆಗೊಳಿಸುವ ಗುರಿಯನ್ನು ಹೊಂದಿದೆ “ಜಾಗತಿಕ ಸರಾಸರಿ ತಾಪಮಾನದ ಏರಿಕೆಯನ್ನು ಕೈಗಾರಿಕಾ ಪೂರ್ವಕ್ಕಿಂತ 2 ಡಿಗ್ರಿಗಿಂತ ಕಡಿಮೆ ಇರುವಂತೆ ನೋಡಿಕೊಳ್ಳುವುದು ಮತ್ತು ತಾಪಮಾನವನ್ನು ಕೈಗಾರಿಕಾ ಪೂರ್ವ ಮಟ್ಟಕ್ಕಿಂತ 1.5 ಡಿಗ್ರಿಗಳಿಗೆ ಮಿತಿಗೊಳಿಸಲು ಪ್ರಯತ್ನಿಸುವುದು.
ಈಗ ಮಾಡಬೇಕಿರುವುದೇನು?
ಪ್ಯಾರಿಸ್ ಒಪ್ಪಂದದ ಗುರಿಗಳನ್ನು ಪೂರೈಸಲು, ಇಡೀ ಜಗತ್ತಿಗೆ, ಜಾಗತಿಕ ತಾಪಮಾನ ಏರಿಕೆಯನ್ನು 1.5 °C ಗೆ ಸೀಮಿತಗೊಳಿಸಲು “ಜಾಗತಿಕ ಕಲ್ಲಿದ್ದಲು, ತೈಲ ಮತ್ತು ಅನಿಲ ಉತ್ಪಾದನೆಯಲ್ಲಿ (ಮತ್ತು ಬಳಕೆ) ತಕ್ಷಣ ದಿಂದಲೇ ಕಡಿತ” ಮಾಡುವ ಅಗತ್ಯವಿರುತ್ತದೆ.
ಭಾರತದ ಯೋಜನೆಗಳು Vs ಗುರಿಗಳು:
15 ದೇಶಗಳಲ್ಲಿ ಭಾರತವು ಪಳೆಯುಳಿಕೆ ಇಂಧನಗಳ ಏಳನೇ ಅತಿದೊಡ್ಡ ಉತ್ಪಾದಕ ದೇಶವಾಗಿದೆ.
- ಪ್ಯಾರಿಸ್ ಒಪ್ಪಂದದ ಅಡಿಯಲ್ಲಿ, ಭಾರತವು 2005 ರ ಮಟ್ಟಕ್ಕೆ ಹೋಲಿಸಿದರೆ 2030 ರ ವೇಳೆಗೆ ತನ್ನ ಆರ್ಥಿಕತೆಯ “ಹೊರಸೂಸುವಿಕೆಯ ತೀವ್ರತೆಯಲ್ಲಿ” 33%-35% ರಷ್ಟು ಕಡಿತಗೊಳಿಸುವುದಾಗಿ ವಚನ ನೀಡಿತ್ತು.
- ಆದಾಗ್ಯೂ, ಆತ್ಮನಿರ್ಭರ ಭಾರತ್ ಅಭಿಯಾನದ ಅಡಿಯಲ್ಲಿ, ಭಾರತ ಸರ್ಕಾರವು ಕಲ್ಲಿದ್ದಲು ಉತ್ಪಾದನೆಯಲ್ಲಿ ‘ಸ್ವಾವಲಂಬಿ’ ಯಾಗುವುದಾಗಿ ಪ್ರತಿಜ್ಞೆ ಮಾಡಿದೆ ಮತ್ತು ‘ಕಲ್ಲಿದ್ದಲು ಹೊರತೆಗೆಯುವಿಕೆ’ಗಾಗಿ ರೂ 500 ಶತಕೋಟಿ ಮೌಲ್ಯದ ಮೂಲಸೌಕರ್ಯ ಹೂಡಿಕೆ ಯೋಜನೆಯನ್ನು ರೂಪಿಸಿದೆ.
ಭಾರತದ ಮುಂದಿರುವ ಸವಾಲುಗಳು:
ಭಾರತದಲ್ಲಿ ಪಳೆಯುಳಿಕೆ ಇಂಧನಗಳ ಉತ್ಪಾದನೆಯನ್ನು ಕಡಿಮೆ ಮಾಡಲು ಅಥವಾ ನವೀಕರಿಸಬಹುದಾದ ಇಂಧನಕ್ಕೆ ನ್ಯಾಯಯುತ ಪರಿವರ್ತನೆಯನ್ನು ಖಚಿತಪಡಿಸಿಕೊಳ್ಳಲು ಯಾವುದೇ ಫೆಡರಲ್ ಮಟ್ಟದ ನೀತಿ ಇಲ್ಲ.
ಪಳೆಯುಳಿಕೆ ಇಂಧನಗಳ ಬಳಕೆಯನ್ನು ಮಿತಿಗೊಳಿಸುವ ಅಗತ್ಯತೆ:
- ಪಳೆಯುಳಿಕೆ ಇಂಧನದ ಬಳಕೆಯಿಂದ ಉಂಟಾಗುವ ವಾಯು ಮಾಲಿನ್ಯದ ಜಾಗತಿಕ ವೆಚ್ಚ ಹೆಚ್ಚಾಗಿದೆ: ಇದು ವರ್ಷಕ್ಕೆ ಸರಿಸುಮಾರು $ 2.9 ಟ್ರಿಲಿಯನ್, ಅಥವಾ ದಿನಕ್ಕೆ $ 8 ಬಿಲಿಯನ್, ಇದು ವಿಶ್ವದ ಜಿಡಿಪಿಯ 3.3 ಪ್ರತಿಶತಕ್ಕೆ ಸಮನಾಗಿದೆ.
- ಪಳೆಯುಳಿಕೆ ಇಂಧನಗಳಿಂದ ಉಂಟಾಗುವ ವಾಯು ಮಾಲಿನ್ಯವನ್ನು ಎದುರಿಸಲು ಭಾರತವು ಸುಮಾರು 150 ಬಿಲಿಯನ್ ಡಾಲರ್ ಖರ್ಚು ಮಾಡಬೇಕಾಗಿದೆ ಎಂದು ಅಂದಾಜಿಸಲಾಗಿದೆ.
ಮುಂದಿರುವ ಒಟ್ಟಾರೆ ಸವಾಲುಗಳು:
- ಇಲ್ಲಿಯವರೆಗೆ, ಮಾನವ ಚಟುವಟಿಕೆಗಳು ‘ಜಾಗತಿಕ ತಾಪಮಾನ’ವನ್ನು ಕೈಗಾರಿಕಾ ಪೂರ್ವ ಮಟ್ಟಕ್ಕಿಂತ (1950-1900) ಸುಮಾರು 1 ಡಿಗ್ರಿ ಸೆಲ್ಸಿಯಸ್ ಹೆಚ್ಚಿಸಿವೆ.
- ಪ್ರಸ್ತುತ, ದೇಶಗಳು ನಿಗದಿಪಡಿಸಿದ ಹೊರಸೂಸುವಿಕೆ ಗುರಿಗಳು ಜಾಗತಿಕ ತಾಪಮಾನ ಏರಿಕೆಯನ್ನು 1.5 ಡಿಗ್ರಿಗಿಂತ ಕಡಿಮೆ ಮಾಡುವ ಗುರಿಗೆ ಅನುಗುಣವಾಗಿಲ್ಲ.
ಭಾರತಕ್ಕೆ ಈ ಸಮಯದ ಅವಶ್ಯಕತೆ:
- ಪಳೆಯುಳಿಕೆ ಇಂಧನಗಳ ಸ್ಥಳೀಯ ಪರಿಶೋಧನೆಗೆ ಕಡಿಮೆ ಒತ್ತು ನೀಡಬೇಕು.
- ಉತ್ಪಾದಕ ಪ್ರದೇಶಗಳ ಉತ್ಪಾದಕತೆಯನ್ನು ಹೆಚ್ಚಿಸಬೇಕು.
- ಕಾರ್ಯತಂತ್ರದ ಮೀಸಲು ಹೆಚ್ಚಿಸಬೇಕು.
- ಸಾರ್ವಜನಿಕ ವಲಯದ ಪೆಟ್ರೋಲಿಯಂ ಕಂಪನಿಗಳನ್ನು ಪುನರ್ರಚಿಸಬೇಕು ಮತ್ತು ಪುನರ್ನಿರ್ಮಿಸಬೇಕು.
- ಸೀಮಿತ ಚಿಂತನೆಯನ್ನು ತಪ್ಪಿಸಬೇಕು.
ವಿಷಯಗಳು: ವಿಜ್ಞಾನ ಮತ್ತು ತಂತ್ರಜ್ಞಾನ- ಬೆಳವಣಿಗೆಗಳು ಮತ್ತು ಅವುಗಳ ಅನ್ವಯಗಳು ಮತ್ತು ದೈನಂದಿನ ಜೀವನದಲ್ಲಿ ಅವುಗಳ ಪರಿಣಾಮಗಳು ವಿಜ್ಞಾನ ಮತ್ತು ತಂತ್ರಜ್ಞಾನದಲ್ಲಿ ಭಾರತೀಯರ ಸಾಧನೆಗಳು;ತಂತ್ರಜ್ಞಾನದ ದೇಸೀಕರಣ ಮತ್ತು ಹೊಸ ತಂತ್ರಜ್ಞಾನವನ್ನು ಅಭಿವೃದ್ಧಿಪಡಿಸುವುದು.
ಡ್ರೋನ್‌ಗಳ ಆಮದನ್ನು ನಿಷೇಧಿಸಿದ ಭಾರತ:
(India bans import of drones)
ಸಂದರ್ಭ:
ಸಂಶೋಧನೆ ಮತ್ತು ಅಭಿವೃದ್ಧಿ, ರಕ್ಷಣೆ ಮತ್ತು ಭದ್ರತಾ ಉದ್ದೇಶಗಳನ್ನು ಹೊರತುಪಡಿಸಿ ತಕ್ಷಣವೇ ಜಾರಿಗೆ ಬರುವಂತೆ ಡ್ರೋನ್‌ಗಳ ಆಮದನ್ನು ಸರ್ಕಾರ ನಿಷೇಧಿಸಿದೆ.
- ಈ ಕ್ರಮವು ಭಾರತದಲ್ಲಿ ತಯಾರಿಸಿದ ಡ್ರೋನ್‌ಗಳನ್ನು ಉತ್ತೇಜಿಸುವ ಗುರಿಯನ್ನು ಹೊಂದಿದೆ.
- ವಾಣಿಜ್ಯ ಮತ್ತು ಕೈಗಾರಿಕಾ ಸಚಿವಾಲಯದ ಅಧೀನದ ವಿದೇಶಿ ವ್ಯಾಪಾರ ಮಹಾನಿರ್ದೇಶನಾಲಯವು, ಈ ನಿಟ್ಟಿನಲ್ಲಿ ಭಾರತೀಯ ವ್ಯಾಪಾರ ವರ್ಗೀಕರಣ (ಹಾರ್ಮೊನೈಸ್ಡ್ ಸಿಸ್ಟಮ್), 2022 ಅನ್ನು ಅಧಿಸೂಚಿಸಿದೆ.
ಪ್ರಮುಖ ವಿಷಯಗಳು:
- ಸಂಶೋಧನೆ & ಅಭಿವೃದ್ಧಿ, ರಕ್ಷಣೆ ಮತ್ತು ಭದ್ರತೆಗಾಗಿ ಈ ವಿನಾಯಿತಿಗಳನ್ನು ಒದಗಿಸಲಾಗಿದೆ, ಈ ಉದ್ದೇಶಗಳಿಗಾಗಿ ಡ್ರೋನ್‌ಗಳನ್ನು ಆಮದು ಮಾಡಿಕೊಳ್ಳುವುದಕ್ಕೆ “ಡ್ಯೂ ಕ್ಲಿಯರೆನ್ಸ್” ನ ಅಗತ್ಯವಿರುತ್ತದೆ.
- ಆದಾಗ್ಯೂ, ಡ್ರೋನ್ ಬಿಡಿಭಾಗಗಳ ಆಮದಿಗೆ ಯಾವುದೇ ಅನುಮೋದನೆಗಳ ಅಗತ್ಯವಿರುವುದಿಲ್ಲ.
ಭಾರತದಲ್ಲಿ ಡ್ರೋನ್ಸ್ ಉದ್ಯಮಕ್ಕೆ ಉತ್ತೇಜನ:
- ಕಳೆದ ವರ್ಷ, ಸಚಿವಾಲಯವು ಉದಾರೀಕೃತ ಡ್ರೋನ್ ನಿಯಮಗಳನ್ನು ಅಧಿಸೂಚಿಸಿತು, ಇದು ಸಂಶೋಧನೆ ಮತ್ತು ಅಭಿವೃದ್ಧಿ (R&D) ಅನ್ನು ಉತ್ತೇಜಿಸುವ ಮತ್ತು ಭಾರತವನ್ನು ಡ್ರೋನ್ ಹಬ್ ಆಗಿ ರೂಪಿಸುವ ಉದ್ದೇಶದಿಂದ ಹಲವಾರು ಅನುಮೋದನೆಗಳನ್ನು ರದ್ದುಗೊಳಿಸಿತು.
- ಮೂರು ಹಣಕಾಸು ವರ್ಷಗಳಿಗೆ ₹120 ಕೋಟಿ ಹಂಚಿಕೆಯೊಂದಿಗೆ ಡ್ರೋನ್‌ಗಳು ಮತ್ತು ಅವುಗಳ ಬಿಡಿಭಾಗಗಳಿಗೆ ಪ್ರೊಡಕ್ಷನ್-ಲಿಂಕ್ಡ್ ಇನ್ಸೆಂಟಿವ್ (PLI) ಯೋಜನೆಯನ್ನು ಸರ್ಕಾರ ಅನುಮೋದಿಸಿದೆ.
- ಕಳೆದ ತಿಂಗಳು, ನಾಗರಿಕ ವಿಮಾನಯಾನ ಸಚಿವಾಲಯ (MoCA) ವು ವಿವಿಧ ವಲಯಗಳಲ್ಲಿ ಡ್ರೋನ್‌ಗಳ ಬಳಕೆಯ ಕುರಿತು ಟಿಪ್ಪಣಿಯನ್ನು ಕೇಂದ್ರದ ವಿವಿಧ ಸಚಿವಾಲಯಗಳಿಗೆ ಕಳುಹಿಸಿದೆ.
ಡ್ರೋನ್‌ಗಳನ್ನು ಪರಿಣಾಮಕಾರಿಯಾಗಿ ಬಳಸಬಹುದಾದ ಪ್ರದೇಶಗಳು:
ಗೃಹ ವ್ಯವಹಾರಗಳ ಸಚಿವಾಲಯ: ಕಣ್ಗಾವಲು, ಸಾಂದರ್ಭಿಕ ವಿಶ್ಲೇಷಣೆ, ಅಪರಾಧ ನಿಯಂತ್ರಣ, ವಿವಿಐಪಿ ಭದ್ರತೆ, ವಿಪತ್ತು ನಿರ್ವಹಣೆ ಇತ್ಯಾದಿ.
ರಕ್ಷಣಾ ಸಚಿವಾಲಯ: ಯುದ್ಧ ಕಾರ್ಯಾಚರಣೆಗಳು, ದೂರಸ್ಥ ಪ್ರದೇಶದ ಸಂವಹನಗಳು, ಡ್ರೋನ್-ಪ್ರತಿಕ್ರಿಯೆ ಪರಿಹಾರಗಳು ಇತ್ಯಾದಿ.
ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸಚಿವಾಲಯ: ಔಷಧಿಗಳ ವಿತರಣೆಗಾಗಿ, ದೂರದ ಅಥವಾ ಸಾಂಕ್ರಾಮಿಕ ಪೀಡಿತ ಪ್ರದೇಶಗಳಿಂದ ಮಾದರಿಗಳ ಸಂಗ್ರಹಿಸಲು.
ಪೆಟ್ರೋಲಿಯಂ ಮತ್ತು ನೈಸರ್ಗಿಕ ಅನಿಲ ಮತ್ತು ವಿದ್ಯುತ್ ಸಚಿವಾಲಯ: ಸ್ವತ್ತುಗಳು ಮತ್ತು ಪ್ರಸರಣ ಮಾರ್ಗಗಳ ನೈಜ ಸಮಯದ ಮೇಲ್ವಿಚಾರಣೆ, ಕಳ್ಳತನ ತಡೆಗಟ್ಟುವಿಕೆ, ದೃಶ್ಯ ತಪಾಸಣೆ/ನಿರ್ವಹಣೆ, ನಿರ್ಮಾಣ ಯೋಜನೆ ಮತ್ತು ನಿರ್ವಹಣೆ, ಇತ್ಯಾದಿ.
ಪರಿಸರ, ಅರಣ್ಯ ಮತ್ತು ಹವಾಮಾನ ಬದಲಾವಣೆ ಸಚಿವಾಲಯ: ಕಳ್ಳಬೇಟೆಯ ವಿರುದ್ಧ ಕ್ರಮ, ಅರಣ್ಯ ಮತ್ತು ವನ್ಯಜೀವಿ ಮೇಲ್ವಿಚಾರಣೆ, ಮಾಲಿನ್ಯ ಮೌಲ್ಯಮಾಪನ ಮತ್ತು ಸಾಕ್ಷ್ಯ ಸಂಗ್ರಹಣೆಗಾಗಿ.
ಮಾಹಿತಿ ಮತ್ತು ಪ್ರಸಾರ ಸಚಿವಾಲಯ: ಭಾಗಶಃ ವೆಚ್ಚದಲ್ಲಿ ಮತ್ತು ಅಗತ್ಯ ಅನುಮೋದನೆಗಳನ್ನು ಪಡೆದುಕೊಂಡ ನಂತರ ಘಟನೆಗಳು/ ಈವೆಂಟ್‌ಗಳು ಮತ್ತು ಪ್ರವೇಶಿಸಲಾಗದ ಸ್ಥಳಗಳ ಉತ್ತಮ ಗುಣಮಟ್ಟದ ವೀಡಿಯೊಗ್ರಫಿಯನ್ನು ಕೈಗೊಳ್ಳಲು. ಈ ನಿರ್ಧಾರದಿಂದ ಕಡಿಮೆ ಎತ್ತರದಿಂದ ಶಬ್ಧವಿಲ್ಲದೆ ಶೂಟ್ ಮಾಡಲು ಸಾಧ್ಯವಾಗಲಿದ್ದು, ಧೂಳಿನ ಮಾಲಿನ್ಯ ಮತ್ತು ಅಪಘಾತಗಳ ಅಪಾಯವನ್ನು ತಡೆಯಲಿದೆ.
ಇತರೆ ಕ್ಷೇತ್ರಗಳು: ವಿಪತ್ತು ನಿರ್ವಹಣೆ, ತುರ್ತು ಪ್ರತಿಕ್ರಿಯೆ, ತಪಾಸಣೆ/ನಿರ್ವಹಣೆ ಕೆಲಸ ಮತ್ತು ಯೋಜನೆಯ ಮೇಲ್ವಿಚಾರಣೆ ಕೈಗೊಳ್ಳುವುದು ಇತ್ಯಾದಿ.
ಪ್ರಾಮುಖ್ಯತೆ:
ರಾಷ್ಟ್ರೀಯ ಭದ್ರತೆ, ಕೃಷಿ, ಕಾನೂನು ಜಾರಿ ಮತ್ತು ಮ್ಯಾಪಿಂಗ್ ಇತ್ಯಾದಿ ಸೇರಿದಂತೆ ಆರ್ಥಿಕತೆಯ ಪ್ರತಿಯೊಂದು ವಲಯಯಕ್ಕೂ ಡ್ರೋನ್ ತಂತ್ರಜ್ಞಾನವು ಅಪಾರ ಪ್ರಯೋಜನಗಳನ್ನು ನೀಡುತ್ತದೆ.
ಭಾರತದಲ್ಲಿ ಡ್ರೋನ್ ನಿರ್ವಹಣೆ:
- ಸೆ.15ರಂದು ಕೇಂದ್ರ ಸರಕಾರದಿಂದ ಮೂರು ಹಣಕಾಸು ವರ್ಷಗಳಲ್ಲಿ ‘ಡ್ರೋನ್‌ಗಳು’ ಮತ್ತು ‘ಡ್ರೋನ್ ಕಾಂಪೊನೆಂಟ್‌ಗಳಿಗಾಗಿ’ 120 ಕೋಟಿ ರೂ ಗಳ ಪ್ರೊಡಕ್ಷನ್-ಲಿಂಕ್ಡ್ ಇನ್ಸೆಂಟಿವ್ (PLI) ಯೋಜನೆಯನ್ನು ಅನುಮೋದಿಸಲಾಗಿದೆ.
- ‘ಡ್ರೋನ್ ನಿಯಮಗಳು, 2021’ (Drone Rules 2021) ಅನ್ನು ಕೇಂದ್ರ ಸರ್ಕಾರವು ಆಗಸ್ಟ್ 25 ರಂದು ಅಧಿಸೂಚಿಸಿದೆ. ಇದರ ಅಡಿಯಲ್ಲಿ, ಭಾರತದಲ್ಲಿ ಡ್ರೋನ್ ಕಾರ್ಯಾಚರಣೆಗಳ ನಿಯಂತ್ರಣವನ್ನು ಸರಾಗಗೊಳಿಸುವ ಮೂಲಕ, ಕಾರ್ಯನಿರ್ವಹಿಸಲು ಅನುಮತಿಗಾಗಿ ಭರ್ತಿ ಮಾಡಬೇಕಾದ ಫಾರ್ಮ್‌ಗಳ ಸಂಖ್ಯೆಯನ್ನು 25 ರಿಂದ 5 ಕ್ಕೆ ಇಳಿಸಲಾಯಿತು ಮತ್ತು ಆಪರೇಟರ್ಗಳು ವಿಧಿಸಬೇಕಾದ 72 ಪ್ರಕಾರದ ಸುಂಕಗಳನ್ನು ನಾಲ್ಕಕ್ಕೆ ಇಳಿಸಲಾಗಿದೆ.
ಕಠಿಣ ನಿಯಮಗಳು ಮತ್ತು ನಿಯಂತ್ರಣದ ಅವಶ್ಯಕತೆ:
- ಇತ್ತೀಚೆಗೆ, ಜಮ್ಮುವಿನ ವಾಯುಪಡೆ ನಿಲ್ದಾಣದ ತಾಂತ್ರಿಕ ಪ್ರದೇಶದಲ್ಲಿ ಸ್ಫೋಟ ಸಂಭವಿಸಿದೆ. ಇದಕ್ಕಾಗಿ, ಸ್ಫೋಟಕ ಸಾಧನಗಳನ್ನು ನಿರ್ದಿಷ್ಟ ಪ್ರದೇಶದ ಮೇಲೆ ಹಾಕಲು ಡ್ರೋನ್‌ಗಳನ್ನು ಮೊದಲ ಬಾರಿಗೆ ಬಳಸಲಾಗಿತ್ತು.
- ಕಳೆದ ಎರಡು ವರ್ಷಗಳಲ್ಲಿ, ಪಾಕಿಸ್ತಾನ ಮೂಲದ ಸಂಸ್ಥೆಗಳು ಶಸ್ತ್ರಾಸ್ತ್ರ, ಮದ್ದುಗುಂಡು ಮತ್ತು ಮಾದಕವಸ್ತುಗಳನ್ನು ಭಾರತೀಯ ಭೂಪ್ರದೇಶಕ್ಕೆ ಕಳ್ಳಸಾಗಣೆ ಮಾಡಲು ನಿಯಮಿತವಾಗಿ ಡ್ರೋನ್‌ಗಳನ್ನು ಬಳಸುತ್ತಿವೆ.
- ಸರ್ಕಾರದ ಅಂಕಿಅಂಶಗಳ ಪ್ರಕಾರ, 2019 ರಲ್ಲಿ ಪಾಕಿಸ್ತಾನದ ಗಡಿಯಲ್ಲಿ 167 ಡ್ರೋನ್‌ಗಳನ್ನು ಮತ್ತು 2020 ರಲ್ಲಿ 77 ಡ್ರೋನ್‌ಗಳನ್ನು ವೀಕ್ಷಿಸಲಾಯಿತು.
- ಇತ್ತೀಚಿನ ವರ್ಷಗಳಲ್ಲಿ ‘ಡ್ರೋನ್ ತಂತ್ರಜ್ಞಾನ’ದ ಶೀಘ್ರ ಹರಡುವಿಕೆ ಮತ್ತು ಜಾಗತಿಕ ಮಾರುಕಟ್ಟೆಯಲ್ಲಿ ಅದರ ತ್ವರಿತ ಬೆಳವಣಿಗೆಯೊಂದಿಗೆ, ವಿಶ್ವದ ಸುರಕ್ಷಿತ ನಗರಗಳಲ್ಲಿಯೂ ಸಹ ಡ್ರೋನ್ ದಾಳಿಯ ಸಾಧ್ಯತೆಯನ್ನು ತಳ್ಳಿಹಾಕಲಾಗುವುದಿಲ್ಲ.
- ಪ್ರಸ್ತುತ, ಡ್ರೋನ್‌ಗಳು ಭದ್ರತಾ ಬೆದರಿಕೆಯಾಗುತ್ತಿವೆ, ಅದರಲ್ಲೂ ವಿಶೇಷವಾಗಿ ಸಂಘರ್ಷದ ವಲಯಗಳಲ್ಲಿ ಸಕ್ರಿಯರಾಗಿರುವ ಮತ್ತು ತಂತ್ರಜ್ಞಾನಕ್ಕೆ ಸುಲಭವಾಗಿ ಪ್ರವೇಶವನ್ನು ಹೊಂದಿರುವ ‘ದೇಶದ್ರೋಹಿಗಳು’ (Non State Actors – NSA) ಇವರಿಂದಾಗಿ ಡ್ರೋನ್‌ಗಳು ಭದ್ರತಾ ಬೆದರಿಕೆಯಾಗಿವೆ.
ಪೂರ್ವಭಾವಿ ಪರೀಕ್ಷೆಗೆ ಸಂಬಂಧಿಸಿದ ಸಂಗತಿಗಳು:
ಖೈಬರ್-ಬಸ್ಟರ್:
- ತನ್ನ ಬದ್ಧ ವೈರಿ ಇಸ್ರೇಲ್‌ ಹಾಗೂ ಇರಾನ್ ಸುತ್ತಮುತ್ತಲಿನ ಅಮೆರಿಕದ ಹಲವು ನೆಲೆಗಳ ಮೇಲೆ ದಾಳಿ ನಡೆಸಬಲ್ಲ ವಿಶಾಲ ವ್ಯಾಪ್ತಿಯ ಹೊಸ ಕ್ಷಿಪಣಿ ಖೈಬರ್-ಬಸ್ಟರ್ (Khaibar-buster) ಅನ್ನು ಅಭಿವೃದ್ಧಿಪಡಿಸಲಾಗಿದೆ ಎಂದು ಇರಾನ್ ಹೇಳಿಕೊಂಡಿದೆ.
- ಘನ ಇಂಧನ ಚಾಲಿತ ಈ ಕ್ಷಿಪಣಿ 1.452 ಕಿ.ಮೀ.ತನಕ ಕ್ರಮಿಸಿ ದಾಳಿ ಮಾಡಬಲ್ಲದು. ಎರಡು ಸಾವಿರ ಕಿ.ಮೀ. ತನಕವೂ ದಾಳಿ ಮಾಡುವ ಸಾಮರ್ಥ್ಯ ಹೊಂದಿದೆ. ಇದಕ್ಕೆ ‘ಖೈಬರ್–ಬಸ್ಟರ್’ ಎಂದು ಹೆಸರಿಡಲಾಗಿದೆ.
- ದೇಶಿ ನಿರ್ಮಿತ ಈ ಕ್ಷಿಪಣಿ ಅತಿ ನಿಖರವಾಗಿ ಗುರಿ ತಲುಪುವುದಷ್ಟೇ ಅಲ್ಲದೆ, ವೈರಿ ರಾಷ್ಟ್ರಗಳ ಕ್ಪಿಪಣಿ ನಿಗ್ರಹ ವ್ಯವಸ್ಥೆಯನ್ನೂ ಭೇದಿಸಿ ಒಳನುಗ್ಗುವ ಸಾಮರ್ಥ್ಯ ಹೊಂದಿದೆ ಎಂದು ಇರಾನ್ ಹೇಳಿಕೊಂಡಿದೆ.
- ಇರಾನ್ ಕಳೆದ ಜನವರಿಯಲ್ಲಿ ಉಪಗ್ರಹ ಉಡಾವಣೆಗೆ ಘನ ಇಂಧನ ರಾಕೆಟ್ ಎಂಜಿನ್‌ ಪರೀಕ್ಷೆ ನಡೆಸಿತ್ತು.
- ಖೈಬರ್-ಬಸ್ಟರ್ ಎಂಬುದು ಇಸ್ಲಾಂನ ಆರಂಭಿಕ ದಿನಗಳಲ್ಲಿ ಮುಸ್ಲಿಂ ಯೋಧರಿಂದ ಆಕ್ರಮಿಸಲ್ಪಟ್ಟ ಯಹೂದಿ ಕೋಟೆಯ ಉಲ್ಲೇಖವಾಗಿದೆ.
ಇರಾನ್ ಮಧ್ಯಪ್ರಾಚ್ಯದಲ್ಲಿ ಕ್ಷಿಪಣಿಗಳ ಅತಿದೊಡ್ಡ ಶಸ್ತ್ರಾಗಾರವನ್ನು ಹೊಂದಿದೆ.
ರೇಡಿಯೋ ಫ್ರೀಕ್ವೆನ್ಸಿ ಐಡೆಂಟಿಫಿಕೇಶನ್ (RFID):
(Radio Frequency Identification (RFID)
ಭಾರತೀಯ ಸೇನೆಯು ತನ್ನ ಯುದ್ಧಸಾಮಗ್ರಿ ದಾಸ್ತಾನಿಗೆ RFID ಟ್ಯಾಗ್ ನ ಅಳವಡಿಕೆಯನ್ನು ಪ್ರಾರಂಭಿಸಿದೆ.
ಇದು ಹೇಗೆ ಕೆಲಸ ಮಾಡುತ್ತದೆ?
- RFID ಎಂಬುದು ಒಂದು ನಿರ್ದಿಷ್ಟ ರೀತಿಯ ರೇಡಿಯೋ ತಂತ್ರಜ್ಞಾನವಾಗಿದ್ದು ಅದು ವಸ್ತುವಿಗೆ ಲಗತ್ತಿಸಲಾದ ಟ್ಯಾಗ್‌ಗಳನ್ನು ಗುರುತಿಸಲು ಮತ್ತು ಆ ಮೂಲಕ ವಸ್ತುವನ್ನು ಗುರುತಿಸಲು ರೇಡಿಯೋ ತರಂಗಗಳನ್ನು ಬಳಸುತ್ತದೆ.
- RFID ರೀಡರ್‌ನಿಂದ ವಿದ್ಯುತ್ಕಾಂತೀಯ ತರಂಗದಿಂದ ಪ್ರಚೋದಿಸಲ್ಪಟ್ಟ ಟ್ರಾನ್ಸ್‌ಸಿವರ್ ಚಿಪ್ ಅನ್ನು ಟ್ಯಾಗ್ ಒಳಗೊಂಡಿದೆ ಮತ್ತು ಗುರುತಿನ ಸಂಖ್ಯೆಯನ್ನು ರೀಡರ್‌ಗೆ ಹಿಂತಿರುಗಿಸುತ್ತದೆ.
- ನಂತರ ಗುರುತಿನ ಸಂಖ್ಯೆಯನ್ನು ಟ್ಯಾಗ್‌ಗಳನ್ನು ಹೊಂದಿರುವ ವಸ್ತುಗಳನ್ನು ಹುಡುಕಲು ಬಳಸಲಾಗುತ್ತದೆ.
ಸುದ್ದಿಯಲ್ಲಿರಲು ಕಾರಣ:
ಅಮರನಾಥ ತೀರ್ಥಯಾತ್ರೆಗೆ ಬಲ್ಟಾಲ್ ಮತ್ತು ಪಹಲ್ಗಮ್ ಮಾರ್ಗಗಳಲ್ಲಿ ಸುಮಾರು 60,000 ರಕ್ಷಣಾ ಸಿಬ್ಬಂದಿಯನ್ನು ನಿಯೋಜಿಸಲಾಗಿದೆ.
ಸೇನಾ ವಾಹನಗಳಿಗೆ ರೇಡಿಯೊ ಫ್ರೀಕ್ವೆನ್ಸಿ ಐಡೆಂಟಿಫಿಕೇಶನ್ (RFID) ಟ್ಯಾಗ್‌ಗಳನ್ನು ಅಳವಡಿಸಲಾಗಿದೆ. ಇದು ಯಾತ್ರಾರ್ಥಿಗಳ ನಿಖರವಾದ ಸ್ಥಾನವನ್ನು ತಿಳಿಯಲು ಮತ್ತು ಅವರಿಗೆ ಅಗತ್ಯ ರಕ್ಷಣೆ ಒದಗಿಸಲು ಸಹಾಯ ಮಾಡುತ್ತದೆ. ಹಾಗೆಯೇ CRPF ನ ಅಧಿಕಾರಿಯೊಬ್ಬರು ನಾವು ಮಾನವರಹಿತ ವೈಮಾನಿಕ ವಾಹನಗಳನ್ನು (ಯುಎವಿ) ಬಳಸಿದ್ದೇವೆ. ಹಾಗೆಯೇ ಸಿಸಿಟಿವಿಗಳಿಂದ ಪಡೆದ ಲೈವ್ ಫೀಡ್ ಅನ್ನು ಮೇಲ್ವಿಚಾರಣೆ ಮಾಡುವ ಮೂಲಕ ಪರಿಶೀಲನೆ ನಡೆಸುತ್ತವೆ ಎಂದು ಹೇಳಿದ್ದಾರೆ.
