Print Friendly, PDF & Email

[ ದೈನಂದಿನ ಪ್ರಚಲಿತ ಘಟನೆಗಳು ] ದಿನಾಂಕ – 13ನೇ ಮೇ 2021

 

ಪರಿವಿಡಿ:

  ಸಾಮಾನ್ಯ ಅಧ್ಯಯನ ಪತ್ರಿಕೆ 2:

1. ಬಾಲ ನ್ಯಾಯ (JJ) ಕಾಯ್ದೆ, 2015.

2. ಲಸಿಕೆ ಹಿಂಜರಿಕೆ.

 

ಸಾಮಾನ್ಯ ಅಧ್ಯಯನ ಪತ್ರಿಕೆ 3:

1. ಸುಧಾರಿತ ರಸಾಯನಶಾಸ್ತ್ರ ಸೆಲ್ ಬ್ಯಾಟರಿ ಸಂಗ್ರಹಣೆಯ ರಾಷ್ಟ್ರೀಯ ಕಾರ್ಯಕ್ರಮ.

2. ಡಿಜಿಟಲ್ ಹಣಕಾಸು ಸೇರ್ಪಡೆ ಕುರಿತು ನೀತಿ ಆಯೋಗದ ವರದಿ.

3. ಇಸ್ರೇಲ್ ನ ಐರನ್ ಡೋಮ್ ವಾಯುದಾಳಿ ರಕ್ಷಣಾ ವ್ಯವಸ್ಥೆ.

 

ಪೂರ್ವಭಾವಿ ಪರೀಕ್ಷೆಗೆ ಸಂಬಂಧಿಸಿದ ವಿದ್ಯಮಾನಗಳು:

1. ವಿಶ್ವ ಆಹಾರ ಪ್ರಶಸ್ತಿ.

2. ಅಂತರರಾಷ್ಟ್ರೀಯ, ದಾದಿಯರು ಮತ್ತು ಶುಶ್ರೂಷಕಿಯರ ದಿನ.

 


ಸಾಮಾನ್ಯ ಅಧ್ಯಯನ ಪತ್ರಿಕೆ : 1


 

ವಿಷಯಗಳು: ಸರ್ಕಾರದ ನೀತಿಗಳು ಮತ್ತು ವಿವಿಧ ಕ್ಷೇತ್ರಗಳಲ್ಲಿನ ಅಭಿವೃದ್ಧಿಯ ಅಡಚಣೆಗಳು ಮತ್ತು ಅವುಗಳ ವಿನ್ಯಾಸ ಮತ್ತು ಅನುಷ್ಠಾನದಿಂದ ಉಂಟಾಗುವ ಸಮಸ್ಯೆಗಳು.

ಬಾಲನ್ಯಾಯ  (ಮಕ್ಕಳ ಆರೈಕೆ ಮತ್ತು ರಕ್ಷಣೆ) (JJ) ಕಾಯ್ದೆ, 2015:


(Juvenile Justice (JJ) Act, 2015)

 ಸಂದರ್ಭ:

COVID-19 ರ ಸಮಯದಲ್ಲಿ ಅನಾಥರಾದ ಮಕ್ಕಳನ್ನು ದತ್ತು ಪಡೆಯಲು ಮನವಿ ಮಾಡುವ ಸಾಮಾಜಿಕ ಮಾಧ್ಯಮ ಪೋಸ್ಟ್‌ಗಳು ಕಾನೂನುಬಾಹಿರ, ಎಂದು ತಜ್ಞರು ಎಚ್ಚರಿಸಿದ್ದಾರೆ.

  1. ಬಾಲ ನ್ಯಾಯ (Juvenile Justice -JJ)Act, 2015) ಕಾಯ್ದೆ 2015 ರ ಸೆಕ್ಷನ್ 80 ಮತ್ತು 81 ರ ಅಡಿಯಲ್ಲಿ ಇಂತಹ ಜಾಹಿರಾತುಗಳು ಕಾನೂನುಬಾಹಿರ ಎಂದು ಕಾರ್ಯಕರ್ತರು ಎಚ್ಚರಿಸಿದ್ದಾರೆ, ಇದು ಕಾಯಿದೆಯಡಿ ನಿಗದಿಪಡಿಸಿದ ಪ್ರಕ್ರಿಯೆಗಳ ಹೊರತಾಗಿ ಮಕ್ಕಳನ್ನು ನೀಡುವುದನ್ನು ಅಥವಾ ಸ್ವೀಕರಿಸುವುದನ್ನು ನಿಷೇಧಿಸುತ್ತದೆ ಮತ್ತು ಮಕ್ಕಳ ಮಾರಾಟ ಮತ್ತು ಖರೀದಿಯನ್ನು ನಿಷೇಧಿಸುತ್ತದೆ.
  2. ಇಂತಹ ಕೃತ್ಯಗಳಿಗೆ ಮೂರರಿಂದ ಐದು ವರ್ಷಗಳ ಜೈಲು ಶಿಕ್ಷೆ ಅಥವಾ ₹ 1 ಲಕ್ಷ ದಂಡ ವಿಧಿಸಲಾಗುತ್ತದೆ.

 

ಅನಾಥ ಮಕ್ಕಳೊಂದಿಗೆ ಅನುಸರಿಸಬೇಕಾದ ವಿಧಾನ ಏನು?

  1. ಆಶ್ರಯದ ಅಗತ್ಯವಿರುವ ಮಗುವಿನ ಬಗ್ಗೆ ಯಾರಾದರೂ ಮಾಹಿತಿ ಹೊಂದಿದ್ದರೆ, ಅವರು ನಾಲ್ಕು ಏಜೆನ್ಸಿಗಳಲ್ಲಿ ಒಂದನ್ನು ಸಂಪರ್ಕಿಸಬೇಕು: ಮಕ್ಕಳ ಸಹಾಯವಾಣಿ ​​1098, ಅಥವಾ ಜಿಲ್ಲಾ ಮಕ್ಕಳ ಕಲ್ಯಾಣ ಸಮಿತಿ (CWC), ಜಿಲ್ಲಾ ಮಕ್ಕಳ ರಕ್ಷಣಾ ಅಧಿಕಾರಿ (DCPO) ಅಥವಾ ಮಕ್ಕಳ ಹಕ್ಕುಗಳ ರಕ್ಷಣೆಗಾಗಿ ಇರುವ ರಾಜ್ಯ ಆಯೋಗದ ಸಹಾಯವಾಣಿ ಯನ್ನು ಸಂಪರ್ಕಿಸಿ ಮಾಹಿತಿ ನೀಡಬೇಕು.
  1. ಇದನ್ನು ಅನುಸರಿಸಿ, ಜಿಲ್ಲಾ ಮಕ್ಕಳ ಕಲ್ಯಾಣ ಸಮಿತಿ (CWC) ಮಗುವನ್ನು ಕೂಲಂಕಶವಾಗಿ ಪರಿಶೀಲಿಸುತ್ತದೆ ಮತ್ತು ಅವನ ಅಥವಾ ಅವಳನ್ನು ವಿಶೇಷ ದತ್ತು ಏಜೆನ್ಸಿಯ ತಕ್ಷಣದ ಆರೈಕೆಯಲ್ಲಿ ಇರಿಸುತ್ತದೆ.
  1. ಒಂದು ವೇಳೆ ಮಗುವಿಗೆ ಕುಟುಂಬ ಇಲ್ಲದಿದ್ದರೆ ಆಗ ರಾಜ್ಯವೆ ಅದರ ಪೋಷಕನ ಪಾತ್ರವನ್ನು ನಿರ್ವಹಿಸುತ್ತದೆ.

 

ಲಭ್ಯವಿರುವ ಇತರ ಶಿಶುಪಾಲನಾ ಆಯ್ಕೆಗಳು:

ದತ್ತು ಪ್ರಕ್ರಿಯೆಯು ಮಕ್ಕಳ ಪಾಲನೆಯಲ್ಲಿ ಇರುವ ಆಯ್ಕೆಗಳಲ್ಲಿ ಒಂದಾಗಿದೆ, ಆದರೆ, ಇದೊಂದೇ ಇರುವ ಆಯ್ಕೆಯಲ್ಲ. ಅಂತಹ ಮಕ್ಕಳಿಗೆ ಚಿಕ್ಕಪ್ಪ ಅಥವಾ ಚಿಕ್ಕಮ್ಮ ರಂತಹ ಸಂಬಂಧಿಕರು ಇದ್ದರೆ, ಅವರನ್ನು ನೋಡಿಕೊಳ್ಳಬಹುದು. ಮಕ್ಕಳು ತಮ್ಮ ಸ್ವಂತ ಕುಟುಂಬದೊಂದಿಗೆ ಸಂಪರ್ಕವನ್ನು ಬಯಸಬಹುದು ಮತ್ತು ಒಂದೇ ಪರಂಪರೆಯೊಳಗೆ ಉಳಿಯುವ ಆಯ್ಕೆಯನ್ನು ಹೊಂದಬಹುದು. ಅಂತಹ ಸಂದರ್ಭಗಳಲ್ಲಿ ಇಂತಹ ಸನ್ನಿವೇಶಕ್ಕೆ ಒಳಗಾಗಿರುವ ಮಕ್ಕಳ ಹಕ್ಕುಗಳನ್ನು ಕಾಪಾಡುವುದು ಬಹಳ ಮುಖ್ಯ.

 

ಈ ಸಮಯದ ಅವಶ್ಯಕತೆ:

ಇದು ರಕ್ತಸಂಬಂಧಿ ಆರೈಕೆಯತ್ತ ಗಮನ ಹರಿಸುವ ಸಮಯವಾಗಿದೆ. ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಸಚಿವಾಲಯ ಮತ್ತು ಎಲ್ಲಾ ಸಂಬಂಧಿತ ರಾಜ್ಯ ಇಲಾಖೆಗಳು ತಕ್ಷಣ ರಕ್ತಸಂಬಂಧಿ ಆರೈಕೆ ಕಾರ್ಯಕ್ರಮವನ್ನು ರೂಪಿಸಬೇಕು ಮತ್ತು ಅದನ್ನು ಬಾಲನ್ಯಾಯ (JJ) ಕಾಯ್ದೆಯಡಿ ಅನಾಥ ಮಕ್ಕಳ ಸಾಕಾಣಿಕೆಯ ಆರೈಕೆ ನಿಬಂಧನೆಗಳ ಭಾಗವಾಗಿಸಬೇಕು.

ಬಾಲನ್ಯಾಯ ಕಾಯ್ದೆಯ ಕುರಿತು:

  1. ಗುರಿ: ಕಾನೂನಿನೊಂದಿಗೆ ಸಂಘರ್ಷದಲ್ಲಿರುವ ಮಕ್ಕಳನ್ನು ಮತ್ತು ಆರೈಕೆ ಹಾಗೂ ರಕ್ಷಣೆಯ ಅಗತ್ಯವಿರುವ ಮಕ್ಕಳನ್ನು ಸಮಗ್ರವಾಗಿ ನಿರ್ವಹಿಸುವುದು.
  1. ಪ್ರತಿ ಜಿಲ್ಲೆಯಲ್ಲೂ ಬಾಲಾಪರಾಧಿ ನ್ಯಾಯ ಮಂಡಳಿಗಳು ಮತ್ತು ಮಕ್ಕಳ ಕಲ್ಯಾಣ ಸಮಿತಿಗಳನ್ನು ಸ್ಥಾಪಿಸಲು ಇದು ಆದೇಶಿಸಿದೆ. ಈ ಎರಡೂ ಸಮಿತಿಗಳು ತಲಾ ಒಬ್ಬ ಮಹಿಳಾ ಸದಸ್ಯರನ್ನು ಹೊಂದಿರಬೇಕು.
  1. ಅಲ್ಲದೆ, ಕೇಂದ್ರ ದತ್ತು ಸಂಪನ್ಮೂಲ ಪ್ರಾಧಿಕಾರಕ್ಕೆ (CARA) ತನ್ನ ಕಾರ್ಯವನ್ನು ಹೆಚ್ಚು ಪರಿಣಾಮಕಾರಿಯಾಗಿ ನಿರ್ವಹಿಸಲು ಒಂದು ಶಾಸನಬದ್ಧ ಸಂಸ್ಥೆಯ ಸ್ಥಾನಮಾನವನ್ನು ನೀಡಲಾಗಿದೆ.
  1. ಈ ಕಾಯ್ದೆಯು ಮಕ್ಕಳ ವಿರುದ್ಧದ ಹಲವಾರು ಹೊಸ ಅಪರಾಧಗಳನ್ನು ಒಳಗೊಂಡಿದೆ (ಉದಾ:ಕಾನೂನುಬಾಹಿರ ದತ್ತುಗಳು, ಉಗ್ರಗಾಮಿ ಗುಂಪುಗಳಿಂದ ಮಕ್ಕಳ ಬಳಕೆ, ವಿಕಲಾಂಗ ಮಕ್ಕಳ ಮೇಲಿನ ದೌರ್ಜನ್ಯದ ಅಪರಾಧಗಳು, ಇತ್ಯಾದಿ) ಬೇರೆ ಯಾವುದೇ ಕಾನೂನಿನಡಿಯಲ್ಲಿ ಸಮರ್ಪಕವಾಗಿ ಒಳಗೊಂಡಿರದ ಇತರ ಅಪರಾಧಗಳು.
  1. ರಾಜ್ಯ ಸರ್ಕಾರದಿಂದ ಅಥವಾ ಸ್ವಯಂಪ್ರೇರಿತ ಅಥವಾ ಸರ್ಕಾರೇತರ ಸಂಸ್ಥೆಗಳಿಂದ ನಡೆಸಲ್ಪಡುತ್ತಿರುವ ಎಲ್ಲಾ ಮಕ್ಕಳ ಆರೈಕೆ ಅಥವಾ ಶಿಶುಪಾಲನಾ ಸಂಸ್ಥೆಗಳು, ಕಾಯಿದೆಯ ಪ್ರಾರಂಭದ ದಿನಾಂಕದಿಂದ 6 ತಿಂಗಳೊಳಗೆ ಬಾಲನ್ಯಾಯ ಕಾಯಿದೆಯಡಿ ಕಡ್ಡಾಯವಾಗಿ ನೋಂದಾಯಿಸಿಕೊಳ್ಳಬೇಕು.

Note:

‘ಮಕ್ಕಳ ಕಲ್ಯಾಣ ಸಮಿತಿಗಳ ಕಾರ್ಯನಿರ್ವಹಣೆಯಲ್ಲಿ ಇನ್ನಷ್ಟು ದಕ್ಷತೆಯನ್ನು ತರುವ ಉದ್ದೇಶದಿಂದ ಇಂಥ ಸಮಿತಿಗಳಿಗೆ ಸದಸ್ಯರಾಗಿ ಆಯ್ಕೆಯಾಗುವವರ ಹಿನ್ನೆಲೆಯನ್ನು ಪರೀಕ್ಷಿಸಲು ಸಹ ಅವಕಾಶ ನೀಡಲಾಗಿದೆ. ಪ್ರಸಕ್ತ ಅಂಥ ವ್ಯವಸ್ಥೆ ಇರುವುದಿಲ್ಲ.

‘ಮಕ್ಕಳ ಆರೈಕೆ ಕೇಂದ್ರದ ನೋಂದಣಿಗಾಗಿ ಸರ್ಕಾರಕ್ಕೆ ಶಿಫಾರಸು ಮಾಡುವುದಕ್ಕೂ ಮುನ್ನ, ಜಿಲ್ಲಾಧಿಕಾರಿಯು ಅಂಥ ಸಂಸ್ಥೆಯ ಹಿನ್ನೆಲೆ ಮತ್ತು ಅದರ ಸಾಮರ್ಥ್ಯವನ್ನು ಕುರಿತು ಪರಿಶೀಲನೆ ನಡೆಸಬೇಕಾಗುತ್ತದೆ. ಈಗಿರುವ ವ್ಯವಸ್ಥೆಯಲ್ಲಿ ಸಂಸ್ಥೆಯೊಂದರ ಸಾಮರ್ಥ್ಯ ಹಾಗೂ ಇತರ ಸೌಲಭ್ಯಗಳ ಪರಿಶೀಲನೆ ನಡೆಸಲು ಅವಕಾಶ ಇಲ್ಲ. ಮಕ್ಕಳ ಕಲ್ಯಾಣ ಸಮಿತಿಗಳು, ಬಾಲನ್ಯಾಯ ಪೊಲೀಸ್‌ ಘಟಕಗಳು ಹಾಗೂ ನೋಂದಾಯಿತ ಸಂಸ್ಥೆಗಳ ಕಾರ್ಯವೈಖರಿಯ ಬಗ್ಗೆಯೂ ಜಿಲ್ಲಾಧಿಕಾರಿ ಮೌಲ್ಯಮಾಪನ ಮಾಡಬಹುದು. ಮಾನವ ಕಳ್ಳಸಾಗಾಣಿಕೆ, ಮಾದಕ ವ್ಯಸನ, ಪಾಲಕರಿಂದ ತ್ಯಜಿಸಲ್ಪಟ್ಟವರು ಮತ್ತು ಬಾಲಕಾರ್ಮಿಕ ಪದ್ಧತಿಯಿಂದ ರಕ್ಷಣೆಗೆ ಒಳಗಾದ ಮಕ್ಕಳನ್ನು ‘ಆರೈಕೆ ಮತ್ತು ರಕ್ಷಣೆಯ ಅಗತ್ಯವಿರುವ ಮಕ್ಕಳು’ ಎಂದು ಪರಿಗಣಿಸಲು ಸಾಧ್ಯವಾಗುವಂತೆ ಬಾಲನ್ಯಾಯ ಕಾಯ್ದೆಯ ವ್ಯಾಪ್ತಿಯನ್ನು ವಿಸ್ತರಿಸಲಾಗಿದೆ’

 

ವಿಷಯಗಳು: ಆರೋಗ್ಯ, ಶಿಕ್ಷಣ, ಸಾಮಾಜಿಕ ವಲಯ / ಸೇವೆಗಳ ಅಭಿವೃದ್ಧಿ ಮತ್ತು ನಿರ್ವಹಣೆಗೆ ಸಂಬಂಧಿಸಿದ ಮಾನವ ಸಂಪನ್ಮೂಲ ಸಂಬಂಧಿತ ವಿಷಯಗಳು.

ಲಸಿಕೆ ಹಿಂಜರಿಕೆ:


(Vaccine hesitancy)

 

ಸಂದರ್ಭ:

ಛತ್ತೀಸಗಡ ದ ಗ್ರಾಮೀಣ ಮತ್ತು ದೂರದ ಜಿಲ್ಲೆಗಳ ಅಧಿಕಾರಿಗಳು ಕೋವಿಡ್ ವಿರುದ್ಧದ ಹೋರಾಟದಲ್ಲಿ ಗ್ರಾಮಸ್ಥರಲ್ಲಿ ಮನೆಮಾಡಿರುವ ಲಸಿಕೆ ಹಿಂಜರಿಕೆಯನ್ನು (Vaccine hesitancy) ನಿವಾರಿಸುವ ತಂತ್ರವಾಗಿ ಬುಡಕಟ್ಟು ಕಾರ್ಯಕರ್ತರನ್ನು ತೊಡಗಿಸಿಕೊಂಡಿದ್ದಾರೆ.

 

ಏನಿದು ಸಮಸ್ಯೆ?

 ಇತ್ತೀಚಿನ ದಿನಗಳಲ್ಲಿ, ಸರಿಯಾದ ಮಾಹಿತಿಗೆ ಹೋಲಿಸಿದರೆ ಜನರು ಸುಳ್ಳು ಸುದ್ದಿ ಮತ್ತು ನಕಲಿ ಸುದ್ದಿಗಳನ್ನು ಶೀಘ್ರವಾಗಿ ನಂಬುತ್ತಾರೆ. ಈ ಲಸಿಕೆ ಅವರನ್ನು ಕೊಲ್ಲುತ್ತದೆ ಅಥವಾ ಅವರನ್ನು ನಪುಂಸಕರನ್ನಾಗಿಸುತ್ತದೆ (impotent) ಎಂದು ಅವರು ನಂಬುತ್ತಾರೆ.

 

ಈ ನಿಟ್ಟಿನಲ್ಲಿ ಕೈಗೊಳ್ಳುತ್ತಿರುವ ಕ್ರಮಗಳು:

  1. ಪೋಸ್ಟರ್ ಮತ್ತು ಜಾನಪದ ಕಥೆಗಳ ಮೂಲಕ ಗ್ರಾಮೀಣ ಮತ್ತು ಬುಡಕಟ್ಟು ಜನರನ್ನು ಆಕರ್ಷಿಸಲು ಆಡಳಿತವು ಪ್ರಯತ್ನಿಸುತ್ತಿದೆ.
  2. ಆಡಳಿತಾಧಿಕಾರಿಗಳು, ಗ್ರಾಮದ “ಪಂಚ”ರಿಗೆ ಮತ್ತು ಗ್ರಾಮದ ಇತರ ಪ್ರತಿನಿಧಿಗಳಿಗೆ ಮತ್ತು ಅವರ ಕುಟುಂಬಗಳಿಗೆ ಲಸಿಕೆ ಹಾಕಿಸಿಕೊಳ್ಳುವುದನ್ನು ಕಡ್ಡಾಯಗೊಳಿಸಲಾಗುತ್ತಿದ್ದಾರೆ.
  3. ಅಂತೆಯೇ, ಎಲ್ಲಾ ಉದ್ಯೋಗದಾತರಿಗೆ ತಮ್ಮ ಉದ್ಯೋಗಿಗಳು ಲಸಿಕೆ ಪಡೆಯುವಂತೆ ಮಾಡುವುದನ್ನು ಕಡ್ಡಾಯಗೊಳಿಸಲಾಗಿದೆ.

 

ಲಸಿಕೆ ಹಿಂಜರಿಕೆ: ಬಿಕ್ಕಟ್ಟಿನಲ್ಲಿ ಅಥವಾ ಅಪಾಯದಲ್ಲಿರುವ ಪೀಳಿಗೆ:

  1. ವ್ಯಾಕ್ಸಿನೇಷನ್ ಅಥವಾ ಲಸಿಕೆ ಹಿಂಜರಿಕೆಯನ್ನು WHO ‘ವ್ಯಾಕ್ಸಿನೇಷನ್ ಸೇವೆಗಳ ಲಭ್ಯತೆಯ ಹೊರತಾಗಿಯೂ ಲಸಿಕೆ ಸ್ವೀಕಾರದಲ್ಲಿನ ವಿಳಂಬ ಅಥವಾ ನಿರಾಕರಣೆ’ ಎಂದು ವ್ಯಾಖ್ಯಾನಿಸಿದೆ.
  2. ಜಾಗತಿಕ ಆರೋಗ್ಯಕ್ಕಾಗಿ ಈ ವರ್ಷದ 10 ಬೆದರಿಕೆಗಳಲ್ಲಿ ‘ಲಸಿಕೆ ಹಿಂಜರಿಕೆ’ ಯೂ ಸೇರಿದೆ.

 

ಸಂಬಂಧಿತ ಕಾಳಜಿಗಳು:

ಸಾಂಕ್ರಾಮಿಕ ರೋಗಗಳ ವಿರುದ್ಧದ ನಮ್ಮ ಹೋರಾಟದಲ್ಲಿ ಲಸಿಕೆಯು ‘ಲಸಿಕಾ ಶಸ್ತ್ರಾಸ್ತ್ರ ಸಂಗ್ರಹಾಲಯದಲ್ಲಿನ’          ( ಚಿಕಿತ್ಸಕ ಸಾಧನಗಳು) (Armamentarium) ಅತ್ಯಗತ್ಯ ಶಸ್ತ್ರಾಸ್ತ್ರಗಳಲ್ಲಿ ಒಂದಾಗಿದೆ. ಲಸಿಕೆ ಪಡೆಯಲು ತೋರುವ ಯಾವುದೇ ಹಿಂಜರಿಕೆಯು ಸಾಂಕ್ರಾಮಿಕ ರೋಗವನ್ನು ನಿಯಂತ್ರಿಸುವ ನಮ್ಮ ಪ್ರಯತ್ನಗಳ ಮೇಲೆ ನಕಾರಾತ್ಮಕ ಪರಿಣಾಮ ಬೀರುತ್ತದೆ.

 

ಈ ಸಮಯದ ಬೇಡಿಕೆ:

  1. ಈ ಹಿಂಜರಿಕೆಯ ಹಿಂದಿನ ಕಾರಣಗಳಿಗೆ ಸಮಂಜಸವಾದ ಪರಿಹಾರ ಒದಗಿಸುವುದು.
  2. ಔಷಧಿ / ಲಸಿಕೆ ತಯಾರಿಕೆಯಲ್ಲಿ ಒಳಗೊಂಡಿರುವ ವಿವಿಧ ಪ್ರಕ್ರಿಯೆಗಳನ್ನು ವಿವರವಾಗಿ ಚರ್ಚಿಸುವ ಮೂಲಕ ಸಾರ್ವಜನಿಕರಿಗೆ ಮನವರಿಕೆ ಮಾಡಿಕೊಡುವುದು – ಕ್ಲಿನಿಕಲ್ ಟ್ರಯಲ್ ವಿನ್ಯಾಸ, ಕಾರ್ಯಾಚರಣೆ, ಮೇಲ್ವಿಚಾರಣೆ, ವಿಶ್ಲೇಷಣೆ, ವರದಿ ಮಾಡುವುದು ಮತ್ತು ಅನುಮೋದನೆ ಪಡೆಯುವ ಮೊದಲು ಸಂಭವಿಸುವ ನಿಯಂತ್ರಕ ವಿಮರ್ಶೆಗಳ ಕುರಿತು ಅರಿವು ಮೂಡಿಸುವುದು.
  3. ಕ್ಲಿನಿಕಲ್ ಪ್ರಯೋಗಗಳಿಗಾಗಿ ಅನುಸರಿಸುವ ಕಠಿಣ ಪ್ರಕ್ರಿಯೆಗಳು ಮತ್ತು ನಿಯಂತ್ರಕರು ಅನುಮೋದನೆ ನೀಡುವ ಸಮಯದಲ್ಲಿ ನಡೆಸುವ ಕಠಿಣ ಕಾರ್ಯವಿಧಾನಗಳ ಬಗ್ಗೆ ಇದು ಸಾರ್ವಜನಿಕರಿಗೆ ಅರಿವು ಮೂಡಿಸುತ್ತದೆ.

 


ಸಾಮಾನ್ಯ ಅಧ್ಯಯನ ಪತ್ರಿಕೆ : 3


 

 ವಿಷಯಗಳು: ಭಾರತೀಯ ಆರ್ಥಿಕತೆ ಮತ್ತು ಯೋಜನೆ, ಸಂಪನ್ಮೂಲಗಳ ಕ್ರೋಡೀಕರಣ , ಪ್ರಗತಿ, ಅಭಿವೃದ್ಧಿ ಮತ್ತು ಉದ್ಯೋಗಕ್ಕೆ ಸಂಬಂಧಿಸಿದ ಸಮಸ್ಯೆಗಳು.

ಸುಧಾರಿತ ರಸಾಯನಶಾಸ್ತ್ರ ಸೆಲ್ ಬ್ಯಾಟರಿ ಸಂಗ್ರಹಣೆಯ ರಾಷ್ಟ್ರೀಯ ಕಾರ್ಯಕ್ರಮ:


(National Programme on Advanced Chemistry Cell Battery Storage)

 

ಸಂದರ್ಭ:

ಉತ್ಪಾದನಾ-ಸಂಬಂಧಿತ ಪ್ರೋತ್ಸಾಹಕ ಯೋಜನೆ (PLI) “ಸುಧಾರಿತ ರಸಾಯನಶಾಸ್ತ್ರ ಸೆಲ್ ಬ್ಯಾಟರಿ ಸಂಗ್ರಹಣೆಯ ರಾಷ್ಟ್ರೀಯ ಕಾರ್ಯಕ್ರಮ” (National Programme on Advanced Chemistry Cell Battery Storage)ದ ಅನುಷ್ಠಾನಕ್ಕೆ ಕೇಂದ್ರ ಸಚಿವ ಸಂಪುಟ ಅನುಮೋದನೆ ನೀಡಿದೆ. ಈ ಯೋಜನೆಯನ್ನು ಭಾರೀ ಕೈಗಾರಿಕಾ ಇಲಾಖೆಯು ಪ್ರಸ್ತಾಪಿಸಿದೆ. ಇದು, 50 ಗೀಗಾ ವ್ಯಾಟ್ ಗಂಟೆಗಳ (50 GWh) ಮತ್ತು 5GWh ಗಂಟೆಗಳ “ನಿಚೆ” ಸುಧಾರಿತ ರಾಸಾಯನಿಕ ಕೋಶ (Advanced Chemistry Cell- ACC) ಬ್ಯಾಟರಿ ಉತ್ಪಾದನಾ ಸಾಮರ್ಥ್ಯವನ್ನು ಸಾಧಿಸುವ ಗುರಿ ಹೊಂದಿದೆ.

 

ಈ ಯೋಜನೆಯ ಕುರಿತು:

  1. ಟೆಸ್ಲಾ ಶೈಲಿಯ ಗಿಗಾ ಕಾರ್ಖಾನೆಗಳನ್ನು ನಿರ್ಮಿಸಿ ಬ್ಯಾಟರಿಗಳನ್ನು ತಯಾರಿಸಲು ಇದು 18,100 ಕೋಟಿ ರೂ. ವೆಚ್ಚದ ಉತ್ಪಾದನಾ-ಸಂಬಂಧಿತ ಪ್ರೋತ್ಸಾಹಕ ಯೋಜನೆ (PLI ಯೋಜನೆ) ಆಗಿದೆ.
  2. ಈ ಕಾರ್ಯಕ್ರಮದಡಿ ಸುಮಾರು 45,000 ಕೋಟಿ ರೂ.ಗಳ ನೇರ ಹೂಡಿಕೆಯನ್ನು ಆಕರ್ಷಿಸುವ ಮೂಲಕ ಒಟ್ಟು 50 gigawatt hour (GWh) ಗಳ ಸಾಮರ್ಥ್ಯದ ‘ಅಡ್ವಾನ್ಸ್ಡ್ ಕೆಮಿಕಲ್ ಸೆಲ್’ ಅಥವಾ ಸುಧಾರಿತ ರಾಸಾಯನಿಕ ಸೆಲ್ (ACC) ಬ್ಯಾಟರಿ ಉತ್ಪಾದನಾ ಸೌಲಭ್ಯವನ್ನು ಸ್ಥಾಪಿಸುವ ಯೋಜನೆ ಯಾಗಿದೆ.
  3. ಯೋಜನೆಯ ಭಾಗವಾಗಿ, ಪ್ರತಿ ಆಯ್ದ ಎಸಿಸಿ ಬ್ಯಾಟರಿ ಶೇಖರಣಾ ತಯಾರಕರು ಕನಿಷ್ಠ 5GWh ಸಾಮರ್ಥ್ಯದ ACC ಉತ್ಪಾದನಾ ಸೌಲಭ್ಯವನ್ನು ಸ್ಥಾಪಿಸಲು ಬದ್ಧರಾಗಿರಬೇಕು ಮತ್ತು ಐದು ವರ್ಷಗಳಲ್ಲಿ ಯೋಜನಾ ಮಟ್ಟದಲ್ಲಿ ಕನಿಷ್ಠ 60 ಪ್ರತಿಶತದಷ್ಟು ದೇಶೀಯ ಮೌಲ್ಯವರ್ಧನೆಯನ್ನು ಖಚಿತ ಪಡಿಸಬೇಕಾಗುತ್ತದೆ.

 

ಸುಧಾರಿತ ರಾಸಾಯನಿಕ ಕೋಶಗಳು’ (ACC) ಎಂದರೇನು?

ಸುಧಾರಿತ ರಸಾಯನಶಾಸ್ತ್ರ ಕೋಶ- ACC ಗಳು ಹೊಸ ತಲೆಮಾರಿನ ಸುಧಾರಿತ ಶೇಖರಣಾ ತಂತ್ರಜ್ಞಾನವಾಗಿದ್ದು, ಇದರ ಅಡಿಯಲ್ಲಿ ವಿದ್ಯುಚ್ಛಕ್ತಿಯನ್ನು ಎಲೆಕ್ಟ್ರೋ-ಕೆಮಿಕಲ್ ಅಥವಾ ರಾಸಾಯನಿಕ ಶಕ್ತಿಯಾಗಿ ಸಂಗ್ರಹಿಸಬಹುದು ಮತ್ತು ಅಗತ್ಯವಿದ್ದಾಗ ಅದನ್ನು ಮತ್ತೆ ವಿದ್ಯುತ್ ಶಕ್ತಿಯನ್ನಾಗಿ ಪರಿವರ್ತಿಸಬಹುದು.

 

ಈ ಯೋಜನೆಯ ಮಹತ್ವ:

  1. ಸುಧಾರಿತ ರಾಸಾಯನಿಕ ಕೋಶಗಳ (ACC) ಬೇಡಿಕೆಯನ್ನು ಪ್ರಸ್ತುತ ಭಾರತದಲ್ಲಿ ಆಮದು ಮಾಡಿಕೊಳ್ಳುವ ಮೂಲಕ ಪೂರೈಸಲಾಗುತ್ತಿದೆ.
  2. “ಸುಧಾರಿತ ರಾಸಾಯನಿಕ ಕೋಶಗಳ (ಎಸಿಸಿ) ಬ್ಯಾಟರಿ ಸಂಗ್ರಹಣೆಯ ರಾಷ್ಟ್ರೀಯ ಕಾರ್ಯಕ್ರಮ”ವು ಆಮದು ಅವಲಂಬನೆಯನ್ನು ಕಡಿಮೆ ಮಾಡುತ್ತದೆ. ಇದು ಸ್ವಾವಲಂಬಿ ಭಾರತ ಅಥವಾ ಆತ್ಮ ನಿರ್ಭರ ಭಾರತದ ನಿರ್ಮಾಣ ಮಾಡುವುದಕ್ಕೂ ಸಹಾಯ ಮಾಡುತ್ತದೆ.
  3. ಪಾರದರ್ಶಕ ಸ್ಪರ್ಧಾತ್ಮಕ ಬಿಡ್ಡಿಂಗ್ ಪ್ರಕ್ರಿಯೆಯ ಮೂಲಕ ACC ಬ್ಯಾಟರಿ ಶೇಖರಣಾ ತಯಾರಕರನ್ನು ಆಯ್ಕೆ ಮಾಡಲಾಗುತ್ತದೆ. ಆಯ್ಕೆಯ ನಂತರ, ಉತ್ಪಾದನಾ ಘಟಕವು ಎರಡು ವರ್ಷಗಳಲ್ಲಿ ಕೆಲಸವನ್ನು ಪ್ರಾರಂಭಿಸಬೇಕಾಗುತ್ತದೆ.

 

ವಿಷಯಗಳು: ಅಂತರ್ಗತ ಬೆಳವಣಿಗೆ ಮತ್ತು ಅದರಿಂದ ಉಂಟಾಗುವ ಸಮಸ್ಯೆಗಳು.

ಡಿಜಿಟಲ್ ಹಣಕಾಸು ಸೇರ್ಪಡೆ ಕುರಿತು ನೀತಿ ಆಯೋಗದ ವರದಿ:


(NITI Aayog report on digital financial inclusion)

ಸಂದರ್ಭ:

ಇತ್ತೀಚೆಗೆ, ನೀತಿ ಆಯೋಗ ಮತ್ತು ಮಾಸ್ಟರ್‌ಕಾರ್ಡ್ ಸಂಪರ್ಕಿತ ವಾಣಿಜ್ಯ: ಡಿಜಿಟಲ್ ಅಂತರ್ಗತ ಭಾರತಕ್ಕಾಗಿ ಮಾರ್ಗಸೂಚಿಗಳನ್ನು ರಚಿಸುವುದು’ (Connected Commerce: Creating a Roadmap for a Digitally Inclusive Bharat) ಎಂಬ ಶೀರ್ಷಿಕೆಯ ವರದಿಯನ್ನು ಬಿಡುಗಡೆ ಮಾಡಿವೆ.

ಈ ವರದಿಯು ಭಾರತದಲ್ಲಿ ‘ಡಿಜಿಟಲ್ ಹಣಕಾಸು ಸೇರ್ಪಡೆ’ (Digital Financial Inclusion) ಯನ್ನು ತೀವ್ರ ಗೊಳಿಸುವ ಹಾದಿಯಲ್ಲಿರುವ ಸವಾಲುಗಳನ್ನು ಗುರುತಿಸುತ್ತದೆ ಮತ್ತು 1.3 ಬಿಲಿಯನ್ ನಾಗರಿಕರಿಗೆ ಡಿಜಿಟಲ್ ಸೇವೆಗಳಿಗೆ ಪ್ರವೇಶವನ್ನು ಒದಗಿಸಲು ಅಗತ್ಯವಾದ ಶಿಫಾರಸುಗಳನ್ನು ಮಾಡುತ್ತದೆ.

 

ಡಿಜಿಟಲ್ ಹಣಕಾಸು ಸೇರ್ಪಡೆ ವೇಗಗೊಳಿಸುವಲ್ಲಿನ ಸವಾಲುಗಳು:

  1. ಡಿಜಿಟಲ್ ಹೊರಗಿಡುವಿಕೆಗಳು (Digital Exclusions).
  2. ನೇರ ಲಾಭ ವರ್ಗಾವಣೆ (DBT) ಯ ಕುರಿತ ಅಜ್ಞಾನ.
  3. ಅತಿರೇಕದ ಭ್ರಷ್ಟಾಚಾರದ ಬೆಳವಣಿಗೆ.
  4. ಗ್ರಾಮೀಣ ಬ್ಯಾಂಕಿಂಗ್ ಸೌಲಭ್ಯಗಳ ಕೊರತೆ.
  5. ವಿಫಲ ಬ್ಯಾಂಕಿಂಗ್ ಪ್ರತಿನಿಧಿ ಮಾದರಿ.
  6. ಹೊಣೆಗಾರಿಕೆಗೆ ಸಂಬಂಧಿಸಿದ ವಿಷಯಗಳು.

 

ವರದಿಯಲ್ಲಿನ ಪ್ರಮುಖ ಶಿಫಾರಸುಗಳು:

  1. NBFC ಮತ್ತು ಬ್ಯಾಂಕುಗಳಿಗೆ ಸಮಾನ ಅವಕಾಶಗಳನ್ನು ಒದಗಿಸಲು ಪಾವತಿ ಮೂಲಸೌಕರ್ಯವನ್ನು ಬಲಪಡಿಸುವುದು.
  2. ನೋಂದಣಿ ಮತ್ತು ಅನುಸರಣೆ ಪ್ರಕ್ರಿಯೆಗಳನ್ನು ಡಿಜಿಟಲೀಕರಣಗೊಳಿಸುವುದು ಮತ್ತು MSMEಗಳಿಗೆ ಬೆಳವಣಿಗೆಯ ಅವಕಾಶಗಳನ್ನು ಸಕ್ರಿಯಗೊಳಿಸಲು ಸಾಲದ ಮೂಲಗಳನ್ನು ವೈವಿಧ್ಯಗೊಳಿಸುವ ಮೂಲಕ ಅನುವು ಮಾಡಿಕೊಡುವುದು.
  3. ‘ವಂಚನೆ ಭಂಡಾರ’ ಸೇರಿದಂತೆ ಮಾಹಿತಿ ಹಂಚಿಕೆ ವ್ಯವಸ್ಥೆಯನ್ನು ರಚಿಸುವುದು ಮತ್ತು ಆನ್‌ಲೈನ್ ಡಿಜಿಟಲ್ ವಾಣಿಜ್ಯ ವೇದಿಕೆಗಳು ಆನ್‌ಲೈನ್ ವಂಚನೆಯ ಅಪಾಯದ ಬಗ್ಗೆ ಗ್ರಾಹಕರನ್ನು ಎಚ್ಚರಿಸಲು ಎಚ್ಚರಿಕೆ  ಸಂದೇಶಗಳನ್ನು ಕಳಿಸುತ್ತವೆ ಎಂಬ ಬಗ್ಗೆ ಖಚಿತಪಡಿಸಿಕೊಳ್ಳುವುದು.
  4. ಕೃಷಿ NBFC ಗಳಿಗೆ ಕಡಿಮೆ ವೆಚ್ಚದ ಬಂಡವಾಳಕ್ಕೆ ಪ್ರವೇಶವನ್ನು ಹೊಂದಲು ಮತ್ತು ಉತ್ತಮ ದೀರ್ಘಕಾಲೀನ ಡಿಜಿಟಲ್ ಫಲಿತಾಂಶಗಳನ್ನು ಸಾಧಿಸಲು ‘ಫಿಜಿಟಲ್’ (ಭೌತಿಕ + ಡಿಜಿಟಲ್) [physical + digital : phygital] ಮಾದರಿಯನ್ನು ನಿಯೋಜಿಸುತ್ತದೆ. ಭೂ ದಾಖಲೆಗಳ ಡಿಜಿಟಲೀಕರಣವು ಈ ಕ್ಷೇತ್ರಕ್ಕೆ ಪ್ರಮುಖ ಉತ್ತೇಜನವನ್ನು ನೀಡುತ್ತದೆ.
  5. ಕನಿಷ್ಠ ದಟ್ಟಣೆ ಅಥವಾ ಜನಸಂದಣಿ ಮತ್ತು ಸರತಿ ಸಾಲುಗಳೊಂದಿಗೆ ನಗರ ಸಾರಿಗೆಯನ್ನು ಪ್ರವೇಶಿಸಲು ಅಸ್ತಿತ್ವದಲ್ಲಿರುವ ಸ್ಮಾರ್ಟ್‌ಫೋನ್‌ಗಳು ಮತ್ತು ಸಂಪರ್ಕವಿಲ್ಲದ ಕಾರ್ಡ್‌ಗಳ ಲಾಭವನ್ನು ಪಡೆದುಕೊಂಡು ಲಂಡನ್ ‘ಟ್ಯೂಬ್’ ನಂತಹ ಅಂತರ್ಗತ, ಪರಸ್ಪರ ಕಾರ್ಯಸಾಧ್ಯವಾದ ಮತ್ತು ಸಂಪೂರ್ಣ ಮುಕ್ತ ವ್ಯವಸ್ಥೆಯನ್ನು ನಿರ್ಮಿಸುವುದು.

 

ವಿಷಯಗಳು:ವಿಜ್ಞಾನ ಮತ್ತು ತಂತ್ರಜ್ಞಾನ- ಬೆಳವಣಿಗೆಗಳು ಮತ್ತು ಅವುಗಳ ಅನ್ವಯಗಳು ಮತ್ತು ದೈನಂದಿನ ಜೀವನದಲ್ಲಿ ಅವುಗಳ ಪರಿಣಾಮಗಳು ವಿಜ್ಞಾನ ಮತ್ತು ತಂತ್ರಜ್ಞಾನದಲ್ಲಿ ಭಾರತೀಯರ ಸಾಧನೆಗಳು;ತಂತ್ರಜ್ಞಾನದ ದೇಸೀಕರಣ ಮತ್ತು ಹೊಸ ತಂತ್ರಜ್ಞಾನವನ್ನು ಅಭಿವೃದ್ಧಿಪಡಿಸುವುದು.

ಇಸ್ರೇಲ್ ನ ಐರನ್ ಡೋಮ್ ವಾಯುದಾಳಿ ರಕ್ಷಣಾ ವ್ಯವಸ್ಥೆ:


(How Israel’s Iron Dome intercepts rockets?)

 

ಸಂದರ್ಭ:

ಇಸ್ರೇಲ್ ಮತ್ತು ಪ್ಯಾಲೆಸ್ಟೈನ್ ನಡುವೆ ನಡೆಯುತ್ತಿರುವ ಸಂಘರ್ಷದಲ್ಲಿ ಎರಡೂ ಕಡೆಯಿಂದ ವೈಮಾನಿಕ ದಾಳಿ ಮತ್ತು ರಾಕೆಟ್ ದಾಳಿಗೆ ಕಾರಣವಾಗಿದೆ.

ಇತ್ತೀಚೆಗೆ, ಗಾಜಾ ಪಟ್ಟಿಯಿಂದ ಹಾರಿಸಿದ ರಾಕೆಟ್‌ಗಳನ್ನು ಇಸ್ರೇಲಿ ‘ಐರನ್ ಡೋಮ್ ವಾಯು ರಕ್ಷಣಾ ವ್ಯವಸ್ಥೆಯು’ (Iron Dome air defence system) ತಡೆದಿದೆ. ಇದು, ರಾಕೆಟ್‌ಗಳು ಅದೃಶ್ಯ ಗುರಾಣಿಯನ್ನು ಹೊಡೆಯುತ್ತಿರುವಂತೆ ತೋರುತ್ತಿದೆ.

 

ಐರನ್ ಡೋಮ್’ ಎಂದರೇನು?

  1.  ‘ಐರನ್ ಡೋಮ್’, ಅಂದರೆ ‘ಲೋಹದ ಗುಮ್ಮಟ’ (Iron Dome), ಅಲ್ಪ-ಶ್ರೇಣಿಯ, ಮೇಲ್ಮೈಯಿಂದ ಗಾಳಿಗೆ, ವೈಮಾನಿಕ ರಕ್ಷಣೆ ಒದಗಿಸುವ ವ್ಯವಸ್ಥೆಯಾಗಿದ್ದು, (ground-to-air, air defence system) ಇದನ್ನು 2011 ರಲ್ಲಿ ನಿಯೋಜಿಸಲಾಗಿದೆ. ಈ ವ್ಯವಸ್ಥೆಯು ‘ರಾಡಾರ್’ ಮತ್ತು ‘ತಮೀರ್ (TAMIR) ಇಂಟರ್ಸೆಪ್ಟರ್ ಕ್ಷಿಪಣಿಗಳನ್ನು ಹೊಂದಿದ್ದು, ಇದು ಇಸ್ರೇಲ್ ಮೇಲೆ ದಾಳಿ ಮಾಡುವ ಕ್ಷಿಪಣಿಗಳು ಅಥವಾ ರಾಕೆಟ್‌ಗಳನ್ನು ಪತ್ತೆಹಚ್ಚುತ್ತದೆ ಮತ್ತು ತಟಸ್ಥಗೊಳಿಸುತ್ತದೆ.
  2. ಇದನ್ನು,ವಿಮಾನ(ಹೆಲಿಕಾಪ್ಟರ್‌ಗಳು,ಮಾನವರಹಿತ ವೈಮಾನಿಕ ವಾಹನಗಳು) ಹಾಗೂ ರಾಕೆಟ್‌ಗಳು, ಫಿರಂಗಿಗಳು ಮತ್ತು ಗಾರೆಗಳನ್ನು (Countering Rockets, Artillery & Mortars: C-RAM) ವಿರೋಧಿಸಲು ಬಳಸಲಾಗುತ್ತದೆ.
  3. ಇದರ ಯಶಸ್ಸಿನ ಪ್ರಮಾಣ 90% ಕ್ಕಿಂತ ಹೆಚ್ಚಾಗಿದೆ.

 

ಇದರ ಕಾರ್ಯಾಚರಣೆಯ ವಿಧಾನ ಮತ್ತು ಪರಿಣಾಮಕಾರಿತ್ವ:

  1. ಐರನ್ ಡೋಮ್ ಮೂರು ಮುಖ್ಯ ವ್ಯವಸ್ಥೆಗಳನ್ನು ಒಳಗೊಂಡಿದೆ, ಇದು ಅವುಗಳ ನಿಯೋಜನಾ ಪ್ರದೇಶಕ್ಕೆ ಭದ್ರತಾ ರಕ್ಷಣೆಯನ್ನು ಒದಗಿಸಲು ಮತ್ತು ವಿವಿಧ ಬೆದರಿಕೆಗಳನ್ನು ನಿಭಾಯಿಸಲು ಒಟ್ಟಾಗಿ ಕಾರ್ಯನಿರ್ವಹಿಸುತ್ತದೆ.
  2. ಇದು ಯಾವುದೇ ಸನ್ನಿಹಿತ ಬೆದರಿಕೆಯನ್ನು ಗುರುತಿಸಲು ಮತ್ತು ಪತ್ತೆ ಹಚ್ಚುವ ಮೂಲಕ ಅದನ್ನು ಬೆನ್ನಟ್ಟಲು ಒಂದು ‘ರಾಡಾರ್’ ವ್ಯವಸ್ಥೆಯನ್ನು ಹೊಂದಿದ್ದು, ಯುದ್ಧ ನಿರ್ವಹಣೆ ಮತ್ತು ಶಸ್ತ್ರಾಸ್ತ್ರ ನಿಯಂತ್ರಣ ವ್ಯವಸ್ಥೆ (battle management and weapon control system- BMC) ಮತ್ತು ‘ಕ್ಷಿಪಣಿ ಗುಂಡಿನ ಘಟಕ’ವನ್ನು ಒಳಗೊಂಡಿದೆ.
  3. ‘ಐರನ್ ಡೋಮ್ ವಾಯು ರಕ್ಷಣಾ ವ್ಯವಸ್ಥೆ’ಯು, ಹಗಲು ರಾತ್ರಿ ಮತ್ತು ಎಲ್ಲಾ ಹವಾಮಾನ ಪರಿಸ್ಥಿತಿಯಲ್ಲಿ ಕಾರ್ಯನಿರ್ವಹಿಸುವ ಸಾಮರ್ಥ್ಯವನ್ನು ಹೊಂದಿದೆ.

ಭಾರತವು ಯಾವ ವಿಧದ ವಾಯು ರಕ್ಷಣಾ ವ್ಯವಸ್ಥೆಯನ್ನು ಹೊಂದಿದೆ?

  1.  ಭಾರತವು ಎಸ್ -400 ವ್ಯವಸ್ಥೆಯನ್ನು ಹೊಂದಿದ್ದು, ಇದು ರಾಕೆಟ್, ಕ್ಷಿಪಣಿ ಮತ್ತು ಕ್ರೂಸ್ ಕ್ಷಿಪಣಿಯ ಮೂರು ಬೆದರಿಕೆಗಳನ್ನು ಎದುರಿಸಲು ಸಮರ್ಥವಾಗಿದೆ. ಆದರೆ ಅವುಗಳು ಹೆಚ್ಚಿನ ವ್ಯಾಪ್ತಿಯನ್ನು ಹೊಂದಿವೆ. ಎಸ್ 400 ವ್ಯವಸ್ಥೆಯು ಸುಮಾರು 300 ರಿಂದ 400 ಕಿ.ಮೀ ವ್ಯಾಪ್ತಿಯಲ್ಲಿನ ಕ್ಷಿಪಣಿಗಳು ಮತ್ತು ವಿಮಾನಗಳನ್ನು ಹೊಡೆದುರುಳಿಸುವ ಸಾಮರ್ಥ್ಯವನ್ನು ಹೊಂದಿದೆ.
  2. ಪ್ರಸ್ತುತ, ಭಾರತವು ಕಡಿಮೆ-ಶ್ರೇಣಿಯ ಮೇಲ್ಮೈಯಿಂದ ಗಾಳಿಗೆ ಅಥವಾ ಆಕಾಶಕ್ಕೆ ಚಿಮ್ಮುವ ಆಕಾಶ್ ಕ್ಷಿಪಣಿಯನ್ನು ಮತ್ತು ರಷ್ಯಾದ ಪೆಚೋರಾ’ ವ್ಯವಸ್ಥೆಯನ್ನು ಹೊಂದಿದೆ.

 


ಪೂರ್ವಭಾವಿ ಪರೀಕ್ಷೆಗೆ ಸಂಬಂಧಿಸಿದ ವಿದ್ಯಮಾನಗಳು:


ವಿಶ್ವ ಆಹಾರ ಪ್ರಶಸ್ತಿ:

(World Food Prize)

ಭಾರತೀಯ ಮೂಲದ ಜಾಗತಿಕ ಪೌಷ್ಟಿಕತಜ್ಞೆ  ಡಾ. ಶಕುಂತಲಾ ಹರಕ್ ಸಿಂಗ್ ಥೈಲ್ಸ್ಟೆಡ್ (Dr Shakuntala Haraksingh Thilsted) ಅವರು ಜಲಚರ ಸಾಕಣೆ ಮತ್ತು ಆಹಾರ ವ್ಯವಸ್ಥೆಗಳಿಗೆ ಸಮಗ್ರ, ಪೌಷ್ಠಿಕಾಂಶ-ಸೂಕ್ಷ್ಮ ವಿಧಾನಗಳನ್ನು ಅಭಿವೃದ್ಧಿಪಡಿಸುವಲ್ಲಿ ಮಾಡಿದ ಅಭೂತಪೂರ್ವ ಸಂಶೋಧನೆಗಾಗಿ ಪ್ರತಿಷ್ಠಿತ             “ವಿಶ್ವ ಆಹಾರ ಪ್ರಶಸ್ತಿ” 2021 ಅನ್ನು ಜಯಸಿದ್ದಾರೆ.

ವಿಶ್ವ ಆಹಾರ ಪ್ರಶಸ್ತಿ’ ಬಗ್ಗೆ:

ವಿಶ್ವದ ಆಹಾರ ಗುಣಮಟ್ಟ, ಪ್ರಮಾಣ ಅಥವಾ ಲಭ್ಯತೆಯನ್ನು ಸುಧಾರಿಸುವ ಮೂಲಕ ಮಾನವ ಅಭಿವೃದ್ಧಿಯನ್ನು ಸುಧಾರಿಸುವ ಕೆಲಸ ಮಾಡಿದ ವ್ಯಕ್ತಿಗಳ ನಿರ್ದಿಷ್ಟ ಸಾಧನೆಗಳನ್ನು ಗುರುತಿಸಲು ನೀಡಲಾಗುವ ಅತ್ಯುತ್ತಮ ಅಂತರರಾಷ್ಟ್ರೀಯ ಪ್ರಶಸ್ತಿ ವಿಶ್ವ ಆಹಾರ ಪ್ರಶಸ್ತಿ.

  1. ಪ್ರಶಸ್ತಿಯ ವ್ಯಾಪ್ತಿಗೆ ಒಳಪಟ್ಟ ಪ್ರದೇಶಗಳು: ಸಸ್ಯ, ಪ್ರಾಣಿ ಮತ್ತು ಮಣ್ಣಿನ ವಿಜ್ಞಾನ; ಆಹಾರ ವಿಜ್ಞಾನ ಮತ್ತು ತಂತ್ರಜ್ಞಾನ; ಪೌಷ್ಠಿಕಾಂಶ, ಗ್ರಾಮೀಣಾಭಿವೃದ್ಧಿ ಸೇರಿದಂತೆ ವಿಶ್ವ ಆಹಾರ ಪೂರೈಕೆಗೆ ಸಂಬಂಧಿಸಿದ ಎಲ್ಲಾ ಕ್ಷೇತ್ರಗಳು.
  2. ಅರ್ಹತೆ: ಈ ಪ್ರಶಸ್ತಿಯನ್ನು ಯಾವುದೇ ಜನಾಂಗಗಳು, ಧರ್ಮಗಳು, ರಾಷ್ಟ್ರೀಯತೆಗಳು ಅಥವಾ ರಾಜಕೀಯ ನಂಬಿಕೆಗಳನ್ನು ಪರಿಗಣಿಸದೆ ಉತ್ತಮ ಕೆಲಸ ಮಾಡಿದ ಯಾವುದೇ ವ್ಯಕ್ತಿಗೂ ಇದನ್ನು ನೀಡಬಹುದು.
  3. ನಗದು ಬಹುಮಾನ: $2,50,000.
  4. 80ಕ್ಕೂ ಹೆಚ್ಚು ಕಂಪನಿಗಳು ಮತ್ತು ಖಾಸಗಿ ವ್ಯಕ್ತಿಗಳನ್ನು ದಾನಿಗಳಾಗಿ ಒಳಗೊಂಡಿರುವ ವಿಶ್ವ ಆಹಾರ ಪ್ರಶಸ್ತಿ ಪ್ರತಿಷ್ಠಾನವು ಈ ಪ್ರಶಸ್ತಿಯನ್ನು ನೀಡುತ್ತದೆ.
  5. ಈ ಪ್ರಶಸ್ತಿಯನ್ನು 1970 ರಲ್ಲಿ ನೊಬೆಲ್ ಶಾಂತಿ ಪ್ರಶಸ್ತಿ ವಿಜೇತರಾದ, ಡಾ. ನಾರ್ಮನ್ ಇ. ಬೊರ್ಲಾಗ್ (Norman E. Borlaug) ಅವರು ಜಾಗತಿಕ ಕೃಷಿಯಲ್ಲಿ ಮಾಡಿದ ಕೆಲಸಕ್ಕಾಗಿ ಪಡೆದುಕೊಂಡರು. ಅವರನ್ನು ಹಸಿರು ಕ್ರಾಂತಿಯ ಪಿತಾಮಹ ಎಂದು ಕರೆಯಲಾಗುತ್ತದೆ.
  6. ವಿಶ್ವ ಆಹಾರ ಪ್ರಶಸ್ತಿಯನ್ನು 1986 ರಲ್ಲಿ ಜನರಲ್ ಫುಡ್ ಕಾರ್ಪೊರೇಷನ್’ ಪ್ರಾಯೋಜಕತ್ವದೊಂದಿಗೆ ರಚಿಸಲಾಯಿತು.
  7. ಇದನ್ನು ಆಹಾರ ಮತ್ತು ಕೃಷಿ ಕ್ಷೇತ್ರದ ನೊಬೆಲ್ ಪ್ರಶಸ್ತಿ” ಎಂದೂ ಕರೆಯಲಾಗುತ್ತದೆ.
  8. ಈ ಪ್ರಶಸ್ತಿಯನ್ನು ಮೊದಲ ಬಾರಿಗೆ 1987 ರಲ್ಲಿ ಪರಿಚಯಿಸಲಾಯಿತು, ಭಾರತದ ಹಸಿರು ಕ್ರಾಂತಿಯ ಪಿತಾಮಹ ಡಾ.ಎಂ.ಎಸ್. ಸ್ವಾಮಿನಾಥನ್ ಅವರು ಈ ಪ್ರಶಸ್ತಿಯನ್ನು ಪಡೆದ ಮೊದಲಿಗರಾಗಿದ್ದಾರೆ.

 

ಅಂತರರಾಷ್ಟ್ರೀಯ, ದಾದಿಯರು ಮತ್ತು ಶುಶ್ರೂಷಕಿಯರ ದಿನ:

(International Nurses and Midwives Day)

  1.  ಇದನ್ನು ಪ್ರತಿ ವರ್ಷ ಮೇ 12 ರಂದು ಆಚರಿಸಲಾಗುತ್ತದೆ.
  2. ಈ ವರ್ಷದ ಥೀಮ್: ದಾದಿಯರು: ಮುನ್ನಡೆಸಲು ಒಂದು ಧ್ವನಿ – ಭವಿಷ್ಯದ ಆರೋಗ್ಯ ರಕ್ಷಣೆಗಾಗಿ ಒಂದು ದೃಷ್ಟಿ. (A Voice to Lead-A Vision for Future Healthcare).
  3. ಇದನ್ನು 1965 ರಲ್ಲಿ ಇಂಟರ್ನ್ಯಾಷನಲ್ ಕೌನ್ಸಿಲ್ ಆಫ್ ನರ್ಸಸ್ (ICN) ಪ್ರಾರಂಭಿಸಿತು.
  4. ಈ ದಿನವನ್ನು ಪ್ರಸಿದ್ಧ ನರ್ಸ್ ‘ಫ್ಲಾರೆನ್ಸ್ ನೈಟಿಂಗೇಲ್’ ಅವರ ಜನ್ಮದಿನದಂದು ಆಚರಿಸಲಾಗುತ್ತದೆ.
  5. ‘ಫ್ಲಾರೆನ್ಸ್ ನೈಟಿಂಗೇಲ್’ ಒಬ್ಬ ಇಂಗ್ಲಿಷ್ ನರ್ಸ್, ಸಾಮಾಜಿಕ ಸುಧಾರಕಿ ಮತ್ತು ಸಂಖ್ಯಾಶಾಸ್ತ್ರಜ್ಞರಾಗಿದ್ದರು. ಕ್ರಿಮಿಯ ಯುದ್ಧದ ಸಮಯದಲ್ಲಿ, ಆಧುನಿಕ ಶುಶ್ರೂಷೆಯ ಆಧಾರಸ್ತಂಭವಾಗಿರುವ ಮೂಲಕ, ದಾದಿಯರ ವ್ಯವಸ್ಥಾಪಕರಾಗಿ ಮತ್ತು ತರಬೇತುದಾರರಾಗಿ ಸೇವೆ ಸಲ್ಲಿಸುವ ಸಮಯದಲ್ಲಿ ಖ್ಯಾತಿಯನ್ನು ಗಳಿಸಿದರು.

  • Join our Official Telegram Channel HERE for Motivation and Fast Updates
  • Subscribe to our YouTube Channel HERE to watch Motivational and New analysis videos