Print Friendly, PDF & Email

[ ದೈನಂದಿನ ಪ್ರಚಲಿತ ಘಟನೆಗಳು ] ದಿನಾಂಕ – 19ನೇ ಏಪ್ರಿಲ್ 2021

 

ಪರಿವಿಡಿ :

 ಸಾಮಾನ್ಯ ಅಧ್ಯಯನ ಪತ್ರಿಕೆ 1:

1. ಶ್ರೀ ರಾಮಾನುಜಾಚಾರ್ಯರು.

 

ಸಾಮಾನ್ಯ ಅಧ್ಯಯನ ಪತ್ರಿಕೆ 2:

1. ಏಕರೂಪ ನಾಗರಿಕ ಸಂಹಿತೆ-ಗೋವಾ.

2. ಸ್ಮಾರಕಗಳು ಮತ್ತು ಪುರಾತತ್ವ ತಾಣಗಳಿಗಾಗಿನ ಅಂತರಾಷ್ಟ್ರೀಯ ದಿನ / ವಿಶ್ವ ಪಾರಂಪರಿಕ ದಿನ.

 

ಸಾಮಾನ್ಯ ಅಧ್ಯಯನ ಪತ್ರಿಕೆ  3:

1. ರಾಷ್ಟ್ರೀಯ ಹವಾಮಾನ ದುರ್ಬಲತೆ ಮೌಲ್ಯಮಾಪನ ವರದಿ.

2. ಕೆರಿಬಿಯನ್ ಜ್ವಾಲಾಮುಖಿಯಿಂದ ಹೊರಸೂಸಲ್ಪಟ್ಟ ಸಲ್ಫರ್ ಡೈಆಕ್ಸೈಡ್ ಭಾರತವನ್ನು ತಲುಪಿದೆ – ವಿಶ್ವ ಹವಾಮಾನ ಸಂಸ್ಥೆ.

 

ಪೂರ್ವಭಾವಿ ಪರೀಕ್ಷೆಗೆ ಸಂಬಂಧಿಸಿದ ವಿದ್ಯಮಾನಗಳು:

1. ಡಿಸ್ಕ್ ಫೂಟೆಡ್ ಬಾವಲಿಗಳು.

2. ಚೋಲಿಸ್ತನ್ ಮರಭೂಮಿ.

3. ಟಿಕಿ ರಚನೆ.

 


ಸಾಮಾನ್ಯ ಅಧ್ಯಯನ ಪತ್ರಿಕೆ : 1


 

ವಿಷಯಗಳು: ಭಾರತೀಯ ಸಂಸ್ಕೃತಿಯು ಪ್ರಾಚೀನ ಕಾಲದಿಂದ ಆಧುನಿಕ ಕಾಲದವರೆಗೆ ಕಲಾ ಪ್ರಕಾರಗಳು, ಸಾಹಿತ್ಯ ಮತ್ತು ವಾಸ್ತುಶಿಲ್ಪದ ಪ್ರಮುಖ ಅಂಶಗಳನ್ನು ಒಳಗೊಂಡಿದೆ.

ಶ್ರೀ ರಾಮಾನುಜಾಚಾರ್ಯರು:


ಸಂದರ್ಭ:

ಶ್ರೀ ರಾಮಾನುಜಾಚಾರ್ಯರ 1004 ನೇ ಜನ್ಮ ದಿನಾಚರಣೆಯನ್ನು 2021 ರ ಏಪ್ರಿಲ್ 18 ರಂದು ಆಚರಿಸಲಾಯಿತು.

ಶ್ರೀ ರಾಮಾನುಜಾಚಾರ್ಯರ ಕುರಿತು:

  • ಕ್ರಿ.ಶ 1017 ರಲ್ಲಿ ತಮಿಳುನಾಡಿನಲ್ಲಿ ಜನಿಸಿದರು.
  • ಅವರನ್ನು ಶ್ರೀ ವೈಷ್ಣವ ಪಂಥದ ಅತ್ಯಂತ ಗೌರವಾನ್ವಿತ ಆಚಾರ್ಯರು ಎಂದು ಪರಿಗಣಿಸಲಾಗಿದೆ.
  • ಅವರನ್ನು ಇಳಯ ಪೆರುಮಾಳ್ (Ilaya Perumal) ಎಂದೂ ಕರೆಯುತ್ತಾರೆ, ಅಂದರೆ ಬೆಳಕು / ವಿಕಿರಣ ಎಂದರ್ಥ.
  • ದೈವಿಕತೆಯ ಕುರಿತು ಅವರ ತತ್ವಶಾಸ್ತ್ರೀಯ ಅಂಶಗಳ ಅಡಿಪಾಯವು  ಭಕ್ತಿ ಚಳವಳಿಯ ಮೇಲೆ ಆಳವಾದ ಪ್ರಭಾವ ಬೀರಿತು.
  • ಅವರು ವೇದಾಂತ ತತ್ವಶಾಸ್ತ್ರ ಸಂಪ್ರದಾಯದಲ್ಲಿ ‘ವಿಶಿಷ್ಟಾದ್ವೈತ’ ಸಿದ್ಧಾಂತದ ಉಗಮಕಾರರಾಗಿ ಪ್ರಸಿದ್ಧರಾಗಿದ್ದಾರೆ.
  • ಅವರು ವೇದಾಂತ ತತ್ವಶಾಸ್ತ್ರ ಸಂಪ್ರದಾಯದಲ್ಲಿ ‘ವಿಶಿಷ್ಟಾದ್ವೈತ’ ಸಿದ್ಧಾಂತದ ಪ್ರಮುಖ ಪ್ರತಿಪಾದಕರಾಗಿ ಪ್ರಸಿದ್ಧರಾಗಿದ್ದಾರೆ.
  • ಅವರು ಪ್ರಮುಖವಾಗಿ ಭಗವದ್ಗೀತೆ ಮತ್ತು ಬ್ರಹ್ಮ ಸೂತ್ರ ಗಳ ಮೇಲೆ ಭಾಷ್ಯಗಳನ್ನು (ವಿಮರ್ಶೆ) ಸಂಸ್ಕೃತ ಭಾಷೆಯಲ್ಲಿ ಬರೆದಿದ್ದಾರೆ.

 

ವಿಶಿಷ್ಟಾದ್ವೈತ ಸಿದ್ಧಾಂತ ಎಂದರೇನು?

  • ಇದು ವೇದಾಂತ ತತ್ತ್ವಶಾಸ್ತ್ರದ ಏಕದೇವತಾವಾದಿ ಸಂಪ್ರದಾಯವಾಗಿದೆ. ಇದು ಸರ್ವವ್ಯಾಪಿ ಸರ್ವೋತ್ತಮ ಜೀವಿಗಳ ಏಕದೇವೋಪಾಸನೆ, ಇದರಲ್ಲಿ ಬ್ರಹ್ಮನ್ ಮಾತ್ರ ಅಸ್ತಿತ್ವದಲ್ಲಿದೆ ಎಂದು ನಂಬಲಾಗಿದೆ, ಆದರೆ ಇದು ವಿವಿಧ ರೂಪಗಳಲ್ಲಿ ವ್ಯಕ್ತವಾಗುತ್ತದೆ.
  • ಇದನ್ನು ಸೀಮಿತ ವೇದಾಂತ, ಅಥವಾ ಎಲ್ಲ ವ್ಯಾಪಕವಾದ ಏಕದೇವೋಪಾಸನೆ, ಅಥವಾ ಅರ್ಹ ದ್ವಿ-ಅಲ್ಲದ (ಜೀವಾತ್ಮ ಮತ್ತು ಪರಮಾತ್ಮ ಎರೆಡೂ ಬೇರೆಯಲ್ಲ) ಅಥವಾ ಸದ್ಗುಣ ಏಕದೇವೋಪಾಸನೆ ಎಂದೂ ವಿವರಿಸಲಾಗಿದೆ.
  • ವೇದಾಂತ ತತ್ತ್ವಶಾಸ್ತ್ರದ ಈ ಸಂಪ್ರದಾಯವು ಇಡೀ ಪ್ರಪಂಚದ ವೈವಿಧ್ಯತೆ ಅಥವಾ ಬಹುರೂಪತೆಯು ಮೂಲಭೂತವಾದ ಒಂದೇ ಶಕ್ತಿಯ ಅಧೀನದಲ್ಲಿದೆ ಎಂದು ಹೇಳುತ್ತದೆ.

 


ಸಾಮಾನ್ಯ ಅಧ್ಯಯನ ಪತ್ರಿಕೆ : 2


 

ವಿಷಯಗಳು:ಭಾರತೀಯ ಸಂವಿಧಾನ- ಐತಿಹಾಸಿಕ ಆಧಾರಗಳು, ವಿಕಸನ, ವೈಶಿಷ್ಟ್ಯಗಳು, ತಿದ್ದುಪಡಿಗಳು, ಮಹತ್ವದ ನಿಬಂಧನೆಗಳು ಮತ್ತು ಮೂಲ ರಚನೆ.

ಏಕರೂಪ ನಾಗರಿಕ ಸಂಹಿತೆ-ಗೋವಾ:


(Goa’s Civil Code)

 ಸಂದರ್ಭ:

ಇತ್ತೀಚೆಗೆ, ಭಾರತದ ವರಿಷ್ಠ ನ್ಯಾಯಾಲಯದ ಮುಖ್ಯ ನ್ಯಾಯಮೂರ್ತಿ (CJI) S.A ಬೋಬಡೆ ರವರು  ಗೋವಾದ ಏಕರೂಪದ ನಾಗರಿಕ ಸಂಹಿತೆಯನ್ನು (Goa’s Uniform Civil Code) ಮುಕ್ತ ಕಂಠದಿಂದ ಶ್ಲಾಘಿಸಿದರು. ಗೋವಾ, ಈ ರೀತಿಯ ನಾಗರಿಕ ಸಂಹಿತೆಯನ್ನು ಹೊಂದಿದ ದೇಶದ ಏಕೈಕ ರಾಜ್ಯವಾಗಿದೆ.   

  • ಅದರ ಬಗ್ಗೆ ಇನ್ನಷ್ಟು ತಿಳಿದುಕೊಳ್ಳಲು “ಶೈಕ್ಷಣಿಕ ಸಂವಾದಗಳಲ್ಲಿ” ಪಾಲ್ಗೊಳ್ಳುವಂತೆ ಮತ್ತು ಗಂಭೀರವಾಗಿ ಅಧ್ಯಯನ ಮಾಡುಲು ಆ ರಾಜ್ಯಕ್ಕೆ ಭೇಟಿ ನೀಡುವಂತೆ “ಬುದ್ಧಿಜೀವಿಗಳನ್ನು” ಆಗ್ರಹಿಸಿದ್ದಾರೆ.

 

ಗೋವಾದ ಏಕರೂಪದ ನಾಗರಿಕ ಸಂಹಿತೆಯ ಕುರಿತು:

  • ಗೋವಾದ ಪೋರ್ಚುಗೀಸ್ ಸಿವಿಲ್ ಕೋಡ್ 1867 , ಮೂಲತಃ ಪೋರ್ಚುಗೀಸರ ವಿದೇಶಿ ಕೋಡ್ ಅಥವಾ ಸಂಕೇತವಾಗಿದೆ.
  • ಗೋವಾದ ನಾಗರಿಕ ಸಂಹಿತೆಯು ನಾಲ್ಕು ಭಾಗಗಳನ್ನು ಹೊಂದಿದೆ, ಇದು ನಾಗರಿಕ ಸಾಮರ್ಥ್ಯ, ಹಕ್ಕುಗಳ ಸ್ವಾಧೀನ, ಆಸ್ತಿಯ ಹಕ್ಕು ಮತ್ತು ಹಕ್ಕುಗಳ ಉಲ್ಲಂಘನೆ ಮತ್ತು ಪರಿಹಾರಗಳ ಬಗ್ಗೆ ವ್ಯವಹರಿಸುತ್ತದೆ.
  • ಇದು ದೇವರು ಮತ್ತು ಪೋರ್ಚುಗಲ್ ರಾಜ ಡೊಮ್ ಲೂಯಿಸ್, ಮತ್ತು ಅಲ್ಗಾರ್ವ್ಸ್ (Dom Luis, King of Portugal and Algarves) ಅವರ ಹೆಸರಿನೊಂದಿಗೆ ಪ್ರಾರಂಭವಾಗುತ್ತದೆ.
  • 1962 ರ ಗೋವಾ, ದಮನ್ ಮತ್ತು ದಿಯು ಆಡಳಿತ ಕಾಯ್ದೆ, ಸೆಕ್ಷನ್ 5 (1) ರ ಪ್ರಕಾರ ಜಾರಿಯಲ್ಲಿರುವ ಈ ಕೋಡ್ ಅನ್ನು ಗೋವಾ ಏಕರೂಪನಾಗರಿಕ ಕಾಯ್ದೆಯಡಿ ಮುಂದುವರಿಸಲು ಅನುಮತಿಸಲಾಗಿದೆ.

 

ಸಂವಿಧಾನ ಏನು ಹೇಳುತ್ತದೆ?

ಸಂವಿಧಾನದ 44 ನೇ ವಿಧಿಯು, ಏಕರೂಪ ನಾಗರಿಕ ಸಂಹಿತೆ ಇರಬೇಕು ಎಂದು ಹೇಳುತ್ತದೆ. ಈ ಲೇಖನದ ಪ್ರಕಾರ, “ಭಾರತದ ಭೂಪ್ರದೇಶದಾದ್ಯಂತ ಎಲ್ಲ ನಾಗರಿಕರಿಗೆ ಏಕರೂಪ ನಾಗರಿಕ ಸಂಹಿತೆಯನ್ನು ಖಚಿತಪಡಿಸಲು ರಾಜ್ಯವು ಪ್ರಯತ್ನಿಸಬೇಕು”. ಆದರೆ ರಾಜ್ಯನೀತಿಯ ನಿರ್ದೇಶಕ ತತ್ವಗಳು ಕೇವಲ ಮಾರ್ಗಸೂಚಿ ಅಥವಾ ಸಲಹಾತ್ಮಕ ಸ್ವರೂಪದಲ್ಲಿ ಇರುವುದರಿಂದ, ಅವುಗಳನ್ನು ಕಡ್ಡಾಯವಾಗಿ ಜಾರಿಗೊಳಿಸಲು ಸಾಧ್ಯವಿಲ್ಲ ಹಾಗೂ ಇವುಗಳಿಗೆ ನ್ಯಾಯಾಲಯದ ರಕ್ಷಣೆ ಕೂಡ ಇಲ್ಲ.

  • ಜಾತ್ಯತೀತ ಗಣರಾಜ್ಯವೊಂದಕ್ಕೆ ಧರ್ಮದ ಅಥವಾ ಧಾರ್ಮಿಕ ಆಚರಣೆಗಳ ಆಧಾರದ ಮೇಲೆ ಇರುವ ವಿಭಿನ್ನ ನಿಯಮಗಳಿಗಿಂತ ಎಲ್ಲ ನಾಗರಿಕರಿಗೂ ಅನ್ವಯಿಸುವ ಸಾಮಾನ್ಯ ಕಾನೂನಿನ ಅಗತ್ಯವಿರುವ ಕಾರಣ ಇಡೀ ಭಾರತ ದೇಶಕ್ಕೆ ಏಕರೂಪ ನಾಗರಿಕ ಸಂಹಿತೆಯ ಅವಶ್ಯಕತೆ ಇದೆ.

 

ವಿಷಯಗಳು: ಪ್ರಮುಖ ಅಂತರರಾಷ್ಟ್ರೀಯ ಸಂಸ್ಥೆಗಳು, ಏಜೆನ್ಸಿಗಳು ಮತ್ತು ವೇದಿಕೆಗಳು, ಅವುಗಳ ರಚನೆ, ಆದೇಶ.

ಸ್ಮಾರಕಗಳು ಮತ್ತು ಪುರಾತತ್ವ ತಾಣಗಳಿಗಾಗಿನ ಅಂತರಾಷ್ಟ್ರೀಯ ದಿನ / ವಿಶ್ವ ಪಾರಂಪರಿಕ ದಿನ:


(International Day for Monuments and Sites)

 ಸಂದರ್ಭ:

ವಿಶ್ವಸಂಸ್ಥೆಯು, ಏಪ್ರಿಲ್ 18 ಅನ್ನು ‘ಸ್ಮಾರಕಗಳು ಮತ್ತು ಪುರಾತತ್ವ ತಾಣಗಳಿಗಾಗಿನ ಅಂತರಾಷ್ಟ್ರೀಯ ದಿನ’ (International Day for Monuments and Sites) ಎಂದು ಗುರುತಿಸಿ ಪ್ರತಿವರ್ಷ ಆಚರಿಸುತ್ತದೆ.

ಅನೇಕ ದೇಶಗಳಲ್ಲಿ ಈ ದಿನವನ್ನು ‘ವಿಶ್ವ ಪಾರಂಪರಿಕ ದಿನ’ (World Heritage Day) ಎಂದೂ ಆಚರಿಸಲಾಗುತ್ತದೆ.

  • ಈ ವರ್ಷದ ವಿಶ್ವ ಪರಂಪರೆಯ ದಿನದ ವಿಷಯವೆಂದರೆ: “ಸಂಕೀರ್ಣ ಗತಕಾಲಗಳು: ವೈವಿಧ್ಯಮಯ ಭವಿಷ್ಯ”. (Complex Pasts: Diverse Futures)
  • ಜಾಗತಿಕವಾಗಿ, ಈ ದಿನವನ್ನು ಸ್ಮಾರಕಗಳು ಮತ್ತು ತಾಣಗಳ ಅಂತರಾಷ್ಟ್ರೀಯ ಮಂಡಳಿಯು (International Council on Monuments and Sites- ICOMOS) ಉತ್ತೇಜಿಸುತ್ತದೆ.

  

ವಿಶ್ವ ಪಾರಂಪರಿಕ ತಾಣ ಎಂದರೇನು?

  • ವಿಶ್ವ ಪರಂಪರೆಯ ತಾಣ ಗಳನ್ನು(World Heritage site) ನೈಸರ್ಗಿಕ ಅಥವಾ ಮಾನವ ನಿರ್ಮಿತ ಪ್ರದೇಶಗಳು ಅಥವಾ ಅಂತರರಾಷ್ಟ್ರೀಯ ಪ್ರಾಮುಖ್ಯತೆಯ ಮತ್ತು ವಿಶೇಷ ರಕ್ಷಣೆಯ ಅಗತ್ಯವಿರುವ ರಚನೆಗಳು ಎಂದು ವರ್ಗೀಕರಿಸಲಾಗಿದೆ.
  • ಈ ತಾಣಗಳನ್ನು ವಿಶ್ವಸಂಸ್ಥೆ (UN) ಮತ್ತು ವಿಶ್ವಸಂಸ್ಥೆಯ ಶೈಕ್ಷಣಿಕ ವೈಜ್ಞಾನಿಕ ಮತ್ತು ಸಾಂಸ್ಕೃತಿಕ ಸಂಸ್ಥೆ (UNESCO) ಅಧಿಕೃತವಾಗಿ ಗುರುತಿಸಿವೆ.
  • ವಿಶ್ವ ಪರಂಪರೆಯೆಂದು ವರ್ಗೀಕರಿಸಲಾದ ತಾಣಗಳನ್ನು ಮನುಕುಲಕ್ಕೆ ಮುಖ್ಯವೆಂದು ಯುನೆಸ್ಕೋ ಪರಿಗಣಿಸುತ್ತದೆ, ಏಕೆಂದರೆ ಈ ತಾಣಗಳು ಸಾಂಸ್ಕೃತಿಕ ಮತ್ತು ಭೌತಿಕ ಮಹತ್ವವನ್ನು ಹೊಂದಿವೆ.

 

ವಿಶ್ವ ಪಾರಂಪರಿಕ ತಾಣವಾಗಿ ಆಯ್ಕೆ ಆಗಲು ಬೇಕಾದ ಅರ್ಹತೆ:

  • ವಿಶ್ವ ಪರಂಪರೆಯ ತಾಣವಾಗಿ ಆಯ್ಕೆ ಮಾಡಲು, ಒಂದು ತಾಣವನ್ನು ಈಗಾಗಲೇ ಭೌಗೋಳಿಕವಾಗಿ ಮತ್ತು ಐತಿಹಾಸಿಕವಾಗಿ ವಿಭಿನ್ನ, ಸಾಂಸ್ಕೃತಿಕ ಅಥವಾ ಭೌತಿಕ ಪ್ರಾಮುಖ್ಯತೆಯ ತಾಣವಾಗಿ ಅನನ್ಯ, ವಿಶಿಷ್ಟ ಹೆಗ್ಗುರುತು ಹೊಂದಿದ ಅಥವಾ ಚಿಹ್ನೆ ಹೊಂದಿದ ತಾಣ ಎಂದು ವರ್ಗೀಕರಿಸಿರಬೇಕು.

 

ಭಾರತದಲ್ಲಿರುವ ವಿಶ್ವ ಪರಂಪರೆಯ ತಾಣಗಳು:

  • ಪ್ರಪಂಚದಾದ್ಯಂತ ಇರುವ 1121 ಯುನೆಸ್ಕೋ ವಿಶ್ವ ಪರಂಪರೆಯ ತಾಣಗಳಲ್ಲಿ, 38 ವಿಶ್ವ ಪರಂಪರೆಯ ತಾಣಗಳು ಭಾರತದಲ್ಲಿವೆ.
  • ಈ ಪೈಕಿ 30 ಪಾರಂಪರಿಕ ತಾಣಗಳನ್ನು ‘ಸಾಂಸ್ಕೃತಿಕ’ ಮತ್ತು 7 ಅನ್ನು ‘ನೈಸರ್ಗಿಕ ಪರಂಪರೆ ತಾಣಗಳು’ ಎಂದು ವರ್ಗೀಕರಿಸಲಾಗಿದೆ. ಇದರ ಜೊತೆಯಲ್ಲಿ, “ಕಾಂಚನಜುಂಗಾ ರಾಷ್ಟ್ರೀಯ ಉದ್ಯಾನ” ಎಂಬ ಪಾರಂಪರಿಕ ತಾಣವನ್ನು ‘ಮಿಶ್ರ’ ಪಾರಂಪರಿಕ ತಾಣವೆಂದು ವರ್ಗೀಕರಿಸಲಾಗಿದೆ.
  • 2019 ರಲ್ಲಿ, ‘ಜೈಪುರ ನಗರ’ ವನ್ನು ‘ಭಾರತದ ವಿಶ್ವ ಪರಂಪರೆಯ ತಾಣಗಳ’ ಪಟ್ಟಿಯಲ್ಲಿ ಸಾಂಸ್ಕೃತಿಕ ವಿಭಾಗದಡಿ ಸೇರಿಸುವ ಮೂಲಕ ಭಾರತದ 38 ನೇ ವಿಶ್ವ ಪರಂಪರೆಯ ತಾಣವೆಂದು ಘೋಷಿಸಲಾಯಿತು.
  • ಇಲ್ಲಿಯವರೆಗೆ, ಚೀನಾ, ಇಟಲಿ, ಸ್ಪೇನ್, ಜರ್ಮನಿ ಮತ್ತು ಫ್ರಾನ್ಸ್ ಮಾತ್ರ ವಿಶ್ವ ಪರಂಪರೆಯ ಪಟ್ಟಿಯಲ್ಲಿ ಭಾರತಕ್ಕಿಂತ ಹೆಚ್ಚಿನ ಸ್ಥಾನಗಳನ್ನು ಹೊಂದಿವೆ.

 


ಸಾಮಾನ್ಯ ಅಧ್ಯಯನ ಪತ್ರಿಕೆ : 3


 

ವಿಷಯಗಳು: ಸಂರಕ್ಷಣೆ ಮತ್ತು ವಿಪತ್ತು ನಿರ್ವಹಣೆಗೆ ಸಂಬಂಧಿಸಿದ ಸಮಸ್ಯೆಗಳು.

ರಾಷ್ಟ್ರೀಯ ಹವಾಮಾನ ದುರ್ಬಲತೆ ಮೌಲ್ಯಮಾಪನ ವರದಿ:


(National climate vulnerability assessment)

ಸಂದರ್ಭ:

ಇತ್ತೀಚೆಗೆ, ವಿಜ್ಞಾನ ಮತ್ತು ತಂತ್ರಜ್ಞಾನ ಇಲಾಖೆ (DST) ‘ರಾಷ್ಟ್ರೀಯ ಹವಾಮಾನ ದುರ್ಬಲತೆ ಮೌಲ್ಯಮಾಪನ (National climate vulnerability assessment) ವರದಿಯನ್ನು ಬಿಡುಗಡೆ ಮಾಡಿದೆ.

  • ಸಾಮಾನ್ಯ ಚೌಕಟ್ಟಿನ ಮೂಲಕ ಭಾರತದಲ್ಲಿ ಹೊಂದಾಣಿಕೆಯ ಯೋಜನೆಗಳನ್ನು ತಯಾರಿಸಲು (Climate Vulnerability Assessment for Adaptation Planning in India Using a Common Framework) ಹವಾಮಾನ ದುರ್ಬಲತೆ ಮೌಲ್ಯಮಾಪನ ಎಂಬ ಶೀರ್ಷಿಕೆಯ ಅಡಿಯಲ್ಲಿ ಈ ವರದಿಯನ್ನು ಬಿಡುಗಡೆ ಮಾಡಲಾಗಿದೆ.
  • ಈ ವರದಿಯು ಪ್ರಸ್ತುತ ಹವಾಮಾನ ಅಪಾಯಗಳು ಮತ್ತು ದುರ್ಬಲತೆಯ ಪ್ರಮುಖ ಚಾಲಕರ ವಿಷಯದಲ್ಲಿ ಭಾರತದ ಅತ್ಯಂತ ಸೂಕ್ಷ್ಮ / ದುರ್ಬಲ ರಾಜ್ಯಗಳು ಮತ್ತು ಜಿಲ್ಲೆಗಳನ್ನು ಗುರುತಿಸುತ್ತದೆ.

 

ವರದಿಯ ಪ್ರಮುಖ ಆವಿಷ್ಕಾರಗಳು:  

  • ‘ಜಾರ್ಖಂಡ್, ಮಿಜೋರಾಂ, ಒರಿಸ್ಸಾ, ಛತ್ತೀಸಗಡ , ಅಸ್ಸಾಂ, ಬಿಹಾರ, ಅರುಣಾಚಲ ಪ್ರದೇಶ, ಮತ್ತು ಪಶ್ಚಿಮ ಬಂಗಾಳ’ ಹವಾಮಾನ ಬದಲಾವಣೆಗೆ ಗುರಿಯಾಗುವ ಹೆಚ್ಚು ಸೂಕ್ಷ್ಮ ರಾಜ್ಯಗಳಾಗಿವೆ ಎಂದು ವರದಿಯಲ್ಲಿ ಗುರುತಿಸಲಾಗಿದೆ.
  • ಹೆಚ್ಚಾಗಿ, ದೇಶದ ಪೂರ್ವ ಭಾಗದಲ್ಲಿರುವ ಈ ರಾಜ್ಯಗಳಲ್ಲಿ ಹೊಂದಾಣಿಕೆಯ ಕ್ರಮಗಳಿಗೆ ಆದ್ಯತೆ ನೀಡುವ ಅವಶ್ಯಕತೆಯಿದೆ.

 

ದುರ್ಬಲತೆ ಮೌಲ್ಯಮಾಪನ ಅಗತ್ಯತೆ:

  • ವಿಪರೀತ ಬದಲಾವಣೆಗಳಿಗೆ ಸೂಕ್ಷ್ಮವೆಂದು / ಗುರಿಯಾಗುವ ಪ್ರದೇಶಗಳೆಂದು ಪರಿಗಣಿಸಲಾದ ಭಾರತದ ಕೆಲವು ಭಾಗಗಳನ್ನು ಗುರುತಿಸುವುದು ತಳಮಟ್ಟದಲ್ಲಿ ಹವಾಮಾನ ಸಂಬಂಧಿತ ಕ್ರಮಗಳನ್ನು ಪ್ರಾರಂಭಿಸಲು ಸಹಾಯ ಮಾಡುತ್ತದೆ.
  • ಈ ಮೌಲ್ಯಮಾಪನವು ಹವಾಮಾನ ಬದಲಾವಣೆಗೆ ಸಂಬಂಧಿಸಿದ ಸೂಕ್ತ ಕ್ರಮಗಳನ್ನು ಪ್ರಾರಂಭಿಸಲು ನೀತಿ ನಿರೂಪಕರಿಗೆ ಸಹಾಯ ಮಾಡುತ್ತದೆ.
  • ಉತ್ತಮವಾಗಿ ವಿನ್ಯಾಸ ಗೊಳಿಸಲಾದ ಹವಾಮಾನ ಬದಲಾವಣೆ-ಸಂಬಂಧಿತ ಯೋಜನೆಗಳ ಅಭಿವೃದ್ಧಿಯ ಮೂಲಕ ಭಾರತದಾದ್ಯಂತ ಹವಾಮಾನ ಬದಲಾವಣೆಯ ದೃಷ್ಟಿಯಿಂದ ಇದು ದುರ್ಬಲ ಸಮುದಾಯಗಳಿಗೆ ಪ್ರಯೋಜನವನ್ನು ನೀಡುತ್ತದೆ.
  • ಪ್ಯಾರಿಸ್ ಒಪ್ಪಂದದ ಅಡಿಯಲ್ಲಿ ರಾಷ್ಟ್ರೀಯವಾಗಿ ನಿರ್ಧರಿಸಿದ ಕೊಡುಗೆಗಳೊಂದಿಗೆ ಭಾರತದ ವರದಿಗಾಗಿ ಈ ಮೌಲ್ಯಮಾಪನಗಳನ್ನು ಬಳಸಬಹುದು. ಮತ್ತು ಅಂತಿಮವಾಗಿ, ಈ ಮೌಲ್ಯಮಾಪನಗಳು ಹವಾಮಾನ ಬದಲಾವಣೆಯ ಕುರಿತ ಭಾರತದ ರಾಷ್ಟ್ರೀಯ ಕ್ರಿಯಾ ಯೋಜನೆಯನ್ನು ಬೆಂಬಲಿಸುತ್ತವೆ.

 

ವಿಷಯಗಳು: ಸಂರಕ್ಷಣೆ ಮತ್ತು ಮಾಲಿನ್ಯ ಸಂಬಂಧಿತ ಸಮಸ್ಯೆಗಳು.

ಕೆರಿಬಿಯನ್ ಜ್ವಾಲಾಮುಖಿಯಿಂದ ಹೊರಸೂಸಲ್ಪಟ್ಟ ಸಲ್ಫರ್ ಡೈಆಕ್ಸೈಡ್ ಭಾರತವನ್ನು ತಲುಪಿದೆ – ವಿಶ್ವ ಹವಾಮಾನ ಸಂಸ್ಥೆ:


(Sulphur dioxide from Caribbean volcano reaches India, WMO confirms)

 ಸಂದರ್ಭ:

ಇತ್ತೀಚೆಗೆ, ವಿಶ್ವ ಹವಾಮಾನ ಸಂಸ್ಥೆ (World Meteorological Organization- WMO) ಕೆರಿಬಿಯನ್ ಪ್ರದೇಶದಲ್ಲಿ ಜ್ವಾಲಾಮುಖಿ ಸ್ಫೋಟದಿಂದ (ಲಾ ಸೌಫ್ರಿಯೆರ್ ಜ್ವಾಲಾಮುಖಿ -La Soufriere volcano) ಹೊರಸೂಸಲ್ಪಟ್ಟ ಸಲ್ಫರ್ ಡೈಆಕ್ಸೈಡ್ (SO2) 2021 ರ ಏಪ್ರಿಲ್ 16 ರಂದು ಭಾರತೀಯ ವಾತಾವರಣವನ್ನು ತಲುಪಿದೆ ಎಂದು ದೃಢಪಡಿಸಿದೆ, ಇದರಿಂದ ದೇಶದ ಉತ್ತರ ಭಾಗಗಳಲ್ಲಿ ಮಾಲಿನ್ಯ ಮಟ್ಟ ಹೆಚ್ಚಾಗುತ್ತದೆ ಮತ್ತು ಆಮ್ಲ ಮಳೆಯಾಗುವ ಸಾಧ್ಯತೆ ಸಹ ಇದೆ.

  • ವಿಜ್ಞಾನಿಗಳು ‘ಸಲ್ಫೇಟ್ನ ಏರೋಸಾಲ್ ಕಣಗಳು’ (ಸಲ್ಫ್ಯೂರಿಕ್ ಆಮ್ಲದ ಪೂರ್ವಗಾಮಿಗಳು) ಭೂಮಿಯ ವಾತಾವರಣದ ಎರಡನೇ ಪದರವಾದ ವಾಯುಮಂಡಲವನ್ನು ತಲುಪಿದ ಪುರಾವೆಗಳನ್ನು ಸಹ ಕಂಡುಹಿಡಿದಿದ್ದಾರೆ. ಈ ಕಾರಣದಿಂದಾಗಿಯೆ ಈ ಕಣಗಳು ಭಾರತವನ್ನು ತಲುಪಿದ್ದು ಮತ್ತು ಅವು ಆಗ್ನೇಯ ಏಷ್ಯಾದ ವಾತಾವರಣವನ್ನು ತಲುಪುವ ಸಾಧ್ಯತೆಯಿದೆ.

 

ಪ್ರಭಾವ ಮತ್ತು ಪರಿಣಾಮಗಳು:

  • ವಾಯುಮಂಡಲದ ಮೇಲೆ ಜ್ವಾಲಾಮುಖಿ ಸ್ಫೋಟದ ಪ್ರಮುಖ ಹವಾಮಾನ ಪರಿಣಾಮವೆಂದರೆ ಸಲ್ಫರ್ ಡೈಆಕ್ಸೈಡ್ ಅನ್ನು ಸಲ್ಫ್ಯೂರಿಕ್ ಆಮ್ಲವಾಗಿ ಪರಿವರ್ತಿಸುವುದು. ಸಲ್ಫ್ಯೂರಿಕ್ ಆಮ್ಲವು ವಾಯುಮಂಡಲದಲ್ಲಿ ವೇಗವಾಗಿ ಘನೀಕರಣಗೊಂಡು ಉತ್ತಮವಾದ ಸಲ್ಫೇಟ್ ಏರೋಸಾಲ್ ಕಣಗಳನ್ನು (fine sulphate aerosols) ರೂಪಿಸುತ್ತದೆ.
  • ಏರೋಸಾಲ್ ಕಣಗಳು ಸೌರ ವಿಕಿರಣದ ಪ್ರತಿಫಲನವನ್ನು ಮತ್ತೆ ಬಾಹ್ಯಾಕಾಶಕ್ಕೆ ತೀವ್ರಗೊಳಿಸುತ್ತವೆ, ಇದರಿಂದಾಗಿ ಭೂಮಿಯ ಕೆಳ ವಾತಾವರಣ, ಅಂದರೆ ಪರಿವರ್ತನ ಮಂಡಲ (Troposphere) ವನ್ನು ತಂಪಾಗಿಸುತ್ತದೆ.

 

ಸಲ್ಫರ್ ಡೈಆಕ್ಸೈಡ್ – ಮೂಲ:

  • ವಾತಾವರಣದಲ್ಲಿ ಇರುವ ‘ಸಲ್ಫರ್ ಡೈಆಕ್ಸೈಡ್’ (SO 2) ನ ಅತಿದೊಡ್ಡ ಮೂಲವೆಂದರೆ ವಿದ್ಯುತ್ ಸ್ಥಾವರಗಳು ಮತ್ತು ಇತರ ಕೈಗಾರಿಕಾ ಕಾರ್ಖಾನೆಗಳಿಂದ ದಹಿಸಲ್ಪಡುವ ಪಳೆಯುಳಿಕೆ ಇಂಧನಗಳು.
  • ‘ಸಲ್ಫರ್ ಡೈಆಕ್ಸೈಡ್’ ಹೊರಸೂಸುವಿಕೆಯ ಸಣ್ಣ ಮೂಲಗಳಾಗಿ ಅದಿರುಗಳಿಂದ ಲೋಹವನ್ನು ಹೊರತೆಗೆಯುವಂತಹ ಕೈಗಾರಿಕಾ ಪ್ರಕ್ರಿಯೆಗಳು; ಜ್ವಾಲಾಮುಖಿಗಳಂತಹ ನೈಸರ್ಗಿಕ ವಿದ್ಯಮಾನಗಳು; ಮತ್ತು ರೈಲು-ಎಂಜಿನ್ ಗಳು, ಹಡಗುಗಳು ಮತ್ತು ಇತರ ವಾಹನಗಳು ಮತ್ತು ಹೆಚ್ಚಿನ ಗಂಧಕದ ಅಂಶವನ್ನು ಹೊಂದಿರುವ ಇಂಧನವನ್ನು ದಹಿಸುವ ಭಾರೀ ಉಪಕರಣಗಳು.

 


ಪೂರ್ವಭಾವಿ ಪರೀಕ್ಷೆಗೆ ಸಂಬಂಧಿಸಿದ ವಿದ್ಯಮಾನಗಳು:


ಡಿಸ್ಕ್ ಫೂಟೆಡ್ ಬಾವಲಿಗಳು:

(Disc-footed bat)

 ಇತ್ತೀಚೆಗೆ, ಮೇಘಾಲಯವು ಭಾರತದ ಮೊದಲ ಬಿದಿರಿನ ಮರಗಳ ಮೇಲೆ ವಾಸಿಸುತ್ತಿರುವ ಬಾವಲಿಗಳನ್ನು  ಪತ್ತೆಹಚ್ಚಿದೆ, ಅದರ ಡಿಸ್ಕ್ಗಳು ​​(ಪಂಜದ ಒಳ ಭಾಗ) ಜಿಗುಟಾಗಿವೆ.

  •  ಈ ಡಿಸ್ಕ್-ಫೂಟ್ ಬಾವಲಿಗಳು (ಯೂಡಿಸ್ಕೋಪಸ್ ಡೆಂಟಿಕುಲಸ್-Eudiscopus denticulus) ಮ್ಯಾನ್ಮಾರ್‌ನ ಹತ್ತಿರದ ಆವಾಸಸ್ಥಾನದಿಂದ ಪಶ್ಚಿಮಕ್ಕೆ 1,000 ಕಿ.ಮೀ ದೂರದಲ್ಲಿರುವ ನಾಂಗ್ಖಿಲೆಮ್ ವನ್ಯಜೀವಿ ಅಭಯಾರಣ್ಯದ (Nongkhyllem Wildlife Sanctuary) ಬಳಿಯ ಮೇಘಾಲಯದ ಲೈಲಾಡ್ ಪ್ರದೇಶದಲ್ಲಿ (Lailad area) ಕಂಡುಬಂದಿದೆ.
  • ಡಿಸ್ಕ್-ಫೂಟ್ ಬಾವಲಿಗಳನ್ನು ಮೇಘಾಲಯದಲ್ಲಿ ಕಂಡುಹಿಡಿದ ನಂತರ ಮೇಘಾಲಯದಲ್ಲಿ ಬಾವಲಿಗಳ ಸಂಖ್ಯೆ 66 ಕ್ಕೆ ಏರಿದೆ, ಇದು ಭಾರತದ ಯಾವುದೇ ರಾಜ್ಯದಲ್ಲಿ ಅತಿ ಹೆಚ್ಚು. ಇದು ಭಾರತದಲ್ಲಿ ಕಂಡುಬರುವ ಬಾವಲಿಗಳ ಪ್ರಭೇದಕ್ಕೆ ಮತ್ತೊಂದು ಜಾತಿಯ ಬಾವಲಿಗಳನ್ನು ಸೇರಿಸಲು ಕಾರಣವಾಗಿದೆ.

ಚೋಲಿಸ್ತಾನ್ ಮರಭೂಮಿ:

(Cholistan desert)

  • ಇದು ಪಾಕಿಸ್ತಾನದಲ್ಲಿದೆ.
  • ಇತ್ತೀಚೆಗೆ, ಈ ಮರುಭೂಮಿಯಲ್ಲಿ ‘ಎರಡು ಗ್ರೇಟ್ ಇಂಡಿಯನ್ ಬಸ್ಟರ್ಡ್ಸ್’ ಅಥವಾ ಹೆಬ್ಬಕ್ಕ (GIBs) ಗಳನ್ನು ಬೇಟೆಯಾಡಿದ, ಕಾರಣಕ್ಕಾಗಿ ಅದು ಸುದ್ದಿಯಲ್ಲಿದೆ.
  • ‘ಗ್ರೇಟ್ ಇಂಡಿಯನ್ ಬಸ್ಟರ್ಡ್’ ರಾಜಸ್ಥಾನದ ರಾಜ್ಯ ಪಕ್ಷಿಯಾಗಿದ್ದು, ಇದನ್ನು ಭಾರತದ ಅತ್ಯಂತ ತೀವ್ರವಾಗಿ ಅಳಿವಿನಂಚಿನಲ್ಲಿರುವ (CR) ಪಕ್ಷಿ ಎಂದು ಪರಿಗಣಿಸಲಾಗಿದೆ.
  • ರಾಜಸ್ಥಾನದಲ್ಲಿರುವ ‘ಹೆಬ್ಬಕ್ಕಗಳ’ ಸಂಖ್ಯೆಯು 100 ಕ್ಕಿಂತ ಕಡಿಮೆಯಿದ್ದು ಜಾಗತಿಕವಾಗಿ ಅವುಗಳ ಒಟ್ಟು ಸಂಖ್ಯೆಯ 95% ಆಗಿದೆ.
  • 1994 ರಲ್ಲಿ, ‘ಗ್ರೇಟ್ ಇಂಡಿಯನ್ ಬಸ್ಟರ್ಡ್’ ಅಥವಾ ಹೆಬ್ಬಕ್ಕ ಗಳನ್ನು ನಿಸರ್ಗ ಹಾಗೂ ನೈಸರ್ಗಿಕ ಸಂಪನ್ಮೂಲಗಳ ಸಂರಕ್ಷಣೆಗಾಗಿನ ಅಂತರಾಷ್ಟ್ರೀಯ ಒಕ್ಕೂಟವು (International Union for Conservation of Nature-IUCN) ‘ಅಳಿವಿನಂಚಿನಲ್ಲಿರುವ’ ಪಕ್ಷಿ ಪ್ರಭೇದ ಎಂದು ವರ್ಗೀಕರಿಸಿತು, ಆದರೆ ಈ ದೊಡ್ಡ ಪಕ್ಷಿಗಳ ಉಳಿವಿಗೆ ಉಂಟಾಗುತ್ತಿರುವ ನಿರಂತರ ಬೆದರಿಕೆಯನ್ನು ಗಮನದಲ್ಲಿಟ್ಟುಕೊಂಡು, ಈ ಪ್ರಭೇದವನ್ನು  2011 ರಲ್ಲಿ  “ತೀವ್ರವಾಗಿ ಅಳಿವಿನಂಚಿನಲ್ಲಿರುವ” ವಿಭಾಗದಲ್ಲಿ ಸೇರಿಸಲಾಯಿತು.
  • ರಾಜಸ್ಥಾನದ ವನ್ಯಜೀವಿ ಅಧಿಕಾರಿಗಳು, ಸುದೀರ್ಘ ಚರ್ಚೆಯ ನಂತರ, 2019 ರಲ್ಲಿ ವನ್ಯಜೀವಿ ಸಂರಕ್ಷಣಾ ಕಾಯ್ದೆಯಡಿ ಸಂರಕ್ಷಿಸಲ್ಪಟ್ಟ ‘ಗ್ರೇಟ್ ಇಂಡಿಯನ್ ಬಸ್ಟರ್ಡ್’ ಅನ್ನು ರಾಜಸ್ಥಾನದ ಡಸರ್ಟ್ ನ್ಯಾಷನಲ್ ಪಾರ್ಕ್ (DNP) ನಲ್ಲಿ ಕ್ಯಾಪ್ಟಿವ್ ಬ್ರೀಡಿಂಗ್ (ಮಾನವರ ಆರೈಕೆಯಲ್ಲಿ ಈ ಪಕ್ಷಿಗಳ ಸಂತಾನೋತ್ಪತ್ತಿ) ಮಾಡಲು ಡೆಹ್ರಾಡೂನ್‌ ಮೂಲದ ವನ್ಯಜೀವಿ ಸಂಸ್ಥೆಗೆ  ಅನುಮತಿ ನೀಡಿದ್ದಾರೆ.
  • ಇವುಗಳನ್ನು, ಕಾಡು ಪ್ರಾಣಿಗಳ ವಲಸೆ ಪ್ರಭೇದಗಳ ಸಂರಕ್ಷಣಾ ಸಮಾವೇಶ (CMS) ಮತ್ತು CITES ನ ಅನುಸೂಚಿ 1 ರಲ್ಲಿ ಸೇರಿಸಲಾಗಿದೆ.

ಟಿಕಿ ರಚನೆ:

(Tiki Formation)

  •  ಟಿಕಿ ಸಂರಚನೆಯು ಮಧ್ಯಪ್ರದೇಶದಲ್ಲಿ ಕಂಡುಬರುವ ಟ್ರಯಾಸಿಕ್ ಭೌಗೋಳಿಕ ಅವಧಿಯ ಕೊನೆಯ ಹಂತದ ‘ಸಂರಚನೆ’ ಆಗಿದೆ. ಇದು ಕಶೇರುಕ ಪಳೆಯುಳಿಕೆಗಳ ನಿಧಿಯಾಗಿದೆ.
  • ಈ ನಿರ್ದಿಷ್ಟ ಪಳೆಯುಳಿಕೆಗಳಲ್ಲಿ ಡೈನೋಸಾರ್‌ಗಳ ಅವಶೇಷಗಳು ಕಂಡುಬಂದಿವೆ, ಆದರೂ ಇನ್ನೂ ಯಾವುದೇ ಪ್ರಭೇದಗಳನ್ನು ನಿರ್ದಿಷ್ಟ ಕುಲವೆಂದು ಉಲ್ಲೇಖಿಸಲಾಗಿಲ್ಲ.

ಸುದ್ದಿಯಲ್ಲಿರಲು ಕಾರಣ?

ಮಧ್ಯಪ್ರದೇಶದಲ್ಲಿನ ಟಿಕಿ ರಚನೆ / ಸಂರಚನೆಯು ಕಶೇರುಕ ಪಳೆಯುಳಿಕೆಗಳ ನಿಧಿಯಾಗಿದೆ, ಇದು ಈಗ ಹೊಸ ಪ್ರಭೇದವನ್ನು ಮತ್ತು ಸುಮಾರು 220 ದಶಲಕ್ಷ ವರ್ಷಗಳ ಹಿಂದೆ  ವಾಸಿಸುತ್ತಿದ್ದ ಎರಡು ಜಾತಿಯ  ಸಿನೋಡಾಂಟ್ (cynodonts) ಗಳು ಮತ್ತು ಸಣ್ಣ ಇಲಿ ತರಹದ ಪ್ರಾಣಿಗಳ ಕುರಿತು ಮಾಹಿತಿಯನ್ನು ನೀಡಿದೆ.


  • Join our Official Telegram Channel HERE for Motivation and Fast Updates
  • Subscribe to our YouTube Channel HERE to watch Motivational and New analysis videos