Print Friendly, PDF & Email

[ ದೈನಂದಿನ ಪ್ರಚಲಿತ ಘಟನೆಗಳು ] ದಿನಾಂಕ – 21ನೇ ಜೂನ್ 2021

 

ಪರಿವಿಡಿ:

 ಸಾಮಾನ್ಯ ಅಧ್ಯಯನ ಪತ್ರಿಕೆ 1:

1. ಕಟಕಾಯನ ಅಥವಾ ಕರ್ಕ ಸಂಕ್ರಾಂತಿ.

 

ಸಾಮಾನ್ಯ ಅಧ್ಯಯನ ಪತ್ರಿಕೆ 2:

1. ಸಮಗ್ರ ವಿದ್ಯುತ್ ಅಭಿವೃದ್ಧಿ ಯೋಜನೆ (IPDS).

2. ಎಬೋಲಾ ಔಟ್ ಬ್ರೆಕ್.

3. ವಿಶ್ವಸಂಸ್ಥೆಯಲ್ಲಿ ಮ್ಯಾನ್ಮಾರ್ ನಿರ್ಣಯದ ಕುರಿತ ಮತದಾನದಿಂದ ದೂರ ಉಳಿದ ಭಾರತ.

 

ಸಾಮಾನ್ಯ ಅಧ್ಯಯನ ಪತ್ರಿಕೆ 3:

1. ಮೊನೊಕ್ಲೋನಲ್ (ಆಂಟಿಬಾಡಿ) ಪ್ರತಿಕಾಯಗಳು.

2. ದ್ವಿಗುಣಗೊಂಡ ಅಕ್ರಮ HTBt ಹತ್ತಿ ಬೀಜಗಳ ಮಾರಾಟ.

3. ಹಬಲ್ ಬಾಹ್ಯಾಕಾಶ ದೂರದರ್ಶಕ.

4. ಹಸಿರು ಹೈಡ್ರೋಜನ್ ಉಪಕ್ರಮಗಳ ಶೃಂಗಸಭೆ.

 

ಪೂರ್ವಭಾವಿ ಪರೀಕ್ಷೆಗೆ ಸಂಬಂಧಿಸಿದ ವಿದ್ಯಮಾನಗಳು:

1. ನ್ಯಾಷನಲ್ ಇಂಟರ್ನೆಟ್ ಎಕ್ಸ್ಚೇಂಜ್ ಆಫ್ ಇಂಡಿಯಾ (NIXI).

2. ಬಯೋಟೆಕ್-ಕಿಸಾನ್ ಕಾರ್ಯಕ್ರಮ.

3. ಅಜಿತ್ ಮಿಶ್ರಾ ತಜ್ಞರ ಗುಂಪು.

 


ಸಾಮಾನ್ಯ ಅಧ್ಯಯನ ಪತ್ರಿಕೆ : 1


 

ವಿಷಯಗಳು: ಭೂಕಂಪಗಳು, ಸುನಾಮಿ, ಜ್ವಾಲಾಮುಖಿ ಚಟುವಟಿಕೆಗಳು ಚಂಡಮಾರುತ ಮುಂತಾದ ಪ್ರಮುಖ ಭೌಗೋಳಿಕ ವಿದ್ಯಮಾನಗಳು, ಭೌಗೋಳಿಕ ಲಕ್ಷಣಗಳು ಮತ್ತು ಅವುಗಳ ಸ್ಥಳ- ನಿರ್ಣಾಯಕ ಭೌಗೋಳಿಕ ವೈಶಿಷ್ಟ್ಯಗಳಲ್ಲಿನ ಬದಲಾವಣೆಗಳು (ಸಾಗರಗಳು ಮತ್ತು ಐಸ್-ಕ್ಯಾಪ್ಗಳು ಸೇರಿದಂತೆ) ಮತ್ತು ಸಸ್ಯ ಮತ್ತು ಪ್ರಾಣಿ ಮತ್ತು ಅಂತಹ ಬದಲಾವಣೆಗಳ ಪರಿಣಾಮಗಳು.

ಕಟಕಾಯನ ಅಥವಾ ಕರ್ಕ ಸಂಕ್ರಾಂತಿ:


(Summer solstice)

 ಸಂದರ್ಭ:

ಜೂನ್ 21 ರಿಂದ ಸೆಪ್ಟೆಂಬರ್ 22 ರ ವರೆಗಿನ ಅವಧಿಯನ್ನು ಬೇಸಿಗೆ ಕಾಲವೆಂದು ಕರೆಯುವರು. ಈ ಅವಧಿಯಲ್ಲಿ ಭೂಮಿಯ ಅಕ್ಷವು ಸೂರ್ಯನ ಕಡೆಗೆ ಓರೆಯಾಗಿರುತ್ತದೆ. ಇದರಿಂದ ಸೂರ್ಯನ ಕಿರಣಗಳನ್ನು ಪಡೆಯುವ ಉತ್ತರಾರ್ಧಗೋಳದಲ್ಲಿ ಬೇಸಿಗೆಯ ಸಮಯವಾಗಿದ್ದರೆ ಓರೆಯಾದ ಕಿರಣಗಳನ್ನು ಪಡೆಯುವ ದಕ್ಷಿಣಾರ್ಧಗೋಳದಲ್ಲಿ ಚಳಿಗಾಲ ವಿರುವುದು. ಜೂನ್ 21ರಂದು ಸೂರ್ಯನ ಕಿರಣಗಳು ಕರ್ಕಾಟಕ ವೃತ್ತದ (Tropic of Cancer) ಮೇಲೆ ಲಂಬವಾಗಿ ಬೀಳುತ್ತವೆ.ಇದು ಬೇಸಿಗೆಯ ದೀರ್ಘಾವಧಿಯ ದಿನವಾಗಿದೆ. ಈ ದಿನವನ್ನು ಕಟಕಾಯನ ಅಥವಾ ಕರ್ಕ ಸಂಕ್ರಾಂತಿಯೆಂದು (Summer Solstice) ಕರೆಯುವರು. ಈ ಅವಧಿಯಲ್ಲಿ ಉತ್ತರ ಧ್ರುವ 24 ಗಂಟೆ ಹಗಲನ್ನು ದಕ್ಷಿಣ ಧ್ರುವ 24 ಗಂಟೆ ರಾತ್ರಿಯನ್ನು ಹೊಂದಿರುತ್ತವೆ.

 

ಈ ಪ್ರಕ್ರಿಯೆಗೆ ಕಾರಣವೇನು?

ಲ್ಯಾಟಿನ್ ಭಾಷೆಯಲ್ಲಿ, ‘ಅಯನ ಸಂಕ್ರಾಂತಿ’ (Solstice) ಎಂದರೆ “ಸೂರ್ಯನ ಸ್ಥಿರ ಅವಸ್ಥೆ” (sun stands still) (‘ಸೂರ್ಯ ಇನ್ನೂ ನಿಂತಿದ್ದಾನೆ’) ಎಂದಾಗುತ್ತದೆ.

ಕಟಕಾಯನ ಅಥವಾ ‘ಅಯನ ಸಂಕ್ರಾಂತಿ’ಯು, ಭೂಮಿಯ ಅಕ್ಷವು ಓರೆಯಾಗಿದ್ದು  ಮತ್ತು ಅದು ಸೂರ್ಯನ ಸುತ್ತ ಕಕ್ಷೆಯಲ್ಲಿ ಸುತ್ತುವಾಗ ಸಂಭವಿಸುವ ಒಂದು ಖಗೋಳ ಘಟನೆಯಾಗಿದೆ.

ಜೂನ್ ಅಯನ ಅಥವಾ ಕಟಕಾಯನ ಸಂಕ್ರಾಂತಿಯ ದಿನದಂದು, ನಮ್ಮ ಪ್ರಪಂಚದ ಉತ್ತರ ಧ್ರುವವು ಸೂರ್ಯನ ಕಡೆಗೆ ಹೆಚ್ಚು ಓರೆಯಾಗಿರುವ ರೀತಿಯಲ್ಲಿ ಭೂಮಿಯು ತನ್ನ ಕಕ್ಷೆಯಲ್ಲಿ ಸ್ಥಿತವಾಗಿರುತ್ತದೆ.

  1. ಭೂಮಿಯಿಂದ ನೋಡಿದಾಗ, ಮಧ್ಯಾಹ್ನ ಸೂರ್ಯನು ಸಮಭಾಜಕದ ಉತ್ತರಕ್ಕೆ ಕರ್ಕಾಟಕ ಸಂಕ್ರಾಂತಿ ವೃತ್ತದ ಮೇಲಿರುತ್ತಾನೆ.ಟ್ರಾಪಿಕ್ ಆಫ್ ಕ್ಯಾನ್ಸರ್ ಒಂದು ಕಾಲ್ಪನಿಕ ರೇಖೆಯಾಗಿದ್ದು, ಪ್ರಪಂಚದಾದ್ಯಂತ 23 ½ ಡಿಗ್ರಿ ಉತ್ತರ ಅಕ್ಷಾಂಶದಲ್ಲಿ ವೃತ್ತವನ್ನು ರೂಪಿಸುತ್ತದೆ – ಇದಕ್ಕೆ ಕರ್ಕ (constellation Cancer the Crab) ನಕ್ಷತ್ರಪುಂಜದ ಹೆಸರನ್ನು ಇಡಲಾಗಿದೆ.ಇದು ಸೂರ್ಯನ ಗರಿಷ್ಠ ಉತ್ತರ ಸ್ಥಾನವಾಗಿದೆ, ಅಂದರೆ ಸೂರ್ಯನು ಈ ರೇಖೆಯನ್ನು ದಾಟಿ ಮತ್ತಷ್ಟು ಉತ್ತರಕ್ಕೆ ಹೋಗುವುದಿಲ್ಲ.

 

ಪರಿಣಾಮಗಳು:

  1.  ಸಮಭಾಜಕದ ಉತ್ತರದ ಎಲ್ಲಾ ಸ್ಥಳಗಳಲ್ಲಿ, ಜೂನ್ ಅಯನ ಅಥವಾ ಕಟಕಾಯನ ಅಥವಾ ಕರ್ಕಾಟಕ ಸಂಕ್ರಾಂತಿಯ ಸಂದರ್ಭದಲ್ಲಿ ಹಗಲಿನ ಅವಧಿಯು 12 ಗಂಟೆಗಳಿಗಿಂತ ಅಧಿಕವಾಗಿರುತ್ತದೆ ಮತ್ತು ರಾತ್ರಿಯ ಅವಧಿ ಕಡಿಮೆಯಾಗಿರುತ್ತದೆ. ಅದೇ ಸಮಯದಲ್ಲಿ, ಸಮಭಾಜಕದ ದಕ್ಷಿಣಕ್ಕೆ ಎಲ್ಲಾ ಸ್ಥಳಗಳಲ್ಲಿ ದಿನದ ಗರಿಷ್ಠ ಅವಧಿ 12 ಗಂಟೆಗಳಿಗಿಂತ ಕಡಿಮೆಯಿರುತ್ತದೆ.
  2. ಈ ದಿನ, ಭೂಮಿಯು ಸೂರ್ಯನಿಂದ ಹೆಚ್ಚಿನ ಶಕ್ತಿಯನ್ನು ಪಡೆಯುತ್ತದೆ. ನಾಸಾ ಪ್ರಕಾರ, ಈ ದಿನ ಭೂಮಿಯು ಸೂರ್ಯನಿಂದ ಪಡೆಯುವ ಶಕ್ತಿಯ ಪ್ರಮಾಣವು ಸಮಭಾಜಕ ವೃತ್ತಕ್ಕಿಂತ ಉತ್ತರ ಧ್ರುವದಲ್ಲಿ 30 ಪ್ರತಿಶತ ಹೆಚ್ಚಾಗಿರುತ್ತದೆ.

ಚಳಿಗಾಲದ ಅಯನ ಸಂಕ್ರಾಂತಿ’ (ಮಕರಾಯನ) ಎಂದರೇನು?

ಚಳಿಗಾಲದ ಅಯನ ಸಂಕ್ರಾಂತಿ’ ಅಥವಾ ‘ಮಕರಾಯನ’  (Winter Solstice) ಡಿಸೆಂಬರ್ 21 ರಂದು ಸಂಭವಿಸುತ್ತದೆ ಮತ್ತು ಇದು ಉತ್ತರ ಗೋಳಾರ್ಧದಲ್ಲಿ ವರ್ಷದ ಅತ್ಯಂತ ಕಡಿಮೆ ದಿನ (shortest day)ವಾಗಿದೆ.

  1. ಈ ಅವಧಿಯಲ್ಲಿ ದಕ್ಷಿಣಾರ್ಧಗೋಳದಲ್ಲಿ ಬೇಸಿಗೆ ಕಾಲವು ಕಂಡುಬರುವುದು ಮತ್ತು ಹಗಲಿನ ಅವಧಿಯು ಕಡಿಮೆಯಾಗಿಯೂ ರಾತ್ರಿಯ ಅವಧಿಯು ದೀರ್ಘವಾಗಿಯೂ ಕಂಡುಬರುವುದು. ಡಿಸೆಂಬರ್ 21 ರಂದು ಉತ್ತರ ಗೋಳಾರ್ಧದಲ್ಲಿ ವರ್ಷದ ಅತ್ಯಂತ ಕಡಿಮೆ ದಿನ ಮತ್ತು ಅತಿ ದೀರ್ಘವಾದ ರಾತ್ರಿ ಕಂಡುಬರುವುದು. ಮತ್ತು ಇದನ್ನು ಉತ್ತರ ಗೋಳಾರ್ಧದಲ್ಲಿ ‘ಚಳಿಗಾಲದ ಮೊದಲ ದಿನ’ ಮತ್ತು ‘ಹೈಮಲ್ ಅಯನ ಸಂಕ್ರಾಂತಿ’ (Hiemal solstice) ಅಥವಾ ‘ಹೈಬರ್ನಲ್ ಅಯನ ಸಂಕ್ರಾಂತಿ’ (Hibernal solstice) ಎಂದು ಕರೆಯಲಾಗುತ್ತದೆ.
  2. ಈ ಸಮಯದಲ್ಲಿ, ಉತ್ತರ ಗೋಳಾರ್ಧದಲ್ಲಿ ನೆಲೆಗೊಂಡಿರುವ ದೇಶಗಳು ಸೂರ್ಯನಿಂದ ಹೆಚ್ಚಿನ ದೂರದಲ್ಲಿರುತ್ತವೆ, ಹಾಗೂ ಅಧಿಕ ಹಿಮಗಾಳಿಗೆ ಸಾಕ್ಷಿಯಾಗುತ್ತವೆ ಮತ್ತು ಸೂರ್ಯನ ಸ್ಥಾನವು 23.5 ° ದಕ್ಷಿಣ ಅಕ್ಷಾಂಶದಲ್ಲಿರುವ ಮಕರ ಸಂಕ್ರಾಂತಿ ವೃತ್ತದ’ (Tropic of Capricorn) ಮೇಲಿರುತ್ತದೆ.

 

ದಯವಿಟ್ಟು ಗಮನಿಸಿ:

  1. ಬೇಸಿಗೆಕಾಲ – ಜೂನ್ 21 ರಿಂದ ಸಪ್ಟೆಂಬರ್ 22.
  2. ಶರತ್ಕಾಲ – ಸಪ್ಟಂಬರ್ 23 ರಿಂದ ಡಿಸೆಂಬರ್
  3. ಚಳಿಗಾಲ-ಡಿಸೆಂಬರ್ 21 ರಿಂದ ಮಾರ್ಚ್ 20.
  4. ವಸಂತ ಕಾಲ-ಮಾರ್ಚ್ 21 ರಿಂದ ಜೂನ್ 20.

 


ಸಾಮಾನ್ಯ ಅಧ್ಯಯನ ಪತ್ರಿಕೆ :  2


 

ವಿಷಯಗಳು: ಸರ್ಕಾರದ ನೀತಿಗಳು ಮತ್ತು ವಿವಿಧ ಕ್ಷೇತ್ರಗಳಲ್ಲಿನ ಅಭಿವೃದ್ಧಿಯ ಅಡಚಣೆಗಳು ಮತ್ತು ಅವುಗಳ ವಿನ್ಯಾಸ ಮತ್ತು ಅನುಷ್ಠಾನದಿಂದ ಉಂಟಾಗುವ ಸಮಸ್ಯೆಗಳು.

ಸಮಗ್ರ ವಿದ್ಯುತ್ ಅಭಿವೃದ್ಧಿ ಯೋಜನೆ (IPDS):


(Integrated Power Development Scheme-IPDS)

 ಸಂದರ್ಭ:

ಇತ್ತೀಚೆಗೆ, ಭಾರತ ಸರ್ಕಾರದ ವಿದ್ಯುತ್ ಸಚಿವಾಲಯದ ‘ಸಮಗ್ರ ವಿದ್ಯುತ್ ಅಭಿವೃದ್ಧಿ ಯೋಜನೆ’ (ಇಂಟಿಗ್ರೇಟೆಡ್ ಪವರ್ ಡೆವಲಪ್ಮೆಂಟ್ ಸ್ಕೀಮ್) ಅಡಿಯಲ್ಲಿ 50 ಕಿಲೋವ್ಯಾಟ್ ವಿದ್ಯುತ್ ಸಾಮರ್ಥ್ಯದ ಮೇಲ್ಛಾವಣಿಯ ಸೌರ ಸ್ಥಾವರವನ್ನು ಹಿಮಾಚಲ ಪ್ರದೇಶದ ಸೋಲನ್ ನಲ್ಲಿ ಉದ್ಘಾಟಿಸಲಾಯಿತು.

ಈ ಯೋಜನೆಯು ಭಾರತ ಸರ್ಕಾರದ ‘ನಗರ ವಿತರಣಾ ಯೋಜನೆ’ಯಲ್ಲಿ ರೂಪಿಸಿರುವ ಸರ್ಕಾರದ’ ಗೋ ಗ್ರೀನ್ (go green) ಉಪಕ್ರಮವನ್ನು ಮತ್ತಷ್ಟು ಬಲಪಡಿಸುತ್ತದೆ.

 

ಸಮಗ್ರ ವಿದ್ಯುತ್ ಅಭಿವೃದ್ಧಿ ಯೋಜನೆ (IPDS) ಕುರಿತು:

 ಪವರ್ ಫೈನಾನ್ಸ್ ಕಾರ್ಪೊರೇಷನ್ (PFC) ಈ ಯೋಜನೆಯ ಅನುಷ್ಠಾನಕ್ಕೆ ನೋಡಲ್ ಏಜೆನ್ಸಿಯಾಗಿದೆ.

ಸಮಗ್ರ ವಿದ್ಯುತ್ ಅಭಿವೃದ್ಧಿ ಯೋಜನೆ (IPDS) ಅನ್ನು ವಿದ್ಯುತ್ ಸಚಿವಾಲಯವು 2014 ರಲ್ಲಿ ಪ್ರಾರಂಭಿಸಿತು. ಈ ಯೋಜನೆಯ ಉದ್ದೇಶಗಳು ಈ ಕೆಳಗಿನಂತಿವೆ:

  1. ನಗರ ಪ್ರದೇಶಗಳಲ್ಲಿ ಉಪ ಪ್ರಸರಣ ಮತ್ತು ವಿತರಣಾ ಜಾಲವನ್ನು ಬಲಪಡಿಸುವುದು.
  2. ನಗರ ಪ್ರದೇಶಗಳಲ್ಲಿ ವಿತರಣಾ ಟ್ರಾನ್ಸ್ಫಾರ್ಮರ್ / ಫೀಡರ್ ಗಳು / ಗ್ರಾಹಕರ ಬಳಕೆಗೆ ಮೀಟರ್ ಅಳವಡಿಕೆ.
  3. ಪುನರ್ರಚಿಸಿದ ವೇಗವರ್ಧಿತ ವಿದ್ಯುತ್ ಅಭಿವೃದ್ಧಿ ಮತ್ತು ಸುಧಾರಣಾ ಕಾರ್ಯಕ್ರಮದ (R-APDRP) ಅಡಿಯಲ್ಲಿ ವಿತರಣಾ ಕ್ಷೇತ್ರದ ಐಟಿ ಸಕ್ರಿಯಗೊಳಿಸುವಿಕೆ ಮತ್ತು ವಿತರಣಾ ಜಾಲವನ್ನು ಬಲಪಡಿಸುವುದು.

 

ಈ ಯೋಜನೆಯ ಮಹತ್ವ:

ಎಟಿ ಮತ್ತು ಸಿ ನಷ್ಟವನ್ನು ಕಡಿಮೆ ಮಾಡಲು, ಐಟಿ ಶಕ್ತಗೊಂಡ ವಿದ್ಯುತ್ ಲೆಕ್ಕಪತ್ರ ನಿರ್ವಹಣೆ / ಲೆಕ್ಕಪರಿಶೋಧನಾ ವ್ಯವಸ್ಥೆಯನ್ನು ಸ್ಥಾಪಿಸಲು, ಮೀಟರ್ ಬಳಕೆಯ ಆಧಾರದ ಮೇಲೆ ವಿದ್ಯುತ್ ಪಾವತಿಯನ್ನು ಸುಧಾರಿಸಲು ಮತ್ತು ಸಂಗ್ರಹ ದಕ್ಷತೆಯನ್ನು ಸುಧಾರಿಸಲು ಈ ಯೋಜನೆ ಸಹಾಯ ಮಾಡುತ್ತದೆ.

 

ಪುನರ್ರಚಿಸಿದ ವೇಗವರ್ಧಿತ ವಿದ್ಯುತ್ ಅಭಿವೃದ್ಧಿ ಮತ್ತು ಸುಧಾರಣಾ ಕಾರ್ಯಕ್ರಮ (R-APDRP):

(Restructured Accelerated Power Development and Reforms Programme)

ಈ ಕಾರ್ಯಕ್ರಮವನ್ನು ವಿದ್ಯುತ್ ಸಚಿವಾಲಯ ಸೆಪ್ಟೆಂಬರ್ 2008 ರಲ್ಲಿ ಪ್ರಾರಂಭಿಸಿತು. ಇದನ್ನು ಸ್ಥಾಪಿಸುವ ಮುಖ್ಯ ಉದ್ದೇಶವೆಂದರೆ ಹನ್ನೊಂದನೇ ಯೋಜನೆಯ ಅವಧಿಯಲ್ಲಿ ಉಪ ಪ್ರಸರಣ ಮತ್ತು ವಿತರಣಾ ಜಾಲವನ್ನು ಬಲಪಡಿಸುವ ಮತ್ತು ನವೀಕರಿಸುವ ಮೂಲಕ ಮಾಹಿತಿ ತಂತ್ರಜ್ಞಾನವನ್ನು ಅಳವಡಿಸಿಕೊಳ್ಳುವ ಮೂಲಕ ಬೇಸ್‌ಲೈನ್ ಡೇಟಾವನ್ನು ಸ್ಥಾಪಿಸುವುದು, ಹೊಣೆಗಾರಿಕೆಯನ್ನು ಸರಿಪಡಿಸುವುದು ಮತ್ತು ಎಟಿ ಮತ್ತು ಸಿ ನಷ್ಟವನ್ನು 15 ಪ್ರತಿಶತದಷ್ಟು ಕಡಿಮೆ ಮಾಡುವುದು.

 

ವಿಷಯಗಳು:ಆರೋಗ್ಯ, ಶಿಕ್ಷಣ, ಸಾಮಾಜಿಕ ವಲಯ / ಸೇವೆಗಳ ಅಭಿವೃದ್ಧಿ ಮತ್ತು ನಿರ್ವಹಣೆಗೆ ಸಂಬಂಧಿಸಿದ ಮಾನವ ಸಂಪನ್ಮೂಲ ಸಂಬಂಧಿತ ವಿಷಯಗಳು.

ಎಬೋಲಾ ಔಟ್ ಬ್ರೆಕ್:


(Ebola Outbreak)

ಸಂದರ್ಭ:

ಪಶ್ಚಿಮ ಆಫ್ರಿಕಾದಲ್ಲಿ ನೆಲೆಗೊಂಡಿರುವ ‘ರಿಪಬ್ಲಿಕ್ ಆಫ್ ಗಿನಿಯಾ’ ದೇಶದಲ್ಲಿ ಈ ವರ್ಷದ ಫೆಬ್ರವರಿಯಲ್ಲಿ ಪ್ರಾರಂಭವಾದ ಎಬೋಲಾ ಏಕಾಏಕಿ ಅಥವಾ ಎಬೋಲಾ ಔಟ್ ಬ್ರೆಕ್  (Ebola outbreak) ನಿಂದಾಗಿ  ‘ಗಿನಿಯಾ ಗಣರಾಜ್ಯ’ದಲ್ಲಿ 16 ಜನರು ಸೋಂಕಿಗೆ ಒಳಗಾಗಿದ್ದರು ಮತ್ತು 12 ಜನರು ಸಾವನ್ನಪ್ಪಿದ್ದಾರೆ ಎಂದು ವಿಶ್ವ ಆರೋಗ್ಯ ಸಂಸ್ಥೆ ಇತ್ತೀಚೆಗೆ ಘೋಷಿಸಿದೆ.

 

ಹಿನ್ನೆಲೆ:

2014-2016ರಲ್ಲಿ ಎಬೋಲಾ (ಏಕಾಏಕಿ) ಔಟ್ ಬ್ರೆಕ್  ನಿಂದಾಗಿ 11,300 ಜನರು ಸಾವನ್ನಪ್ಪಿದ್ದಾರೆ. ಈ ಸಾವುಗಳಲ್ಲಿ ಹೆಚ್ಚಿನವು ಗಿನಿಯಾ, ಸಿಯೆರಾ ಲಿಯೋನ್ ಮತ್ತು ಲೈಬೀರಿಯಾದಲ್ಲಿ ಸಂಭವಿಸಿವೆ.

  1. ಕಾಂಗೋ ಪ್ರಜಾಸತ್ತಾತ್ಮಕ ಗಣರಾಜ್ಯ (DRC)ದಲ್ಲಿ ಏಕಾಏಕಿ ಕಾಣಿಸಿಕೊಂಡಿದ್ದ 12 ನೇ ಸುತ್ತಿನ ಎಬೋಲಾ ಪ್ರಕರಣಗಳು ಅಂತ್ಯಗೊಂಡಿವೆ ಎಂದು ಮೇ 2021 ರಲ್ಲಿ, ಸರ್ಕಾರದಿಂದ ಅಧಿಕೃತವಾಗಿ ಘೋಷಿಸಲಾಗಿದೆ.

 

ಎಬೋಲಾ ಸಾಂಕ್ರಾಮಿಕದ ಕುರಿತು:

ಎಬೋಲಾ ವೈರಸ್ ಕಾಯಿಲೆ- (Ebola virus disease– EVD) ಮನುಷ್ಯರಿಗೆ ಹರಡುವ ಮಾರಕ ರೋಗ. ಇದಕ್ಕಾಗಿ ಇದನ್ನು ಈ ಹಿಂದೆ ಎಬೋಲಾ ಹೆಮರಾಜಿಕ್ ಜ್ವರ (Ebola haemorrhagic fever) ಎಂದು ಕರೆಯಲಾಗುತ್ತಿತ್ತು.

ಎಬೋಲಾದ ಹರಡುವಿಕೆ: ಈ ವೈರಸ್ ವನ್ಯಜೀವಿಗಳಿಂದ ಮನುಷ್ಯರಿಗೆ ಮತ್ತು ನಂತರ ಮಾನವನಿಂದ ಮಾನವನಿಗೆ ಹರಡುವ ಮೂಲಕ ಇಡೀ ಮನುಕುಲಕ್ಕೆ ಹರಡುತ್ತದೆ.

ಸರಾಸರಿ, ಎಬೋಲಾ ವೈರಸ್ ಕಾಯಿಲೆ (EVD) ಪ್ರಕರಣಗಳು ಸುಮಾರು 50% ರಷ್ಟು ಮರಣ ಪ್ರಮಾಣವನ್ನು ಹೊಂದಿವೆ. ಹಿಂದಿನ ಏಕಾಏಕಿ ರೋಗದ ಸಮಯದಲ್ಲಿ, ಸೋಂಕಿತ ಪ್ರಕರಣಗಳಲ್ಲಿನ ಮರಣ ಪ್ರಮಾಣವು 25% ರಿಂದ 90% ವರೆಗೆ ಬದಲಾಗಿದೆ.

 

ತಡೆಗಟ್ಟುವಿಕೆ: ಈ ರೋಗವನ್ನು ಏಕಾಏಕಿ ಯಶಸ್ವಿಯಾಗಿ ನಿಯಂತ್ರಿಸಲು ಸಮುದಾಯದ ಸಹಭಾಗಿತ್ವ ಬಹಳ ಮುಖ್ಯ. ಏಕಾಏಕಿ ಉತ್ತಮ ನಿಯಂತ್ರಣ, ಸೋಂಕಿತ ಪ್ರಕರಣಗಳ ನಿರ್ವಹಣೆ, ಸಂಪರ್ಕಕ್ಕೆ ಬರುವ ಜನರ ಮೇಲ್ವಿಚಾರಣೆ ಮತ್ತು ಗುರುತಿಸುವಿಕೆ ಸೂಕ್ತ ಪ್ರಯೋಗಾಲಯ ಸೇವೆಗಳು ಮತ್ತು ಸಾಮಾಜಿಕ ಜಾಗೃತಿಯನ್ನು ಅವಲಂಬಿಸಿರುತ್ತದೆ.

ಚಿಕಿತ್ಸೆ: ಪುನರ್ಜಲೀಕರಣದೊಂದಿಗೆ ಆರಂಭಿಕ ಬೆಂಬಲ ಆರೈಕೆ, ರೋಗಲಕ್ಷಣದ ಚಿಕಿತ್ಸೆಯು ಬದುಕುಳಿಯುವಿಕೆಯನ್ನು ಸುಧಾರಿಸುತ್ತದೆ. ವೈರಸ್ ಅನ್ನು ತಟಸ್ಥಗೊಳಿಸಲು ಇನ್ನೂ ಯಾವುದೇ ಲಸಿಕೆ ಬಂದಿಲ್ಲ:

ಲಸಿಕೆಗಳು :

  1. 2015 ರಲ್ಲಿ, ಎಬೋಲಾ ವೈರಸ್ ಕಾಯಿಲೆ (ಇವಿಡಿ) ವಿರುದ್ಧ ಗಿನಿಯಾ ಗಣರಾಜ್ಯದಲ್ಲಿ ನಡೆಸಿದ ಪ್ರಮುಖ ಪ್ರಯೋಗದ ಸಮಯದಲ್ಲಿrVSV’ – ZEBOV ಎಂಬ ಪ್ರಾಯೋಗಿಕ ಎಬೋಲಾ ಲಸಿಕೆ ಸಾಕಷ್ಟು ಪರಿಣಾಮಕಾರಿ ಎಂದು ಸಾಬೀತಾಯಿತು. ಪರವಾನಗಿ ಚಿಕಿತ್ಸೆಯು ಸಾಬೀತಾಗಿಲ್ಲ ಆದರೆ ರಕ್ತ, ರೋಗನಿರೋಧಕ ಶಕ್ತಿ ಮತ್ತು ಔಷಧ ಚಿಕಿತ್ಸೆಗಳ ವ್ಯಾಪ್ತಿಯು ಅಭಿವೃದ್ಧಿಯ ಹಂತದಲ್ಲಿದೆ.
  2. ‘rVSV’ – ZEBOV’ ಲಸಿಕೆಯನ್ನು ಡೆಮಾಕ್ರಟಿಕ್ ರಿಪಬ್ಲಿಕ್ ಆಫ್ ಕಾಂಗೋದಲ್ಲಿ 2018–2019 ಎಬೋಲಾ ಹರಡಿದ ಸಂದರ್ಭದಲ್ಲಿ ಏಕಾಏಕಿ ಬಳಸಲಾಯಿತು. ಗರ್ಭಿಣಿ ಮತ್ತು ಹಾಲುಣಿಸುವ ಮಹಿಳೆಯರಿಗೆ ಸಾಮಾನ್ಯ ಜನಸಂಖ್ಯೆಯಂತೆಯೇ ಲಸಿಕೆ ನೀಡಬೇಕು.
  3. ಜನರ ಅಪನಂಬಿಕೆ ಮತ್ತು ಭಯೋತ್ಪಾದಕ ದಾಳಿಯಿಂದಾಗಿ, ಆರೋಗ್ಯ ಕಾರ್ಯಕರ್ತರು ಪ್ರವೇಶಿಸಲಾಗದ ಪ್ರದೇಶಗಳಲ್ಲಿ ಲಸಿಕೆ ನೀಡುವಲ್ಲಿ ತೊಂದರೆ ಅನುಭವಿಸುತ್ತಿದ್ದಾರೆ.

Ebola

 

ವಿಷಯಗಳು: ಭಾರತ ಮತ್ತು ನೆರೆಹೊರೆಯ ದೇಶಗಳೊಂದಿಗಿನ ಅದರ ಸಂಬಂಧಗಳು.

ವಿಶ್ವಸಂಸ್ಥೆಯಲ್ಲಿ ಮ್ಯಾನ್ಮಾರ್ ನಿರ್ಣಯದ ಕುರಿತ  ಮತದಾನದಿಂದ ದೂರ ಉಳಿದ ಭಾರತ:


(India abstains from voting on UN’s Myanmar resolution)

 ಸಂದರ್ಭ:

ಇತ್ತೀಚೆಗೆ, ಮ್ಯಾನ್ಮಾರ್ ವಿರುದ್ಧ ಶಸ್ತ್ರಾಸ್ತ್ರ ನಿರ್ಬಂಧ ಹೇರುವ ನಿರ್ಣಯದ ಕುರಿತು ವಿಶ್ವಸಂಸ್ಥೆಯ ಸಾಮಾನ್ಯ ಸಭೆ (UNGA)ಯ ಮತದಾನದಲ್ಲಿ ಭಾರತ ಭಾಗವಹಿಸಲಿಲ್ಲ.

ಈ ನಿರ್ಣಯದ ಪರವಾಗಿ 119 ದೇಶಗಳು ಮತ ಚಲಾಯಿಸಿದರೆ, ಮ್ಯಾನ್ಮಾರ್‌ನ ನೆರೆಯ ರಾಷ್ಟ್ರಗಳಾದ ಭಾರತ, ಬಾಂಗ್ಲಾದೇಶ, ಭೂತಾನ್, ಚೀನಾ, ನೇಪಾಳ, ಥೈಲ್ಯಾಂಡ್, ಲಾವೋಸ್, ಮತ್ತು ರಷ್ಯಾ ಸೇರಿದಂತೆ 36 ದೇಶಗಳು ಮತದಾನದಲ್ಲಿ ಭಾಗವಹಿಸಲಿಲ್ಲ. ನಿರ್ಣಯದ ವಿರುದ್ಧ ಮತ ಚಲಾಯಿಸಿದ ಏಕೈಕ ದೇಶ ಬೆಲಾರಸ್.

 

ಭಾರತದ ನಡೆಯ ಹಿಂದಿನ ತರ್ಕವೇನು?

  1.  ‘ಸಾಮಾನ್ಯ ಸಭೆ’ ಅಂಗೀಕರಿಸುವ ಮೊದಲು ನಮ್ಮ ಅಭಿಪ್ರಾಯಗಳು ‘ಕರಡು ನಿರ್ಣಯ’ದಲ್ಲಿ ಪ್ರತಿಫಲಿಸಿದಂತೆ ಕಾಣಲಿಲ್ಲ ಎಂದು ಭಾರತ ಹೇಳುತ್ತದೆ.
  2. ಈ ಸಮಯದಲ್ಲಿ ಈ ನಿರ್ಣಯವನ್ನು ಒಪ್ಪಿಕೊಳ್ಳುವುದು ‘ಮ್ಯಾನ್ಮಾರ್‌ನಲ್ಲಿನ ಪ್ರಜಾಪ್ರಭುತ್ವ ಪ್ರಕ್ರಿಯೆಯನ್ನು ಬಲಪಡಿಸುವ ನಮ್ಮ ಜಂಟಿ ಪ್ರಯತ್ನಗಳಿಗೆ ಅನುಕೂಲಕರವಲ್ಲ’ ಎಂದು ಭಾರತ ನಂಬಿದೆ.

 

ವಿಶ್ವಸಂಸ್ಥೆಯ ನಿರ್ಣಯದ ಕುರಿತು:

  1. ವಿಶ್ವಸಂಸ್ಥೆಯ ಸಾಮಾನ್ಯ ಸಭೆ ಮ್ಯಾನ್ಮಾರ್‌ನ ಮಿಲಿಟರಿ ಸರ್ಕಾರದ ವಿರುದ್ಧ ವ್ಯಾಪಕ ಜಾಗತಿಕ ಪ್ರತಿಭಟನೆಯನ್ನು ವ್ಯಕ್ತಪಡಿಸುವ ನಿರ್ಣಯವನ್ನು ಅಂಗೀಕರಿಸುವ ಮೂಲಕ ದೇಶದ ಮಿಲಿಟರಿ ದಂಗೆಯನ್ನು ಖಂಡಿಸಿದೆ.
  2. ನಿರ್ಣಯದಲ್ಲಿ, ಮ್ಯಾನ್ಮಾರ್ ವಿರುದ್ಧ ಶಸ್ತ್ರಾಸ್ತ್ರ ನಿರ್ಬಂಧವನ್ನು ಕೋರಿದೆ ಮತ್ತು ಪ್ರಜಾಸತ್ತಾತ್ಮಕವಾಗಿ ಚುನಾಯಿತವಾದ ಸರ್ಕಾರವನ್ನು ಪುನಃಸ್ಥಾಪಿಸಲು ಕರೆ ನೀಡಿದೆ.
  3. 2020 ರ ನವೆಂಬರ್ 8 ರಂದು ನಡೆದ ಸಾರ್ವತ್ರಿಕ ಚುನಾವಣೆಯ ಫಲಿತಾಂಶಗಳಿಂದ ಮುಕ್ತವಾಗಿ ವ್ಯಕ್ತಪಡಿಸಿದ ಜನರ ಇಚ್ಛೆಯನ್ನು ಗೌರವಿಸುವಂತೆ ಮ್ಯಾನ್ಮಾರ್‌ನ ಸಶಸ್ತ್ರ ಪಡೆಗಳಿಗೆ ನಿರ್ಣಯವು ಕರೆ ನೀಡಿದೆ.

ಭಾರತವು, ಮ್ಯಾನ್ಮಾರ್‌ನ ಸಂದರ್ಭದಲ್ಲಿ ಆಸಿಯಾನ್‌ನ ಒಂದು ಉಪಕ್ರಮ ಮತ್ತು (Five-Point Consensus) ಐದು ಅಂಶಗಳ ಸಹಮತಿ’ ಇವುಗಳನ್ನು ಬೆಂಬಲಿಸುತ್ತಿದೆ:

 

ಇದು ಒಳಗೊಂಡಿರುವುದು:

  1. ಹಿಂಸಾಚಾರಕ್ಕೆ ತಕ್ಷಣದ ನಿಲುಗಡೆ.
  2. ಶಾಂತಿಯುತ ಪರಿಹಾರಕ್ಕಾಗಿ ಮ್ಯಾನ್ಮಾರ್‌ನ ಎಲ್ಲ ಪಾಲುದಾರರ ನಡುವೆ ಸಂವಾದ.
  3. ಮಧ್ಯಸ್ಥಿಕೆಗಾಗಿ ವಿಶೇಷ ಆಸಿಯಾನ್ ರಾಯಭಾರಿಯ ನೇಮಕ.
  4. ಮ್ಯಾನ್ಮಾರ್‌ಗೆ ನೆರವು ನೀಡುವುದು.
  5. ಆಸಿಯಾನ್ ಪ್ರತಿನಿಧಿಯಿಂದ ಮ್ಯಾನ್ಮಾರ್‌ಗೆ ಭೇಟಿ ನೀಡಿಕೆ.

 

ಮ್ಯಾನ್ಮಾರ್‌ನ ಪರಿಸ್ಥಿತಿಯ ಬಗ್ಗೆ ಭಾರತ ಏಕೆ ಕಾಳಜಿ ವಹಿಸಬೇಕು?

  1. ಭಾರತಕ್ಕೆ ಸಂಬಂಧಿಸಿದಂತೆ, ಮ್ಯಾನ್ಮಾರ್‌ನ ಪರಿಸ್ಥಿತಿಯ ದೃಷ್ಟಿಯಿಂದ ಸಾಕಷ್ಟು ಅಪಾಯವಿದೆ, ಏಕೆಂದರೆ ಮ್ಯಾನ್ಮಾರ್‌ನೊಳಗಿನ ನಿರಂತರ ಅಸ್ಥಿರತೆಯು ದೇಶದ ಈಶಾನ್ಯ ಪ್ರದೇಶದ ಮೇಲೆ ಗಂಭೀರ ಪರಿಣಾಮಗಳನ್ನು ಬೀರಬಹುದು.
  2. ಗೆರಿಲ್ಲಾ ಗುಂಪುಗಳು ಮ್ಯಾನ್ಮಾರ್‌ನಲ್ಲಿ ತಮ್ಮ ಚಟುವಟಿಕೆಗಳನ್ನು ಪುನರಾರಂಭಿಸಿದ ವರದಿಗಳಿವೆ, ಮತ್ತು ಆ ದೇಶದಲ್ಲಿ ಕಾನೂನು ಮತ್ತು ಸುವ್ಯವಸ್ಥೆಯ ಉಲ್ಲಂಘನೆಯು ಈಶಾನ್ಯ ಭಾರತದಲ್ಲಿನ ಭಯೋತ್ಪಾದಕ ಗುಂಪುಗಳಿಗೆ ಪರಿಸ್ಥಿತಿಯ ಲಾಭವನ್ನು ಪಡೆಯುವ ಅವಕಾಶವನ್ನು ನೀಡುತ್ತದೆ.

 

ಮ್ಯಾನ್ಮಾರ್‌ನಲ್ಲಿ ಇತ್ತೀಚಿನ ಘಟನೆಗಳು:

ಈ ವರ್ಷ ಫೆಬ್ರವರಿ 1 ರಂದು ಮ್ಯಾನ್ಮಾರ್‌ನ ಮಿಲಿಟರಿಯು ಪ್ರಜಾಸತ್ತಾತ್ಮಕವಾಗಿ ಚುನಾಯಿತರಾದ ನೊಬೆಲ್ ಪ್ರಶಸ್ತಿ ವಿಜೇತ ಆಂಗ್ ಸಾನ್ ಸೂಕಿ ಅವರ ಪಕ್ಷದ ಸರ್ಕಾರದ ವಿರುದ್ಧ ದಂಗೆಯನ್ನು ಪ್ರಾರಂಭಿಸಿ ದೇಶವನ್ನು ತನ್ನ ವಶಕ್ಕೆ ಪಡೆಯಿತು. ಕಳೆದ ವರ್ಷದ ನವೆಂಬರ್‌ನಲ್ಲಿ ನಡೆದ ಚುನಾವಣೆಯಲ್ಲಿ ಆಂಗ್ ಸಾನ್ ಸೂಕಿ ರವರ ಆಡಳಿತ ಪಕ್ಷವು ವಂಚನೆ ಎಸಗಿದೆ ಎಂದು ಮಿಲಿಟರಿ ಆರೋಪಿಸಿತ್ತು.

ಆದರೆ, ಸೇನೆಯು ಮಾಡಿದ ಈ ಆರೋಪವನ್ನು ದೇಶದ ಹಿಂದಿನ ಚುನಾವಣಾ ಆಯೋಗ ಮತ್ತು ಅಂತರರಾಷ್ಟ್ರೀಯ ಕಾವಲುಗಾರರು ತಿರಸ್ಕರಿಸಿದ್ದಾರೆ.

 

ಭಾರತದ ಮುಂದಿನ ಪ್ರತಿಕ್ರಿಯೆ:

ಈ ಬಾರಿ ಭಾರತದ ಪ್ರತಿಕ್ರಿಯೆ ವಿಭಿನ್ನವಾಗಿರಬಹುದು. ಭಾರತವು ಮ್ಯಾನ್ಮಾರ್‌ನಲ್ಲಿ ಪ್ರಜಾಪ್ರಭುತ್ವದ ಬಗ್ಗೆ ಕಾಳಜಿ ವಹಿಸುತ್ತದೆ ಮತ್ತು ಅದರ ಪ್ರಾಮುಖ್ಯತೆಯನ್ನು ತಿಳಿದುಕೊಂಡಿದ್ದರೂ ಸಹ ಮಿಲಿಟರಿ ದಂಗೆಯನ್ನು ವಿರೋಧಿಸಲು ಭಾರತಕ್ಕೆ ಸಾಧ್ಯವಿಲ್ಲ. ಏಕೆಂದರೆ:

 

  1. ಮ್ಯಾನ್ಮಾರ್‌ನ ಮಿಲಿಟರಿಯೊಂದಿಗೆ ಭಾರತದ ಭದ್ರತಾ ಸಂಬಂಧಗಳು ಅತ್ಯಂತ ಗಾಢವಾಗಿವೆ, ಮತ್ತು ಮ್ಯಾನ್ಮಾರ್‌ ಮಿಲಿಟರಿಯು ಭಾರತದ ಈಶಾನ್ಯ ಗಡಿಗಳನ್ನು ದಂಗೆಕೋರ ಗುಂಪುಗಳಿಂದ ಭದ್ರಪಡಿಸಿಕೊಳ್ಳಲು ನೆರವು ನೀಡುವ ಅಗತ್ಯವನ್ನು ಗಮನದಲ್ಲಿಟ್ಟುಕೊಂಡು ‘ಸಂಬಂಧಗಳ ಸೇತುವೆಯನ್ನು’ ಸುಡುವುದು ಭಾರತಕ್ಕೆ ಕಷ್ಟಕರವಾಗಿರುತ್ತದೆ ಅಂದರೆ ಮ್ಯಾನ್ಮಾರ್ ನೊಂದಿಗಿನ ರಾಜತಾಂತ್ರಿಕ ಸಂಬಂಧಗಳನ್ನು ಕಡಿದುಕೊಳ್ಳುವುದು ಕಷ್ಟಕರವಾಗಿರುತ್ತದೆ.
  2. ಸ್ವತಃ ಆಂಗ್ ಸಾನ್ ಸೂಕಿ ಅವರ ಬದಲಾದ ಚಿತ್ರಣ: ಪ್ರಜಾಪ್ರಭುತ್ವದ ಸಂಕೇತವಾದ ಮತ್ತು ಶಾಂತಿ ನೊಬೆಲ್ ಪ್ರಶಸ್ತಿ ವಿಜೇತರಾದ ಶ್ರೀಮತಿ ಸೂಕಿ ಅವರ ಚಿತ್ರಣ ಅವರ ಅಧಿಕಾರಾವಧಿಯಲ್ಲಿ ಕಳಂಕಿತಗೊಂಡಿದೆ. 2015 ರಲ್ಲಿ ತನ್ನ ಅಧಿಕಾರಾವಧಿಯಲ್ಲಿ, ಶ್ರೀಮತಿ ಸೂಕಿ ರಾಖೈನ್ ರಾಜ್ಯದ ರೋಹಿಂಗ್ಯಾ ಸಮುದಾಯದ ವಿರುದ್ಧ ಮಿಲಿಟರಿಯು ಕ್ರೂರವಾಗಿ ನಡೆದುಕೊಳ್ಳುತ್ತಿರುವುದನ್ನು  ತಡೆಯುವಲ್ಲಿ ವಿಫಲರಾದರು ಮತ್ತು ಈ ಪ್ರಕರಣದಲ್ಲಿ  ಸೈನ್ಯದ ಕ್ರಮವನ್ನು ಸಮರ್ಥಿಸಿಕೊಂಡರು.
  3. ಚೀನಾಕ್ಕೆ ಲಾಭ: ಅಮೆರಿಕದಂತೆಯೇ ಭಾರತದ ಕಠಿಣ ಪ್ರತಿಕ್ರಿಯೆಯು ಮುಖ್ಯವಾಗಿ ಚೀನಾಕ್ಕೆ ಪ್ರಯೋಜನವನ್ನು ನೀಡುತ್ತದೆ. ಮಿಲಿಟರಿ ಆಕ್ರಮಣವನ್ನು ಕೊನೆಗೊಳಿಸದಿದ್ದರೆ “ದಂಗೆ” ಗೆ ಕಾರಣರಾದವರ ವಿರುದ್ಧ ಕ್ರಮ ಕೈಗೊಳ್ಳುವುದಾಗಿ ಅಮೆರಿಕ ಬೆದರಿಕೆ ಹಾಕಿದೆ.
  4. ಕಾರ್ಯತಂತ್ರದ ಕಾಳಜಿಗಳ ಹೊರತಾಗಿ, ಭಾರತವು ಮ್ಯಾನ್ಮಾರ್‌ನಲ್ಲಿ ಹಲವಾರು ಮೂಲಸೌಕರ್ಯ ಮತ್ತು ಅಭಿವೃದ್ಧಿ ಯೋಜನೆಗಳಲ್ಲಿ ಹೂಡಿಕೆ ಮಾಡಿದೆ. ಭಾರತವು ಇವುಗಳನ್ನು ಪೂರ್ವದ ಮತ್ತು ‘ಆಸಿಯಾನ್ ದೇಶಗಳೆಡೆಗಿನ ಹೆಬ್ಬಾಗಿಲು’ ಎಂದು ನೋಡುತ್ತದೆ. (ಉದಾಹರಣೆಗೆ: ಭಾರತ-ಮ್ಯಾನ್ಮಾರ್-ಥೈಲ್ಯಾಂಡ್ ತ್ರಿಪಕ್ಷೀಯ ಹೆದ್ದಾರಿ ಮತ್ತು ಕಲಾದನ್ ಮಲ್ಟಿ-ಮೋಡಲ್ ಟ್ರಾನ್ಸಿಟ್ ಟ್ರಾನ್ಸ್‌ಪೋರ್ಟ್ ನೆಟ್‌ವರ್ಕ್, ಸಿಟ್ವೆ ಆಳ ನೀರಿನ ಬಂದರಿನಲ್ಲಿ (Sittwe deep-water port) ವಿಶೇಷ ಆರ್ಥಿಕ ವಲಯದ ಯೋಜನೆ).
  5. ಇದಲ್ಲದೆ, ಬಾಂಗ್ಲಾದೇಶಕ್ಕೆ ಪಲಾಯನ ಮಾಡಿದ ರೋಹಿಂಗ್ಯಾ ನಿರಾಶ್ರಿತರ ಸಮಸ್ಯೆಯನ್ನು ಬಗೆಹರಿಸಲು ಭಾರತ ಇನ್ನೂ ಸಹಾಯ ಮಾಡುತ್ತದೆ ಎಂದು ನಿರೀಕ್ಷಿಸಲಾಗಿದೆ ಮತ್ತು ಈ ವಿಷಯದ ಬಗ್ಗೆ ಮ್ಯಾನ್ಮಾರ್ ಸರ್ಕಾರದೊಂದಿಗೆ ಮಾತುಕತೆ ಮುಂದುವರಿಸಲು ಬಯಸುತ್ತದೆ. ಕೆಲವು ರೋಹಿಂಗ್ಯಾ ನಿರಾಶ್ರಿತರು ಭಾರತಕ್ಕೆ ವಲಸೆ ಬಂದಿದ್ದಾರೆ.

 

ಮ್ಯಾನ್ಮಾರ್‌ನ ಮಿಲಿಟರಿ ಸಂವಿಧಾನ:

2008 ರಲ್ಲಿ ಮ್ಯಾನ್ಮಾರ್‌ನಲ್ಲಿ ಮಿಲಿಟರಿಯಿಂದ ಸಂವಿಧಾನವನ್ನು ರಚಿಸಲಾಯಿತು ಮತ್ತು ಈ ವರ್ಷದ ಏಪ್ರಿಲ್‌ನಲ್ಲಿ ಅನುಮಾನಾಸ್ಪದ ಜನಾಭಿಪ್ರಾಯ ಸಂಗ್ರಹಿಸಲಾಯಿತು.

  1. ಈ ಸಂವಿಧಾನವು ಸೈನ್ಯವು ರಚಿಸಿದ ‘ಪ್ರಜಾಪ್ರಭುತ್ವಕ್ಕೆ ಮಾರ್ಗಸೂಚಿ’ ಆಗಿದ್ದು, ಇದನ್ನು ಪಾಶ್ಚಿಮಾತ್ಯ ದೇಶಗಳ ಒತ್ತಡದಿಂದಾಗಿ ಮ್ಯಾನ್ ಮಾರ್ ಸೈನ್ಯವು ಅಂಗೀಕರಿಸಿತು.
  2. ಇದಲ್ಲದೆ, ಮ್ಯಾನ್ಮಾರ್ ಅನ್ನು ಹೊರಗಿನ ಪ್ರಪಂಚಕ್ಕೆ ತೆರೆಯುವುದು ಇನ್ನು ಮುಂದೆ ಒಂದು ಆಯ್ಕೆಯಾಗಿಲ್ಲ ಆದರೆ ಗಂಭೀರವಾದ ಆರ್ಥಿಕ ಅಗತ್ಯವಾಗಿದೆ ಎಂಬುದು ಮಿಲಿಟರಿ ಆಡಳಿತಕ್ಕೂ ಅರಿವಾಯಿತು.
  3. ಆದರೆ ಸೇನೆಯು ಸಂವಿಧಾನದಲ್ಲಿ ತನ್ನ ಪಾತ್ರವನ್ನು ಮತ್ತು ರಾಷ್ಟ್ರೀಯ ವ್ಯವಹಾರಗಳಲ್ಲಿ ತನ್ನ ಶ್ರೇಷ್ಟತೆ ಅಥವಾ ಪ್ರಾಬಲ್ಯವನ್ನು ಖಚಿತಪಡಿಸಿಕೊಂಡಿತ್ತು.
  4. ಸಂವಿಧಾನದ ನಿಬಂಧನೆಗಳ ಪ್ರಕಾರ, ಸಂಸತ್ತಿನ ಉಭಯ ಸದನಗಳಲ್ಲಿ 25 ಪ್ರತಿಶತ ಸ್ಥಾನಗಳನ್ನು ಸೈನ್ಯಕ್ಕಾಗಿ ಕಾಯ್ದಿರಿಸಲಾಗಿದೆ, ಅದರ ಮೇಲೆ ಸೇವಾ ನಿರತ ಮಿಲಿಟರಿ ಅಧಿಕಾರಿಗಳನ್ನು ನಾಮನಿರ್ದೇಶನ ಮಾಡಲಾಗುತ್ತದೆ.
  5. ಅಲ್ಲದೆ, ಸೈನ್ಯದ ಪರವಾಗಿ ಚುನಾವಣೆಗಳಲ್ಲಿ ಭಾಗವಹಿಸುವ ಪ್ರತಿನಿಧಿ ರಾಜಕೀಯ ಪಕ್ಷವನ್ನು ರಚಿಸಲಾಯಿತು.

 


ಸಾಮಾನ್ಯ ಅಧ್ಯಯನ ಪತ್ರಿಕೆ : 1


 

ವಿಷಯಗಳು: ಮಾಹಿತಿ ತಂತ್ರಜ್ಞಾನ, ಬಾಹ್ಯಾಕಾಶ, ಕಂಪ್ಯೂಟರ್, ರೊಬೊಟಿಕ್ಸ್, ನ್ಯಾನೊ-ತಂತ್ರಜ್ಞಾನ, ಜೈವಿಕ ತಂತ್ರಜ್ಞಾನ ಮತ್ತು ಬೌದ್ಧಿಕ ಆಸ್ತಿ ಹಕ್ಕುಗಳಿಗೆ ಸಂಬಂಧಿಸಿದ ವಿಷಯಗಳಲ್ಲಿ ಜಾಗೃತಿ.

ಮೊನೊಕ್ಲೋನಲ್ (ಆಂಟಿಬಾಡಿ) ಪ್ರತಿಕಾಯಗಳು:


(Monoclonal antibodies)

 ಸಂದರ್ಭ:

ಇತ್ತೀಚೆಗೆ, COVID-19 ನಿಂದ ಬಳಲುತ್ತಿರುವ ಕೆಲವು ಗಂಭೀರ ರೋಗಿಗಳಿಗೆ ‘REGEN-COV2’ ಹೆಸರಿನ ಪ್ರಾಯೋಗಿಕ ‘ಮೊನೊಕ್ಲೋನಲ್ ಆಂಟಿಬಾಡಿ’ ಕಾಕ್ಟೈಲ್ ಜೀವ ಉಳಿಸುವ ಒಂದು ಚಿಕಿತ್ಸೆಯಾಗಿದೆ ಎಂದು ಕಂಡುಬಂದಿದೆ. UK ಯಲ್ಲಿ ನಡೆಸಿದ ಕ್ಲಿನಿಕಲ್ ಪ್ರಯೋಗದಲ್ಲಿ ಇದೇ ರೀತಿಯ ಫಲಿತಾಂಶಗಳನ್ನು ಗಮನಿಸಲಾಗಿದೆ.

ಆದಾಗ್ಯೂ,ಅಂತಹ ಚಿಕಿತ್ಸೆಗಳು ಸಾಕಷ್ಟು ದುಬಾರಿಯಾಗಿದೆ ಏಕೆಂದರೆ ಅವುಗಳು ತಯಾರಿಸಲು ಕಷ್ಟಕರ ಮತ್ತು ಸಾಕಷ್ಟು ಸಮಯ ತೆಗೆದುಕೊಳ್ಳುತ್ತವೆ.

 

ಮೊನೊಕ್ಲೋನಲ್ ಪ್ರತಿಕಾಯಗಳು (Monoclonal antibodies- mAbs) ಎಂದರೇನು?

ಇವು ದೇಹದ ‘ನೈಸರ್ಗಿಕ ಪ್ರತಿರಕ್ಷಣಾ ವ್ಯವಸ್ಥೆಗೆ’ ಸಹಾಯ ಮಾಡುವ ಉದ್ದೇಶದಿಂದ ಕೃತಕವಾಗಿ ಉತ್ಪತ್ತಿಮಾಡಿದ ಪ್ರತಿಕಾಯಗಳಾಗಿವೆ.

 ಮೊನೊಕ್ಲೋನಲ್ ಪ್ರತಿಕಾಯಗಳು ನಿರ್ದಿಷ್ಟ ಪ್ರತಿಜನಕವನ್ನು ಗುರಿಯಾಗಿಸುತ್ತವೆ. ಈ ವಿಶೇಷ ಪ್ರತಿಜನಕವು ರೋಗನಿರೋಧಕ ಪ್ರತಿಕ್ರಿಯೆಯನ್ನು ಉಂಟುಮಾಡುವ ಸೂಕ್ಷ್ಮಾಣುಜೀವಿಗಳ ‘ಪ್ರೋಟೀನ್’ ಆಗಿದೆ.

‘ಮೊನೊಕ್ಲೋನಲ್ ಪ್ರತಿಕಾಯಗಳನ್ನು’ ಹೇಗೆ ಉತ್ಪತ್ತಿ ಮಾಡಲಾಗುತ್ತದೆ?

ಪ್ರಯೋಗಾಲಯದಲ್ಲಿ, ಬಿಳಿ ರಕ್ತ ಕಣಗಳನ್ನು ನಿರ್ದಿಷ್ಟ ಪ್ರತಿಜನಕಕ್ಕೆ ಒಡ್ಡುವ ಮೂಲಕ ಮೊನೊಕ್ಲೋನಲ್ ಪ್ರತಿಕಾಯಗಳನ್ನು ಉತ್ಪಾದಿಸಬಹುದು.

ಹೆಚ್ಚಿನ ಪ್ರತಿಕಾಯಗಳನ್ನು ಉತ್ಪಾದಿಸಲು, ಒಂದೇ ಬಿಳಿರಕ್ತಕಣ ವನ್ನು ಅಬೀಜ ಸಂತಾನೋತ್ಪತ್ತಿ ಮಾಡಲಾಗುತ್ತದೆ. ಪ್ರತಿಕಾಯದ ಒಂದೇ ರೀತಿಯ ಪ್ರತಿಗಳನ್ನು ಉತ್ಪಾದಿಸಲು ಒಂದೇ ಬಿಳಿ ರಕ್ತ ಕಣ ಮಾದರಿಯನ್ನು (Clone) ಬಳಸಲಾಗುತ್ತದೆ.

  1. ಕೋವಿಡ್ -19 ರ ಸಂದರ್ಭದಲ್ಲಿ, ವಿಜ್ಞಾನಿಗಳು ಸಾಮಾನ್ಯವಾಗಿ ‘ಮೊನೊಕ್ಲೋನಲ್ ಪ್ರತಿಕಾಯಗಳನ್ನು’ ಉತ್ಪಾದಿಸಲು SARS-CoV-2 ವೈರಸ್‌ನ ಸ್ಪೈಕ್ ಪ್ರೋಟೀನ್‌ ಅನ್ನು ಬಳಸುತ್ತಾರೆ. ಈ ‘ಸ್ಪೈಕ್ ಪ್ರೋಟೀನ್’ ವೈರಸ್ ಅನ್ನು ಆತಿಥೇಯ ಕೋಶಕ್ಕೆ ಪ್ರವೇಶಿಸಲು ಸಹಾಯ ಮಾಡುತ್ತದೆ.

 

‘ಮೊನೊಕ್ಲೋನಲ್ ಪ್ರತಿಕಾಯಗಳ’ ಅವಶ್ಯಕತೆ:

  1. ಆರೋಗ್ಯಕರ ದೇಹದಲ್ಲಿ, ಅದರ ‘ಪ್ರತಿರಕ್ಷಣಾ ವ್ಯವಸ್ಥೆ’ (Immune System) ಪ್ರತಿಕಾಯಗಳನ್ನು ಉತ್ಪಾದಿಸುವ ಸಾಮರ್ಥ್ಯವನ್ನು ಹೊಂದಿದೆ.
  2. ಈ ಪ್ರತಿಕಾಯಗಳು ನಮ್ಮ ರಕ್ತದಲ್ಲಿನ ವೈ-ಆಕಾರದ (Y-shape) ಸೂಕ್ಷ್ಮ ಪ್ರೋಟೀನ್‌ಗಳಾಗಿವೆ, ಈ ಸೂಕ್ಷ್ಮ ಪ್ರೋಟೀನ್ಗಳು ಶತ್ರು ಸೂಕ್ಷ್ಮಜೀವಿಗಳನ್ನು ಗುರುತಿಸುತ್ತವೆ ಮತ್ತು ಬಂಧಿಸುತ್ತವೆ ಮತ್ತು ಈ ರೋಗಕಾರಕ ಸೂಕ್ಷ್ಮಜೀವಿಗಳ ಮೇಲೆ ದಾಳಿ ಮಾಡಲು ಪ್ರತಿರಕ್ಷಣಾ ವ್ಯವಸ್ಥೆಯನ್ನು ಸಂಕೇತಿಸುತ್ತವೆ.
  3. ಆದಾಗ್ಯೂ, ಈ ಪ್ರತಿಕಾಯಗಳನ್ನು ಸಾಕಷ್ಟು ಪ್ರಮಾಣದಲ್ಲಿ ಉತ್ಪಾದಿಸಲು ಸಾಧ್ಯವಾಗದ ರೋಗನಿರೋಧಕ ವ್ಯವಸ್ಥೆ ಹೊಂದಿರುವ ಜನರಿಗೆ ಸಹಾಯ ಮಾಡಲು ವಿಜ್ಞಾನಿಗಳು ‘ಮೊನೊಕ್ಲೋನಲ್ ಪ್ರತಿಕಾಯಗಳನ್ನು’ ಕಂಡುಹಿಡಿದಿದ್ದಾರೆ.

 

ಇತಿಹಾಸ:

ನೊಬೆಲ್ ಪ್ರಶಸ್ತಿ ಪುರಸ್ಕೃತ ಜರ್ಮನ್ ರೋಗನಿರೋಧಕ ತಜ್ಞ (Immunologist) ಪಾಲ್ ಎಲ್ರಿಚ್ ( Paul Ehrlich) ಜೋಬರ್ ಕುಗೆಲ್’ (Zauberkugel) ಅಂದರೆ ‘ಮ್ಯಾಜಿಕ್ ಬುಲೆಟ್’ ಎಂಬ ಕಲ್ಪನೆಯನ್ನು 1900 ರ ದಶಕದಲ್ಲಿ ಒಂದು ರೋಗದ ಚಿಕಿತ್ಸೆಗಾಗಿ ಪ್ರತಿಕಾಯಗಳನ್ನು ನೀಡುವ ಕಲ್ಪನೆಯನ್ನು ಪ್ರಸ್ತಾಪಿಸಿದ್ದರು. ಜೋಬರ್ ಕುಗೆಲ್ ಒಂದು ಆಯ್ದ ರೋಗಕಾರಕ ಸೂಕ್ಷ್ಮಾಣುಜೀವಿಯನ್ನು ಗುರಿಯಾಗಿಸುವ ಒಂದು ಸಂಯೋಜಕವಾಗಿದೆ.

  1. ಅಂದಿನಿಂದ, ವಿಶ್ವದ ಮೊದಲ ಮೊನೊಕ್ಲೋನಲ್ ಪ್ರತಿಕಾಯವಾದ ‘ಮುರೊಮೊನಾಬ್-ಸಿಡಿ 3’ (Muromonab-CD3) ಅನ್ನು ಮಾನವರ ಮೇಲೆ ಕ್ಲಿನಿಕಲ್ ಬಳಕೆಗಾಗಿ ಅನುಮೋದಿಸುವವರೆಗೆ ಎಂಟು ದಶಕಗಳನ್ನು ಸಂಶೋಧನೆಗಾಗಿ ತೆಗೆದುಕೊಂಡಿತು.
  2. ಮುರೊಮೊನಾಬ್-ಸಿಡಿ 3 ಒಂದು ರೋಗನಿರೋಧಕ ಔಷಧಿಯಾಗಿದ್ದು (Immunosuppressant) ‘ಅಂಗಾಂಗ ಕಸಿ’ ರೋಗಿಗಳಲ್ಲಿ ತೀವ್ರವಾದ ನಿರಾಕರಣೆಯನ್ನು (Acute Rejection) ಕಡಿಮೆ ಮಾಡಲು ಇದನ್ನು ನೀಡಲಾಗುತ್ತದೆ.

 

ಅನ್ವಯಗಳು:

ಮೊನೊಕ್ಲೋನಲ್ ಪ್ರತಿಕಾಯಗಳು ಈಗ ತುಲನಾತ್ಮಕವಾಗಿ ಸಾಮಾನ್ಯವಾಗಿದೆ. ಎಬೋಲಾ, ಎಚ್‌ಐವಿ, ಚರ್ಮ ರೋಗಗಳು (psoriasis) ಇತ್ಯಾದಿಗಳ ಚಿಕಿತ್ಸೆಯಲ್ಲಿ ಅವುಗಳನ್ನು ಬಳಸಲಾಗುತ್ತದೆ.

 

ವಿಷಯಗಳು: ಮಾಹಿತಿ ತಂತ್ರಜ್ಞಾನ, ಬಾಹ್ಯಾಕಾಶ, ಕಂಪ್ಯೂಟರ್, ರೊಬೊಟಿಕ್ಸ್, ನ್ಯಾನೊ-ತಂತ್ರಜ್ಞಾನ, ಜೈವಿಕ ತಂತ್ರಜ್ಞಾನ ಮತ್ತು ಬೌದ್ಧಿಕ ಆಸ್ತಿ ಹಕ್ಕುಗಳಿಗೆ ಸಂಬಂಧಿಸಿದ ವಿಷಯಗಳಲ್ಲಿ ಜಾಗೃತಿ.

ದ್ವಿಗುಣಗೊಂಡ ಅಕ್ರಮ HTBt ಹತ್ತಿ ಬೀಜಗಳ ಮಾರಾಟ:


(Sale of illegal HTBt cotton seeds doubles)

 ಸಂದರ್ಭ:

 ತಳೀಯವಾಗಿ ಮಾರ್ಪಡಿಸಿದ  (Genetically Modified) ಹತ್ತಿಯನ್ನು ಬೆಳೆಸುವುದರಿಂದ ಉಂಟಾಗುವ ಗಂಭೀರ ಪರಿಸರ ಮತ್ತು ಆರ್ಥಿಕ ಪರಿಣಾಮಗಳನ್ನು ಗಮನದಲ್ಲಿಟ್ಟುಕೊಂಡು ‘ಸಸ್ಯನಾಶಕ ಸಹಿಷ್ಣು’ ಅಥವಾ ಹೆರ್ಬಿಸೈಡ್ ಟಾಲರಂಟ್ (HT) ಬಿಟಿ ಹತ್ತಿ’ (HTBt ಹತ್ತಿ) ಯ ಅಕ್ರಮ ಮಾರಾಟವನ್ನು ನಿಲ್ಲಿಸುವಂತೆ ಕೈಗಾರಿಕಾ ಲಾಬಿ ಇತ್ತೀಚೆಗೆ ಕೃಷಿ ಸಚಿವಾಲಯಕ್ಕೆ ಪತ್ರ ಬರೆದಿದೆ. ಅದರೊಂದಿಗೆ ದುಷ್ಕರ್ಮಿಗಳನ್ನು ತಡೆಯಲು ಮತ್ತು ಶಿಕ್ಷಿಸಲು ಕ್ರಮ ತೆಗೆದುಕೊಳ್ಳುವ ಬೇಡಿಕೆ ಮಂಡಿಸಿದೆ.

 

ಏನಿದು ಸಮಸ್ಯೆ?

ಈ ವರ್ಷ ಅಕ್ರಮವಾಗಿ ಸಸ್ಯನಾಶಕ ಸಹಿಷ್ಣು (Herbicide Tolerant – HTBt) ಬಿಟಿ ಹತ್ತಿಯ ಬೆಳೆಯುವಿಕೆಯಲ್ಲಿ ಭಾರಿ ಏರಿಕೆ ಕಂಡುಬಂದಿದೆ.

HTBt ಹತ್ತಿಯ ಅಕ್ರಮ ಬೀಜ ಪ್ಯಾಕೆಟ್‌ಗಳ ಮಾರಾಟ ಕಳೆದ ವರ್ಷ ಇದ್ದ 3 ದಶಲಕ್ಷದಿಂದ ಈ ವರ್ಷ 7.5 ದಶಲಕ್ಷಕ್ಕೆ ಏರಿದೆ ಎಂದು ಬೀಜ ತಯಾರಕರು ಹೇಳುತ್ತಾರೆ.

 

ಭಾರತದಲ್ಲಿ ತಳೀಯವಾಗಿ ಮಾರ್ಪಡಿಸಿದ ಬೆಳೆಗಳಿಗೆ ಅನುಮತಿ:

ಬಿಟಿ ಹತ್ತಿ (Bt cotton)  ದೇಶದಲ್ಲಿ ಕೃಷಿ ಮಾಡಲು ಅನುಮತಿ ನೀಡಲಾದ ಏಕೈಕ ‘ತಳೀಯವಾಗಿ ಮಾರ್ಪಡಿಸಿದ’ (Genetically Modified- GM crop)  ಬೆಳೆಯಾಗಿದೆ.

ಬಿಟಿ ಹತ್ತಿಯನ್ನು ಅಮೆರಿಕದ ದೈತ್ಯ ಕಂಪೆನಿ ಬೇಯರ್-ಮೊನ್ಸಾಂಟೊ (Bayer-Monsanto) ಅಭಿವೃದ್ಧಿಪಡಿಸಿದ್ದಾರೆ.

ಇದನ್ನು ಅಭಿವೃದ್ಧಿಪಡಿಸಲು, ಬ್ಯಾಸಿಲಸ್ ಥುರಿಂಜಿಯೆನ್ಸಿಸ್’  (Bacillus thuringiensis) ಎಂಬ ಬ್ಯಾಕ್ಟೀರಿಯಂನ ‘ಕ್ರೈ 1 ಎಬಿ’ (Cry1Ab)  ಮತ್ತು ‘ಕ್ರೈ 2 ಬಿಸಿ’ (Cry2Bc) ಎಂಬ ಎರಡು ಜೀನ್‌ಗಳನ್ನು ಹತ್ತಿ ಬೀಜಗಳಿಗೆ ಚುಚ್ಚಲಾಗುತ್ತದೆ. ಬ್ಯಾಸಿಲಸ್ ಥುರಿಂಜಿಯೆನ್ಸಿಸ್ ಬ್ಯಾಕ್ಟೀರಿಯಂ ಅನ್ನು ಮಣ್ಣಿನಿಂದ ಪಡೆಯಲಾಗುತ್ತದೆ.

  1. ಈ ಮಾರ್ಪಾಡು ಸಸ್ಯವನ್ನು,ಹೆಲಿಯೊಥಿಸ್ ಬೋಲ್ವರ್ಮ್ (ಗುಲಾಬಿ ಮರಿಹುಳು pink bollworm) ಯನ್ನು ಕೊಲ್ಲಲು ವಿಷಕಾರಿ ಪ್ರೋಟೀನ್ ಉತ್ಪಾದಿಸಲು ಸಸ್ಯವನ್ನು ಸಂಕೇತಿಸುತ್ತದೆ ಮತ್ತು ಈ ಕೀಟಗಳ ದಾಳಿಗೆ ಸಸ್ಯಗಳನ್ನು ನಿರೋಧಕವಾಗಿ ಮಾಡುತ್ತದೆ. ಹತ್ತಿಯ ಈ ಅಡ್ಡ-ತಳಿಯನ್ನು ವಾಣಿಜ್ಯಿಕವಾಗಿ ಉತ್ಪಾದಿಸಲು ಸರ್ಕಾರವು 2002 ರಲ್ಲಿ ಅನುಮೋದಿಸಿತು.

  

HTBt ಹತ್ತಿ ಎಂದರೇನು?

 ಈ ವೈವಿಧ್ಯತೆಯನ್ನು (HTBt) ಮತ್ತೊಂದು ಮಣ್ಣಿನಿಂದ ಪಡೆದ ಬ್ಯಾಕ್ಟೀರಿಯಂ ಆಗ್ರೋಬ್ಯಾಕ್ಟೀರಿಯಂ ಟ್ಯೂಮೆಫೇಸಿಯನ್ಸ್‌ (Agrobacterium tumefaciens)  ‘ಸಿಪಿ 4-ಎಪ್ಸ್ಪ್ಸ್’ ( Cp4-Epsps )ನ ಮತ್ತೊಂದು ಜೀನ್‌ನೊಂದಿಗೆ  ಸಂಕರಣ (ಹೈಬ್ರಿಡೈಜ್) ಮಾಡಲಾಗಿದೆ.

HTBt ವೈವಿಧ್ಯಮಯ ಹತ್ತಿಯು ಗ್ಲೈಫೋಸೇಟ್  (glyphosate) ದ್ರವೌಷಧಗಳನ್ನು ತಡೆದುಕೊಳ್ಳಬಲ್ಲದು, ಮತ್ತು ಕಳೆ ಕಿತ್ತಲು ಆಗುವ ವೆಚ್ಚವನ್ನು ಗಮನಾರ್ಹವಾಗಿ ಕಡಿಮೆ ಮಾಡುತ್ತದೆ ಎಂದು ರೈತರು ಹೇಳುತ್ತಾರೆ. ಗ್ಲೈಫೋಸೇಟ್ ಒಂದು ಕಳೆ ನಾಶಕ ವಾಗಿದೆ.

 

HTBt ಹತ್ತಿಗೆ ಸಂಬಂಧಿಸಿದ ಸಮಸ್ಯೆಗಳು:

  1. ಎಚ್‌ಟಿಬಿಟಿ ಹತ್ತಿ ಬೀಜಗಳ ಅಕ್ರಮ ಮಾರಾಟವು ಬೀಜದ ಗುಣಮಟ್ಟದ ಬಗ್ಗೆ ಯಾವುದೇ ಹೊಣೆಗಾರಿಕೆ ಇಲ್ಲದಿರುವ ಕಾರಣ ರೈತರು ಅಪಾಯಕ್ಕೆ ಸಿಲುಕುತ್ತಾರೆ ಮತ್ತು ಇದು ಪರಿಸರವನ್ನು ಕಲುಷಿತಗೊಳಿಸುತ್ತದೆ.
  2. ಬೀಜಗಳ ಅಕ್ರಮ ಮಾರಾಟದಿಂದಾಗಿ, ಬೀಜಗಳನ್ನು ಕಾನೂನುಬದ್ಧವಾಗಿ ಮಾರಾಟ ಮಾಡುವ ಉದ್ದಿಮೆಗಳು ಕ್ಷೀಣಿಸುತ್ತಿವೆ, ಇದು ಸರ್ಕಾರದ ತೆರಿಗೆ ಸಂಗ್ರಹದ ವಿಷಯದಲ್ಲಿ ಆದಾಯದ ನಷ್ಟಕ್ಕೂ ಕಾರಣವಾಗುತ್ತದೆ.

 

ಸಂಬಂಧಿತ ಶಾಸನಬದ್ಧ ನಿಬಂಧನೆಗಳು:

  1. ಕಾನೂನುಬದ್ಧವಾಗಿ, ಅನುಮೋದಿಸದ ಜಿಎಂ ಬೀಜಗಳ ಮಾರಾಟ, ಸಂಗ್ರಹಣೆ, ಸಾಗಣೆ ಮತ್ತು ಬಳಕೆ ಪರಿಸರ ಸಂರಕ್ಷಣಾ ಕಾಯ್ದೆ 1989 ರ ನಿಯಮಗಳ ಪ್ರಕಾರ ಶಿಕ್ಷಾರ್ಹ ಅಪರಾಧವಾಗಿದೆ.
  2. ಇದಲ್ಲದೆ, ಅನುಮೋದಿಸದ ಬೀಜಗಳ ಮಾರಾಟವನ್ನು 1966 ರ ಬೀಜ ಕಾಯಿದೆ ಮತ್ತು 1957 ರ ಹತ್ತಿ ಕಾಯಿದೆಯಡಿ ಶಿಕ್ಷಿಸ ಬಹುದಾಗಿದೆ.
  3. ಪರಿಸರ ಸಂರಕ್ಷಣಾ ಕಾಯ್ದೆಯ ನಿಬಂಧನೆಗಳ ಉಲ್ಲಂಘನೆಗೆ ಐದು ವರ್ಷಗಳವರೆಗೆ ಜೈಲು ಶಿಕ್ಷೆ ಮತ್ತು 1 ಲಕ್ಷ ರೂ.ಗಳ ದಂಡ ವಿಧಿಸಲಾಗುತ್ತದೆ ಮತ್ತು ಇತರ ಎರಡು ಕಾಯ್ದೆಗಳಡಿಯಲ್ಲಿ ಪ್ರಕರಣಗಳನ್ನು ದಾಖಲಿಸಬಹುದು.

 

ವಿಷಯಗಳು: ಮಾಹಿತಿ ತಂತ್ರಜ್ಞಾನ, ಬಾಹ್ಯಾಕಾಶ, ಕಂಪ್ಯೂಟರ್, ರೊಬೊಟಿಕ್ಸ್, ನ್ಯಾನೊ-ತಂತ್ರಜ್ಞಾನ, ಜೈವಿಕ ತಂತ್ರಜ್ಞಾನ ಮತ್ತು ಬೌದ್ಧಿಕ ಆಸ್ತಿ ಹಕ್ಕುಗಳಿಗೆ ಸಂಬಂಧಿಸಿದ ವಿಷಯಗಳಲ್ಲಿ ಜಾಗೃತಿ.

ಹಬಲ್ ಬಾಹ್ಯಾಕಾಶ ದೂರದರ್ಶಕ:


(Hubble Space Telescope)

 ಸಂದರ್ಭ:

ಇತ್ತೀಚೆಗೆ, ‘ಹಬಲ್ ಬಾಹ್ಯಾಕಾಶ ದೂರದರ್ಶಕ’ದಲ್ಲಿನ ಅಸಮರ್ಪಕ ಕಾರ್ಯದ ಬಗ್ಗೆ ನಾಸಾ ಮಾಹಿತಿ ನೀಡಿದೆ. ಪೇಲೋಡ್ ಕಂಪ್ಯೂಟರ್‌ನ ಸಮಸ್ಯೆಯಿಂದಾಗಿ ದೂರದರ್ಶಕ ಕಳೆದ ಕೆಲವು ದಿನಗಳಿಂದ ಕೆಲಸ ಮಾಡುವುದನ್ನು ನಿಲ್ಲಿಸಿದೆ.

 

ಹಿನ್ನೆಲೆ:

ಈ ಹಬಲ್ ಕಂಪ್ಯೂಟರ್ ಸಹಾಯದಿಂದ ವಿಜ್ಞಾನಕ್ಕೆ ಸಂಬಂಧಿಸಿದ ಸಾಧನಗಳನ್ನು ನಿಯಂತ್ರಿಸುವ ಸಂಘಟಿಸುವ ಮತ್ತು ಆರೋಗ್ಯ ಮತ್ತು ಸುರಕ್ಷತೆಗೆ ಸಂಬಂಧಿಸಿದ ವಿಷಯಗಳನ್ನು ಮೇಲ್ವಿಚಾರಣೆ ಮಾಡಲಾಗುತ್ತದೆ ಎಂದು ಅಮೇರಿಕಾದ ಬಾಹ್ಯಾಕಾಶ ಸಂಸ್ಥೆ ನಾಸಾ ಹೇಳಿದೆ.

 

ಹಬಲ್ ಬಾಹ್ಯಾಕಾಶ ದೂರದರ್ಶಕದ ಬಗ್ಗೆ:

  1.  ಹಬಲ್ ಬಾಹ್ಯಾಕಾಶ ದೂರದರ್ಶಕ (HST) ಬಾಹ್ಯಾಕಾಶದಲ್ಲಿ ಸ್ಥಾಪಿಸಲಾದ ದೈತ್ಯ ದೂರದರ್ಶಕವಾಗಿದೆ. ಹಬಲ್ ಟೆಲಿಸ್ಕೋಪ್ ಅನ್ನು ನಾಸಾ 1990 ರಲ್ಲಿ ಪ್ರಾರಂಭಿಸಿತು.
  2. ಇದನ್ನು ಯುರೋಪಿಯನ್ ಬಾಹ್ಯಾಕಾಶ ಸಂಸ್ಥೆ (ESA) ಸಹಯೋಗದೊಂದಿಗೆ ನಾಸಾ ನಿರ್ಮಿಸಿದೆ.
  3. ಗಗನಯಾತ್ರಿಗಳು ಬಾಹ್ಯಾಕಾಶದಲ್ಲಿ ದುರಸ್ತಿ ಮಾಡಬಹುದಾದ ಏಕೈಕ ದೂರದರ್ಶಕ ಹಬಲ್.
  4. ಗೋಚರಿಸುವ ಬ್ರಹ್ಮಾಂಡದ ಗಡಿಗಳನ್ನು ದಾಟಿ, ಹಬಲ್ ಬಾಹ್ಯಾಕಾಶ ದೂರದರ್ಶಕವು, ತನ್ನ ಕ್ಯಾಮೆರಾಗಳ ಮೂಲಕ ಬಾಹ್ಯಾಕಾಶದಲ್ಲಿ ಆಳವಾಗಿ ಅವಲೋಕನಗಳನ್ನು ಮಾಡುತ್ತದೆ. ಈ ಕ್ಯಾಮೆರಾಗಳು ಅವೆಗೆಂಪು (infrared) ಕಿರಣಗಳಿಂದ ನೇರಳಾತೀತ (ultraviolet) ದವರೆಗೆ ಸಂಪೂರ್ಣ ಆಪ್ಟಿಕಲ್ ಸ್ಪೆಕ್ಟ್ರಮ್ (optical spectrum) ಅನ್ನು ನೋಡುವ ಸಾಮರ್ಥ್ಯ ಹೊಂದಿದೆ.
  5. ಹಬಲ್ ಬಾಹ್ಯಾಕಾಶ ದೂರದರ್ಶಕವು ಪ್ರತಿ 95 ನಿಮಿಷಗಳಿಗೊಮ್ಮೆ ಭೂಮಿಯನ್ನು ಸುತ್ತುತ್ತದೆ.

 

 

ಸಾಧನೆಗಳು:

  1. ಹಬಲ್ ಬಾಹ್ಯಾಕಾಶ ದೂರದರ್ಶಕವು ಪ್ಲುಟೊ ಸುತ್ತಲೂ ಇರುವ ಹೆಚ್ಚಿನ ಚಂದ್ರರನ್ನು ಕಂಡುಹಿಡಿಯಲು ಸಹಾಯ ಮಾಡಿದೆ.
  2. ಹಬಲ್ ಮಾಡಿದ ಅವಲೋಕನಗಳ ಆಧಾರದ ಮೇಲೆ ಕಪ್ಪು ಕುಳಿಗಳ ಅಸ್ತಿತ್ವದ ಬಗ್ಗೆ ಪುರಾವೆಗಳು ಹೊರಬಂದಿವೆ.
  3. ಅನಿಲ ಮತ್ತು ಧೂಳಿನ ಪ್ರಕ್ಷುಬ್ಧ ಮೋಡಗಳ ಮೂಲಕ  ನಕ್ಷತ್ರಗಳ ಉಗಮವನ್ನು ಸಹ ಇದು ನೋಡಿದೆ.
  4. ಆರು ಗೆಲಕ್ಸಿಗಳ ವಿಲೀನವನ್ನು ಹಬಲ್ ಟೆಲಿಸ್ಕೋಪ್ ಗಮನಿಸಿದೆ.
  5. ಫೆಬ್ರವರಿ 11, 2021 ರಂದು, ಹಬಲ್ ಬಾಹ್ಯಾಕಾಶ ದೂರದರ್ಶಕವು ಸಣ್ಣ ಪ್ರಮಾಣದ ಕಪ್ಪು ಕುಳಿಗಳ ಅವಲೋಕನವನ್ನು ವರದಿ ಮಾಡಿದೆ.

 

ವಿಷಯಗಳು: ಸಂರಕ್ಷಣೆ ಮತ್ತು ಜೀವವೈವಿಧ್ಯತೆಗೆ ಸಂಬಂಧಿತ ಸಮಸ್ಯೆಗಳು.

ಹಸಿರು ಹೈಡ್ರೋಜನ್ ಉಪಕ್ರಮಗಳ ಶೃಂಗಸಭೆ:


(Summit on Green Hydrogen Initiatives)

 ಸಂದರ್ಭ:

ಬ್ರಿಕ್ಸ್ ದೇಶಗಳೊಂದಿಗೆ ಭಾರತವು ಹಸಿರು ಹೈಡ್ರೋಜನ್ ಉಪಕ್ರಮ’  (Green Hydrogen Initiatives) ದ ಕುರಿತು ಶೃಂಗಸಭೆಯನ್ನು ಆಯೋಜಿಸುತ್ತಿದೆ.

  1. ಈ ಇವೆಂಟ್, ತನ್ನ ಹಸಿರು ಹೈಡ್ರೋಜನ್ ಉಪಕ್ರಮಗಳು ಮತ್ತು ಆಲೋಚನೆಗಳನ್ನು ಹಂಚಿಕೊಳ್ಳಲು ಒಂದು ವೇದಿಕೆಯನ್ನು ಒದಗಿಸುತ್ತದೆ.
  2. ಈ ಸಮ್ಮೇಳನದ ಮೂಲಕ, ಈ ದೇಶಗಳು ಈ ಉಪಕ್ರಮವನ್ನು ತಮ್ಮ ದೇಶದಲ್ಲಿ ಮುಂದಿನ ಹಂತಕ್ಕೆ ಹೇಗೆ ತೆಗೆದುಕೊಳ್ಳಬಹುದು ಎಂಬುದನ್ನು ತಿಳಿಯುವ ಅವಕಾಶವನ್ನೂ ಪಡೆಯುತ್ತವೆ.
  3. ವಿದ್ಯುತ್ ಸಚಿವಾಲಯದ ಅಡಿಯಲ್ಲಿ ಮಹಾರತ್ನ ಸ್ಥಾನಮಾನ ಹೊಂದಿರುವ ಸಾರ್ವಜನಿಕ ವಲಯದ ಕಂಪನಿಯಾದ NTPC ಲಿಮಿಟೆಡ್ ಈ ಕಾರ್ಯಕ್ರಮವನ್ನು ನಡೆಸಲಿದೆ.

 

ಗ್ರೀನ್ ಹೈಡ್ರೋಜನ್ / ಹಸಿರು ಜಲಜನಕ ಎಂದರೇನು?

ನವೀಕರಿಸಬಹುದಾದ ಶಕ್ತಿಯನ್ನು ಬಳಸಿಕೊಂಡು ‘ವಿದ್ಯುದ್ವಿಭಜನೆ’ (Electrolysis)ಯಿಂದ  ಉತ್ಪತ್ತಿಯಾಗುವ ಹೈಡ್ರೋಜನ್ ಅನ್ನು ‘ಗ್ರೀನ್ ಹೈಡ್ರೋಜನ್’ ಎಂದು ಕರೆಯಲಾಗುತ್ತದೆ. ಇದು ಇಂಗಾಲದ ಯಾವುದೇ ಕುರುಹುಗಳನ್ನು(footprint) ಹೊಂದಿರುವುದಿಲ್ಲ.

 

ಹಸಿರು ಹೈಡ್ರೋಜನ್ ಪ್ರಾಮುಖ್ಯತೆ:

  1. ಭಾರತವು ತನ್ನ ರಾಷ್ಟ್ರೀಯವಾಗಿ ನಿರ್ಧರಿಸಿದ ಕೊಡುಗೆ (Nationally Determined Contribution- INDC) ಗುರಿಗಳನ್ನು ಪೂರೈಸಲು ಮತ್ತು ಪ್ರಾದೇಶಿಕ ಮತ್ತು ರಾಷ್ಟ್ರೀಯ ಇಂಧನ ಸುರಕ್ಷತೆ, ಪ್ರವೇಶ ಮತ್ತು ಲಭ್ಯತೆಯನ್ನು ಖಚಿತಪಡಿಸಿಕೊಳ್ಳಲು ಹಸಿರು ಹೈಡ್ರೋಜನ್ ಶಕ್ತಿಯು ನಿರ್ಣಾಯಕವಾಗಿದೆ.
  2. ಹಸಿರು ಹೈಡ್ರೋಜನ್ “ಶಕ್ತಿ ಶೇಖರಣಾ ಆಯ್ಕೆ” ಯಾಗಿ ಕಾರ್ಯನಿರ್ವಹಿಸುತ್ತದೆ, ಇದು ಭವಿಷ್ಯದಲ್ಲಿ ನವೀಕರಿಸಬಹುದಾದ ಶಕ್ತಿಯ ಅಂತರವನ್ನು ನಿವಾರಿಸಲು ನಿರ್ಣಾಯಕವಾಗಿರುತ್ತದೆ.
  3. ಚಲನಶೀಲತೆಗೆ ಸಂಬಂಧಿಸಿದಂತೆ, ನಗರಗಳಲ್ಲಿ ಅಥವಾ ರಾಜ್ಯಗಳ ಒಳಗೆ ದೂರದ ಪ್ರಯಾಣಕ್ಕಾಗಿ, ಸರಕು ಸಾಗಣೆಗೆ, ರೈಲ್ವೆಗಳು, ದೊಡ್ಡ ಹಡಗುಗಳು, ಬಸ್ಸುಗಳು ಅಥವಾ ಟ್ರಕ್‌ಗಳು ಇತ್ಯಾದಿಗಳಲ್ಲಿ ಹಸಿರು ಹೈಡ್ರೋಜನ್ ಅನ್ನು ಬಳಸಬಹುದು.

 

ಹಸಿರು ಹೈಡ್ರೋಜನ್ ಅನ್ವಯಗಳು:

  1. ಅಮೋನಿಯಾ ಮತ್ತು ಮೆಥನಾಲ್ ನಂತಹ ಹಸಿರು ರಾಸಾಯನಿಕಗಳನ್ನು ಅಸ್ತಿತ್ವದಲ್ಲಿರುವ ಅಗತ್ಯಗಳಾದ ರಸಗೊಬ್ಬರಗಳು, ಚಲನಶೀಲತೆ, ವಿದ್ಯುತ್, ರಾಸಾಯನಿಕಗಳು, ಸಾಗಾಟ ಇತ್ಯಾದಿಗಳಲ್ಲಿ ನೇರವಾಗಿ ಬಳಸಬಹುದು.
  2. ವ್ಯಾಪಕವಾದ ಸ್ವೀಕಾರವನ್ನು ಪಡೆಯಲು ಸಿಜಿಡಿ ನೆಟ್‌ವರ್ಕ್‌ನಲ್ಲಿ ಶೇಕಡಾ 10 ರಷ್ಟು ಹಸಿರು ಹೈಡ್ರೋಜನ್ ಮಿಶ್ರಣವನ್ನು ಅಳವಡಿಸಿಕೊಳ್ಳಬಹುದು.

 

ಪ್ರಯೋಜನಗಳು:

  1. ಇದು ಶುದ್ಧ ದಹನಕಾರಿ ಅಣುವಾಗಿದ್ದು, ಕಬ್ಬಿಣ ಮತ್ತು ಉಕ್ಕು, ರಾಸಾಯನಿಕಗಳು ಮತ್ತು ಸಾರಿಗೆಯಂತಹ ಕ್ಷೇತ್ರಗಳನ್ನು ಡಿಕಾರ್ಬೊನೈಸ್ ಮಾಡುವ ಸಾಮರ್ಥ್ಯ ಹೊಂದಿದೆ.
  2. ಹಸಿರು ಹೈಡ್ರೋಜನ್ ಶಕ್ತಿಯ ಶೇಖರಣೆಗಾಗಿ ಖನಿಜಗಳು ಮತ್ತು ಅಪರೂಪದ-ಭೂಮಿಯ ಅಂಶ ಆಧಾರಿತ ಬ್ಯಾಟರಿಗಳ ಮೇಲಿನ ಅವಲಂಬನೆಯನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ.
  3. ಗ್ರಿಡ್‌ನಿಂದ ಸಂಗ್ರಹಿಸಲಾಗದ ಅಥವಾ ಬಳಸಲಾಗದ ನವೀಕರಿಸಬಹುದಾದ ಶಕ್ತಿಯನ್ನು ಹೈಡ್ರೋಜನ್ ಉತ್ಪಾದಿಸಲು ಬಳಸಿಕೊಳ್ಳಬಹುದು.

 


ಪೂರ್ವಭಾವಿ ಪರೀಕ್ಷೆಗೆ ಸಂಬಂಧಿಸಿದ ವಿದ್ಯಮಾನಗಳು:


ನ್ಯಾಷನಲ್ ಇಂಟರ್ನೆಟ್ ಎಕ್ಸ್ಚೇಂಜ್ ಆಫ್ ಇಂಡಿಯಾ (NIXI):

(National Internet Exchange of India – NIXI)

ನ್ಯಾಷನಲ್ ಇಂಟರ್ನೆಟ್ ಎಕ್ಸ್ಚೇಂಜ್ ಆಫ್ ಇಂಡಿಯಾ (NIXI) ಕಂಪೆನಿ ಕಾಯ್ದೆ 2013 ರ ಸೆಕ್ಷನ್ 8 ರ ಅಡಿಯಲ್ಲಿ ಲಾಭರಹಿತ ಸಂಸ್ಥೆಯಾಗಿದೆ.

ಈ ಕೆಳಗಿನ ಚಟುವಟಿಕೆಗಳ ಮೂಲಕ ಭಾರತದ ನಾಗರಿಕರಿಗೆ ಇಂಟರ್ನೆಟ್ ಮೂಲಸೌಕರ್ಯವನ್ನು ಹರಡಲು 2003 ರಿಂದ ಇದು ಕಾರ್ಯನಿರ್ವಹಿಸುತ್ತಿದೆ:

ಇಂಟರ್ನೆಟ್ ಎಕ್ಸ್ಚೇಂಜ್ ಗಳು, ಇಂಟರ್ನೆಟ್ ಡೇಟಾವನ್ನು  ವಿವಿಧ ಐಎಸ್ ಪಿ (ISPs) ಗಳು ಮತ್ತು ಡೇಟಾ ಕೇಂದ್ರಗಳು ಮತ್ತು CDN ಗಳ ನಡುವೆ ವಿನಿಮಯ ಮಾಡಿಕೊಳ್ಳಲಾಗುತ್ತದೆ.

.IN (ಡಾಟ್ ಇನ್) ಐಎನ್ ಕಂಟ್ರಿ ಕೋಡ್ ಡೊಮೇನ್‌ಗಳ ನೋಂದಣಿ, ನಿರ್ವಹಣೆ ಮತ್ತು ಕಾರ್ಯಾಚರಣೆ ಮತ್ತು ಭಾರತಕ್ಕಾಗಿ .ಭಾರತ (.भारत IDN domain for India)  ಐಡಿಎನ್ (IDN) ಡೊಮೇನ್‌ಗಳು.

ಬಯೋಟೆಕ್-ಕಿಸಾನ್ ಕಾರ್ಯಕ್ರಮ:

(Biotech-KISAN Programme)

  1.  ಇದು ರೈತರಿಗಾಗಿ ಇರುವ ಒಂದು ರೈತ-ಕೇಂದ್ರಿತ ಯೋಜನೆಯಾಗಿದ್ದು, ಜೈವಿಕ ತಂತ್ರಜ್ಞಾನ ಇಲಾಖೆ, ವಿಜ್ಞಾನ ಮತ್ತು ತಂತ್ರಜ್ಞಾನ ಸಚಿವಾಲಯದ ಅಡಿಯಲ್ಲಿ ರೈತರು ಮತ್ತು ಈ ಇಲಾಖೆಗಳ ಸಹಯೋಗದೊಂದಿಗೆ ಅಭಿವೃದ್ಧಿಪಡಿಸಿದ್ದಾರೆ.
  2. ಇದು ಪ್ಯಾನ್-ಇಂಡಿಯಾ ಕಾರ್ಯಕ್ರಮವಾಗಿದ್ದು, ಇದು ಹಬ್-ಅಂಡ್-ಸ್ಪೋಕ್ (hub-and-spoke)  ಮಾದರಿಯನ್ನು ಅನುಸರಿಸುತ್ತದೆ. ಇದು ರೈತರಲ್ಲಿ ಉದ್ಯಮಶೀಲತೆ ಮತ್ತು ನಾವೀನ್ಯತೆಯನ್ನು ಉತ್ತೇಜಿಸುತ್ತದೆ ಮತ್ತು ಮಹಿಳಾ ರೈತರಿಗೆ ಅಧಿಕಾರ ನೀಡುತ್ತದೆ.
  3. ಇದು ಸ್ತ್ರೀ ಮತ್ತು ಪುರುಷ ರೈತರಲ್ಲಿ ಸ್ಥಳೀಯ ಕೃಷಿ ನಾಯಕತ್ವವನ್ನು ಗುರುತಿಸುತ್ತದೆ ಮತ್ತು ಉತ್ತೇಜಿಸುತ್ತದೆ. ಈ ರೀತಿಯ ನಾಯಕತ್ವವು ಮಾಹಿತಿಯ ವರ್ಗಾವಣೆಯನ್ನು ಸುಗಮಗೊಳಿಸುವುದರ ಜೊತೆಗೆ, ವಿಜ್ಞಾನ ಆಧಾರಿತ ಕೃಷಿಯನ್ನು ಅಭಿವೃದ್ಧಿಪಡಿಸಲು ಸಹಾಯ ಮಾಡುತ್ತದೆ.

 

ಅಜಿತ್ ಮಿಶ್ರಾ ತಜ್ಞರ ಗುಂಪು:

(Ajit Mishra expert group)

  1.  ಪ್ರಖ್ಯಾತ ಅರ್ಥಶಾಸ್ತ್ರಜ್ಞ ಪ್ರೊಫೆಸರ್ ಅಜಿತ್ ಮಿಶ್ರಾ ಅವರ ಅಧ್ಯಕ್ಷತೆಯಲ್ಲಿ ಕೇಂದ್ರ ಸರ್ಕಾರವು ತಜ್ಞರ ಗುಂಪನ್ನು ರಚಿಸಿದೆ.
  2. ರಾಷ್ಟ್ರಮಟ್ಟದಲ್ಲಿ ಕನಿಷ್ಠ ವೇತನ ಮತ್ತು ಕನಿಷ್ಠ ವೇತನವನ್ನು ನಿಗದಿಪಡಿಸುವ ಬಗ್ಗೆ ತಾಂತ್ರಿಕ ಮಾಹಿತಿ ಮತ್ತು ಶಿಫಾರಸುಗಳನ್ನು ಸರ್ಕಾರಕ್ಕೆ ನೀಡುವುದು ಈ ಗುಂಪಿನ ಕಾರ್ಯವಾಗಿದೆ.

  • Join our Official Telegram Channel HERE for Motivation and Fast Updates
  • Subscribe to our YouTube Channel HERE to watch Motivational and New analysis videos