Print Friendly, PDF & Email

[ ದೈನಂದಿನ ಪ್ರಚಲಿತ ಘಟನೆಗಳು ] ದಿನಾಂಕ – 12 ಮಾರ್ಚ್ 2021

 

ಪರಿವಿಡಿ : 

ಸಾಮಾನ್ಯ ಅಧ್ಯಯನ ಪತ್ರಿಕೆ 1: 

1. ಬಾಹ್ಯಾಕಾಶ ಚಂಡಮಾರುತ ಎಂದರೇನು?

 

ಸಾಮಾನ್ಯ ಅಧ್ಯಯನ ಪತ್ರಿಕೆ 2:

1. ಒಂದು ರಾಷ್ಟ್ರ ಒಂದು ಪಡಿತರ ಚೀಟಿ ವ್ಯವಸ್ಥೆ.

2.  ವಾರ್ಷಿಕ ಪ್ರಜಾಪ್ರಭುತ್ವ ವರದಿ.

 

ಸಾಮಾನ್ಯ ಅಧ್ಯಯನ ಪತ್ರಿಕೆ 3:

1. ‘ತ್ವರಿತ ಸರಿಪಡಿಸುವ ಕ್ರಿಯಾ’ ಕಾರ್ಯವಿಧಾನ.

2. ಉತ್ಪಾದನೆಗೆ ಸಂಬಂಧಿಸಿದ ಪ್ರೋತ್ಸಾಹಕ ಯೋಜನೆ: 33 ‘ಸಕ್ರಿಯ ಔಷಧೀಯ ಪದಾರ್ಥಗಳ’ ಅರ್ಜಿಗಳನ್ನು ಅನುಮೋದಿಸಿದ ಕೇಂದ್ರ.

3. ತಪ್ಪಾದ ಕಾನೂನು ಕ್ರಮಗಳ ವಿರುದ್ಧ ವರಿಷ್ಠ ನ್ಯಾಯಾಲಯದಲ್ಲಿ ಅರ್ಜಿ.

 

ಪೂರ್ವಭಾವಿ ಪರೀಕ್ಷೆಗೆ ಸಂಬಂಧಿಸಿದ ವಿದ್ಯಮಾನಗಳು:

1. ಬೌದ್ಧಿಕ ಅಂಗವೈಕಲ್ಯ- ವ್ಯಾಖ್ಯಾನ

2. ಲಿಂಗರಾಜ ದೇವಸ್ಥಾನ.

 


ಸಾಮಾನ್ಯ ಅಧ್ಯಯನ ಪತ್ರಿಕೆ – 1


 

ವಿಷಯಗಳು: ಭೂಕಂಪಗಳು, ಸುನಾಮಿ, ಜ್ವಾಲಾಮುಖಿ ಚಟುವಟಿಕೆಗಳು ಚಂಡಮಾರುತ ಮುಂತಾದ ಪ್ರಮುಖ ಭೌಗೋಳಿಕ ವಿದ್ಯಮಾನಗಳು, ಭೌಗೋಳಿಕ ಲಕ್ಷಣಗಳು ಮತ್ತು ಅವುಗಳ ಸ್ಥಳ- ನಿರ್ಣಾಯಕ ಭೌಗೋಳಿಕ ವೈಶಿಷ್ಟ್ಯಗಳಲ್ಲಿನ ಬದಲಾವಣೆಗಳು (ಸಾಗರಗಳು ಮತ್ತು ಐಸ್-ಕ್ಯಾಪ್ಗಳು ಸೇರಿದಂತೆ) ಮತ್ತು ಸಸ್ಯ ಮತ್ತು ಪ್ರಾಣಿ ಮತ್ತು ಅಂತಹ ಬದಲಾವಣೆಗಳ ಪರಿಣಾಮಗಳು.

ಬಾಹ್ಯಾಕಾಶ ಚಂಡಮಾರುತ ಎಂದರೇನು?


(What is space hurricane?)

ಸಂದರ್ಭ:

ಇತ್ತೀಚೆಗೆ, ಚೀನಾದ ವಿಜ್ಞಾನಿಗಳು ಮೊದಲ ಬಾರಿಗೆ ಉತ್ತರ ಧ್ರುವದ ಮೇಲಿರುವ ‘ಬಾಹ್ಯಾಕಾಶ ಚಂಡಮಾರುತ’ / ‘ಅಂತರಿಕ್ಷ ಬಿರುಗಾಳಿ’ (Space Hurricane) ವನ್ನು ಪತ್ತೆ ಮಾಡಿದ್ದಾರೆ.

  • ಈ ಮೊದಲು, ಬಾಹ್ಯಾಕಾಶ ಚಂಡಮಾರುತವನ್ನು ಕೇವಲ ಸೈದ್ಧಾಂತಿಕ ವಿದ್ಯಮಾನವೆಂದು ಪರಿಗಣಿಸಲಾಗಿತ್ತು.

ಪ್ರಮುಖಾಂಶಗಳು:

  • ವಿಜ್ಞಾನಿಗಳ ವರದಿಯ ಪ್ರಕಾರ, ಈ ಚಂಡಮಾರುತವು ಸುಮಾರು 600 ಮೈಲುಗಳಷ್ಟು ಪ್ರದೇಶದಲ್ಲಿ ಹರಡಿತ್ತು ಮತ್ತು ಇದು ಸುಮಾರು ಎಂಟು ಗಂಟೆಗಳ ಕಾಲ ಚಾರ್ಜ್ಡ್ ಎಲೆಕ್ಟ್ರಾನ್‌ಗಳ ಮಳೆ ಸುರಿಸುತ್ತಲೇ ಇತ್ತು.
  • ಶೈಕ್ಷಣಿಕ ಸುದ್ದಿಯ ಪ್ರಕಾರ, ಈ ಬಾಹ್ಯಾಕಾಶ ಚಂಡಮಾರುತವು 4,700 ಮೈಲಿ ವೇಗದಲ್ಲಿ ಅಪ್ರದಕ್ಷಿಣಾಕಾರವಾಗಿ (counter clockwise) ತಿರುಗುತ್ತಿದೆ.
  • ಈ ಚಂಡಮಾರುತವು ಉತ್ತರ ಧ್ರುವದ ಮೇಲಿರುವ ಬಾಹ್ಯಾಕಾಶದಲ್ಲಿ ಕಂಡುಬಂದಿತು.

ಇದು ಏಕೆ ಅಷ್ಟೊಂದು ಪ್ರಾಮುಖ್ಯತೆ ಪಡೆದಿದೆ?

ಈ ಹೊಸ ಆವಿಷ್ಕಾರವು ವಿಜ್ಞಾನಿಗಳಿಗೆ, ‘ಸೂರ್ಯನು ಭೂಮಿಯ ವಾತಾವರಣದ ಮೇಲೆ ಹೇಗೆ ಪರಿಣಾಮ ಬೀರುತ್ತಾನೆ?’ ಮತ್ತು ‘ಖಗೋಳ ಹವಾಮಾನವು ವಿವಿಧ ಕಕ್ಷೆಗಳಲ್ಲಿರುವ ಉಪಗ್ರಹಗಳಿಗೆ ಹೇಗೆ ಹಾನಿ ಮಾಡುತ್ತದೆ?’ ಎಂದು ತಿಳಿಯಲು ಸಹಾಯ ಮಾಡುತ್ತದೆ. ಇದರ ಬಗ್ಗೆ ಹೆಚ್ಚಿನ ಮಾಹಿತಿಯನ್ನು ಸಹ ಪಡೆಯಬಹುದು.

ಬಾಹ್ಯಾಕಾಶ ಚಂಡಮಾರುತ’ಗಳು ಯಾವುವು?

  •  ಬಾಹ್ಯಾಕಾಶ ಚಂಡಮಾರುತವು ಸೌರ ಮಾರುತಗಳು ಮತ್ತು ಭೂಮಿಯ ಕಾಂತಕ್ಷೇತ್ರದ ನಡುವಿನ ಪರಸ್ಪರ ಕ್ರಿಯೆಯ ಪರಿಣಾಮವೆಂದು ಪರಿಗಣಿಸಲಾಗಿದೆ.
  • ಗಾತ್ರದಲ್ಲಿ ದೊಡ್ಡದಾದ ‘ಬಾಹ್ಯಾಕಾಶ ಚಂಡಮಾರುತಗಳು’ ಕೊಳವೆಯಂತಹ, ಸುರುಳಿಯಾಕಾರದ ಭೂಕಾಂತೀಯ ಬಿರುಗಾಳಿಗಳು, ಅವು ಸಾಮಾನ್ಯವಾಗಿ ಭೂಮಿಯ ಅಯಾನುಗೋಳದಲ್ಲಿ ಭೂಮಿಯ ದ್ರುವದ ಮೇಲಿರುವ ಅತ್ಯಂತ ಶಾಂತ ಪರಿಸ್ಥಿತಿಗಳಲ್ಲಿ ರೂಪುಗೊಳ್ಳುತ್ತವೆ.
  • ಅವುಗಳು ‘ಉತ್ತರ ಧ್ರುವ ಜ್ಯೋತಿ’ / ‘ಅರೋರಾ ಬೋರಿಯಾಲಿಸ್’ (aurora borealis) ವಿದ್ಯಮಾನಕ್ಕೂ ಸಂಬಂಧಿಸಿವೆ. ಬಾಹ್ಯಾಕಾಶ ಚಂಡಮಾರುತದ ಕೊಳವೆಯ ಎಲೆಕ್ಟ್ರಾನ್ ಮಳೆಯು ಚಂಡಮಾರುತದ ಆಕಾರದ ದೈತ್ಯ ಅರೋರಾ / ಧ್ರುವೀಯ ಬೆಳಕನ್ನು (auroras) ಉತ್ಪಾದಿಸುತ್ತದೆ.
  • ಅವು ಪ್ಲಾಸ್ಮಾದಿಂದ ಮಾಡಲ್ಪಟ್ಟಿವೆ ಮತ್ತು ಹೆಚ್ಚು ಬಿಸಿಯಾದ ಅಯಾನೀಕೃತ ಅನಿಲಗಳನ್ನು ಹೊಂದಿರುತ್ತವೆ, ಅವು ಅತ್ಯಂತ ವೇಗದಲ್ಲಿ ತಿರುಗುತ್ತವೆ.

ನಿರ್ಮಾಣ / ರಚನೆ:

‘ಬಾಹ್ಯಾಕಾಶ ಚಂಡಮಾರುತ’ ಸೂರ್ಯನಿಂದ ಬಿಡುಗಡೆಯಾದ ಪ್ಲಾಸ್ಮಾದಿಂದ ಸೌರ ಮಾರುತಗಳ ರೂಪದಲ್ಲಿ ರೂಪುಗೊಳ್ಳುತ್ತದೆ. ಈ ಚಾರ್ಜ್ಡ್ ಕಣಗಳ ಮೋಡಗಳು ಬಾಹ್ಯಾಕಾಶದಲ್ಲಿ ಹಾದುಹೋಗುವಾಗ ಕಾಂತೀಯ ಕ್ಷೇತ್ರಗಳೊಂದಿಗೆ ಸಂವಹನ ನಡೆಸುತ್ತವೆ ಮತ್ತು ಕಾಂತೀಯ ಬಿರುಗಾಳಿಗಳಿಗೆ ಶಕ್ತಿಯನ್ನು ಒದಗಿಸುತ್ತವೆ.

formation

 ಪರಿಣಾಮ:

ಸಂಶೋಧಕರ ಪ್ರಕಾರ, ಈ ರೀತಿಯ ಬಿರುಗಾಳಿಗಳು ಉಪಗ್ರಹಗಳ ಮೇಲೆ ಹೆಚ್ಚು ಹಾನಿಯುಂಟುಮಾಡಬಹುದು ಮತ್ತು ರೇಡಿಯೊ ಸಿಗ್ನಲ್‌ಗಳು ಮತ್ತು ಸಂವಹನಗಳಿಗೆ ಅಡ್ಡಿಪಡಿಸಬಹುದು, ಆದ್ದರಿಂದ ಈ ಘಟನೆಗಳನ್ನು ಅರ್ಥಮಾಡಿಕೊಳ್ಳುವುದು ಬಹಳ ಮುಖ್ಯ.

 


ಸಾಮಾನ್ಯ ಅಧ್ಯಯನ ಪತ್ರಿಕೆ – 2


 

ವಿಷಯಗಳು : ಸರ್ಕಾರದ ನೀತಿಗಳು ಮತ್ತು ವಿವಿಧ ಕ್ಷೇತ್ರಗಳಲ್ಲಿನ ಅಭಿವೃದ್ಧಿಗೆ ಸಂಬಂಧಿಸಿದ ಅಡಚಣೆಗಳು ಮತ್ತು ಅವುಗಳ ವಿನ್ಯಾಸ ಮತ್ತು ಅನುಷ್ಠಾನದಿಂದ ಉಂಟಾಗುವ ಸಮಸ್ಯೆಗಳು.

ಒಂದು ರಾಷ್ಟ್ರ ಒಂದು ಪಡಿತರ ಚೀಟಿ ವ್ಯವಸ್ಥೆ:


(One Nation One Ration Card System)

ಸಂದರ್ಭ:

ಉತ್ತರಾಖಂಡ್ ರಾಜ್ಯವು ಹೊಸದಾಗಿ ಸೇರಿಕೊಳ್ಳುವುದರೊಂದಿಗೆ ಹದಿನೇಳು ರಾಜ್ಯಗಳಲ್ಲಿ ‘ಒನ್ ನೇಷನ್, ಒನ್ ರೇಷನ್ ಕಾರ್ಡ್‌’ ಅಥವಾ ಒಂದು ರಾಷ್ಟ್ರ ಒಂದು ಪಡಿತರ ಚೀಟಿ ವ್ಯವಸ್ಥೆ ಯನ್ನು ಯಶಸ್ವಿಯಾಗಿ ಅನುಷ್ಠಾನ ಗೊಳಿಸಲಾಗಿದೆ ಎಂದು ಕೇಂದ್ರ ಹಣಕಾಸು ಸಚಿವಾಲಯವು ಪ್ರಕಟಿಸಿದೆ.

ಈ ಯೋಜನೆಯ ಕುರಿತು:

  •  ಒಂದು ರಾಷ್ಟ್ರ ಒಂದು ಪಡಿತರ ಚೀಟಿ ಯೋಜನೆಯಡಿ, ಫಲಾನುಭವಿಗಳು ವಿಶೇಷವಾಗಿ ವಲಸಿಗರು ತಮ್ಮ ಆಯ್ಕೆಯ ಯಾವುದೇ ಸಾರ್ವಜನಿಕ ವಿತರಣಾ ವ್ಯವಸ್ಥೆಯ ಅಂಗಡಿಯಿಂದ ದೇಶಾದ್ಯಂತ ಆಹಾರ ಧಾನ್ಯಗಳನ್ನು ಪಡೆಯಲು ಸಾಧ್ಯವಾಗುತ್ತದೆ.

ಲಾಭಗಳು: ಈ ಯೋಜನೆಯ ಅನುಷ್ಠಾನದ ನಂತರ, ಯಾವುದೇ ಬಡವರು ಆಹಾರ ಭದ್ರತಾ ಯೋಜನೆಯಡಿ ಒಂದು ಸ್ಥಳದಿಂದ ಮತ್ತೊಂದು ಸ್ಥಳಕ್ಕೆ ವಲಸೆ  ಹೋಗುವುದರಿಂದಾಗಿ ಸಬ್ಸಿಡಿ ಆಹಾರ ಧಾನ್ಯಗಳನ್ನು ಪಡೆಯುವುದರಿಂದ ವಂಚಿತರಾಗುವುದಿಲ್ಲ. ಮುಖ್ಯವಾಗಿ ವಿವಿಧ ರಾಜ್ಯಗಳಿಂದ ಲಾಭ ಪಡೆಯಲು ಒಂದಕ್ಕಿಂತ ಹೆಚ್ಚು ಪಡಿತರ ಚೀಟಿ ಹೊಂದಿರುವ ವ್ಯಕ್ತಿಗಳನ್ನು ನಿಷೇಧಿಸುವುದು ಇದರ ಉದ್ದೇಶವಾಗಿದೆ.

ಮಹತ್ವ: ಈ ಯೋಜನೆಯು ಫಲಾನುಭವಿಗಳಿಗೆ ಯಾವುದೇ ಒಂದು ಸಾರ್ವಜನಿಕ ವಿತರಣಾ ವ್ಯವಸ್ಥೆ (PDS) ಅಂಗಡಿಯೊಂದಿಗೆ ಸಂಬಂಧ ಹೊಂದುವುದರಿಂದ, ಅವರಿಗೆ ಸ್ವಾತಂತ್ರ್ಯವನ್ನು ನೀಡುತ್ತದೆ ಮತ್ತು ಅಂಗಡಿ ಮಾಲೀಕರ ಮೇಲಿನ ಅವಲಂಬನೆಯೂ ಕಡಿಮೆ ಮಾಡುತ್ತದೆ. ಈ ಯೋಜನೆಯ ಅನುಷ್ಠಾನವು ಪಿಡಿಎಸ್‌ಗೆ ಸಂಬಂಧಿಸಿದ ಭ್ರಷ್ಟಾಚಾರ ಪ್ರಕರಣಗಳ ಬಗ್ಗೆಯೂ ಪರಿಶೀಲಿಸುತ್ತದೆ ಮತ್ತು ಅವುಗಳನ್ನು ಮೊಟಕುಗೊಳಿಸುತ್ತದೆ.

‘ಒಂದು ರಾಷ್ಟ್ರ ಒಂದು ಪಡಿತರ ಚೀಟಿ’ ಯ ಪ್ರಮಾಣಿತ ಸ್ವರೂಪ:

ವಿವಿಧ ರಾಜ್ಯಗಳು ಬಳಸುವ ಸ್ವರೂಪವನ್ನು ಗಮನದಲ್ಲಿಟ್ಟುಕೊಂಡು, ಪಡಿತರ ಚೀಟಿಗಳಿಗಾಗಿ ಪ್ರಮಾಣಿತ ಸ್ವರೂಪವನ್ನು ಸಿದ್ಧಪಡಿಸಲಾಗಿದೆ.

  • ರಾಷ್ಟ್ರೀಯ ಸಂಭವನೀಯತೆ ಅಥವಾ ಚಲನಶೀಲತೆ ಯನ್ನು (portability) ಗಮನದಲ್ಲಿಟ್ಟುಕೊಂಡು ರಾಜ್ಯ ಸರ್ಕಾರಗಳಿಗೆ ದ್ವಿಭಾಷಾ ರೂಪದಲ್ಲಿ ಪಡಿತರ ಚೀಟಿ ನೀಡುವಂತೆ ಕೋರಲಾಗಿದೆ. ಸ್ಥಳೀಯ ಭಾಷೆಯ ಜೊತೆಗೆ, ಹಿಂದಿ ಅಥವಾ ಇಂಗ್ಲಿಷ್ ಅನ್ನು ಇನ್ನೊಂದು ಭಾಷೆಯಾಗಿ ಸೇರಿಸಬಹುದು.
  • 10-ಅಂಕಿಯ ಪಡಿತರ ಚೀಟಿ ಸಂಖ್ಯೆಯನ್ನು ನೀಡುವಂತೆ ರಾಜ್ಯಗಳನ್ನು ಕೇಳಲಾಗಿದೆ, ಮೊದಲ ಎರಡು ಅಂಕೆಗಳು ಸಂಬಂಧಿಸಿದ ರಾಜ್ಯ ಸಂಕೇತ ಮತ್ತು ಮುಂದಿನ ಎರಡು ಅಂಕೆಗಳು ಫಲಾನುಭವಿಯ ಪಡಿತರ ಚೀಟಿ ಸಂಖ್ಯೆ.
  • ಇದಲ್ಲದೆ, ಪಡಿತರ ಚೀಟಿಯಲ್ಲಿ ಕುಟುಂಬದ ಪ್ರತಿ ಸದಸ್ಯರ ವಿಶಿಷ್ಟ ಸದಸ್ಯ ID (Unique member ID) ಯನ್ನು ರಚಿಸಲು ಎರಡು ಅಂಕೆಗಳ ಗುಂಪನ್ನು ಪಡಿತರ ಚೀಟಿ ಸಂಖ್ಯೆ ಯೊಂದಿಗೆ ಸೇರಿಸಲಾಗುತ್ತದೆ.
  • ಈ ಯೋಜನೆ ಅಳವಡಿಕೆ ಮಾಡಿಕೊಳ್ಳುವ ರಾಜ್ಯಗಳಿಗೆ ಕೇಂದ್ರ ವಿಶೇಷ ಕೊಡುಗೆಗಳನ್ನು ಘೋಷಣೆ ಮಾಡಿದೆ. ಕೇಂದ್ರ ಹಣಕಾಸು ಇಲಾಖೆಯಿಂದ ಹೆಚ್ಚುವರಿಯಾಗಿ 37,600 ಕೋಟಿ ರೂ. ಪಡೆದುಕೊಳ್ಳಬಹುದು.
  • ರಾಷ್ಟ್ರೀಯ ಆಹಾರ ಭದ್ರತಾ ಕಾಯ್ದೆಯಡಿ ಈ ಯೋಜನೆ ಜಾರಿಯಾಗುತ್ತಿದೆ. ನಾಗರಿಕ ಆಹಾರ ಪೂರೈಕೆ ವಿಚಾರದಲ್ಲಿ ಇದೊಂದು ಮಹತ್ವದ ಹೆಜ್ಜೆ ಎಂದೇ ಬಣ್ಣಿಸಲಾಗಿದೆ.
  • ಕಾರ್ಮಿಕರು, ದಿನಗೂಲಿ ನೌಕರರು, ನಗರ ಭಾಗದ ಬಡ ಜನರು, ಬೀದಿ ಬದಿ ವ್ಯಾಪಾರಿಗಳು, ಅರೆಕಾಲಿಕ ನೌಕರರು, ಅಸಂಘಟಿತ ವಲಯದ ಕಾರ್ಮಿಕರಿಗೆ ಈ ಯೋಜನೆ ನೆರವಾಗಲಿದೆ.
  • ಒಂದು ದೇಶ, ಒಂದು ಪಡಿತರ ಚೀಟಿ ಯೋಜನೆ ಜಾರಿಗೊಳ್ಳುವುದರಿಂದ 30 ರಾಜ್ಯಗಳಲ್ಲಿ 67 ಕೋಟಿ ಫಲಾನುಭವಿಗಳಿಗೆ ಪಡಿತರ ಸೌಲಭ್ಯ ಸಿಗಲಿದೆ. ಮಾರ್ಚ್ 2021ರೊಳಗೆ ಶೇ 100ರಷ್ಟು ಫಲಾನುಭವಿಗಳನ್ನು ಸೇರ್ಪಡೆಗೊಳಿಸುವುದು ಸರ್ಕಾರ ಗುರಿ.
  •  ಇದೆಲ್ಲದರ ಜತೆಗೆ ಯೋಜನೆ ಅಳವಡಿಕೆ ಮಾಡಿಕೊಳ್ಳುವ ರಾಜ್ಯಗಳು  ತಮ್ಮ ಜಿಎಸ್‌ಡಿಪಿ (ರಾಜ್ಯಗಳ ಒಟ್ಟು ಆಂತರಿಕ ಉತ್ಪನ್ನ)  ಯಲ್ಲಿ ಶೇ. 2ರಷ್ಟನ್ನು  ಈ ಯೋಜನೆಗಾಗಿ ಪಡೆದುಕೊಳ್ಳಲು ಸಾಧ್ಯವಿದೆ.  

easy_access

 

ವಿಷಯಗಳು: ಪ್ರಜಾಪ್ರಭುತ್ವ ವ್ಯವಸ್ಥೆಯಲ್ಲಿ ನಾಗರಿಕ ಸೇವೆಗಳ ಪಾತ್ರ.

ವಾರ್ಷಿಕ ಪ್ರಜಾಪ್ರಭುತ್ವ ವರದಿ:


(Annual democracy report)

ಸಂದರ್ಭ:

ಭಾರತದ ಪ್ರಜಾಪ್ರಭುತ್ವವು ಈಗ ‘ಚುನಾಯಿತ ನಿರಂಕುಶಾಧಿಪತ್ಯ’ದ (Autocratisation goes viral) ಸ್ಥಿತಿಗೆ ಇಳಿದಿದೆ ಎಂದು ಸ್ವೀಡನ್‌ನ ಗೊಥೆನ್‌ಬರ್ಗ್ ವಿಶ್ವವಿದ್ಯಾಲಯದ  ವಿ–ಡೆಮ್   (Varieties of Democracy (V-Dem) Institute) ಸ್ವತಂತ್ರ ಸಂಶೋಧನಾ ಸಂಸ್ಥೆಯ ಐದನೇ ‘ಪ್ರಜಾಪ್ರಭುತ್ವ ವರದಿ 2021’ ರಲ್ಲಿ ಹೇಳಲಾಗಿದೆ.

ಈ ವರದಿಯು ಕಳೆದ ದಶಕದಲ್ಲಿ ನಡೆದ ಘಟನೆಗಳ ಹಿನ್ನೆಲೆಯಲ್ಲಿ ವಿಶ್ವದ ಪ್ರಜಾಪ್ರಭುತ್ವ ರಾಷ್ಟ್ರಗಳಲ್ಲಿನ ಪರಿಸ್ಥಿತಿಯ ಸಂಕ್ಷಿಪ್ತ ಸಾರಾಂಶವನ್ನು ನೀಡುತ್ತದೆ.

ವರದಿಯ ಪ್ರಮುಖ ಅಂಶಗಳು:

ಭಾರತಕ್ಕೆ ಸಂಬಂಧಿಸಿದಂತೆ:

  • ಭಾರತದ ಸ್ಥಾನಮಾನವನ್ನು ವಿಶ್ವದ ಅತಿದೊಡ್ಡ ಪ್ರಜಾಪ್ರಭುತ್ವದಿಂದ ಚುನಾವಣಾ ನಿರಂಕುಶಾಧಿಪತ್ಯಕ್ಕೆ’ ಇಳಿಸಲಾಗಿದೆ.
  • ಈ ಸ್ಥಾನಮಾನದ ಕುಸಿತದ ಹಿಂದಿನ ಕಾರಣ: ಮಾಧ್ಯಮದ ‘ ದಮನ’ ಮತ್ತು ಮಾನಹಾನಿ ಮತ್ತು ದೇಶದ್ರೋಹ ಕಾನೂನುಗಳ ಅತಿಯಾದ ಬಳಕೆ.
  • ಸೆನ್ಸಾರ್ಶಿಪ್ ವಿಷಯದಲ್ಲಿ ಭಾರತ ಪಾಕಿಸ್ತಾನದಂತೆಯೇ ನಿರಂಕುಶಾಧಿಕಾರಿ’ ಆಗಿ ಮಾರ್ಪಟ್ಟಿದೆ ಮತ್ತು ಅದರ ನೆರೆಯ ರಾಷ್ಟ್ರಗಳಾದ ಬಾಂಗ್ಲಾದೇಶ ಮತ್ತು ನೇಪಾಳಕ್ಕಿಂತ ಕೆಟ್ಟ ಸ್ಥಿತಿಯಲ್ಲಿದೆ.
  • ಮಾನಹಾನಿಯನ್ನು’ ಹೆಚ್ಚಾಗಿ ಪತ್ರಕರ್ತರನ್ನು ಮೌನಗೊಳಿಸಲು/ಸುಮ್ಮನಿರಿಸಲು ಬಳಸಲಾಗುತ್ತದೆ ಮತ್ತು ಕಾನೂನುಬಾಹಿರ ಚಟುವಟಿಕೆಗಳ (ತಡೆಗಟ್ಟುವಿಕೆ) ಕಾಯ್ದೆ’ (UAPA) ಬಳಕೆಯು ನಾಗರಿಕ ಸಮಾಜದ ಮೇಲೆ ನಿರ್ಬಂಧಗಳನ್ನು ವಿಧಿಸಿದೆ ಮತ್ತು ಜಾತ್ಯತೀತತೆಗೆ ಸಾಂವಿಧಾನ ಒದಗಿಸಿದ ಬದ್ಧತೆಯನ್ನು ಉಲ್ಲಂಘಿಸಿದೆ.
  •  ಪೌರತ್ವ ತಿದ್ದುಪಡಿ ಕಾಯ್ದೆ (CAA) ವಿರುದ್ಧ ಪ್ರತಿಭಟನೆಯಲ್ಲಿ ತೊಡಗಿರುವ ವಿಶ್ವವಿದ್ಯಾಲಯಗಳ ವಿದ್ಯಾರ್ಥಿಗಳು ಮತ್ತು ಕಾರ್ಯಕರ್ತರಿಗೆ ವಿಶ್ವವಿದ್ಯಾಲಯಗಳು ಮತ್ತು ಅಧಿಕಾರಿಗಳು ಶಿಕ್ಷೆ ವಿಧಿಸಿದ್ದಾರೆ.
  • ಆದರೆ, ನಾಗರಿಕ ಸಂಘಟನೆಗಳನ್ನು ಹೆಚ್ಚಾಗಿ ನಿಯಂತ್ರಿಸಲಾಗುತ್ತಿದೆ ಎಂದು ವರದಿ ಹೇಳಿದರೆ, ಹಿಂದುತ್ವ ಚಳವಳಿಗೆ’ ಸಂಬಂಧಿಸಿದ ಸಂಸ್ಥೆಗಳು ಹೆಚ್ಚಿನ ಸ್ವಾತಂತ್ರ್ಯವನ್ನು ಗಳಿಸಿವೆ.

ಜಾಗತಿಕ ಮಟ್ಟದಲ್ಲಿ ಸ್ವಾತಂತ್ರ್ಯ:

  • ವಿಶ್ವದ ಉದಾರವಾದಿ ಪ್ರಜಾಪ್ರಭುತ್ವ ರಾಷ್ಟ್ರಗಳ ಸಂಖ್ಯೆ ಕಳೆದ ಒಂದು ದಶಕದಲ್ಲಿ 41 ರಿಂದ 32 ದೇಶಗಳಿಗೆ ಇಳಿದಿದೆ. ಕಳೆದ 10 ವರ್ಷಗಳಲ್ಲಿ, ಜಾಗತಿಕವಾಗಿ ಪ್ರಜಾಪ್ರಭುತ್ವದ ವ್ಯವಸ್ಥೆಯಲ್ಲಿ ತೀವ್ರ ಕುಸಿತ ಕಂಡುಬಂದಿದೆ ಮತ್ತು 2020 ರ ವರ್ಷದಲ್ಲಿ ನಿರಂತರವಾಗಿ ಮುಂದುವರೆದಿದೆ.

ವಿಶೇಷವಾಗಿ, ಏಷ್ಯಾ-ಪೆಸಿಫಿಕ್ ಪ್ರದೇಶ, ಮಧ್ಯ ಏಷ್ಯಾ, ಪೂರ್ವ ಯುರೋಪ್ ಮತ್ತು ಲ್ಯಾಟಿನ್ ಅಮೆರಿಕಾದಲ್ಲಿ ಈ ಪರಿಸ್ಥಿತಿ ವರದಿಯಾಗಿದೆ.

  • 2020 ರಲ್ಲಿ ಸರಾಸರಿ, ವಿಶ್ವದ ನಾಗರಿಕರು ಅನುಭವಿಸಿದ ಪ್ರಜಾಪ್ರಭುತ್ವದ ಮಟ್ಟವು 1990 ರ ಹೊತ್ತಿನಲ್ಲಿ ಕೊನೆಯದಾಗಿ ಕಂಡುಬಂದ ಪ್ರಜಾಪ್ರಭುತ್ವದ ಮಟ್ಟಕ್ಕೆ ಇಳಿದಿದೆ.
  • 87 ದೇಶಗಳಲ್ಲಿ, ‘ಚುನಾವಣಾ ನಿರಂಕುಶಾಧಿಪತ್ಯ’ ಅಥವಾ ‘ಚುನಾವಣಾ ಸರ್ವಾಧಿಕಾರ’ ಮುಚ್ಚಿದ ನಿರಂಕುಶಾಧಿಕಾರಗಳು ಸೇರಿದಂತೆ ಆಡಳಿತದ ಅತ್ಯಂತ ಜನಪ್ರಿಯ ವ್ಯವಸ್ಥೆಯಾಗಿ ಉಳಿದಿದೆ. ವಿಶ್ವದ ಜನಸಂಖ್ಯೆಯ 68 ಪ್ರತಿಶತ ಜನರು ಈ ದೇಶಗಳಲ್ಲಿ ವಾಸಿಸುತ್ತಿದ್ದಾರೆ.
  • ಅನೇಕ G 20 ರಾಷ್ಟ್ರಗಳಾದ ಬ್ರೆಜಿಲ್, ಭಾರತ, ಟರ್ಕಿ, ಮತ್ತು ಅಮೆರಿಕ ಸಂಯುಕ್ತ ಸಂಸ್ಥಾನ ಗಳು ಈ ಪಟ್ಟಿಯ ಭಾಗವಾಗಿವೆ.
  • ಪ್ರಜಾಪ್ರಭುತ್ವ ರಾಷ್ಟ್ರಗಳ ಸಂಖ್ಯೆಯು ಅರ್ಧದಷ್ಟು ಇಳಿದು 16 ದೇಶಗಳಲ್ಲಿ ಉಳಿದಿದೆ, ವಿಶ್ವದ ಜನಸಂಖ್ಯೆಯ ಕೇವಲ 4 ಪ್ರತಿಶತ ಮಾತ್ರ ಈ ದೇಶಗಳಲ್ಲಿ ವಾಸಿಸುತ್ತಿದೆ.
  • ಉದಾರವಾದಿ ಪ್ರಜಾಪ್ರಭುತ್ವಕ್ಕೆ 0 ಯಿಂದ 1 ರೊಳಗೆ ಅಂಕ ನೀಡಲಾಗುತ್ತದೆ. ಹಾಗಾಗಿ, ಭಾರತದ ಕುಸಿತವು ಶೇ 23ರಷ್ಟಾಗುತ್ತದೆ. ಇದು ಕಳೆದ ಹತ್ತು ವರ್ಷಗಳಲ್ಲಿ ಜಗತ್ತಿನ ಯಾವುದೇ ದೇಶಕ್ಕೆ ಹೋಲಿಸಿದರೆ ಅತ್ಯಂತ ತೀವ್ರವಾದ ಕುಸಿತವಾಗಿದೆ.

ಭಾರತಕ್ಕೆ ಏಕೆ ಕಳವಳಕಾರಿಯಾಗಿದೆ ?

  •  ಈ ವರದಿಗೆ ಕೆಲವು ದಿನಗಳ ಮೊದಲು, ಅಮೆರಿಕದ ಸಂಘಟನೆಯಾದ ‘ಫ್ರೀಡಂ ಹೌಸ್’ ತನ್ನಫ್ರೀಡಂ ಇನ್ ದ ವರ್ಲ್ಡ್ 2021’ ವರದಿಯಲ್ಲಿ, ಭಾರತವನ್ನು ‘ಭಾಗಶಃ ಸ್ವತಂತ್ರ’ ದೇಶ/ ಭಾಗಶಃ ಮುಕ್ತ ದೇಶ ಎಂದು ಬಣ್ಣಿಸಿದೆ.
  • ಕಳೆದ ವರ್ಷ ಮಾರ್ಚ್ ನಲ್ಲಿ,ರಿಪೋರ್ಟರ್ಸ್ ವಿಥೌಟ್ ಬಾರ್ಡರ್ಸ್ (RSF) ವರದಿಯು ಭಾರತವನ್ನು ಚೀನಾ, ರಷ್ಯಾ, ಇರಾನ್ ಮತ್ತು ಸೌದಿ ಅರೇಬಿಯಾಗಳೊಂದಿಗೆ ಪತ್ರಿಕಾ ಸ್ವಾತಂತ್ರ್ಯದ “ ಕೆಟ್ಟ ಡಿಜಿಟಲ್ ದಮನಕಾರಿ” ದೇಶಗಳಪಟ್ಟಿಯಲ್ಲಿ ಇರಿಸಿದೆ.
  • ಅಮೆರಿಕ ಸರ್ಕಾರದ ಧಾರ್ಮಿಕ ಸ್ವಾತಂತ್ರ್ಯ ಕಣ್ಗಾವಲು / ಮಾನಿಟರ್’ ವ್ಯವಸ್ಥೆಯು ಭಾರತವನ್ನು ‘ವಿಶೇಷ ಕಾಳಜಿಯ ದೇಶಗಳ’ ಪಟ್ಟಿಯಲ್ಲಿ ಸೇರಿಸಬೇಕೆಂದು ಶಿಫಾರಸು ಮಾಡಿದೆ.
  • ಮತ್ತೆ ಏಪ್ರಿಲ್‌ನಲ್ಲಿ, RSF ನ ಪತ್ರಿಕಾ ಸ್ವಾತಂತ್ರ್ಯ ಸೂಚ್ಯಂಕದಲ್ಲಿ, 180 ದೇಶಗಳ ಪಟ್ಟಿಯಲ್ಲಿ ಭಾರತ 142 ನೇ ಸ್ಥಾನದಲ್ಲಿತ್ತು. ಈ ಸೂಚ್ಯಂಕದಲ್ಲಿ ಭಾರತದ ಸ್ಥಾನವು ಹಿಂದಿನ ವರ್ಷಕ್ಕಿಂತ ಎರಡು ಸ್ಥಾನಗಳಷ್ಟು ಕುಸಿಯಿತು.
  • ಸೆಪ್ಟೆಂಬರ್ 2020 ರಲ್ಲಿ, ಕೆನಡಾದ ಫ್ರೇಸರ್ ಇನ್ಸ್ಟಿಟ್ಯೂಟ್ ಬಿಡುಗಡೆ ಮಾಡಿದ ಜಾಗತಿಕ ಆರ್ಥಿಕ ಸ್ವಾತಂತ್ರ್ಯ ಸೂಚ್ಯಂಕದಲ್ಲಿ ಭಾರತವು 26 ಸ್ಥಾನಗಳಷ್ಟು ಕುಸಿದು 162 ದೇಶಗಳ ಸಾಲಿನಲ್ಲಿ 105 ನೇ ಸ್ಥಾನದಲ್ಲಿದೆ.
  • ಅಂತಿಮವಾಗಿ 2020 ರ ಡಿಸೆಂಬರ್‌ನಲ್ಲಿ, ಕ್ಯಾಟೊ ಇನ್‌ಸ್ಟಿಟ್ಯೂಟ್‌ನ (Cato Institute) ಮಾನವ ಸ್ವಾತಂತ್ರ್ಯ ಸೂಚ್ಯಂಕ 2020 ರಲ್ಲಿ ಭಾರತವು 162 ದೇಶಗಳಲ್ಲಿ 111 ನೇ ಸ್ಥಾನದಲ್ಲಿದೆ.
  • ಈ ವರದಿಗಳಲ್ಲಿನ ಭಾರತದ ಕುಸಿತವು ಕಳೆದ ಕೆಲವು ವರ್ಷಗಳಲ್ಲಿ ವಿಶ್ವದ ಪ್ರಜಾಪ್ರಭುತ್ವ ಸ್ವಾತಂತ್ರ್ಯವನ್ನು ಮೇಲ್ವಿಚಾರಣೆ ಮಾಡುವ ಸ್ವತಂತ್ರ ಸಂಸ್ಥೆಗಳು ಸಂಗ್ರಹಿಸಿದ ಸೂಚ್ಯಂಕಗಳಲ್ಲಿನ ಕುಸಿತವನ್ನು ಪ್ರತಿಬಿಂಬಿಸುತ್ತದೆ.

 


ಸಾಮಾನ್ಯ ಅಧ್ಯಯನ ಪತ್ರಿಕೆ – 3


 

ವಿಷಯಗಳು: ಭಾರತೀಯ ಆರ್ಥಿಕತೆ ಮತ್ತು ಯೋಜನೆ, ಸಂಪನ್ಮೂಲಗಳ ಕ್ರೋಡೀಕರಣ, ಪ್ರಗತಿ, ಅಭಿವೃದ್ಧಿ ಮತ್ತು ಉದ್ಯೋಗಕ್ಕೆ ಸಂಬಂಧಿಸಿದ ಸಮಸ್ಯೆಗಳು.

ತ್ವರಿತ ಸರಿಪಡಿಸುವ ಕ್ರಿಯಾ’ ಕಾರ್ಯವಿಧಾನ:


(Prompt Corrective Action-PCA)

 ಸಂದರ್ಭ:

ಭಾರತೀಯ ರಿಸರ್ವ್ ಬ್ಯಾಂಕ್ (RBI) ನಾಲ್ಕು ವರ್ಷಗಳ ನಂತರ IDBI ಬ್ಯಾಂಕ್ ಲಿಮಿಟೆಡ್ ಅನ್ನು ತನ್ನ ತ್ವರಿತ ಸರಿಪಡಿಸುವ/ತಿದ್ದುಪಡಿ ಕ್ರಿಯಾ’ ಕಾರ್ಯವಿಧಾನ (Prompt Corrective Action) ಪಟ್ಟಿಯಿಂದ ಕೈಬಿಟ್ಟಿದೆ. RBI ನ ಯಾವುದೇ ನಿಯತಾಂಕಗಳನ್ನು ಸರ್ಕಾರಿ ಸಾಲದಾತ ನಾದ ‘ಐಡಿಬಿಐ ಬ್ಯಾಂಕ್’ ಉಲ್ಲಂಘಿಸಿಲ್ಲ ಎಂದು ರಿಸರ್ವ್ ಬ್ಯಾಂಕ್ ಹೇಳಿದೆ.

ಹಿನ್ನೆಲೆ:

ಐಡಿಬಿಐ ಬ್ಯಾಂಕ್ ಅನ್ನು 2017 ರಲ್ಲಿ ಪ್ರಾಂಪ್ಟ್ ಕರೆಕ್ಟಿವ್ ಆಕ್ಷನ್’ (PCA) ಯಾಂತ್ರಿಕ ವ್ಯವಸ್ಥೆಯಲ್ಲಿ ಇರಿಸಲಾಯಿತು, ಏಕೆಂದರೆ ಅದರ ದೊಡ್ಡ ಪ್ರಮಾಣದ ಕೆಟ್ಟ ಸಾಲಗಳು ಮತ್ತು ಸ್ವತ್ತುಗಳ ಮೇಲೆ ನಕಾರಾತ್ಮಕ ಹತೋಟಿ ಇತ್ತು. ಆ ಸಮಯದಲ್ಲಿ ಭಾರತೀಯ ಸಾಲದಾತರು ದಾಖಲೆಯ ಮಟ್ಟದ ಸ್ವತ್ತುಗಳೊಂದಿಗೆ ಹೋರಾಡುತ್ತಿದ್ದರು, ಈ ಪರಿಸ್ಥಿತಿಗಳು ಆರ್‌ಬಿಐಗೆ ಅಂತಹ ಬಿಗಿ ಕ್ರಮಗಳನ್ನು ಕೈಗೊಳ್ಳಲು ಪ್ರೇರೇಪಿಸಿತು.

ಈಗ, ಕನಿಷ್ಠ ನಿಯಂತ್ರಕ ಬಂಡವಾಳ, ಬ್ಯಾಂಕುಗಳ ನಿವ್ವಳ ವಸೂಲಾಗದ ಸಾಲದ ಸರಾಸರಿ ಪ್ರಮಾಣ (NPA) ಮತ್ತು ಲಾಭ-ಅನುಪಾತದ ಮಾನದಂಡಗಳನ್ನು ನಡೆಯುತ್ತಿರುವ ಆಧಾರದ ಮೇಲೆ ಅನುಸರಿಸಲು ಬ್ಯಾಂಕ್ ಲಿಖಿತ ಬದ್ಧತೆಯನ್ನು ಒದಗಿಸಿದೆ.

ಇದರೊಂದಿಗೆ, ತಮ್ಮ ಬದ್ಧತೆಗಳನ್ನು ಪೂರೈಸಲು ಸಹಾಯ ಮಾಡಲು ಜಾರಿಗೆ ತಂದಿರುವ ರಚನಾತ್ಮಕ ಮತ್ತು ವ್ಯವಸ್ಥಿತ ಸುಧಾರಣೆಗಳ ಬಗ್ಗೆ IDBI ಬ್ಯಾಂಕ್ ಲಿಮಿಟೆಡ್  ಭಾರತೀಯ ರಿಸರ್ವ್ ಬ್ಯಾಂಕ್ ಗೆ ಅರಿವು ಮೂಡಿಸಿದೆ.

ಪ್ರಾಂಪ್ಟ್ ಕರೆಕ್ಟಿವ್ ಆಕ್ಷನ್’ (PCA) ಎಂದರೇನು?

  • ‘ಕ್ಷಿಪ್ರ ಸರಿಪಡಿಸುವ ಕ್ರಮ’ (PCA) ಎನ್ನುವುದು ಆರ್‌ಬಿಐ, ದುರ್ಬಲ ಆರ್ಥಿಕ ಮಾಪನಗಳನ್ನು ಹೊಂದಿರುವ ಬ್ಯಾಂಕುಗಳನ್ನು ತನ್ನ ಕಾವಲಿನಲ್ಲಿಟ್ಟುಕೊಳ್ಳುವ ಕಾರ್ಯವಿಧಾನವಾಗಿದೆ.
  • ಆರ್‌ಬಿಐ ‘ಪ್ರಾಂಪ್ಟ್ ಕರೆಕ್ಟಿವ್ ಆಕ್ಷನ್’ ಯಾಂತ್ರಿಕ ವ್ಯವಸ್ಥೆಯನ್ನು 2002 ರಲ್ಲಿ ಪರಿಚಯಿಸಿತು, ಬ್ಯಾಂಕುಗಳಿಗೆ ರಚನಾತ್ಮಕ ಆರಂಭಿಕ ಹಸ್ತಕ್ಷೇಪ ಯಾಂತ್ರಿಕ ವ್ಯವಸ್ಥೆ (structured early-intervention mechanism) ಕಳಪೆ ಆಸ್ತಿ ಗುಣಮಟ್ಟ ಅಥವಾ ಲಾಭವನ್ನು ನೀಡುವ ಸಾಮರ್ಥ್ಯದ ಕೊರತೆಯಿಂದಾಗಿ ‘ಬಂಡವಾಳದ ಕೊರತೆ’ (undercapitalised) ಆಗಿ ಮಾರ್ಪಟ್ಟಿದೆ.
  • ಇದು ಭಾರತೀಯ ಬ್ಯಾಂಕಿಂಗ್ ಕ್ಷೇತ್ರದಲ್ಲಿ ನಿಷ್ಕ್ರಿಯ ಆಸ್ತಿಗಳ / ವಸೂಲಾಗದ ಸಾಲದ ಸರಾಸರಿ ಪ್ರಮಾಣದ (NPA) ಸಮಸ್ಯೆಯನ್ನು ನಿಯಂತ್ರಿಸುವ ಗುರಿಯನ್ನು ಹೊಂದಿದೆ.
  • 2017 ರಲ್ಲಿ, ಹಣಕಾಸು ಸ್ಥಿರತೆ ಮತ್ತು ಅಭಿವೃದ್ಧಿ ಮಂಡಳಿಯ ಕಾರ್ಯನಿರತ ಗುಂಪು ಮತ್ತು ಭಾರತದ ಹಣಕಾಸು ಸಂಸ್ಥೆಗಳ ರೆಸಲ್ಯೂಶನ್ ಅಡ್ಮಿನಿಸ್ಟ್ರೇಷನ್ ಕುರಿತ ಹಣಕಾಸು ವಲಯದ ಶಾಸನ ಸುಧಾರಣಾ ಆಯೋಗದ ಶಿಫಾರಸುಗಳ ಆಧಾರದ ಮೇಲೆ ಈ ಕಾರ್ಯವಿಧಾನವನ್ನು ಪರಿಶೀಲಿಸಲಾಗಿದೆ.

ಪ್ರಾಂಪ್ಟ್ ಸರಿಪಡಿಸುವ ಕ್ರಿಯೆ’ ಕಾರ್ಯವಿಧಾನವನ್ನು ಯಾವಾಗ ಜಾರಿಗೆ ತರಲಾಗುತ್ತದೆ?

  • ಕೆಲವು ಬ್ಯಾಂಕುಗಳು ಅಪಾಯದ ಮಿತಿಗಳನ್ನು ಉಲ್ಲಂಘಿಸಿದಾಗ ‘ಪ್ರಾಂಪ್ಟ್ ಸರಿಪಡಿಸುವ ಕ್ರಿಯೆ’ ಕಾರ್ಯವಿಧಾನವನ್ನು ಕಾರ್ಯಗತಗೊಳಿಸಲಾಗುತ್ತದೆ. ಕೆಲವು ಹಂತದ ಆಸ್ತಿ ಗುಣಮಟ್ಟ, ಲಾಭದಾಯಕತೆ ಮತ್ತು ಬಂಡವಾಳ ಮತ್ತು ಮುಂತಾದವುಗಳನ್ನು ಆಧರಿಸಿ ಮೂರು ಅಪಾಯದ ಮಿತಿಗಳನ್ನು ನಿಗದಿಪಡಿಸಲಾಗಿದೆ.

 ನಿರ್ಬಂಧಗಳ ಪ್ರಕಾರಗಳು ಯಾವುವು?

  • ‘ಪ್ರಾಂಪ್ಟ್ ಸರಿಪಡಿಸುವ ಕ್ರಿಯೆಯ’ ಅಡಿಯಲ್ಲಿ ಎರಡು ರೀತಿಯ ನಿರ್ಬಂಧಗಳಿವೆ: ಕಡ್ಡಾಯ ಮತ್ತು ವಿವೇಚನೆ.

ಲಾಭಾಂಶ, ಶಾಖಾ ವಿಸ್ತರಣೆ, ನಿರ್ದೇಶಕರ ಪರಿಹಾರದ ಮೇಲಿನ ನಿರ್ಬಂಧಗಳು ಕಡ್ಡಾಯ ವರ್ಗಕ್ಕೆ ಸೇರುತ್ತವೆ, ಆದರೆ ವಿವೇಚನೆಯ ನಿರ್ಬಂಧಗಳು ಸಾಲ ಮತ್ತು ಠೇವಣಿಗಳ ಮೇಲಿನ ನಿರ್ಬಂಧಗಳನ್ನು ಒಳಗೊಂಡಿರಬಹುದು.

PCA ಪ್ರಚೋದಿಸಿದರೆ ಬ್ಯಾಂಕ್ ಏನು ಮಾಡುತ್ತದೆ?

  • ‘ಪ್ರಾಂಪ್ಟ್ ಸರಿಪಡಿಸುವ ಕ್ರಮ’ ಜಾರಿಗೆ ಬಂದಾಗ, ಶುಲ್ಕ ಆಧಾರಿತ ಆದಾಯವನ್ನು ಹೆಚ್ಚಿಸಲು ಬ್ಯಾಂಕುಗಳಿಗೆ ದುಬಾರಿ ಠೇವಣಿಗಳನ್ನು ನವೀಕರಿಸಲು ಅಥವಾ ಬಳಸಲು ಅನುಮತಿಸಲಾಗುವುದಿಲ್ಲ.
  • ಬ್ಯಾಂಕುಗಳು ತಮ್ಮ ನಿಷ್ಕ್ರಿಯ ಆಸ್ತಿ (NPA) ದಾಸ್ತಾನುಗಳನ್ನು ಕಡಿಮೆ ಮಾಡಲು ಮತ್ತು ಹೊಸ NPAಗಳ ರಚನೆಯನ್ನು ನಿಲ್ಲಿಸಲು ವಿಶೇಷ ಕಾರ್ಯಾಚರಣೆಗಳನ್ನು ಕೈಗೊಳ್ಳಬೇಕಾಗುತ್ತದೆ.
  • ಹೊಸ ವ್ಯಾಪಾರ ಕ್ಷೇತ್ರಗಳಿಗೆ ಪ್ರವೇಶಿಸಲು ಬ್ಯಾಂಕುಗಳಿಗೆ ಅನುಮತಿಸಲಾಗುವುದಿಲ್ಲ. ಅಂತರ ಬ್ಯಾಂಕ್ ಮಾರುಕಟ್ಟೆಯಿಂದ ಸಾಲ ತೆಗೆದುಕೊಳ್ಳುವುದಕ್ಕಾಗಿ ಆರ್‌ಬಿಐ ಬ್ಯಾಂಕ ಮೇಲೆ ನಿರ್ಬಂಧ ವಿಧಿಸುತ್ತದೆ.

 

ವಿಷಯಗಳು: ಭಾರತೀಯ ಆರ್ಥಿಕತೆ ಮತ್ತು ಯೋಜನೆ, ಸಂಪನ್ಮೂಲಗಳ ಕ್ರೋಡೀಕರಣ, ಪ್ರಗತಿ, ಅಭಿವೃದ್ಧಿ ಮತ್ತು ಉದ್ಯೋಗಕ್ಕೆ ಸಂಬಂಧಿಸಿದ ಸಮಸ್ಯೆಗಳು.

ಉತ್ಪಾದನೆಗೆ ಸಂಬಂಧಿಸಿದ ಪ್ರೋತ್ಸಾಹಕ ಯೋಜನೆ: 33 ಸಕ್ರಿಯ  ಔಷಧೀಯ ಪದಾರ್ಥಗಳ’ ಅರ್ಜಿಗಳನ್ನು ಅನುಮೋದಿಸಿದ ಕೇಂದ್ರ:


(PLI: Centre’s nod for 33 API applications)

 ಸಂದರ್ಭ:

ಉತ್ಪಾದನಾ ಸಂಬಂಧಿತ ಪ್ರೋತ್ಸಾಹಕ ಯೋಜನೆಯ (production linked incentive scheme: PLI Scheme) ಅಡಿಯಲ್ಲಿ 5,082.65 ಕೋಟಿ ರೂ.ಗಳ ಹೂಡಿಕೆಗಾಗಿ ‘ಸಕ್ರಿಯ ಔಷಧೀಯ ಪದಾರ್ಥಗಳಿಗಾಗಿ’ನ  (active pharmaceutical ingredients- API) 33 ಅರ್ಜಿಗಳನ್ನು ಸರ್ಕಾರ ಅನುಮೋದಿಸಿದೆ.

ಸಕ್ರಿಯ ಔಷಧೀಯ ಪದಾರ್ಥಗಳು ಎಂದರೇನು

 ಪ್ರತಿಯೊಂದು ಔಷಧಿಯು ಎರಡು ಮುಖ್ಯ ಪದಾರ್ಥಗಳಿಂದ ಕೂಡಿದೆ – ರಾಸಾಯನಿಕವಾಗಿ ಸಕ್ರಿಯವಾಗಿರುವ API ಗಳು ಮತ್ತು ರಾಸಾಯನಿಕವಾಗಿ ನಿಷ್ಕ್ರಿಯ, ಎಕ್ಸಿಪೈಂಟ್ಸ್ (Excipients). ವ್ಯಕ್ತಿಯ ದೇಹದಲ್ಲಿ API ಅನ್ನು ಪರಿಣಾಮಕಾರಿಯಾಗಿ ತಲುಪಿಸುವ ಅಂಶಗಳು ಈ ಎಕ್ಸಿಪೈಂಟ್ಸ್.

  • API ಗಳು ರಾಸಾಯನಿಕ ಸಂಯುಕ್ತಗಳಾಗಿವೆ, ಅವು ಸಿದ್ಧಪಡಿಸಿದ ಔಷಧಿಗಳ ಉತ್ಪಾದನೆಗೆ ಪ್ರಮುಖ ಕಚ್ಚಾ ವಸ್ತುವಾಗಿವೆ.
  • ಔಷಧಿಗಳಲ್ಲಿ, API ಗಳು ರೋಗವನ್ನು ಗುಣಪಡಿಸುವ ಉದ್ದೇಶವನ್ನು ಉಂಟುಮಾಡುತ್ತವೆ. ಉದಾಹರಣೆಗೆ, ಪ್ಯಾರೆಸಿಟಮಾಲ್ ಕ್ರೋಸಿನ್‌ನ API ಆಗಿದೆ ಮತ್ತು ಈ ಎಪಿಐ ಪ್ಯಾರೆಸಿಟಮಾಲ್ ದೇಹದ ನೋವು ಮತ್ತು ಜ್ವರವನ್ನು ನಿವಾರಿಸುತ್ತದೆ.
  • ಸ್ಥಿರ-ಡೋಸ್ ಸಂಯೋಜನೆಯ  ಔಷಧಿಗಳು ಅನೇಕ API ಗಳನ್ನು ಬಳಸುತ್ತವೆ, ಆದರೆ ಕ್ರೋಸಿನ್‌ನಂತಹ ಏಕ-ಡೋಸ್   ಔಷಧಿಗಳು ಕೇವಲ ಒಂದು API ಅನ್ನು ಮಾತ್ರ ಬಳಸುತ್ತವೆ.

API ಗಳನ್ನು ಹೇಗೆ ತಯಾರಿಸಲಾಗುತ್ತದೆ?

  • API ಗಳನ್ನು ಕಚ್ಚಾ ವಸ್ತುಗಳ ಒಂದೇ ಕ್ರಿಯೆಯಿಂದ ಸರಳವಾಗಿ ಉತ್ಪಾದಿಸಲಾಗುವುದಿಲ್ಲ, ಆದರೆ API ಗಳನ್ನು ಅನೇಕ ರಾಸಾಯನಿಕ ಸಂಯುಕ್ತಗಳ ಮೂಲಕ ಉತ್ಪಾದಿಸಲಾಗುತ್ತದೆ. ಕಚ್ಚಾ ವಸ್ತುಗಳಿಂದ ಎಪಿಐ ಆಗುವ ಪ್ರಕ್ರಿಯೆಯಲ್ಲಿರುವ ರಾಸಾಯನಿಕ ಸಂಯುಕ್ತಗಳನ್ನು ಮಧ್ಯಂತರ (intermediate)  ಎಂದು ಕರೆಯಲಾಗುತ್ತದೆ.
  •  ಕಚ್ಚಾ ವಸ್ತುಗಳಿಂದ API ಗಳನ್ನು ರಚಿಸುವ ಪ್ರಕ್ರಿಯೆಯಲ್ಲಿ ಹತ್ತು ಕ್ಕೂ ಹೆಚ್ಚು ಬಗೆಯ ಮಧ್ಯಂತರ ಸಂಯುಕ್ತಗಳ ಮೂಲಕ ಸಾಗುವ ಕೆಲವು API ಗಳಿವೆ. ಉತ್ಪಾದನೆಯ ಈ ಸುದೀರ್ಘ ಪ್ರಕ್ರಿಯೆಯು ಉನ್ನತ ಮಟ್ಟದ ಶುದ್ಧತೆಯನ್ನು ಪಡೆಯುವವರೆಗೆ ಮುಂದುವರಿಯುತ್ತದೆ.  

ಭಾರತವು ಎಪಿಐ ಮಾರುಕಟ್ಟೆಯನ್ನು ಚೀನಾ ಗೆ ಹೇಗೆ ಬಿಟ್ಟುಕೊಟ್ಟಿತು?

  • 90 ರ ದಶಕದ ಆರಂಭದಲ್ಲಿ, API ಉತ್ಪಾದನೆಯಲ್ಲಿ ಭಾರತ ಸ್ವಾವಲಂಬಿಯಾಗಿತ್ತು.
  • ಆದಾಗ್ಯೂ, API ತಯಾರಕರಾಗಿ ಚೀನಾದ ಏಳಿಗೆಯೊಂದಿಗೆ, ಇದು ಅಗ್ಗದ ಉತ್ಪನ್ನಗಳ ಮೂಲಕ ಭಾರತೀಯ ಮಾರುಕಟ್ಟೆಯನ್ನು ವಶಪಡಿಸಿಕೊಂಡಿದೆ, ಅಂತಿಮವಾಗಿ ಇದು ಚೀನಾದ ಆರ್ಥಿಕ ಉನ್ನತಿಗೆ ಕಾರಣವಾಯಿತು.
  • ಚೀನಾ ಕಡಿಮೆ ಬೆಲೆಯ API ಉತ್ಪಾದನಾ ಉದ್ಯಮವನ್ನು ಸ್ಥಾಪಿಸಿತು. ಈ ಉದ್ಯಮವು ಕಡಿಮೆ-ವೆಚ್ಚದ ಬಂಡವಾಳ, ಸರ್ಕಾರದಿಂದ ಹೆಚ್ಚಿನ ಪ್ರಮಾಣದ ಹಣಕಾಸಿನ ನೆರವು ಮತ್ತು ತೆರಿಗೆ ಪ್ರೋತ್ಸಾಹ ಇತ್ಯಾದಿಗಳ ಲಾಭವನ್ನು ಪಡೆಯಿತು.
  • ಚೀನಾದಲ್ಲಿ ಉದ್ಯಮವನ್ನು ನಿರ್ವಹಿಸುವ ವೆಚ್ಚವು ಭಾರತದ ವೆಚ್ಚದ ನಾಲ್ಕನೇ ಒಂದು ಭಾಗವಾಗಿದೆ. ಚೀನಾದಲ್ಲಿ , ಹಣಕಾಸಿನ ವೆಚ್ಚವು 6–7 ಪ್ರತಿಶತ ವಿದ್ದರೆ, ಭಾರತದಲ್ಲಿ, ಹಣಕಾಸಿನ ವೆಚ್ಚಗಳು 13–14 ಪ್ರತಿಶತ ವಿದೆ.
  • ಆದ್ದರಿಂದ, ಹೆಚ್ಚಿನ ವೆಚ್ಚ ಮತ್ತು ಕಡಿಮೆ ಲಾಭದ ಉದ್ಯಮದಿಂದಾಗಿ ಭಾರತೀಯ ಔಷಧ ಕಂಪನಿಗಳು ಕೆಲವು ವರ್ಷಗಳಿಂದ API ಗಳ ಉತ್ಪಾದನೆಯನ್ನು ನಿಲ್ಲಿಸಿದವು.

 

ವಿಷಯಗಳು: ಅಭಿವೃದ್ಧಿ ಮತ್ತು ಉಗ್ರವಾದದ ಹರಡುವಿಕೆಯ ನಡುವಿನ ಸಂಬಂಧ.

ತಪ್ಪಾದ ಕಾನೂನು ಕ್ರಮಗಳ ವಿರುದ್ಧ ವರಿಷ್ಠ ನ್ಯಾಯಾಲಯದಲ್ಲಿ ಅರ್ಜಿ:


(Plea in SC against wrongful prosecution)

ಸಂದರ್ಭ:

ಇತ್ತೀಚೆಗೆ ಸುಪ್ರೀಂ ಕೋರ್ಟ್‌ನಲ್ಲಿ, ಪೊಲೀಸರು ಅಥವಾ ಅಧಿಕಾರಿಗಳಿಂದ ತಪ್ಪಾಗಿ ವಿಚಾರಣೆಗೆ ಒಳಪಟ್ಟವರಿಗೆ ಪರಿಹಾರ ನೀಡುವಂತೆ ಸರ್ಕಾರಕ್ಕೆ ಮಾರ್ಗಸೂಚಿಗಳನ್ನು ಸಿದ್ಧಪಡಿಸುವಂತೆ ಕೋರಿ ಅರ್ಜಿ ಸಲ್ಲಿಸಲಾಗಿದೆ.

ಹೊತ್ತಿನ ಅವಶ್ಯಕತೆ:

ಸುಮಾರು 1.5 ಶತಕೋಟಿ ಜನಸಂಖ್ಯೆಯನ್ನು ಹೊಂದಿರುವ ಭಾರತವು ಪೊಲೀಸ್ ಮತ್ತು ಮತ್ತು ತಪ್ಪಾದ ಪ್ರಾಸಿಕ್ಯೂಟರಿ ದುಷ್ಕೃತ್ಯಗಳನ್ನು ತಡೆಗಟ್ಟಲು, ಯಾವುದೇ ಪರಿಣಾಮಕಾರಿ ಶಾಸನಬದ್ಧ / ಕಾನೂನು ಕಾರ್ಯವಿಧಾನವನ್ನು ಹೊಂದಿಲ್ಲ, ಇದರ ಪರಿಣಾಮವಾಗಿ ವ್ಯಾಪಕವಾದ ಸುಳ್ಳು ಪ್ರಕರಣಗಳು ದಾಖಲಾಗುತ್ತವೆ.

  • ಇದು ರಾಷ್ಟ್ರದ ಸಾಮಾಜಿಕ ಸ್ವಾಸ್ತ್ಯವನ್ನು ನಾಶಪಡಿಸುವುದಲ್ಲದೆ, 40 ದಶಲಕ್ಷಕ್ಕೂ ಹೆಚ್ಚಿನ ಪ್ರಕರಣಗಳ ಅಪಾರ ಹೊರೆಯಿಂದಾಗಿ ನ್ಯಾಯಾಂಗದ ಮೇಲೂ ಪರಿಣಾಮ ಬೀರುತ್ತದೆ.

ಮುಂದಿನ ದಾರಿ:

  • 2018 ರಲ್ಲಿ ‘ನ್ಯಾಯದ ಗರ್ಭಪಾತ’ (miscarriage of justice) ಎಂಬ ವಿಷಯದ ಕುರಿತು ಭಾರತ ಕಾನೂನು ಆಯೋಗವು ತನ್ನ 277 ನೇ ವರದಿಯಲ್ಲಿ ಮಾಡಿದ ಶಿಫಾರಸುಗಳನ್ನು ಸರ್ಕಾರ ಜಾರಿಗೆ ತರಬೇಕು.
  • ಆಯೋಗವು ನವೆಂಬರ್ 2017 ರಲ್ಲಿ ಬಬ್ಲೂ ಚೌಹಾನ್ ಪ್ರಕರಣದಲ್ಲಿ ದೆಹಲಿ ಹೈಕೋರ್ಟ್ ಆದೇಶದ ಆಧಾರದ ಮೇಲೆ “ತಪ್ಪಾದ ಕಾನೂನು ಕ್ರಮ ಮತ್ತು ಜೈಲುವಾಸದ ಬಲಿಪಶುಗಳು ಅಥವಾ ಸಂತ್ರಸ್ತರಿಗೆ ಪರಿಹಾರ ಮತ್ತು ಪುನರ್ವಸತಿ ಕುರಿತು ಸಮಗ್ರ ತನಿಖೆಯನ್ನು” ಕೈಗೊಳ್ಳಲು ವರದಿಯನ್ನು ಸಿದ್ಧಪಡಿಸಿತ್ತು.

ಹಿನ್ನೆಲೆ:

ಭಾರತದ ಜೈಲುಗಳಲ್ಲಿರುವ ಒಟ್ಟು ಕೈದಿಗಳಲ್ಲಿ ಸುಮಾರು 70 ಪ್ರತಿಶತ ವಿಚಾರಣಾಧೀನ ಕೈದಿಗಳಿದ್ದಾರೆ (Undertrials). ಕೋವಿಡ್ -19 ಪ್ರಕರಣಗಳನ್ನು ಉತ್ತರ ಪ್ರದೇಶ, ಕರ್ನಾಟಕ, ಮಧ್ಯಪ್ರದೇಶ ಮತ್ತು ದೆಹಲಿ ಸೇರಿದಂತೆ ಹಲವು ರಾಜ್ಯಗಳು ತಮ್ಮ ಜೈಲುಗಳಲ್ಲಿ ವರದಿ ಮಾಡಿವೆ. ಸಾಂಕ್ರಾಮಿಕ ರೋಗವು ಅನೇಕ ಜೈಲುಗಳಿಗೆ ಹರಡುತ್ತದೆ ಎಂದು ಸಹ ವರದಿಯಾಗಿದೆ, ಆದರೂ ಅನೇಕ ಅನಾರೋಗ್ಯಪೀಡಿತ ಅಥವಾ ವೃದ್ಧ ಅಪರಾಧಿಗಳಿಗೆ ಅವರ ಅಪರಾಧದ ಗಂಭೀರತೆಯಿಂದಾಗಿ ಜಾಮೀನು ನಿರಾಕರಿಸಲಾಗಿದೆ.

 


ಪೂರ್ವಭಾವಿ ಪರೀಕ್ಷೆಗೆ ಸಂಬಂಧಿಸಿದ ವಿದ್ಯಮಾನಗಳು:


ಬೌದ್ಧಿಕ ಅಂಗವೈಕಲ್ಯ- ವ್ಯಾಖ್ಯಾನ:

(Definition- Intellectual disability)

  • ವಿಕಲಾಂಗ ವ್ಯಕ್ತಿಗಳ ಹಕ್ಕುಗಳ ಅನುಸೂಚಿ, 2016ರ ಅನ್ವಯ “ಬೌದ್ಧಿಕ ಅಂಗವೈಕಲ್ಯ” (intellectual disability) ಎನ್ನುವುದು ಬೌದ್ಧಿಕ ಕಾರ್ಯಚಟುವಟಿಕೆಯ (ತಾರ್ಕಿಕತೆ, ಕಲಿಯುವ ಸಾಮರ್ಥ್ಯ, ಸಮಸ್ಯೆ ಪರಿಹಾರ) ಮತ್ತು ಹೊಂದಾಣಿಕೆಯ ನಡವಳಿಕೆಯಲ್ಲಿ (adaptive behaviour) ಗಮನಾರ್ಹ ಮಿತಿಯಿಂದ ನಿರೂಪಿಸಲ್ಪಟ್ಟ  ಒಂದು ಅಸಮರ್ಥ ಸ್ಥಿತಿಯಾಗಿದೆ, ಇದರ ಪ್ರತಿದಿನದ, ಅಡಾಪ್ಟಿವ್ ನಡವಳಿಕೆಗಳಲ್ಲಿ ದೈನಂದಿನ ಚಟುವಟಿಕೆಗಳು, ಸಾಮಾಜಿಕ ಮತ್ತು ಪ್ರಾಯೋಗಿಕ ಕೌಶಲ್ಯಗಳು, ‘ಕಲಿಕಾ ನ್ಯೂನತೆಗಳು’ ಮತ್ತು ಆಟಿಸಂ ಸ್ಪೆಕ್ಟ್ರಮ್ ಡಿಸಾರ್ಡರ್ (Autism Spectrum Disorder-ASD) ಗಳು ಸೇರಿವೆ.

ಲಿಂಗರಾಜ ದೇವಸ್ಥಾನ:

(Lingaraja Temple)

  • ಈ ದೇವಾಲಯವು ಶಿವನಿಗೆ ಅರ್ಪಿತವಾಗಿದೆ.
  • ಇದನ್ನು ಸೋಮ ವಂಶದ ರಾಜ ಯಯಾತಿ ಕೇಶರಿ (Jajati Keshari) ನಿರ್ಮಿಸಿದ.
  • ಕೆಂಪು ಕಲ್ಲಿನಿಂದ ನಿರ್ಮಿಸಲಾದ ಈ ದೇವಾಲಯವು ಕಳಿಂಗ ವಾಸ್ತುಶಿಲ್ಪ ಶೈಲಿಗೆ ಒಂದು ಅತ್ಯುತ್ತಮ ಉದಾಹರಣೆಯಾಗಿದೆ.
  • ದೇವಾಲಯದ ಉತ್ತರಕ್ಕೆ ಬಿಂದುಸಾಗರ್ ಸರೋವರವಿದೆ.
  • ಬಹುಶಃ 12 ನೇ ಶತಮಾನದಲ್ಲಿ ಪುರಿಯಲ್ಲಿ ಜಗನ್ನಾಥ ದೇವಾಲಯವನ್ನು ನಿರ್ಮಿಸಿದ ಗಂಗ ಆಡಳಿತಗಾರರು ಆಚರಿಸಿದ ಜಗನ್ನಾಥ ಪಂಥದ ಪ್ರಾಮುಖ್ಯತೆಯ ಕಾರಣದಿಂದಾಗಿ, ಈ ದೇವಾಲಯದಲ್ಲಿ ವಿಷ್ಣುವಿನ ಪ್ರತಿಮೆಗಳಿವೆ.


  • Join our Official Telegram Channel HERE for Motivation and Fast Updates
  • Subscribe to our YouTube Channel HERE to watch Motivational and New analysis videos