ಪರಿವಿಡಿ:
ಸಾಮಾನ್ಯ ಅಧ್ಯಯನ ಪತ್ರಿಕೆ 2:
1. ಮಹಾರಾಷ್ಟ್ರ ಸರ್ಕಾರದ “ಶಕ್ತಿ” ವಿಧೇಯಕ.
ಸಾಮಾನ್ಯ ಅಧ್ಯಯನ ಪತ್ರಿಕೆ 2:
1. ಸಂಸತ್ತಿನಲ್ಲಿ ಅಡಚಣೆಗಳು.
2. ವಿಶ್ವ ಪತ್ರಿಕಾ ಸ್ವಾತಂತ್ರ್ಯ ಸೂಚ್ಯಂಕದಲ್ಲಿ ಭಾರತದ ಶ್ರೇಣಿಯನ್ನು ಒಪ್ಪದ ಕೇಂದ್ರ.
3. ವಿಶ್ವಸಂಸ್ಥೆಯ ನಿರಾಶ್ರಿತರ ಹೈ ಕಮಿಷನರ್ (UNHCR)
ಸಾಮಾನ್ಯ ಅಧ್ಯಯನ ಪತ್ರಿಕೆ 3:
1. ಕೃಷಿ ಉತ್ಪನ್ನಗಳಲ್ಲಿ ಭವಿಷ್ಯದ ವ್ಯಾಪಾರದ ಅಮಾನತು.
ಪೂರ್ವಭಾವಿ ಪರೀಕ್ಷೆಗೆ ಸಂಬಂಧಿಸಿದ ಸಂಗತಿಗಳು:
1. ಕೇರಳದ ಸಿಲ್ವರ್ಲೈನ್ ಯೋಜನೆ.
2. ಸಮಾಜ ಸುಧಾರ್ ಅಭಿಯಾನ.
3. ರೈ ಚಂಡಮಾರುತ
ಸಾಮಾನ್ಯ ಅಧ್ಯಯನ ಪತ್ರಿಕೆ : 1
ವಿಷಯಗಳು: ಮಹಿಳೆಯರು ಮತ್ತು ಮಹಿಳಾ ಸಂಘಟನೆಯ ಪಾತ್ರ, ಜನಸಂಖ್ಯೆ ಮತ್ತು ಸಂಬಂಧಿತ ಸಮಸ್ಯೆಗಳು, ಬಡತನ ಮತ್ತು ಅಭಿವೃದ್ಧಿ ಸಮಸ್ಯೆಗಳು, ನಗರೀಕರಣ, ಅವುಗಳ ಸಮಸ್ಯೆಗಳು ಮತ್ತು ಪರಿಹಾರಗಳು.
ಮಹಾರಾಷ್ಟ್ರ ಸರ್ಕಾರದ “ಶಕ್ತಿ” ವಿಧೇಯಕ:
(Maharashtra government’s Shakti Bill)
ಸಂದರ್ಭ:
ಮಹಾರಾಷ್ಟ್ರ ಸರ್ಕಾರದ ಶಕ್ತಿ ಕ್ರಿಮಿನಲ್ ಕಾನೂನುಗಳ (ಮಹಾರಾಷ್ಟ್ರ ತಿದ್ದುಪಡಿ) ಮಸೂದೆ,(Maharashtra government’s Shakti Criminal Laws (Maharashtra Amendment) Bill, 2020)2020 ರ ಅಧ್ಯಯನಕ್ಕಾಗಿ ನೇಮಿಸಲಾದ ಜಂಟಿ ಸಮಿತಿಯು ತನ್ನ ವರದಿಯನ್ನು ಸಲ್ಲಿಸಿದೆ.
ಸಮಿತಿಯು ಮಾಡಿದ ಪ್ರಮುಖ ಶಿಫಾರಸುಗಳು:
- ಅತ್ಯಾಚಾರ ಪ್ರಕರಣಗಳಲ್ಲಿ ಮರಣದಂಡನೆ ಶಿಕ್ಷೆಯನ್ನು ವಿಧಿಸಿ.
- ದೂರು ನೋಂದಣಿಯಾದ ದಿನದಿಂದ ಹಿಡಿದು ತನಿಖೆಯನ್ನು ಪೂರ್ಣಗೊಳಿಸಲು 30 ದಿನಗಳ ಕಾಲಾವಧಿ.
- ಸಾಮಾಜಿಕ ಮಾಧ್ಯಮ ಪ್ಲಾಟ್ಫಾರ್ಮ್ಗಳು ಮತ್ತು ಇಂಟರ್ನೆಟ್ ಡೇಟಾವನ್ನು ಒದಗಿಸುವ ಕಂಪನಿಗಳು ಪೊಲೀಸ್ ತನಿಖೆಗಾಗಿ ಡೇಟಾವನ್ನು ಹಂಚಿಕೊಳ್ಳಲು ಜವಾಬ್ದಾರರಾಗಿರತಕ್ಕದ್ದು.
- ಮೂಲ ಮಸೂದೆಯಲ್ಲಿ ಸುಳ್ಳು ದೂರುಗಳಿದ್ದ ಸಂದರ್ಭದಲ್ಲಿ ಅಥವಾ ವ್ಯಕ್ತಿಗೆ ಉದ್ದೇಶಪೂರ್ವಕವಾಗಿ ಕಿರುಕುಳ ನೀಡಿದರೆ ಆ ವ್ಯಕ್ತಿಯು ನಿರೀಕ್ಷಣಾ ಜಾಮೀನು ಅರ್ಜಿ ಸಲ್ಲಿಸಲು ಅವಕಾಶವಿರಲಿಲ್ಲ.ಇದನ್ನು ಪರಿಗಣಿಸುವಂತೆ ಸಮಿತಿ ಶಿಫಾರಸು ಮಾಡಿದೆ.
ಹೊಸ ಕಾನೂನನ್ನು ಜಾರಿಗೆ ತರಲು ಮಹಾರಾಷ್ಟ್ರ ನೀಡಿದ ಕಾರಣವೇನು?
ದೌರ್ಜನ್ಯ ಪ್ರಕರಣಗಳ ಸಂಖ್ಯೆಯಲ್ಲಿ ಹೆಚ್ಚಳ, ನಿರ್ದಿಷ್ಟವಾಗಿ ಮಹಿಳೆಯರು ಮತ್ತು ಮಕ್ಕಳ ಮೇಲಿನ ಲೈಂಗಿಕ ದೌರ್ಜನ್ಯ ಪ್ರಕರಣಗಳ ಸಂಖ್ಯೆಯಲ್ಲಿ ಹೆಚ್ಚಳವಾಗಿದ್ದೆ ಹೊಸ ಕಾನೂನನ್ನು ಜಾರಿಗೆ ತರಲು ಪ್ರಮುಖ ಕಾರಣವಾಗಿದೆ ಎಂದು ಮಹಾರಾಷ್ಟ್ರ ಸರ್ಕಾರವು ತಿಳಿಸಿದೆ.
ಕರಡು ಮಸೂದೆಯ ಪ್ರಮುಖಾಂಶಗಳು:
- ಕರಡು ಮಸೂದೆಯು ಭಾರತೀಯ ದಂಡ ಸಂಹಿತೆ, ಕ್ರಿಮಿನಲ್ ಪ್ರಕ್ರಿಯಾ ಸಂಹಿತೆ ಮತ್ತು ಲೈಂಗಿಕ ಅಪರಾಧಗಳಿಂದ ಮಕ್ಕಳ ರಕ್ಷಣೆ ಕಾಯಿದೆಗೆ ಬದಲಾವಣೆಗಳನ್ನು ಮಾಡಲು ಪ್ರಸ್ತಾಪಿಸುತ್ತದೆ.
- ಪ್ರಸ್ತುತ ಅಸ್ತಿತ್ವದಲ್ಲಿರುವ ಅತ್ಯಾಚಾರ, ಲೈಂಗಿಕ ಕಿರುಕುಳ, ಆಸಿಡ್ ದಾಳಿ ಮತ್ತು ಮಕ್ಕಳ ಮೇಲಿನ ಲೈಂಗಿಕ ದೌರ್ಜನ್ಯ ವಿರೋಧಿ ಕಾಯ್ದೆಯ ವಿಭಾಗಗಳಲ್ಲಿ ಬದಲಾವಣೆಗಳನ್ನು ತರಲು ಪ್ರಸ್ತಾಪಿಸಿದೆ.
- ಅತ್ಯಾಚಾರ, ಸಾಮೂಹಿಕ ಅತ್ಯಾಚಾರ, ಅಧಿಕಾರದಲ್ಲಿರುವ ವ್ಯಕ್ತಿಗಳಿಂದ ಅತ್ಯಾಚಾರ, ಅಪ್ರಾಪ್ತ ವಯಸ್ಕರ ಮೇಲೆ ತೀವ್ರವಾದ ಲೈಂಗಿಕ ದೌರ್ಜನ್ಯ ಮತ್ತು ಆಸಿಡ್ ದಾಳಿಯ ಪ್ರಕರಣಗಳಲ್ಲಿ ಗಂಭೀರವಾದ ಗಾಯ ಉಂಟಾದಾಗ ಅಪರಾಧಿಗೆ ಮರಣದಂಡನೆಯನ್ನು ವಿಧಿಸಲು ಮಸೂದೆಯು ಪ್ರಸ್ತಾಪಿಸುತ್ತದೆ.
- ಘಟನೆಯು ಅತ್ಯಂತ ಹೀನ ಕೃತ್ಯವಾಗಿದೆ ಎಂದು ಕಂಡುಬರುವಂತಹ ಘೋರವಾದ ಪ್ರಕರಣಗಳಲ್ಲಿ ಮತ್ತು ಸಾಕಷ್ಟು ನಿರ್ಣಾಯಕ ಪುರಾವೆಗಳು ಲಭ್ಯವಿದ್ದರೆ ಮತ್ತು ಸಂದರ್ಭಗಳು ಅನುಕರಣೀಯ ಶಿಕ್ಷೆಯನ್ನು ನೀಡಬಹುದು ಎಂದು ದೃಢಪಡಿಸಿದರೆ ಮರಣದಂಡನೆಯನ್ನು ನೀಡಲು ಪ್ರಸ್ತಾಪಿಸಲಾಗಿದೆ.
- ಆಸಿಡ್ ದಾಳಿಯ ಸಂದರ್ಭದಲ್ಲಿ ಅನ್ವಯಿಸಲಾಗುವ ಐಪಿಸಿಯ ಸೆಕ್ಷನ್ 326 ಅನ್ನು ತಪ್ಪಿತಸ್ಥರಿಗೆ ಕನಿಷ್ಠ 15 ವರ್ಷದಿಂದ ಗರಿಷ್ಠ ಜೀವಾವಧಿ ಶಿಕ್ಷೆಯೊಂದಿಗೆ ವಿತ್ತೀಯ ದಂಡದೊಂದಿಗೆ ವಿಧಿಸಲು ತಿದ್ದುಪಡಿ ಮಾಡಬೇಕಿದೆ. ಪ್ಲಾಸ್ಟಿಕ್ ಸರ್ಜರಿ ಮತ್ತು ಮುಖದ ಪುನರ್ನಿರ್ಮಾಣ ಶಸ್ತ್ರ ಚಿಕಿತ್ಸೆಗೆ ತಗಲುವ ವೆಚ್ಚವನ್ನು ತಪ್ಪಿತಸ್ಥರ ಮೇಲೆ ವಿಧಿಸಲಾಗುವ ವಿತ್ತೀಯ ದಂಡದಿಂದ ಭರಿಸಲಾಗುತ್ತದೆ.
ಸಾಮಾಜಿಕ ಮಾಧ್ಯಮಗಳಿಗೆ ಸಂಬಂಧಿಸಿದ ನಿಬಂಧನೆಗಳು:
ಕರಡು ಮಸೂದೆಯು ಸಾಮಾಜಿಕ ಮಾಧ್ಯಮದಲ್ಲಿ ಮಹಿಳೆಯರ ಮೇಲಿನ ದೌರ್ಜನ್ಯವನ್ನು ಎದುರಿಸಲು ಹೆಚ್ಚುವರಿ ಕಾನೂನನ್ನು ಪ್ರಸ್ತಾಪಿಸುತ್ತದೆ.
“ಮಹಿಳೆಗೆ ಅಪಾಯ, ಬೆದರಿಕೆ ಮತ್ತು ಭಯದ ಭಾವನೆಯನ್ನು” ಸೃಷ್ಟಿಸುವ ಉದ್ದೇಶಪೂರ್ವಕ ಕೃತ್ಯಗಳನ್ನು ಸೇರಿಸಲು ವಿಭಾಗ 354E ಅನ್ನು ಮಸೂದೆಯಲ್ಲಿ ಸೇರಿಸಲಾಗಿದೆ. ಯಾವುದೇ ಕ್ರಿಯೆ, ಕಾರ್ಯ, ಲೇಖನ ಅಥವಾ ಪದಗಳಿಂದ ಆಕೆಯ ಘನತೆಗೆ ಚ್ಯುತಿ ತರುವುದರ ಹೊರತಾಗಿ ಆಕ್ರಮಣಕಾರಿ ಅಶ್ಲೀಲ ಸಂವಹನವು ದಂಡ ಮತ್ತು ಜೈಲು ಶಿಕ್ಷೆ ವಿಧಿಸಬಹುದಾದ ಅಪರಾಧವಾಗುತ್ತದೆ.
- ಇದು ಮಹಿಳೆಯರ ಮಾರ್ಫ್ ಮಾಡಿದ ವೀಡಿಯೊಗಳನ್ನು ಅಪ್ಲೋಡ್ ಮಾಡುವುದು ಅಥವಾ ಮಹಿಳೆಯರ ಮಾನಹಾನಿ ಮಾಡುವ, ಅವರಿಗೆ ಅಪಖ್ಯಾತಿ ಉಂಟುಮಾಡುವ ಅಥವಾ ಅವರ ಗೌಪ್ಯತೆಯನ್ನು ಉಲ್ಲಂಘಿಸುವ ವೀಡಿಯೊಗಳನ್ನು ಅಥವಾ ಫೋಟೋಗಳನ್ನು ಅಪ್ಲೋಡ್ ಮಾಡುವ ಬೆದರಿಕೆ ಹಾಕುವುದನ್ನು,ಒಳಗೊಂಡಿರುತ್ತದೆ.
- ಈ ಮೊದಲು, ಈ ರೀತಿಯ ಪ್ರಕರಣಗಳಲ್ಲಿ ಶಿಕ್ಷೆಯ ನಿಬಂಧನೆಯು ಒಂದು ತಿಂಗಳವರೆಗೆ ಸರಳ ಜೈಲು ಶಿಕ್ಷೆ ಅಥವಾ 5 ಲಕ್ಷ ರೂಪಾಯಿ ದಂಡ ಅಥವಾ ಎರಡನ್ನೂ ವಿಧಿಸಲಾಗುತ್ತಿತ್ತು. ಇದೀಗ ಸಮಿತಿಯು ಜೈಲು ಶಿಕ್ಷೆಯನ್ನು ಮೂರು ತಿಂಗಳಿಗೆ ಹೆಚ್ಚಿಸಿದೆ ಮತ್ತು ದಂಡವನ್ನು 25 ಲಕ್ಷ ರೂಪಾಯಿಗಳಿಗೆ ಹೆಚ್ಚಿಸಿದೆ ಅಥವಾ ಎರಡನ್ನೂ ವಿಧಿಸಬಹುದಾಗಿದೆ.
“ಸುಳ್ಳು” ಮಾಹಿತಿ ಮತ್ತು “ಸೂಚ್ಯ ಒಪ್ಪಿಗೆ” ಗಾಗಿ ನಿಬಂಧನೆಗಳು:
ಮಸೂದೆಯು ಯಾವುದೇ ವ್ಯಕ್ತಿಯನ್ನು ಕೇವಲ, ಅವಮಾನಿಸುವ, ಬೆದರಿಸುವ ಅಥವಾ ಬಲವಂತಪಡಿಸುವ, ಮಾನಹಾನಿ ಮಾಡುವ ಅಥವಾ ಕಿರುಕುಳ ನೀಡುವ ಉದ್ದೇಶದಿಂದ ‘ಸುಳ್ಳು ದೂರನ್ನು’ ನೀಡಿದರೆ ಅಥವಾ ಕಪೋಲಕಲ್ಪಿತ ಅಪರಾಧಕ್ಕೆ ಸಂಬಂಧಿಸಿದಂತೆ ಸುಳ್ಳು ಮಾಹಿತಿಯನ್ನು ಒದಗಿಸಿದರೆ ಆ ವ್ಯಕ್ತಿಗೆ ದಂಡದೊಂದಿಗೆ ಒಂದು ವರ್ಷದವರೆಗೆ ವಿಸ್ತರಿಸಬಹುದಾದ ಅವಧಿಗೆ ಜೈಲು ಶಿಕ್ಷೆಯನ್ನು ಅಥವಾ ದಂಡ ಅಥವಾ ಎರಡನ್ನು ವಿಧಿಸುವ ಅವಕಾಶವನ್ನು ಮಸೂದೆಯು ಒದಗಿಸುತ್ತದೆ.
- ಇದಕ್ಕಾಗಿ ಸಮಿತಿಯು ಮೂರು ವರ್ಷಕ್ಕೆ ಕಡಿಮೆಯಿಲ್ಲದ ಮತ್ತು ಮೂರು ವರ್ಷಗಳವರೆಗೆ ವಿಸ್ತರಿಸಬಹುದಾದ ಜೈಲು ಶಿಕ್ಷೆ ಮತ್ತು 1 ಲಕ್ಷ ರೂ ಗಳ ದಂಡ ವಿಧಿಸುವಿಕೆಯನ್ನು ಪ್ರತಿಪಾದಿಸಿದೆ. ಈ ಮೊದಲು ಇಂತಹ ಸುಳ್ಳು ದೂರುಗಳಿಗೆ, ಒಂದು ವರ್ಷದವರೆಗೆ ಸರಳ ಜೈಲು ಶಿಕ್ಷೆ ಮತ್ತು ನಿರ್ದಿಷ್ಟಪಡಿಸದ ದಂಡವನ್ನು ವಿಧಿಸಲು ಅವಕಾಶವಿತ್ತು.
ಸಾಮಾನ್ಯ ಅಧ್ಯಯನ ಪತ್ರಿಕೆ : 2
ವಿಷಯಗಳು: ಸರ್ಕಾರದ ವಿವಿಧ ಅಂಗಗಳ ನಡುವೆ ಅಧಿಕಾರ ವಿಭಜನೆ, ವಿವಾದ ಪರಿಹಾರ ಕಾರ್ಯವಿಧಾನಗಳು ಮತ್ತು ಸಂಸ್ಥೆಗಳು.
ಸಂಸತ್ತಿನಲ್ಲಿ ಅಡಚಣೆಗಳು:
(Disruptions in Parliament)
ಸಂದರ್ಭ:
ಇತ್ತೀಚೆಗಷ್ಟೇ ಸಂಸತ್ತಿನ ಕಲಾಪವನ್ನು ಅನಿರ್ಧಿಷ್ಟಾವಧಿಗೆ ಮುಂದೂಡಲಾಗಿದ್ದು, ಲೋಕಸಭೆ ಮತ್ತು ರಾಜ್ಯಸಭೆಯ ಸಭಾಧ್ಯಕ್ಷರು ನಿರಂತರ ಅಸ್ತವ್ಯಸ್ತತೆಯ/ಅಡಚಣೆಗಳ ಬಗ್ಗೆ ಕಳವಳ ವ್ಯಕ್ತಪಡಿಸಿದ್ದಾರೆ.
ಸದನಗಳ ಕಾರ್ಯಕ್ಷಮತೆ:
- 18 ಅಧಿವೇಶನಗಳಲ್ಲಿ ರಾಜ್ಯಸಭೆಯು ತನ್ನ ನಿಗದಿತ ಸಮಯದ 47.9% ಅನ್ನು ಮಾತ್ರ ಬಳಸಿಕೊಂಡಿತು. ರಾಜ್ಯಸಭೆಗೆ ನಿಗದಿಪಡಿಸಿದ ಒಟ್ಟು 95 ಗಂಟೆ ಆರು ನಿಮಿಷಗಳ ಸಮಯಾವಧಿಯಲ್ಲಿ, ಅದು ಕೇವಲ 45 ಗಂಟೆಗಳ ಕಲಾಪವನ್ನು ನಡೆಸಿತು.
- ಈ ಅಧಿವೇಶನದಲ್ಲಿ ರಾಜ್ಯಸಭೆಯು “ಅದರ ಸಾಮರ್ಥ್ಯಕ್ಕಿಂತ ಬಹಳ ಕಡಿಮೆ” ಪ್ರದರ್ಶನ ನೀಡಿತು, ಅಧಿವೇಶನದ ಆರಂಭದಲ್ಲಿ 12 ರಾಜ್ಯಸಭಾ ಸದಸ್ಯರನ್ನು ಸಂಪೂರ್ಣವಾಗಿ ಅಮಾನತುಗೊಳಿಸಿದ ಪರಿಸ್ಥಿತಿಯು ಸಂಸತ್ತಿನಲ್ಲಿ ಮೊದಲಿಗಿಂತ ಹೆಚ್ಚು ಆಳವಾದ ವಿರೋಧಾಭಾಸದ ಪರಿಸ್ಥಿತಿಯನ್ನು ಸೃಷ್ಟಿಸಿತು.
- ಲೋಕಸಭೆಯು 83 ಗಂಟೆ 20 ನಿಮಿಷಗಳ ಕಲಾಪವನ್ನು 18 ಗಂಟೆ 48 ನಿಮಿಷಗಳ ಅಡೆತಡೆಯೊಂದಿಗೆ ನಡೆಸಿತು.
ಏನಿದು ಪ್ರಕರಣ?
ಇತ್ತೀಚೆಗಷ್ಟೇ ಮುಖ್ಯ ನ್ಯಾಯಮೂರ್ತಿ ಎನ್.ವಿ.ರಮಣ ಅವರು ಸಂಸತ್ತಿನಲ್ಲಿ ಗುಣಮಟ್ಟದ ಚರ್ಚೆಯ ಕೊರತೆಯ ಕುರಿತು ಅತೃಪ್ತಿ ವ್ಯಕ್ತಪಡಿಸಿದ್ದರು. ಇದು ವಿಷಾದನೀಯ ಪರಿಸ್ಥಿತಿಯಾಗಿದೆ ಎಂದು ಅವರು ಹೇಳಿದರು ಮತ್ತು ಸಕಾರಾತ್ಮಕ ಮತ್ತು ಗುಣಮಟ್ಟದ ಚರ್ಚೆಗಳ ಅನುಪಸ್ಥಿತಿಯಲ್ಲಿ, ಕಾನೂನುಗಳ ಅನೇಕ ಅಂಶಗಳು ಅಸ್ಪಷ್ಟವಾಗಿರುತ್ತವೆ, ಇದರಿಂದ ನ್ಯಾಯಾಲಯದ ಮೇಲಿನ ಹೊರೆ ಇನ್ನಷ್ಟು ಹೆಚ್ಚುತ್ತದೆ ಎಂದು ಮುಖ್ಯ ನ್ಯಾಯಮೂರ್ತಿಗಳು ಹೇಳಿದ್ದಾರೆ.
ಮುಂದಿನ ನಡೆ ಏನು?
ಇಂತಹ ಕಾಮೆಂಟ್ / ಟಿಪ್ಪಣಿಗಳನ್ನು ಶಾಸಕಾಂಗಗಳ ಕಾರ್ಯನಿರ್ವಹಣೆಯ ಹಿನ್ನೆಲೆಯಲ್ಲಿ ನೋಡಬೇಕು, ಇದು ಆಗಾಗ್ಗೆ ಅಡ್ಡಿಪಡಿಸುವಿಕೆ, ಅನಿಯಂತ್ರಿತ ನಡವಳಿಕೆ ಮತ್ತು ಹಿಂಸಾತ್ಮಕ ಕ್ರಮಗಳು ಮತ್ತು ಹಾನಿಕಾರಕ ಪರಿಣಾಮಗಳನ್ನು ಹೊಂದಿದೆ ಎಂದು ಗುರುತಿಸಬೇಕು.
- ಈ ರೀತಿಯ ಕಾಮೆಂಟ್ಗಳಿಗೆ ಪ್ರತಿಕ್ರಿಯಿಸಲು ಉತ್ತಮ ಮಾರ್ಗವೆಂದರೆ,ಶಾಸಕಾಂಗಗಳ ಘನತೆ ಮತ್ತು ಸಭ್ಯತೆಯನ್ನು ಖಾತ್ರಿಪಡಿಸುವ ಮೂಲಕ ಅವುಗಳ ಸರಿಯಾದ ಕಾರ್ಯನಿರ್ವಹಣೆಯನ್ನು ಖಚಿತಪಡಿಸಿಕೊಳ್ಳಬೇಕು,ಏಕೆಂದರೆ ಇಂತಹ ಕಾಮೆಂಟ್ಗಳು ಶಾಸಕಾಂಗಗಳ ಕಾರ್ಯನಿರ್ವಹಣೆಯ ಬಗ್ಗೆ ಸಾರ್ವಜನಿಕರ ದೃಷ್ಟಿಕೋನದ ಮೇಲೆ ಪರಿಣಾಮ ಬೀರುತ್ತವೆ.
ಪ್ರಮುಖ ಕಾಳಜಿಗಳು:
ನಮ್ಮ ಶಾಸಕಾಂಗ ವ್ಯವಹಾರದ ಅಡಿಪಾಯವಾದ ‘ಚರ್ಚೆ’ಯ ಸ್ಥಾನವನ್ನು ‘ಅಡಚಣೆ’ (Disruption) ತೆಗೆದುಕೊಳ್ಳುತ್ತಿದೆ.
- PRS ಲೆಜಿಸ್ಲೇಟಿವ್ ರಿಸರ್ಚ್ನ (PRS Legislative Research) ವರದಿಯ ಪ್ರಕಾರ, 15ನೇ ಲೋಕಸಭೆಯ (2009-14) ಅವಧಿಯಲ್ಲಿ ಸಂಸತ್ತಿನ ಕಲಾಪಗಳಲ್ಲಿ ಆಗಾಗ ಅಡ್ಡಿ ಉಂಟಾದ ಕಾರಣ, ಲೋಕಸಭೆ ಮತ್ತು ರಾಜ್ಯಸಭೆಗಳು ಕ್ರಮವಾಗಿ ಅವುಗಳ ಒಟ್ಟಾರೆ ನಿಗದಿತ ಸಮಯದ ಶೇಕಡಾ 61 ಮತ್ತು 66 ರಷ್ಟು ಕಾರ್ಯನಿರ್ವಹಿಸಿವೆ.
- PRS ನ ಮತ್ತೊಂದು ವರದಿಯ ಪ್ರಕಾರ, 16 ನೇ ಲೋಕಸಭೆಯು (2014-19) ಅದರ ನಿಗದಿತ ಸಮಯದ 16% ಅಡ್ಡಿಗಳಿಂದಾಗಿ ವ್ಯರ್ಥವಾಯಿತು. ಇದು 15 ನೇ ಲೋಕಸಭೆಗಿಂತ (37%) ಉತ್ತಮವಾಗಿದೆ ಆದರೆ 14 ನೇ ಲೋಕಸಭೆಗಿಂತ (13%) ಕೆಟ್ಟದಾಗಿದೆ.
- 16 ನೇ ಲೋಕಸಭೆಯ ಅವಧಿಯಲ್ಲಿ, ರಾಜ್ಯಸಭೆಯು ಅಡ್ಡಿಪಡಿಸಿದ ಕಾರಣದಿಂದ ತನ್ನ ನಿಗದಿತ ಸಮಯದ 36 ಪ್ರತಿಶತವನ್ನು ಕಳೆದುಕೊಂಡಿತು. 15 ಮತ್ತು 14 ನೇ ಲೋಕಸಭೆಯ ಅವಧಿಯಲ್ಲಿ, ರಾಜ್ಯಸಭೆಯು ಕ್ರಮವಾಗಿ ತನ್ನ ನಿಗದಿತ ಸಮಯದ 32% ಮತ್ತು 14% ನಷ್ಟು ಕಳೆದುಕೊಂಡಿತು.
ಅಡಚಣೆಗೆ ಕಾರಣಗಳು:
- ವಿವಾದಾತ್ಮಕ ವಿಷಯಗಳು ಮತ್ತು ಸಾರ್ವಜನಿಕ ಪ್ರಾಮುಖ್ಯತೆಯ ವಿಷಯಗಳ ಕುರಿತು ಚರ್ಚೆ.
- ಆಡಳಿತ ಪಕ್ಷವು ಜವಾಬ್ದಾರಿಯಿಂದ ತಪ್ಪಿಸಿಕೊಳ್ಳುವಲ್ಲಿ ಅಡ್ಡಿಗಳು ಸಹಾಯಕವಾಗಬಹುದು.
- ಪಟ್ಟಿ ಮಾಡದ ಚರ್ಚೆಗೆ ಮೀಸಲಾದ ಸಮಯದ ಕೊರತೆ.
- ಶಿಸ್ತಿನ ಅಧಿಕಾರಗಳ ವಿರಳ ಬಳಕೆ.
- ಪಕ್ಷ ರಾಜಕಾರಣ.
ಈಗ ಮಾಡಬೇಕಿರುವುದೇನು?
- ಸಂಸತ್ತಿನಲ್ಲಿ ಅವ್ಯವಸ್ಥೆಯನ್ನು ತಡೆಯಲು ಸಂಸದರು ಮತ್ತು ಶಾಸಕರಿಗೆ ‘ನೀತಿ ಸಂಹಿತೆ’ಯನ್ನು ಕಟ್ಟುನಿಟ್ಟಾಗಿ ಜಾರಿಗೊಳಿಸುವ ಅಗತ್ಯವಿದೆ.
- ನೀತಿ ಸಂಹಿತೆ ಪಾಲಿಸದ ಹಾಗೂ ಸದನಗಳ ಕಲಾಪಕ್ಕೆ ಅಡ್ಡಿಪಡಿಸುವ ಸಂಸದರನ್ನು ಸಭಾಧ್ಯಕ್ಷರು ಅಮಾನತುಗೊಳಿಸಬೇಕು.
- ಈಗಿನ ಸರಕಾರವು, ಹೆಚ್ಚು ಪ್ರಜಾಸತ್ತಾತ್ಮಕವಾಗಿರಬೇಕು ಮತ್ತು ಪ್ರತಿಪಕ್ಷಗಳು ಮುಕ್ತವಾಗಿ ತಮ್ಮ ಅಭಿಪ್ರಾಯಗಳನ್ನು ವ್ಯಕ್ತಪಡಿಸಲು ಅವಕಾಶ ಮಾಡಿಕೊಡಬೇಕು.
- ಅಡೆತಡೆಗಳು ಮತ್ತು ಮುಂದೂಡಿಕೆಗಳಲ್ಲಿ ವ್ಯರ್ಥವಾಗುವ ಗಂಟೆಗಳ ಸಂಖ್ಯೆಯನ್ನು ಗಣನೆಗೆ ತೆಗೆದುಕೊಳ್ಳಲು ಮತ್ತು ಸಂಸತ್ತಿನ ಎರಡೂ ಸದನಗಳ ದೈನಂದಿನ ಕೆಲಸದ ಉತ್ಪಾದಕತೆಯನ್ನು ಮೇಲ್ವಿಚಾರಣೆ ಮಾಡಲು “ಉತ್ಪಾದನಾ ಮಾಪಕ” ವನ್ನು ರೂಪಿಸಬೇಕು.
ಪರಿಸಮಾಪ್ತಿ:
ಪ್ರಮುಖ ವಿಷಯಗಳ ಕುರಿತ ಒಮ್ಮತಗಳು ಮತ್ತು ಭಿನ್ನಾಭಿಪ್ರಾಯಗಳು ಚರ್ಚೆಗಳಲ್ಲಿ ಪ್ರತಿಫಲಿಸಬೇಕೇ ಹೊರತು ಕಲಾಪವನ್ನು ಅಡ್ಡಿಪಡಿಸುವ ಮೂಲಕ ಅಲ್ಲ” ಮತ್ತು ಸದನವನ್ನು ಸುಗಮವಾಗಿ ನಡೆಸುವುದು ಎಲ್ಲಾ ಮಧ್ಯಸ್ಥಗಾರರ ಜವಾಬ್ದಾರಿಯಾಗಿದೆ ಮತ್ತು ಅದರ ಕಾರ್ಯವೈಖರಿಯನ್ನು ಎಲ್ಲರ ಸಾಮೂಹಿಕ ಇಚ್ಛೆ ಮತ್ತು ಒಪ್ಪಿಗೆಯೊಂದಿಗೆ ನಡೆಸಬೇಕು.
ವಿಷಯಗಳು: ಸರ್ಕಾರದ ನೀತಿಗಳು ಮತ್ತು ವಿವಿಧ ಕ್ಷೇತ್ರಗಳಲ್ಲಿನ ಅಭಿವೃದ್ಧಿಗೆ ಸಂಬಂಧಿಸಿದ ಅಡಚಣೆಗಳು ಮತ್ತು ಅವುಗಳ ವಿನ್ಯಾಸ ಮತ್ತು ಅನುಷ್ಠಾನದಿಂದ ಉಂಟಾಗುವ ಸಮಸ್ಯೆಗಳು.
ವಿಶ್ವ ಪತ್ರಿಕಾ ಸ್ವಾತಂತ್ರ್ಯ ಸೂಚ್ಯಂಕದಲ್ಲಿ ಭಾರತದ ಶ್ರೇಣಿಯನ್ನು ಒಪ್ಪದ ಕೇಂದ್ರ:
(Centre disagrees with India’s rank on World Press Freedom Index)
ಸಂದರ್ಭ:
ಮೀಡಿಯಾ ವಾಚ್ಡಾಗ್ ಆದ ರಿಪೋರ್ಟರ್ಸ್ ವಿಥೌಟ್ ಬಾರ್ಡರ್ಸ್ (Reporters Without Borders) ಸಿದ್ಧಪಡಿಸಿದ ವಿಶ್ವ ಪತ್ರಿಕಾ ಸ್ವಾತಂತ್ರ್ಯ ಸೂಚ್ಯಂಕ (Press Freedom Index)ದಲ್ಲಿ ಭಾರತದ ಕಡಿಮೆ ಶ್ರೇಣಿಯನ್ನು ಕೇಂದ್ರವು ಒಪ್ಪಿಲ್ಲ.
ಏನಿದು ಪ್ರಕರಣ?
ವರದಿಯು ಸಣ್ಣ ಮಾದರಿಯ ಸಮೀಕ್ಷೆಯನ್ನು ಆಧರಿಸಿದೆ ಮತ್ತು “ಪ್ರಜಾಪ್ರಭುತ್ವದ ಮೂಲಭೂತ” ತತ್ವಗಳಿಗೆ ಕಡಿಮೆ ಪ್ರಾಮುಖ್ಯತೆಯನ್ನುನೀಡಲಾಗಿದೆ ಅಥವಾ ಯಾವುದೇ ಪ್ರಾಮುಖ್ಯತೆಯನ್ನು ನೀಡಿಲ್ಲ ಎಂದು ಸರ್ಕಾರವು ಹೇಳಿಕೊಂಡಿದೆ.
ಸೂಚ್ಯಂಕದಲ್ಲಿ ಭಾರತದ ಶ್ರೇಯಾಂಕ ಮತ್ತು ಕಾಳಜಿಗೆ ಕಾರಣ:
ಮಾರ್ಚ್ನಲ್ಲಿ, ರಿಪೋರ್ಟರ್ಸ್ ವಿದೌಟ್ ಬಾರ್ಡರ್ಸ್, ಪತ್ರಿಕಾ ಸ್ವಾತಂತ್ರ್ಯದ ವಿಷಯದಲ್ಲಿ ಭಾರತವು 180 ದೇಶಗಳಲ್ಲಿ 142 ನೇ ಸ್ಥಾನದಲ್ಲಿದೆ ಎಂದು ಹೇಳಿತ್ತು.
- ಅದು,ಪತ್ರಿಕೋದ್ಯಮಕ್ಕೆ ಸಂಬಂಧಿಸಿದಂತೆ ಭಾರತವನ್ನು “ಕೆಟ್ಟ”(Bad) ವರ್ಗಕ್ಕೆ ಸೇರಿಸಿದೆ.
- ಈ ವರ್ಷ ವಿಶ್ವದಾದ್ಯಂತ ಕೊಲ್ಲಲ್ಪಟ್ಟ ಪತ್ರಕರ್ತರ ವಿಷಯದಲ್ಲಿ ಭಾರತವು ಐದು ಅಪಾಯಕಾರಿ ರಾಷ್ಟ್ರಗಳಲ್ಲಿ ಒಂದಾಗಿದೆ ಎಂದು ಅದು ಹೇಳಿದೆ.
- ಅಲ್ಲದೆ, ವರದಿಯು ಸಮೀಕ್ಷೆಗಾಗಿ “ಪ್ರಶ್ನಾರ್ಹ ವಿಧಾನ” ವನ್ನು ಅನುಸರಿಸಿದೆ. ಅಲ್ಲದೆ ಅದು ಪತ್ರಿಕಾ ಸ್ವಾತಂತ್ರ್ಯದ ಬಗ್ಗೆ ಸ್ಪಷ್ಟವಾದ ವ್ಯಾಖ್ಯಾನವನ್ನು ಹೊಂದಿಲ್ಲ.
ವಿಶ್ವ ಪತ್ರಿಕಾ ಸ್ವಾತಂತ್ರ್ಯ ಸೂಚ್ಯಂಕ 2021:
- ಸತತ 5ನೇ ವರ್ಷವೂ ನಾರ್ವೆ ಸೂಚ್ಯಂಕದಲ್ಲಿ ಅಗ್ರಸ್ಥಾನದಲ್ಲಿದೆ.
- ವರದಿಯು 132 ದೇಶಗಳನ್ನು “ಅತ್ಯಂತ ಕೆಟ್ಟ”, “ಕೆಟ್ಟ” ಅಥವಾ “ಸಮಸ್ಯಾತ್ಮಕ” ಗುಂಪುಗಳಾಗಿ ವರ್ಗೀಕರಿಸಿದೆ.
- ಕೋವಿಡ್ -19 ರ ಕ್ಷಿಪ್ರ ಹರಡುವಿಕೆಯ ಬಗ್ಗೆ ಸರ್ಕಾರ ಪ್ರಾಯೋಜಿತ ಪ್ರಚಾರವನ್ನು ಉತ್ತೇಜಿಸಲು ಸಾಂಕ್ರಾಮಿಕ ರೋಗವನ್ನು ಬಳಸುವ ಮೂಲಕ ಪತ್ರಕರ್ತರಿಗೆ ಪ್ರವೇಶವನ್ನು ನಿರಾಕರಿಸಲಾಗಿದೆ ಎಂದು ವರದಿ ಹೇಳುತ್ತದೆ.
ಸೂಚ್ಯಂಕದಲ್ಲಿ ಭಾರತ ಮತ್ತು ನೆರೆಯ ರಾಷ್ಟ್ರಗಳ ಸಾಧನೆ:
- 180 ದೇಶಗಳ ಪಟ್ಟಿಯಲ್ಲಿ ಭಾರತ 142 ನೇ ಸ್ಥಾನದಲ್ಲಿದೆ.
- ಭಾರತವನ್ನು, ಬ್ರೆಜಿಲ್, ಮೆಕ್ಸಿಕೊ ಮತ್ತು ರಷ್ಯಾಗಳೊಂದಿಗೆ “ಕೆಟ್ಟ” ವಿಭಾಗದಲ್ಲಿ ಇರಿಸಲಾಗಿದೆ.
- ತಮ್ಮ ಕೆಲಸವನ್ನು ಸರಿಯಾಗಿ ಮಾಡಲು ಪ್ರಯತ್ನಿಸುತ್ತಿರುವ ಪತ್ರಕರ್ತರಿಗೆ ಭಾರತವು ವಿಶ್ವದ ಅತ್ಯಂತ ಅಪಾಯಕಾರಿ ರಾಷ್ಟ್ರಗಳಲ್ಲಿ ಒಂದಾಗಿದೆ ಎಂದು ವರದಿ ಹೇಳಿದೆ.
- 2016 ರಲ್ಲಿ ಭಾರತವು 133 ನೇ ಸ್ಥಾನದಲ್ಲಿದ್ದು, ಇದು 2020 ರಲ್ಲಿ ತೀವ್ರವಾಗಿ 142ನೇ ಸ್ಥಾನಕ್ಕೆ ಕುಸಿದಿದೆ.
- ಸರ್ಕಾರವನ್ನು ಟೀಕಿಸಲು ಧೈರ್ಯಮಾಡಿದ ಪತ್ರಕರ್ತರ ವಿರುದ್ಧ ‘ಸಾಮಾಜಿಕ ಮಾಧ್ಯಮದಲ್ಲಿ ಅತ್ಯಂತ ಹಿಂಸಾತ್ಮಕ ದ್ವೇಷ ಪ್ರಚಾರ ಅಭಿಯಾನಗಳನ್ನು’ ನಡೆಸಿದ್ದಕ್ಕಾಗಿ ಭಾರತವನ್ನು ತೀವ್ರವಾಗಿ ಟೀಕಿಸಲಾಗಿದೆ.
- ಸೂಚ್ಯಂಕದಲ್ಲಿ, ದಕ್ಷಿಣ ಏಷ್ಯಾದಲ್ಲಿ, ನೇಪಾಳ 106, ಶ್ರೀಲಂಕಾ 127, ಮ್ಯಾನ್ಮಾರ್ 140, ಪಾಕಿಸ್ತಾನ 145 ಮತ್ತು ಬಾಂಗ್ಲಾದೇಶ 152 ನೇ ಸ್ಥಾನದಲ್ಲಿದೆ.
- ಚೀನಾ 177 ಮತ್ತು ಅಮೆರಿಕ 44 ನೇ ಸ್ಥಾನದಲ್ಲಿದೆ.
ವಿಶ್ವ ಪತ್ರಿಕಾ ಸ್ವಾತಂತ್ರ್ಯ ಸೂಚ್ಯಂಕದ ಕುರಿತು:
- 2002 ರಿಂದ ವಾರ್ಷಿಕವಾಗಿ ರಿಪೋರ್ಟರ್ಸ್ ವಿಥೌಟ್ ಬಾರ್ಡರ್ಸ್ (Reporters Without Borders) ನಿಂದ ಪ್ರಕಟವಾಗುವ ‘ವಿಶ್ವ ಪತ್ರಿಕಾ ಸ್ವಾತಂತ್ರ್ಯ ಸೂಚ್ಯಂಕ’ವು 180 ದೇಶಗಳಲ್ಲಿನ ಮಾಧ್ಯಮ ಸ್ವಾತಂತ್ರ್ಯದ ಮಟ್ಟವನ್ನು ನಿರ್ಣಯಿಸುತ್ತದೆ.
- ಮಾಧ್ಯಮ ಸ್ವಾತಂತ್ರ್ಯದ ಮೌಲ್ಯಮಾಪನದ ಆಧಾರದ ಮೇಲೆ ಈ ಸೂಚಿಯನ್ನು ತಯಾರಿಸಲಾಗುತ್ತದೆ, ಇದರಲ್ಲಿ ಮಾಧ್ಯಮದಲ್ಲಿ ಬಹುತ್ವ, ಮಾಧ್ಯಮ ಸ್ವಾತಂತ್ರ್ಯ, ಕಾನೂನು ವ್ಯವಸ್ಥೆಯ ಗುಣಮಟ್ಟ ಮತ್ತು ಪತ್ರಕರ್ತರ ಸುರಕ್ಷತೆಯನ್ನು ನಿರ್ಣಯಿಸಲಾಗುತ್ತದೆ.
- ಸೂಚ್ಯಂಕವು ಪ್ರತಿ ಪ್ರದೇಶದ ಮಾಧ್ಯಮ ಸ್ವಾತಂತ್ರ್ಯದ ಉಲ್ಲಂಘನೆಯ ಮಟ್ಟವನ್ನು ಸಹ ಒಳಗೊಂಡಿದೆ.
- ವಿಶ್ವದಾದ್ಯಂತದ ತಜ್ಞರು 20 ಭಾಷೆಗಳಲ್ಲಿ ಸಿದ್ಧಪಡಿಸಿದ ಪ್ರಶ್ನಾವಳಿಯ ಮೂಲಕ ಸೂಚ್ಯಂಕವನ್ನು ಸಂಕಲಿಸಲಾಗಿದೆ.ಈ ಗುಣಾತ್ಮಕ ವಿಶ್ಲೇಷಣೆಯನ್ನು ಮೌಲ್ಯಮಾಪನ ಮಾಡಿದ ಅವಧಿಯಲ್ಲಿ ಪತ್ರಕರ್ತರ ಮೇಲಿನ ನಿಂದನೆ ಮತ್ತು ಹಿಂಸಾಚಾರದ ಪರಿಮಾಣಾತ್ಮಕ ದತ್ತಾಂಶದೊಂದಿಗೆ ಸಂಯೋಜಿಸಲಾಗಿದೆ.
ವಿಷಯಗಳು: ಪ್ರಮುಖ ಅಂತರರಾಷ್ಟ್ರೀಯ ಸಂಸ್ಥೆಗಳು, ಏಜೆನ್ಸಿಗಳು ಮತ್ತು ವೇದಿಕೆಗಳು, ಅವುಗಳ ರಚನೆ, ಮತ್ತು ಆದೇಶ.
ವಿಶ್ವಸಂಸ್ಥೆಯ ನಿರಾಶ್ರಿತರ ಹೈ ಕಮಿಷನರ್ (UNHCR):
(United Nations High Commissioner for Refugees (UNHCR)
ಸಂದರ್ಭ:
ಇತ್ತೀಚೆಗೆ, Vodafone ವಿಶ್ವದ ಮೊದಲ ‘ಶಾರ್ಟ್ ಮೆಸ್ಸೇಜ್ ಸರ್ವಿಸ್’ ಅಂದರೆ SMS ಅನ್ನು ನಾನ್-ಫಂಜಿಬಲ್ ಟೋಕನ್ (Non-Fungible Token – NFT) ಆಗಿ ಹರಾಜು ಮಾಡುವುದಾಗಿ ಘೋಷಿಸಿತು. ಕಂಪನಿಯ ಪ್ರಕಾರ, ಈಗ ಒಬ್ಬ ಬಿಡ್ದಾರನು ‘ಸಂಕ್ಷಿಪ್ತ ಸಂದೇಶ’ ಕ್ಕಿಂತ ಮೊದಲು ‘ಸಂವಹನ ಪ್ರೋಟೋಕಾಲ್ನ ಪ್ರತಿಕೃತಿ’ಗಾಗಿ 107,000 ಯುರೋಗಳನ್ನು ಪಾವತಿಸಿದ್ದಾನೆ. ಈ ಪ್ರತಿಕೃತಿಯನ್ನು ‘ನಾನ್ ರಿಡೀಮ್ ಮಾಡಬಹುದಾದ ಟೋಕನ್’ (NFT) ಆಗಿ ಇರಿಸಲಾಗುತ್ತದೆ, ಅಂದರೆ ಇದನ್ನು ಬೇರೆಯವರಿಗೆ ಮಾರಾಟ ಮಾಡಲಾಗುವುದಿಲ್ಲ ಅಥವಾ ವರ್ಗಾಯಿಸಲಾಗುವುದಿಲ್ಲ.
- ಸಂಘರ್ಷ ಮತ್ತು ಕಿರುಕುಳದಿಂದಾಗಿ ತಮ್ಮ ಮನೆಗಳನ್ನು ತೊರೆದು ಬಲವಂತವಾಗಿ ಪಲಾಯನ ಮಾಡಿದ 82.4 ಮಿಲಿಯನ್ ಜನರಿಗೆ ಸಹಾಯ ಮಾಡಲು ವಿಶ್ವಸಂಸ್ಥೆಯ ನಿರಾಶ್ರಿತರ ಸಂಸ್ಥೆಯಾದ UNHCR ಗೆ ವೊಡಾಫೋನ್ ಈ ಮೊತ್ತವನ್ನು ದಾನ ಮಾಡುತ್ತದೆ.
ವಿಶ್ವದ ಮೊದಲ ಎಸ್ಎಂಎಸ್:
ಪ್ರಪಂಚದ ಮೊದಲ SMS ಅನ್ನು ಸುಮಾರು ಮೂರು ದಶಕಗಳ ಹಿಂದೆ 3 ಡಿಸೆಂಬರ್ 1992 ರಂದು Vodafone ನೆಟ್ವರ್ಕ್ ಮೂಲಕ ಕಳುಹಿಸಲಾಯಿತು. SMS ಅನ್ನು ವೊಡಾಫೋನ್ ಉದ್ಯೋಗಿ ರಿಚರ್ಡ್ ಜಾರ್ವಿಸ್ ಸ್ವೀಕರಿಸಿದರು, ಅದರಲ್ಲಿ 15 ಅಕ್ಷರಗಳ “ಮೆರ್ರಿ ಕ್ರಿಸ್ಮಸ್” ಎಂಬ ಸಂದೇಶ ಬರೆಯಲಾಗಿತ್ತು.
NFT ಎಂದರೆನು?
‘ನಾನ್-ಫಂಜಿಬಲ್ ಟೋಕನ್ (NFT)’ ಈ ರೀತಿಯ ಒಂದು ಅನನ್ಯ ಡಿಜಿಟಲ್ ಸಂಗ್ರಹಣೆಯಾಗಿದೆ. ಇದರರ್ಥ ಇದು ಅನನ್ಯವಾಗಿದೆ ಮತ್ತು ಯಾವುದೇ ಇತರ ಸರಕು ಅಥವಾ ಯಾವುದೇ ಒಪ್ಪಂದದ ಅಡಿಯಲ್ಲಿ ಬದಲಾಯಿಸಲಾಗುವುದಿಲ್ಲ. ಡಿಜಿಟಲ್ ರೂಪದಲ್ಲಿ ಸಂಗ್ರಹಿಸಬಹುದಾದ ಯಾವುದೇ ಹಾಡು, ಚಲನಚಿತ್ರ, ಕಲಾಕೃತಿ, ಛಾಯಾಚಿತ್ರ, ಸಾಮಾಜಿಕ ಮಾಧ್ಯಮ ಪೋಸ್ಟ್, GIF ಇತ್ಯಾದಿಗಳನ್ನು ಈ ‘ವರ್ಚುವಲ್ ಟೋಕನ್’ ರೂಪದಲ್ಲಿ ಸಂರಕ್ಷಿಸಬಹುದು.
ವಿಶ್ವಸಂಸ್ಥೆಯ ನಿರಾಶ್ರಿತರ ಹೈ ಕಮಿಷನರ್ (UNHCR) ಕುರಿತು:
- ಇದು ವಿಶ್ವಸಂಸ್ಥೆಯ ನಿರಾಶ್ರಿತರ ಸಂಸ್ಥೆಯಾಗಿದೆ ಮತ್ತು ನಿರಾಶ್ರಿತರ ಜೀವಗಳನ್ನು ಉಳಿಸಲು, ಹಕ್ಕುಗಳನ್ನು ರಕ್ಷಿಸಲು ಮತ್ತು ಬಲವಂತವಾಗಿ ಸ್ಥಳಾಂತರಿಸಲ್ಪಟ್ಟ ಸಮುದಾಯಗಳಿಗೆ ಮತ್ತು ತಮ್ಮದೇ ಆದ ಸ್ವಂತ ದೇಶವಿಲ್ಲದ ಜನರಿಗೆ ಉತ್ತಮ ಭವಿಷ್ಯವನ್ನು ನಿರ್ಮಿಸಲು ಮೀಸಲಾಗಿರುವ ಜಾಗತಿಕ ಸಂಘಟನೆಯಾಗಿದೆ.
- ತಮ್ಮ ದೇಶದಿಂದ ಪಲಾಯನ ಮಾಡಿದ ಅಥವಾ ಮನೆಗಳನ್ನು / ಕುಟುಂಬಗಳನ್ನು ಕಳೆದುಕೊಂಡ ಲಕ್ಷಾಂತರ ಯುರೋಪಿಯನ್ನರಿಗೆ ಸಹಾಯ ಮಾಡಲು ಇದನ್ನು 1950 ರಲ್ಲಿ ರಚಿಸಲಾಯಿತು.
- ಇದರ ಪ್ರಧಾನ ಕಚೇರಿ ಸ್ವಿಟ್ಜರ್ಲೆಂಡ್ನ ಜಿನೀವಾದಲ್ಲಿದೆ.
ಸಾಮಾನ್ಯ ಅಧ್ಯಯನ ಪತ್ರಿಕೆ : 3
ವಿಷಯಗಳು: ಭಾರತೀಯ ಆರ್ಥಿಕತೆ ಮತ್ತು ಯೋಜನೆ, ಸಂಪನ್ಮೂಲಗಳ ಕ್ರೋಡೀಕರಣ , ಪ್ರಗತಿ, ಅಭಿವೃದ್ಧಿ ಮತ್ತು ಉದ್ಯೋಗಕ್ಕೆ ಸಂಬಂಧಿಸಿದ ಸಮಸ್ಯೆಗಳು.
ಕೃಷಿ ಉತ್ಪನ್ನಗಳಲ್ಲಿ ಭವಿಷ್ಯದ ವ್ಯಾಪಾರದ ಅಮಾನತು:
(The suspension of futures trading in agri products)
ಸಂದರ್ಭ:
ಭಾರತೀಯ ಷೇರು ಪೇಟೆ ನಿಯಂತ್ರಣ ಮಂಡಳಿಯು (Securities & Exchange Board of India – SEBI) ಪ್ರಮುಖ ಕೃಷಿ ಉತ್ಪನ್ನಗಳಾದ ಭತ್ತ (ಬಾಸ್ಮತಿ ಅಲ್ಲದ), ಗೋಧಿ, ಕಡಲೆಬೇಳೆ, ಸಾಸಿವೆ ಮತ್ತು ಅದರ ಉತ್ಪನ್ನಗಳು (Derivatives), ಸೋಯಾ ಬೀನ್ ಮತ್ತು ಅದರ ಉತ್ಪನ್ನಗಳು, ಕಚ್ಚಾ ತಾಳೆ ಎಣ್ಣೆಯನ್ನು (crude palm oil) ಮತ್ತು ಒಂದು ವರ್ಷದವರೆಗೆ ‘ಉತ್ಪನ್ನ ಒಪ್ಪಂದಗಳಲ್ಲಿ’ ಮೂಂಗ್ನ ವ್ಯಾಪಾರವನ್ನು ತಕ್ಷಣವೇ ಸ್ಥಗಿತಗೊಳಿಸುವಂತೆ ‘ಸರಕು ಉತ್ಪನ್ನ ವಿಭಾಗದಲ್ಲಿ’ ಷೇರು ವಿನಿಮಯ ಕೇಂದ್ರಗಳಿಗೆ ಸೂಚನೆಗಳನ್ನು ನೀಡಿದೆ.
‘ಉತ್ಪನ್ನ /ಡೆರಿವೇಟಿವ್ಗಳು ಒಪ್ಪಂದಗಳು’ ಎಂದರೇನು?
- ‘ಉತ್ಪನ್ನ ಒಪ್ಪಂದಗಳು’ (Derivative Contracts) ಎರಡು ಅಥವಾ ಹೆಚ್ಚಿನ ಪಕ್ಷಗಳ ನಡುವಿನ ಒಪ್ಪಂದಗಳಾಗಿವೆ, ಇದರಲ್ಲಿ ಉತ್ಪನ್ನಗಳ ‘ಉತ್ಪನ್ನ ಮೌಲ್ಯ’ (derivative value)ವು (ಈ ಸಂದರ್ಭದಲ್ಲಿ ಕೃಷಿ ಸರಕುಗಳು) ಮೂಲ/ಪ್ರಾಥಮಿಕ ಸ್ವತ್ತುಗಳನ್ನು ಆಧರಿಸಿದೆ.
- ಉತ್ಪನ್ನಗಳ ಬೆಲೆಯನ್ನು ‘ಮೂಲ ಆಸ್ತಿಗಳ’ ಬೆಲೆಯಲ್ಲಿನ ಏರಿಳಿತಗಳಿಂದ ನಿರ್ಧರಿಸಲಾಗುತ್ತದೆ.
- ಉತ್ಪನ್ನಗಳನ್ನು ವಿನಿಮಯದ ಮೂಲಕ ಅಥವಾ ‘ಓರ್ ದಿ ಕೌಂಟರ್’ (OTC) ಮೂಲಕ ವ್ಯಾಪಾರ ಮಾಡಬಹುದು.
ಈ ವ್ಯವಸ್ಥೆಯು ಹೇಗೆ ಕಾರ್ಯನಿರ್ವಹಿಸುತ್ತದೆ ಮತ್ತು ‘ಡಿರೈವೇಟಿವ್ ಟ್ರೇಡಿಂಗ್’(ಉತ್ಪನ್ನಗಳ ವ್ಯಾಪಾರ) ಎಂದರೇನು?
ವ್ಯಾಪಾರಿಗಳು, ಆಧಾರವಾಗಿರುವ ಆಸ್ತಿಯನ್ನು ತಕ್ಷಣವೇ ಖರೀದಿಸುವ ಬದಲು, ಆ ಆಸ್ತಿಯ ಭವಿಷ್ಯದ ಮೌಲ್ಯವನ್ನು ಅಂದಾಜು ಮಾಡುವ ಮೂಲಕ, ಉತ್ಪನ್ನದ ಒಪ್ಪಂದಗಳನ್ನು ತಮ್ಮ ಲಾಭವನ್ನು ಹೆಚ್ಚಿಸಲು ಖರೀದಿಸಲಾಗುತ್ತದೆ ಅಥವಾ ಮಾರಾಟ ಮಾಡಲಾಗುತ್ತದೆ. ಇದನ್ನು ‘ಡಿರೈವೇಟಿವ್ ಟ್ರೇಡಿಂಗ್’ ಎಂದು ಕರೆಯಲಾಗುತ್ತದೆ.
- ವ್ಯಾಪಾರಿಗಳು ಪ್ರಸ್ತುತ ಅಸ್ತಿತ್ವದಲ್ಲಿರುವ ಸ್ಥಾನದ ವಿರುದ್ಧ ಅಪಾಯವನ್ನು ಕಡಿಮೆ / ‘ಹೆಡ್ಜಿಂಗ್’ ಮಾಡಲು ‘ಡಿರೈವೇಟಿವ್ ಗಳನ್ನು’ ಬಳಸುತ್ತಾರೆ.
- ಉತ್ಪನ್ನಗಳ ಮೂಲಕ, ವ್ಯಾಪಾರಿಗಳು ಅಲ್ಪಾವಧಿಯಲ್ಲಿ ಆಸ್ತಿಯ ಬೆಲೆಗಳ ಕುಸಿತದಿಂದಲೂ ಲಾಭವನ್ನು ಗಳಿಸಬಹುದು.
- ವರ್ತಕರು ಅಸ್ತಿತ್ವದಲ್ಲಿರುವ ದೀರ್ಘಾವಧಿಯ ಸ್ಥಾನದ/ಸ್ಥಿತಿಯ ವಿರುದ್ಧ ರಕ್ಷಣೆ ಪಡೆಯಲು ಉತ್ಪನ್ನಗಳನ್ನು ಬಳಸುತ್ತಾರೆ.
- ಇದರ ಅಂತಿಮ ಗುರಿ ಲಾಭ ಗಳಿಸುವುದಾಗಿದೆ, ಮತ್ತು ಇದು ಮಾರುಕಟ್ಟೆಯಲ್ಲಿ ‘ಬೆಲೆಯ ಶಿಸ್ತು’ ತರಲು ಒಂದು ಪ್ರತಿಬಂಧಕವಾಗಿ ಕಂಡುಬರುತ್ತದೆ.
ಭವಿಷ್ಯದ ವ್ಯಾಪಾರವನ್ನು ಸ್ಥಗಿತಗೊಳಿಸಲು ಕಾರಣ:
- ಕೃಷಿ ಉತ್ಪನ್ನಗಳಲ್ಲಿ ‘ಭವಿಷ್ಯದ ವ್ಯಾಪಾರ’ವನ್ನು ಸ್ಥಗಿತಗೊಳಿಸುವ ಉದ್ದೇಶವು ಹಣದುಬ್ಬರವನ್ನು ಉತ್ತೇಜಿಸುವ ಈ ಅಗತ್ಯ ವಸ್ತುಗಳ ಏರುತ್ತಿರುವ ಬೆಲೆಗಳನ್ನು ನಿಯಂತ್ರಿಸುವುದಾಗಿದೆ. ಭಾರತವು ಸಸ್ಯಜನ್ಯ ಎಣ್ಣೆಗಳ ವಿಶ್ವದ ಅತಿದೊಡ್ಡ ಆಮದುದಾರನಾಗಿದೆ, ಹೀಗಾಗಿ ‘ಖಾದ್ಯ ತೈಲ ಆಮದುದಾರರು ಮತ್ತು ವ್ಯಾಪಾರಿಗಳಿಗೆ’ ಈ ಸರಕುಗಳ ವ್ಯಾಪಾರವನ್ನು ಕೈಗೊಳ್ಳುವುದು ಕಷ್ಟಕರವಾಗಿಸುತ್ತದೆ, ಏಕೆಂದರೆ ಹೆಚ್ಚಿನ ವ್ಯಾಪಾರಿಗಳು ತಮ್ಮ ಅಪಾಯವನ್ನು ತಡೆಯಲು ಭಾರತೀಯ ವಿನಿಮಯ ಕೇಂದ್ರಗಳನ್ನು ಬಳಸುತ್ತಾರೆ.
- ಬೆಲೆಗಳನ್ನು ಹೆಚ್ಚಿಸುವಲ್ಲಿ ಸಟ್ಟಾ ವ್ಯಾಪಾರಿಗಳು ಪ್ರಮುಖ ಪಾತ್ರವಹಿಸುತ್ತಾರೆ ಎಂದು ನಂಬಲಾಗಿದೆ ಮತ್ತು ಆರ್ಥಿಕತೆಯು ಇನ್ನೂ COVID-19 ಪ್ರಭಾವದಿಂದ ಚೇತರಿಸಿಕೊಳ್ಳುತ್ತಿರುವ ಕಾರಣ ಹಣದುಬ್ಬರವನ್ನು ನಿಗ್ರಹಿಸಲು ಮತ್ತು ಬೆಳವಣಿಗೆಯನ್ನು ಬೆಂಬಲಿಸಲು ಈ ವ್ಯವಹಾರವನ್ನು ನಿರುತ್ಸಾಹಗೊಳಿಸುವ ಅವಶ್ಯಕತೆಯಿದೆ.
ಪೂರ್ವಭಾವಿ ಪರೀಕ್ಷೆಗೆ ಸಂಬಂಧಿಸಿದ ವಿದ್ಯಮಾನಗಳು:
ಕೇರಳದ ಸಿಲ್ವರ್ಲೈನ್ ಯೋಜನೆ:
(Kerala’s SilverLine project)
- ಇದು ಕೇರಳದ ಪ್ರಮುಖ ಸೆಮಿ ಹೈಸ್ಪೀಡ್ ರೈಲ್ವೆ ಯೋಜನೆಯಾಗಿದ್ದು, ರಾಜ್ಯದ ಉತ್ತರ ಮತ್ತು ದಕ್ಷಿಣ ತುದಿಗಳ ನಡುವಿನ ಪ್ರಯಾಣದ ಸಮಯವನ್ನು ಕಡಿಮೆ ಮಾಡುತ್ತದೆ.
- ಇದು ಕೇರಳದ ದಕ್ಷಿಣ ತುದಿ ಮತ್ತು ರಾಜ್ಯ ರಾಜಧಾನಿ ತಿರುವನಂತಪುರಂ ಅನ್ನು ಅದರ ಉತ್ತರದ ತುದಿಯಲ್ಲಿರುವ ಕಾಸರಗೋಡಿನೊಂದಿಗೆ ಸಂಪರ್ಕಿಸುತ್ತದೆ.
- 11 ಜಿಲ್ಲೆಗಳನ್ನು ಒಳಗೊಂಡ ಈ ಮಾರ್ಗವು 529.45 ಕಿ.ಮೀ ಉದ್ದವಿದೆ.
- ಈ ಯೋಜನೆಯನ್ನು ಕೇರಳ ರೈಲು ಅಭಿವೃದ್ಧಿ ನಿಗಮ ಲಿಮಿಟೆಡ್ (Kerala Rail Development Corporation Limited) ನಿರ್ವಹಿಸುತ್ತಿದೆ. KRDCL, ಅಥವಾ ಕೆ-ರೈಲು, ಕೇರಳ ಸರ್ಕಾರ ಮತ್ತು ಕೇಂದ್ರ ರೈಲ್ವೆ ಸಚಿವಾಲಯದ ಜಂಟಿ ಯೋಜನೆಯಾಗಿದೆ.
ಈ ಯೋಜನೆಯ ವಿರೋಧಕ್ಕೆ ಕಾರಣಗಳು:
ಈ ಯೋಜನೆಗೆ ಸಂಬಂಧಿಸಿದಂತೆ ಹಲವು ಆತಂಕಗಳು ವ್ಯಕ್ತವಾಗುತ್ತಿವೆ. ವಿಮರ್ಶಕರ ಪ್ರಕಾರ, ಯೋಜನೆಯ ಮೇಲೆ ಮಾಡಲಾಗುವ ಭಾರೀ ವೆಚ್ಚವು ರಾಜ್ಯವನ್ನು ಇನ್ನಷ್ಟು ಸಾಲಕ್ಕೆ ತಳ್ಳುತ್ತದೆ. ಪ್ರಯಾಣಿಕರ ಸುರಕ್ಷತೆಯ ಬಗ್ಗೆ ಹೇಳಲಾಗುತ್ತಿರುವ ಹಕ್ಕುಗಳು ಸಹ ಅನುಮಾನಾಸ್ಪದವಾಗಿವೆ. ಎಲ್ಲಕ್ಕಿಂತ ಹೆಚ್ಚಾಗಿ, 2018 ರ ಪ್ರವಾಹದ ಹಿನ್ನೆಲೆಯಲ್ಲಿ ಇಡೀ ರಾಜ್ಯವು ಮುಳುಗಿದ ಹಿನ್ನೆಲೆಯಲ್ಲಿ ಪರಿಸರ ಕಾಳಜಿ ಇದೆ. ಈ ಯೋಜನೆಯ ದಡಗಳು/ ಒಡ್ಡುಗಳು ರಾಜ್ಯವನ್ನು ಎರಡು ಭಾಗಗಳಾಗಿ ವಿಭಜಿಸಿ, ಮುಕ್ತ ನೀರಿನ ಹರಿವಿಗೆ ಅಡ್ಡಿಯಾಗುವ ಆತಂಕವಿದೆ.
ಸಮಾಜ ಸುಧಾರ್ ಅಭಿಯಾನ:
- ಇತ್ತೀಚೆಗಷ್ಟೇ ಬಿಹಾರ ಮುಖ್ಯಮಂತ್ರಿ ನಿತೀಶ್ ಕುಮಾರ್ ಅವರು ಸಮಾಜ ಸುಧಾರಣೆಗಾಗಿ ‘ಸಮಾಜ ಸುಧಾರ್ ಅಭಿಯಾನ’ವನ್ನು ಆರಂಭಿಸಿದ್ದಾರೆ.
- ಅಭಿಯಾನದ ಭಾಗವಾಗಿ ಮುಖ್ಯಮಂತ್ರಿಯವರು ಸಾರಾಯಿ ನಿಷೇಧದ ಪ್ರಯೋಜನಗಳು ಮತ್ತು ವರದಕ್ಷಿಣೆ ಪದ್ಧತಿ ಮತ್ತು ಬಾಲ್ಯ ವಿವಾಹದಿಂದ ಸಮಾಜದ ಮೇಲೆ ಬೀರುವ ದುಷ್ಪರಿಣಾಮಗಳ ಬಗ್ಗೆ ಜನರಿಗೆ ಅರಿವು ಮೂಡಿಸಲಿದ್ದಾರೆ.
ರೈ ಚಂಡಮಾರುತ:
(Typhoon Rai)
- ಸೂಪರ್ ಟೈಫೂನ್ ರೈ / ಮಹಾ ಚಂಡಮಾರುತ ರೈ (Typhoon Rai) ಫಿಲಿಪೈನ್ಸ್ನ ಆಗ್ನೇಯ ಭಾಗದಲ್ಲಿ ವಿನಾಶವನ್ನು ಉಂಟುಮಾಡುವುದನ್ನು ಮುಂದುವರೆಸಿದೆ, ವ್ಯಾಪಕವಾದ ಪ್ರವಾಹ ಮತ್ತು ವಿನಾಶದ ಎಚ್ಚರಿಕೆಗಳ ನಡುವೆ ಸಾವಿರಾರು ಜನರು ಆಶ್ರಯ ಪಡೆಯುವುದು ಅನಿವಾರ್ಯವಾಗಿದೆ.
- ಟೈಫೂನ್ ರೈ ಅನ್ನು ಫಿಲಿಪೈನ್ಸ್ನಲ್ಲಿ ಟೈಫೂನ್ ಒಡೆಟ್ಟೆ (Typhoon Odette) ಎಂದು ಕರೆಯಲಾಗುತ್ತದೆ. ಇದು ಪ್ರಸ್ತುತ ಪ್ರಬಲ ಉಷ್ಣವಲಯದ ಚಂಡಮಾರುತ (tropical cyclone) ವಾಗಿದ್ದು, ಪಲಾವ್ ದ್ವೀಪದ ಬಳಿ ಹಾದುಹೋದ ನಂತರ ಫಿಲಿಪೈನ್ಸ್ ಮೇಲೆ ಪರಿಣಾಮ ಬೀರುತ್ತಿದೆ.
- ಟೈಫೂನ್ ರೈ 1954 ರ ಪಮೇಲಾ ಮತ್ತು 2014 ರ ರಮ್ಮಸುನ್ ನಂತರ ದಕ್ಷಿಣ ಚೀನಾ ಸಮುದ್ರದಲ್ಲಿ ರೂಪಗೊಂಡ ಮೂರನೇ ಶ್ರೇಣಿಯ 5 ಸೂಪರ್ ಟೈಫೂನ್ ಆಗಿದೆ.
