Print Friendly, PDF & Email

[ ದೈನಂದಿನ ಪ್ರಚಲಿತ ಘಟನೆಗಳು ] ದಿನಾಂಕ – 5 ಫೆಬ್ರವರಿ 2021

 

ಪರಿವಿಡಿ :

ಸಾಮಾನ್ಯ ಅಧ್ಯಯನ ಪತ್ರಿಕೆ 2:

1. ಪ್ರಧಾನಮಂತ್ರಿ ಮಾತೃ ವಂದನಾ ಯೋಜನೆ.

2. ಅಂತರರಾಷ್ಟ್ರೀಯ ಕ್ರಿಮಿನಲ್ / ಅಪರಾಧ ನ್ಯಾಯಾಲಯ.

 

ಸಾಮಾನ್ಯ ಅಧ್ಯಯನ ಪತ್ರಿಕೆ 3:

1. ರಾಷ್ಟ್ರೀಯ ಕೃಷಿ ಮಾರುಕಟ್ಟೆ (e-NAM).

2. “ಉದ್ಯೋಗಿಗಳ ಭವಿಷ್ಯ ನಿಧಿ ಬಡ್ಡಿ ಮೇಲೆ ತೆರಿಗೆ” ಬಜೆಟ್ ಪ್ರಸ್ತಾವ:

3. ಸೀಮಿತ ಹೊಣೆಗಾರಿಕೆ ಪಾಲುದಾರಿಕೆ ಕಾಯ್ದೆ.

4. ಸ್ಕ್ವೇರ್ ಕಿಲೋಮೀಟರ್ ಅರೇ.

 

ಪೂರ್ವಭಾವಿ ಪರೀಕ್ಷೆಗೆ ಸಂಬಂಧಿಸಿದ ವಿದ್ಯಮಾನಗಳು:

1. ಮೊನ್ಪಾ ಕರ ಕುಶಲ ಕಾಗದ.

2. ‘ಕಪಿಲಾ’.

 


ಸಾಮಾನ್ಯ ಅಧ್ಯಯನ ಪತ್ರಿಕೆ – 2


 

ವಿಷಯಗಳು: ಕೇಂದ್ರ ಮತ್ತು ರಾಜ್ಯಗಳಿಂದ  ದುರ್ಬಲ ವರ್ಗದ ಜನಸಮುದಾಯದವರಿಗೆ ಇರುವ ಕಲ್ಯಾಣ ಯೋಜನೆಗಳು ಮತ್ತು ಈ ಯೋಜನೆಗಳ ಕಾರ್ಯಕ್ಷಮತೆ; ಕಾರ್ಯವಿಧಾನಗಳು,ಕಾನೂನುಗಳು, ಸಂಸ್ಥೆಗಳು ಮತ್ತು ಈ ದುರ್ಬಲ ವಿಭಾಗಗಳ ರಕ್ಷಣೆ ಮತ್ತು ಸುಧಾರಣೆಗಾಗಿ ರಚಿಸಲಾದ ಸಂಸ್ಥೆಗಳು.

ಪ್ರಧಾನಮಂತ್ರಿ ಮಾತೃ ವಂದನಾ ಯೋಜನೆ:  (PMMVY) (Pradhan Mantri Matru Vandana Yojana):


ಸಂದರ್ಭ:

2020 ರ ಆರ್ಥಿಕ ವರ್ಷದ ವರೆಗೆ, ಪ್ರಧಾನ್ ಮಂತ್ರಿ ಮಾತೃ ವಂದನಾ ಯೋಜನೆಯಡಿ ಅರ್ಹ ಫಲಾನುಭವಿ ಮಹಿಳೆಯರ ಸಂಖ್ಯೆ 1.75 ಕೋಟಿಯನ್ನು ಮೀರಿದೆ.

 

ಪ್ರಧಾನಮಂತ್ರಿ ಮಾತೃ ವಂದನಾ ಯೋಜನೆ ಕುರಿತು :

ಪ್ರಧಾನಮಂತ್ರಿ ಮಾತೃ ವಂದನಾ ಯೋಜನೆಯು ಕೇಂದ್ರ ಸರ್ಕಾರದ ಹೆರಿಗೆ / ಮಾತೃತ್ವ ಪ್ರಯೋಜನ ಕಾರ್ಯಕ್ರಮವಾಗಿದ್ದು ರಾಷ್ಟ್ರೀಯ ಆಹಾರ ಭದ್ರತಾ ಕಾಯ್ದೆಯ 2013 ರ ನಿಬಂಧನೆಗಳ ಪ್ರಕಾರ ಈ ಯೋಜನೆಯನ್ನು ದೇಶದ ಎಲ್ಲಾ ಜಿಲ್ಲೆಗಳಲ್ಲಿ ಜಾರಿಗೆ ತರಲಾಗಿದೆ.

  • ಈ ಯೋಜನೆಯಡಿ, ಕೆಲವು ಷರತ್ತುಗಳನ್ನು ಪೂರೈಸಿದ ನಂತರ ಗರ್ಭಿಣಿಯರು ಮತ್ತು ಹಾಲುಣಿಸುವ ತಾಯಂದಿರಿಗೆ (pregnant women and lactating mothers- PW&LM) ಮೂರು ಕಂತುಗಳಲ್ಲಿ ಮೊದಲ ಮಗುವಿನ ಜನನದ ಮೇಲೆ 5,000 ರೂ. ಗಳನ್ನು ನೀಡಲಾಗುತ್ತದೆ.
  • ಕೇಂದ್ರ ಸರ್ಕಾರ ರಾಜ್ಯ ಸರ್ಕಾರ ಹಾಗೂ ಇತರೆ ಸಾರ್ವಜನಿಕ ರಂಗದ ಉದ್ಯಮಗಳಲ್ಲಿ ಖಾಯಂ ಉದ್ಯೋಗಿಯಾಗಿರುವ ಗರ್ಭಿಣಿಯರು ಮತ್ತು ಹಾಲುಣಿಸುವ ತಾಯಂದಿರು ಪ್ರಧಾನಮಂತ್ರಿ ಮಾತೃ ವಂದನಾ ಯೋಜನೆಯಡಿ ಇರುವ ಸೌಲಭ್ಯಗಳನ್ನು ಪಡೆಯಲು ಅರ್ಹರಲ್ಲ.ಅಲ್ಲದೆ ಈ ಯೋಜನೆಯು ಕಾನೂನುರೀತ್ಯ ಜಾರಿಯಲ್ಲಿರುವ ಇದೇ ರೀತಿಯ ಪ್ರಯೋಜನಗಳನ್ನು ಪಡೆಯುವವರನ್ನು PMMVY ನಿಂದ ಹೊರಗಿಡುತ್ತದೆ.
  • ಯೋಜನೆಯಡಿಯಲ್ಲಿ, ನೇರ ಲಾಭದ ನಗದು ವರ್ಗಾವಣೆಯು, ನಿರೀಕ್ಷಿತ ತಾಯಂದಿರಿಗೆ ವರ್ಧಿತ ಪೌಷ್ಠಿಕಾಂಶದ ಅವಶ್ಯಕತೆಗಳನ್ನು ಪೂರೈಸಲು ಸಹಾಯ ಮಾಡುತ್ತದೆ, ಜೊತೆಗೆ ಗರ್ಭಾವಸ್ಥೆಯಲ್ಲಿ ಮತ್ತು ಹೆರಿಗೆಯ ನಂತರ ದುಡಿಯುವ ಮಹಿಳೆಯರಿಗೆ ವೇತನದ ನಷ್ಟವನ್ನು ಭಾಗಶಃ ಸರಿದೂಗಿಸುತ್ತದೆ.
  • ಈ ಯೋಜನೆಯನ್ನು 31 ಡಿಸೆಂಬರ್ 2016 ರಂದು ಘೋಷಿಸಲಾಯಿತು.

ಅರ್ಹ ಫಲಾನುಭವಿಗಳಿಗೆ ಸಾಂಸ್ಥಿಕ ವಿತರಣೆಗಾಗಿ ಜನನಿ ಸುರಕ್ಷ ಯೋಜನೆ (JSY) ಅಡಿಯಲ್ಲಿ ಪ್ರೋತ್ಸಾಹ ಧನ ನೀಡಲಾಗುವುದು. ಜನನಿ ಸುರಕ್ಷ ಯೋಜನೆಯು ರಾಷ್ಟ್ರೀಯ ಆರೋಗ್ಯ ಮಿಷನ್ (NHM) ಅಡಿಯಲ್ಲಿ ಸುರಕ್ಷಿತ ಮಾತೃತ್ವ ಕಾರ್ಯಕ್ರಮವಾಗಿದೆ. ಬಡ ಗರ್ಭಿಣಿ ಮಹಿಳೆಯರ ಸಾಂಸ್ಥಿಕ ಮತ್ತು ಸುರಕ್ಷಿತ ಹೆರಿಗೆಯನ್ನು ಉತ್ತೇಜಿಸುವ ಗುರಿಯನ್ನು ಹೊಂದಿದೆ. ಕೇಂದ್ರ ಸರ್ಕಾರದಿಂದ ಪ್ರತಿ ಗರ್ಭಿಣಿ ಮಹಿಳೆಯು ಸರಾಸರಿ 6000 ರೂ. ಗಳನ್ನು ಪಡೆಯುತ್ತಾರೆ.

 

ವಿಷಯಗಳು: ಪ್ರಮುಖ ಅಂತರರಾಷ್ಟ್ರೀಯ ಸಂಸ್ಥೆಗಳು, ಏಜೆನ್ಸಿಗಳು ಮತ್ತು ವೇದಿಕೆಗಳು, ಅವುಗಳ ರಚನೆ, ಮತ್ತು ಆದೇಶ.

ಅಂತರರಾಷ್ಟ್ರೀಯ ಕ್ರಿಮಿನಲ್ / ಅಪರಾಧ ನ್ಯಾಯಾಲಯ (ICC):


(International Criminal Court):

ಸಂದರ್ಭ:

ಇತ್ತೀಚೆಗೆ, ಅಂತರರಾಷ್ಟ್ರೀಯ ಕ್ರಿಮಿನಲ್ / ಅಪರಾಧ ನ್ಯಾಯಾಲಯವು ಉಗಾಂಡಾದ ಕುಖ್ಯಾತ ಬಂಡಾಯ ಗುಂಪು ಲಾರ್ಡ್ಸ್ ರೆಸಿಸ್ಟೆನ್ಸ್ ಆರ್ಮಿಯ ಮಾಜಿ ಕಮಾಂಡರ್  (ಡೊಮಿನಿಕ್ ಒಂಗ್ವೆನ್) ಮೇಲೆ ಡಜನ್ಗಟ್ಟಲೆ ಯುದ್ಧ ಅಪರಾಧಗಳು ಮತ್ತು ಮಾನವೀಯತೆಯ ವಿರುದ್ಧದ ಹಲವಾರು ಅಪರಾಧಗಳಿಗೆ, ಕೊಲೆಗಳಿಂದ ಹಿಡಿದು ಬಲವಂತದ ವಿವಾಹಗಳವರೆಗೆ ದೋಷಾರೋಪಣೆಗೆ ಒಳಪಡಿಸಿದೆ.

international_criminal_court

ಅಂತರರಾಷ್ಟ್ರೀಯ ಕ್ರಿಮಿನಲ್ ನ್ಯಾಯಾಲಯದ ಕುರಿತು:

  • ಅಂತರರಾಷ್ಟ್ರೀಯ ಕ್ರಿಮಿನಲ್ ನ್ಯಾಯಾಲಯವು ನೆದರ್ಲ್ಯಾಂಡ್ಸ್ನ ಹೇಗ್ ನಲ್ಲಿದೆ. ನರಮೇಧ, ಯುದ್ಧ ಅಪರಾಧಗಳು ಮತ್ತು ಮಾನವೀಯತೆಯ ವಿರುದ್ಧದ ಅಪರಾಧಗಳ ವಿಚಾರಣೆಗೆ ಇದು ಅಂತಿಮ ನ್ಯಾಯಾಲಯವಾಗಿದೆ.
  • ಅಂತರರಾಷ್ಟ್ರೀಯ ಕ್ರಿಮಿನಲ್ ನ್ಯಾಯಾಲಯವು ಮೊದಲ ಶಾಶ್ವತ, ಒಪ್ಪಂದ ಆಧಾರಿತ ಅಂತರರಾಷ್ಟ್ರೀಯ ಅಪರಾಧ ನ್ಯಾಯಾಲಯವಾಗಿದೆ, ಇದನ್ನು ಅಂತರರಾಷ್ಟ್ರೀಯ ಸಮುದಾಯಗಳಿಗೆ ಸಂಬಂಧಿಸಿದಂತೆ ಗಂಭೀರ ಅಪರಾಧಗಳನ್ನು ಮಾಡುವ ಅಪರಾಧಿಗಳನ್ನು ವಿಚಾರಣೆಗೆ ಒಳಪಡಿಸಲು ಮತ್ತು ಶಿಕ್ಷಿಸಲು ಸ್ಥಾಪಿಸಲಾಗಿದೆ.
  • ಅಂತರರಾಷ್ಟ್ರೀಯ ಕ್ರಿಮಿನಲ್ ನ್ಯಾಯಾಲಯವನ್ನು ರೋಮ್ ಶಾಸನದ (the Rome Statute) ಅಡಿಯಲ್ಲಿ ಸ್ಥಾಪಿಸಲಾಯಿತು, ಇದು ಜುಲೈ 1, 2002 ರಿಂದ ಜಾರಿಗೆ ಬಂದಿತು.

 ಧನಸಹಾಯ: ನ್ಯಾಯಾಲಯದ ವೆಚ್ಚಗಳನ್ನು ಪ್ರಾಥಮಿಕವಾಗಿ ಸದಸ್ಯ ರಾಷ್ಟ್ರಗಳು ಭರಿಸುತ್ತವೆ, ಆದರೆ ಇದು ಸರ್ಕಾರಗಳು, ಅಂತರರಾಷ್ಟ್ರೀಯ ಸಂಸ್ಥೆಗಳು, ಖಾಸಗಿ ವ್ಯಕ್ತಿಗಳು, ನಿಗಮಗಳು ಮತ್ತು ಇತರ ಸಂಸ್ಥೆಗಳಿಂದ ಸ್ವಯಂಪ್ರೇರಿತ ಕೊಡುಗೆಗಳನ್ನು ಪಡೆಯುತ್ತದೆ.

 

ರಚನೆ ಮತ್ತು ಮತದಾನದ ಶಕ್ತಿ:

  • ಅಂತರರಾಷ್ಟ್ರೀಯ ಅಪರಾಧ ನ್ಯಾಯಾಲಯದ (ಐಸಿಸಿ) ನಿರ್ವಹಣೆ, ಶಾಸಕಾಂಗ ಸಂಸ್ಥೆ ಮತ್ತು ರಾಜ್ಯ ಪಕ್ಷಗಳ ಸದಸ್ಯರ ಸಭೆ, ಪ್ರತಿ ಸದಸ್ಯ ರಾಷ್ಟ್ರದಿಂದ ಒಬ್ಬ ಪ್ರತಿನಿಧಿಯನ್ನು ಒಳಗೊಂಡಿರುತ್ತದೆ.
  • ಪ್ರತಿಯೊಬ್ಬ ಸದಸ್ಯರಿಗೂ ಒಂದು ಮತವಿದೆ ಮತ್ತು ಸರ್ವಾನುಮತದ ನಿರ್ಧಾರ ತೆಗೆದುಕೊಳ್ಳಲು “ಎಲ್ಲ ಪ್ರಯತ್ನಗಳನ್ನು ಮಾಡಲಾಗುತ್ತದೆ”. ಒಂದು ವಿಷಯದ ಬಗ್ಗೆ ಒಮ್ಮತವಿಲ್ಲದಿದ್ದಾಗ, ಮತದಾನದ ಮೂಲಕ ನಿರ್ಧಾರ ತೆಗೆದುಕೊಳ್ಳಲಾಗುತ್ತದೆ.
  • ಐಸಿಸಿ ಓರ್ವ ಅಧ್ಯಕ್ಷರು ಮತ್ತು ಇಬ್ಬರು ಉಪಾಧ್ಯಕ್ಷರನ್ನು ಒಳಗೊಂಡಿದೆ, ಅವರನ್ನು ಮೂರು ವರ್ಷಗಳ ಅವಧಿಗೆ ಸದಸ್ಯರು ಆಯ್ಕೆ ಮಾಡುತ್ತಾರೆ.

ಟೀಕೆಗಳು:

  • ಇದು ಶಂಕಿತರನ್ನು ಬಂಧಿಸುವ ಸಾಮರ್ಥ್ಯವನ್ನು ಹೊಂದಿಲ್ಲ ಮತ್ತು ಎಲ್ಲ ರೀತಿಯ ಸಹಕಾರಕ್ಕಾಗಿ ಸದಸ್ಯ ರಾಷ್ಟ್ರಗಳನ್ನು ಅವಲಂಬಿಸಿರುತ್ತದೆ.
  • ಐಸಿಸಿ ಪ್ರಾಸಿಕ್ಯೂಟರ್ ಮತ್ತು ನ್ಯಾಯಾಧೀಶರ ಅಧಿಕಾರದ ಮೇಲೆ ಸಾಕಷ್ಟು ತಪಾಸಣೆ ಮತ್ತು ಸಮತೋಲನವಿಲ್ಲ ಮತ್ತು ರಾಜಕೀಯಗೊಳಿಸಿದ ಕಾನೂನು ಕ್ರಮಗಳು ಅಥವಾ ಇತರ ದುರುಪಯೋಗಗಳ ವಿರುದ್ಧ ಸಾಕಷ್ಟು ರಕ್ಷಣೆ ಇಲ್ಲ ಎಂದು ನ್ಯಾಯಾಲಯದ ವಿಮರ್ಶಕರು ವಾದಿಸುತ್ತಾರೆ.
  • ಐಸಿಸಿಯು ಪಕ್ಷಪಾತದ ಮತ್ತು ಪಾಶ್ಚಿಮಾತ್ಯ ಸಾಮ್ರಾಜ್ಯಶಾಹಿಯ ಸಾಧನವಾಗಿದೆ, ಎಂಬ ಆರೋಪ ಹೊತ್ತಿದೆ. ಶ್ರೀಮಂತ ಮತ್ತು ಹೆಚ್ಚು ಶಕ್ತಿಶಾಲಿ ರಾಷ್ಟ್ರಗಳು ಮಾಡಿದ ಅಪರಾಧಗಳನ್ನು ನಿರ್ಲಕ್ಷಿಸುವ ಈ ನ್ಯಾಯಾಲಯವು ಸಣ್ಣ, ದುರ್ಬಲ ರಾಜ್ಯಗಳ ನಾಯಕರನ್ನು ಮಾತ್ರ ಶಿಕ್ಷಿಸುತ್ತದೆ ಎಂಬ ಆರೋಪವಿದೆ.
  • ಐಸಿಸಿಯು ಸದಸ್ಯ ರಾಷ್ಟ್ರಗಳ ಸಹಕಾರವಿಲ್ಲದೆ ಅನೇಕ ಪ್ರಕರಣಗಳನ್ನು ಯಶಸ್ವಿಯಾಗಿ ಪರಿಹರಿಸಲು ಸಾಧ್ಯವಿಲ್ಲ, ಇದು ಅನೇಕ ಸಮಸ್ಯೆಗಳಿಗೆ ಕಾರಣವಾಗುತ್ತದೆ. ಇದರ ಅರ್ಥ ಅಂತರಾಷ್ಟ್ರೀಯ ಕ್ರಿಮಿನಲ್ ನ್ಯಾಯಾಲಯವು ಪ್ರಕರಣಗಳ ಆಯ್ಕೆಯಲ್ಲಿ ಅಸಮಂಜಸವಾಗಿ ಕಾರ್ಯನಿರ್ವಹಿಸುತ್ತದೆ. ಕಠಿಣ ಪ್ರಕರಣಗಳ ವಿಚಾರಣೆಯನ್ನು ಸರಿಯಾಗಿ ನಿರ್ವಹಿಸದೆ ತನ್ನ ನ್ಯಾಯಪರತೆಯನ್ನು ಹುಸಿಗೊಳಿಸಿದೆ.

Icj_vs_ICC

 


ಸಾಮಾನ್ಯ ಅಧ್ಯಯನ ಪತ್ರಿಕೆ – 3


 

ವಿಷಯಗಳು: ನೇರ ಮತ್ತು ಪರೋಕ್ಷ ಕೃಷಿ ಸಬ್ಸಿಡಿಗಳು ಮತ್ತು ಕನಿಷ್ಠ ಬೆಂಬಲ ಬೆಲೆಗಳಿಗೆ ಸಂಬಂಧಿಸಿದ ಸಮಸ್ಯೆಗಳು; ಸಾರ್ವಜನಿಕ ವಿತರಣಾ ವ್ಯವಸ್ಥೆಯ ಉದ್ದೇಶಗಳು, ಕಾರ್ಯನಿರ್ವಹಣೆ,ಮಿತಿಗಳು, ಪುನರುಜ್ಜೀವನಗೊಳಿಸುವಿಕೆ; ಬಫರ್ ಸ್ಟಾಕ್ಗಳು/ತುರ್ತು ಸಂಗ್ರಹ ವ್ಯವಸ್ಥೆ ಮತ್ತು ಆಹಾರ ಸುರಕ್ಷತೆಯ ಸಮಸ್ಯೆಗಳು; ತಂತ್ರಜ್ಞಾನ ಕಾರ್ಯಾಚರಣೆಗಳು.

ರಾಷ್ಟ್ರೀಯ ಕೃಷಿ ಮಾರುಕಟ್ಟೆ (e-NAM).


(National Agriculture Market):

ಸಂದರ್ಭ:

ಇದುವರೆಗೆ 1.69 ಕೋಟಿಗೂ ಹೆಚ್ಚು ರೈತರು ಮತ್ತು 1.55 ಲಕ್ಷ ವ್ಯಾಪಾರಿಗಳು ರಾಷ್ಟ್ರೀಯ ಕೃಷಿ ಮಾರುಕಟ್ಟೆ (ಇ-ನ್ಯಾಮ್) ವೇದಿಕೆಯಲ್ಲಿ ನೋಂದಾಯಿಸಿಕೊಂಡಿದ್ದಾರೆ.

 

e-NAM ಎಂದರೇನು?

  • ಕೃಷಿ ಉತ್ಪನ್ನಗಳ ಆನ್‌ಲೈನ್ ವ್ಯಾಪಾರ ವೇದಿಕೆಯಾದ ರಾಷ್ಟ್ರೀಯ ಕೃಷಿ ಮಾರುಕಟ್ಟೆಯು (ಇ-ನ್ಯಾಮ್) ರೈತರು, ವ್ಯಾಪಾರಿಗಳು ಮತ್ತು ಖರೀದಿದಾರರಿಗೆ ಆನ್‌ಲೈನ್ ವಹಿವಾಟಿನಲ್ಲಿ ಸಹಾಯ ಮಾಡುವುದು ಮತ್ತು ಸುಲಭ ಮಾರುಕಟ್ಟೆ ಮೂಲಕ ಉತ್ತಮ ಬೆಲೆಗಳನ್ನು ಪಡೆಯುವ ಗುರಿ ಹೊಂದಿದೆ.
  • ಭಾರತ ಸರ್ಕಾರದ ಕೃಷಿ ಮತ್ತು ರೈತ ಕಲ್ಯಾಣ ಸಚಿವಾಲಯದ ಆಶ್ರಯದಲ್ಲಿನ ಸಣ್ಣ ರೈತರ ಕೃಷಿ ವ್ಯವಹಾರ ಒಕ್ಕೂಟ- SFAC ‘ಇ-ನ್ಯಾಮ್’ ಅನುಷ್ಠಾನಕ್ಕೆ ಇರುವ ಪ್ರಮುಖ ಸಂಸ್ಥೆಯಾಗಿದೆ.

national_agriculture

ರಾಷ್ಟ್ರೀಯ ಕೃಷಿ ಮಾರುಕಟ್ಟೆಯ ಅನುಕೂಲತೆಗಳು

(ಇ-ನ್ಯಾಮ್):

ರೈತರಿಗೆ: ಇ-ನ್ಯಾಮ್ ಕೃಷಿ ಉತ್ಪನ್ನಗಳನ್ನು ಮಾರಾಟ ಮಾಡಲು ರೈತರಿಗೆ ಹೆಚ್ಚಿನ ಆಯ್ಕೆಗಳನ್ನು ಒದಗಿಸುತ್ತದೆ. ಇದು ಗೋದಾಮು ಆಧಾರಿತ ಮಾರಾಟದ ಮೂಲಕ ಕೃಷಿ ಉತ್ಪನ್ನಗಳನ್ನು ಮಾರುಕಟ್ಟೆಗೆ ತಲುಪಿಸುವ ರೈತನ ಆಯ್ಕೆಗಳನ್ನು ಹೆಚ್ಚಿಸುತ್ತದೆ ಆದ್ದರಿಂದ ಕೃಷಿ ಉತ್ಪನ್ನಗಳನ್ನು ಮಾರುಕಟ್ಟೆಗೆ ಆತನೇ ಕೊಂಡೊಯ್ಯುವ ಅಗತ್ಯವನ್ನು ನಿವಾರಿಸುತ್ತದೆ.

ಮಂಡಿ / ಮಾರುಕಟ್ಟೆಯಲ್ಲಿ ಸ್ಥಳೀಯ ವ್ಯಾಪಾರಿಗಳಿಗೆ: ರಾಷ್ಟ್ರೀಯ ಕೃಷಿ ಮಾರುಕಟ್ಟೆ (ಇ-ನ್ಯಾಮ್) ದ್ವಿತೀಯ ಹಂತದ ವ್ಯಾಪಾರಕ್ಕಾಗಿ ದೊಡ್ಡ ರಾಷ್ಟ್ರೀಯ ಮಾರುಕಟ್ಟೆಗೆ ಪ್ರವೇಶವನ್ನು ಒದಗಿಸುತ್ತದೆ.

ಬೃಹತ್ ಖರೀದಿದಾರರು, ಸಂಸ್ಕರಣಗಾರರು, ರಫ್ತುದಾರರು ಇತ್ಯಾದಿಗಳವರಿಗೆ:  ಸ್ಥಳೀಯ ಮಂಡಿ / ಮಾರುಕಟ್ಟೆ ಮಟ್ಟದಲ್ಲಿ ‘ಇ-ನ್ಯಾಮ್’ ಪ್ಲಾಟ್‌ಫಾರ್ಮ್ ಮೂಲಕ ನೇರವಾಗಿ ವ್ಯಾಪಾರ ಮಾಡಲು ಸಾಧ್ಯವಾಗುತ್ತದೆ, ಇದರಿಂದಾಗಿ ಅವರ ಮಧ್ಯಸ್ಥಿಕೆ ವೆಚ್ಚವನ್ನು ಕಡಿಮೆ ಮಾಡಬಹುದು.

 

ವಿಷಯಗಳು: ಸರ್ಕಾರಿ ಬಜೆಟ್.

“ಉದ್ಯೋಗಿಗಳ ಭವಿಷ್ಯ ನಿಧಿ ಬಡ್ಡಿ ಮೇಲೆ ತೆರಿಗೆ” ಬಜೆಟ್ ಪ್ರಸ್ತಾವ:


ಸಂದರ್ಭ:

ಕೇಂದ್ರ ಬಜೆಟ್ 2021 ರಲ್ಲಿ, ನೌಕರರ ಭವಿಷ್ಯ ನಿಧಿ’ (Employees’ Provident Fund- EPF)  ಮತ್ತು ಸ್ವಯಂಪ್ರೇರಿತ ಭವಿಷ್ಯ ನಿಧಿಗೆ (Voluntary Provident Fund- VPF) ವಾರ್ಷಿಕ 2.5 ಲಕ್ಷ ರೂ.ಗಳ ಕೊಡುಗೆಗಳಿಂದ ಉಂಟಾಗುವ ಬಡ್ಡಿಗೆ ತೆರಿಗೆ ವಿಧಿಸಲು ಹಣಕಾಸು ಸಚಿವರು ನಿರ್ಧರಿಸಿದ್ದಾರೆ.

ಪರಿಣಾಮಗಳು:

  • ಒಬ್ಬ ವ್ಯಕ್ತಿಯು ವರ್ಷಕ್ಕೆ 2.5 ಲಕ್ಷ ರೂಪಾಯಿಗಳಿಗಿಂತ ಹೆಚ್ಚು ಹಣವನ್ನು ‘ನೌಕರರ ಭವಿಷ್ಯ ನಿಧಿಗೆ’ (ಇಪಿಎಫ್) ಕೊಡುಗೆ ನೀಡಿದರೆ, ಬಡ್ಡಿಯಾಗಿ ಪಡೆದ ಆದಾಯಕ್ಕೆ ಪ್ರಸ್ತುತ ಆದಾಯ ತೆರಿಗೆ ದರಗಳ ಪ್ರಕಾರ ತೆರಿಗೆ ವಿಧಿಸಲಾಗುತ್ತದೆ. ಸ್ವಯಂಪ್ರೇರಿತ ಭವಿಷ್ಯ ನಿಧಿ (ವಿಪಿಎಫ್) ಕೊಡುಗೆಗಳಿಗೂ ಇದೇ ನಿಯಮ ಅನ್ವಯಿಸುತ್ತದೆ.
  • ಭವಿಷ್ಯ ನಿಧಿಯಲ್ಲಿ ಠೇವಣಿ ಇಡಬೇಕಾದ ನೌಕರರ ಭಾಗದ ಮೇಲೆ ಮಾತ್ರ ಈ ನಿಯಮ ಅನ್ವಯವಾಗುತ್ತದೆ, ಉದ್ಯೋಗದಾತನು ಈ ನಿಯಮದಿಂದ ಮುಕ್ತನಾಗಿರುತ್ತಾನೆ.

ಪರಿಣಾಮ:

ಈ ಕ್ರಮವು ಹೆಚ್ಚಿನ ಆದಾಯದ ಅಥವಾ ಹೆಚ್ಚಿನ ನಿವ್ವಳ ಮೌಲ್ಯದ ವ್ಯಕ್ತಿಗಳ (high net-worth individuals- HNI) ಮೇಲೆ ಪರಿಣಾಮ ಬೀರುತ್ತದೆ, ಅವರು ವಾರ್ಷಿಕ ಭವಿಷ್ಯ ನಿಧಿಗೆ ಹೆಚ್ಚಿನ ಕೊಡುಗೆ ನೀಡುತ್ತಾರೆ.

ಅಗತ್ಯತೆ:

ಇಲ್ಲಿಯವರೆಗೆ, ಅನೇಕ ಜನರು ಪ್ರತಿವರ್ಷ ‘ನೌಕರರ ಭವಿಷ್ಯ ನಿಧಿ’ (ಇಪಿಎಫ್) ಯಲ್ಲಿ ಭಾರಿ ಮೊತ್ತವನ್ನು ಠೇವಣಿ ಇಡುತ್ತಿದ್ದರು ಮತ್ತು ಯಾವುದೇ ತೆರಿಗೆ ಪಾವತಿಸದೆ ಅದರ ಮೇಲಿನ ಬಡ್ಡಿಯಿಂದ ಆದಾಯವನ್ನು ಗಳಿಸುತ್ತಿದ್ದರು. ಇದು ವ್ಯತ್ಯಾಸಕ್ಕೆ ಕಾರಣವಾಗುತ್ತದೆ. ಸರ್ಕಾರದ ಈ ಹೊಸ ಕ್ರಮವು ಸಮಾನತೆಯನ್ನು ಪುನಃಸ್ಥಾಪಿಸಲು ಮತ್ತು ಹೆಚ್ಚಿನ ನಿವ್ವಳ ಮೌಲ್ಯವನ್ನು ಹೊಂದಿರುವ ವ್ಯಕ್ತಿಗಳನ್ನು  (high net-worth individuals- HNI) ಭವಿಷ್ಯ ನಿಧಿಗೆ ಹೆಚ್ಚಿನ ವಾರ್ಷಿಕ ಕೊಡುಗೆಗಳನ್ನು ನೀಡದಂತೆ ನಿರುತ್ಸಾಹಗೊಳಿಸಲು ಅನುವು ಮಾಡುತ್ತದೆ.

ನೌಕರರ / ಉದ್ಯೋಗಿಗಳ ಭವಿಷ್ಯ ನಿಧಿ’ (ಇಪಿಎಫ್) ಎಂದರೇನು?

20 ಕ್ಕೂ ಹೆಚ್ಚು ಉದ್ಯೋಗಿಗಳನ್ನು ಹೊಂದಿರುವ ಯಾವುದೇ ಕಂಪನಿಯು ಸರ್ಕಾರದ ‘ನೌಕರರ ಭವಿಷ್ಯ ನಿಧಿ’ (Employees’ Provident Fund- EPF) ಯೋಜನೆಗಳನ್ನು ಪಾಲಿಸುವುದು ಕಡ್ಡಾಯವಾಗಿದೆ. ಯೋಜನೆಯಡಿಯಲ್ಲಿ, ಉದ್ಯೋಗದಾತ ಮತ್ತು ಉದ್ಯೋಗಿ ನೌಕರರು ತಮ್ಮ ಮಾಸಿಕ ವೇತನದ ಒಂದು ಭಾಗವನ್ನು (ಸಾಮಾನ್ಯವಾಗಿ 12%) ‘ಉದ್ಯೋಗಿಗಳ ಭವಿಷ್ಯ ನಿಧಿ’ ಹೂಡಿಕೆ ಖಾತೆಗೆ ಜಮಾ ಮಾಡಬೇಕಾಗುತ್ತದೆ.

ಸ್ವಯಂಪ್ರೇರಿತ ಭವಿಷ್ಯ ನಿಧಿ (VPF) ಎಂದರೇನು?

ಹೆಸರೇ ಸೂಚಿಸುವಂತೆ, ಇದು ಸ್ವಯಂಪ್ರೇರಿತ ಯೋಜನೆಯಾಗಿದ್ದು,  EPF ಮಾರ್ಗಸೂಚಿಗಳ ಪ್ರಕಾರ 12% ಕೊಡುಗೆ ನೀಡಿದ ನಂತರ ನೌಕರರು ತಮ್ಮ ‘ಭವಿಷ್ಯನಿಧಿ’ ಖಾತೆಗೆ ಸ್ವಯಂಪ್ರೇರಣೆಯಿಂದ ಠೇವಣಿ ಇಡಲು ಅವಕಾಶವಿದೆ. ಸ್ವಯಂಪ್ರೇರಿತ ಭವಿಷ್ಯ ನಿಧಿಯು ‘ನೌಕರರ ಭವಿಷ್ಯ ನಿಧಿ’ಯಂತೆಯೇ ಬಡ್ಡಿಯನ್ನು ಪಡೆಯುತ್ತದೆ, ಮತ್ತು ನೌಕರರು ತಮ್ಮ ಸಂಪೂರ್ಣ ವೇತನವನ್ನು ಸ್ವಯಂಪ್ರೇರಿತ ಭವಿಷ್ಯ ನಿಧಿ  (Voluntary Provident Fund- VPF) ಯಲ್ಲಿ ತೊಡಗಿಸಬಹುದಾಗಿದೆ.

ಪ್ರಮುಖ ಲಕ್ಷಣಗಳು:

ಅನ್ವಯಿಸುವಿಕೆ: ಸಂಬಳ ಪಡೆಯುವ ವೃತ್ತಿಪರರು ಮಾತ್ರ ‘ನೌಕರರ ಭವಿಷ್ಯ ನಿಧಿ’ ಮತ್ತು ‘ಸ್ವಯಂಪ್ರೇರಿತ ಭವಿಷ್ಯ ನಿಧಿಯಲ್ಲಿ’ ಖಾತೆಗಳನ್ನು ತೆರೆಯಬಹುದು.

ಕೊಡುಗೆ: ‘ನೌಕರರ ಭವಿಷ್ಯ ನಿಧಿಯಲ್ಲಿ’, ನೌಕರ ಮತ್ತು ಉದ್ಯೋಗದಾತ ಇಬ್ಬರೂ ನೌಕರರ ಮೂಲ ವೇತನ + ತುಟ್ಟಿ ಭತ್ಯೆಯ(dearness allowance )ಕನಿಷ್ಠ 12 ಪ್ರತಿಶತದಷ್ಟು ಕೊಡುಗೆ ನೀಡುವುದು ಕಡ್ಡಾಯವಾಗಿದೆ. ‘ಸ್ವಯಂಪ್ರೇರಿತ ಭವಿಷ್ಯನಿಧಿ’ ಯಲ್ಲಿ, ನೌಕರನು ತುಟ್ಟಿ ಭತ್ಯೆಯನ್ನೂ  ಒಳಗೊಂಡಂತೆ ತನ್ನ ಸಂಬಳದ 100% ವರೆಗೆ ಕೊಡುಗೆ ನೀಡಬಹುದು.

ಸೂಚನೆ:

ಪ್ರತಿ ತಿಂಗಳು ₹ 2 ಲಕ್ಷಕ್ಕಿಂತ ಕಡಿಮೆ ಆದಾಯ ಇರುವವರಿಗೆ ಈ ಪ್ರಸ್ತಾವದಿಂದ ಯಾವುದೇ ತೊಂದರೆ ಆಗುವುದಿಲ್ಲ ಎಂದು ನಿರ್ಮಲಾ ಸೀತಾರಾಮನ್‌ ಹೇಳಿದ್ದಾರೆ.

ಇಪಿಎಫ್‌ನಲ್ಲಿ ನೋಂದಣಿಯಾಗಿರುವ ಒಟ್ಟು ಉದ್ಯೋಗಿಗಳಲ್ಲಿ ವರ್ಷಕ್ಕೆ ₹2.5 ಲಕ್ಷಕ್ಕಿಂತ ಹೆಚ್ಚು ವಂತಿಗೆ ನೀಡುವವರ ಪ್ರಮಾಣವು ಶೇ 1ಕ್ಕಿಂತ ಕಡಿಮೆ ಇದೆ ಎಂದು ಹಣಕಾಸು ಇಲಾಖೆಯ ವೆಚ್ಚ ವಿಭಾಗದ ಕಾರ್ಯದರ್ಶಿ ಟಿ.ವಿ. ಸೋಮನಾಥನ್‌ ತಿಳಿಸಿದ್ದಾರೆ. ಉದ್ಯೋಗಿಗಳ ಭವಿಷ್ಯ ನಿಧಿ ಸಂಘಟನೆಯಲ್ಲಿ ಆರು ಕೋಟಿಗೂ ಹೆಚ್ಚು ಸದಸ್ಯರಿದ್ದಾರೆ.

 

ವಿಷಯಗಳು :   ಭಾರತೀಯ ಆರ್ಥಿಕತೆ ಮತ್ತು ಯೋಜನೆ, ಸಂಪನ್ಮೂಲಗಳ ಕ್ರೂಢೀಕರಣ , ಬೆಳವಣಿಗೆ, ಅಭಿವೃದ್ಧಿ ಮತ್ತು ಉದ್ಯೋಗಕ್ಕೆ ಸಂಬಂಧಿಸಿದ ವಿಷಯಗಳು.

ಸೀಮಿತ ಹೊಣೆಗಾರಿಕೆ ಪಾಲುದಾರಿಕೆ ಕಾಯ್ದೆ: (LLP Act) (Limited Liability Partnership Act):


ಸಂದರ್ಭ:

ಕಾರ್ಪೊರೇಟ್ ವ್ಯವಹಾರಗಳ ಸಚಿವಾಲಯವು (Ministry of Corporate Affairs-MCA)  ಕಾನೂನು ಪಾಲಿಸುವ ಸೀಮಿತ ಹೊಣೆಗಾರಿಕೆ ಪಾಲುದಾರಿಕೆ (LLP) ಗಾಗಿ ವ್ಯಾಪಾರ ಮಾಡಲು ಸುಲಭವಾಗುವಂತೆ ಸೀಮಿತ ಹೊಣೆಗಾರಿಕೆ ಪಾಲುದಾರಿಕೆ (LLP) ಕಾಯ್ದೆ 2008 ರ ಅಡಿಯಲ್ಲಿ ಅಪರಾಧ ಹೊಣೆಗಾರಿಕೆಗೆ ಸಂಬಂಧಿಸಿದ ನಿಬಂಧನೆಯನ್ನು ಹಿಂತೆಗೆದುಕೊಳ್ಳುವುದು ಸೇರಿದಂತೆ  12 ಅಪರಾಧಗಳನ್ನು ಅಪರಾಧೇತರ ಅಥವಾ ನ್ಯಾಯಸಮ್ಮತವೆಂದು ಘೋಷಿಸಲು ಯೋಜಿಸುತ್ತಿದೆ.

ಎಲ್‌ಎಲ್‌ಪಿ ಎಂದರೇನು?

ಸೀಮಿತ ಹೊಣೆಗಾರಿಕೆ ಪಾಲುದಾರಿಕೆಗಳು– (ಎಲ್‌ಎಲ್‌ಪಿಗಳು) ಒಂದು ವ್ಯವಹಾರ ಸಂಸ್ಥೆಯಾಗಿದ್ದು, ಇದರಲ್ಲಿ ಪ್ರತಿ ಪಾಲುದಾರರ ಹೊಣೆಗಾರಿಕೆ ಕಾನೂನುಬದ್ಧವಾಗಿ ಸೀಮಿತವಾಗಿರುತ್ತದೆ. ಆದ್ದರಿಂದ, ಇದು ಪಾಲುದಾರಿಕೆ ಮತ್ತು ನಿಗಮಗಳ ಅಂಶಗಳನ್ನು ಪ್ರತಿಬಿಂಬಿಸುತ್ತದೆ.

  • LLP ಯಲ್ಲಿ, ಒಬ್ಬ ಪಾಲುದಾರ ಇನ್ನೊಬ್ಬ ಪಾಲುದಾರನ ದುಷ್ಕೃತ್ಯ ಅಥವಾ ನಿರ್ಲಕ್ಷ್ಯಕ್ಕೆ ಜವಾಬ್ದಾರನಾಗಿರುವುದಿಲ್ಲ.

 LLP ಯ ಪ್ರಮುಖ ಲಕ್ಷಣಗಳು:

  • ಎಲ್‌ಎಲ್‌ಪಿ ಎನ್ನುವುದು ಸಂಸ್ಥೆಯ ಪಾಲುದಾರರಿಂದ ಪ್ರತ್ಯೇಕವಾಗಿರುವ ಒಂದು ಸಾಂಸ್ಥಿಕ ಮತ್ತು ಕಾನೂನು ಘಟಕವಾಗಿದೆ ಮತ್ತು ಇದು ಶಾಶ್ವತ ಅನುಕ್ರಮವನ್ನು ಹೊಂದಿದೆ.
  • ಇದೊಂದು ಪ್ರತ್ಯೇಕ ಶಾಸನವೇ ಆಗಿರುವುದರಿಂದ (ಅಂದರೆ ಎಲ್ ಎಲ್ ಪಿ ಆಕ್ಟ್, 2008), ಭಾರತೀಯ ಪಾಲುದಾರಿಕೆ ಕಾಯ್ದೆ, 1932 ರ ನಿಬಂಧನೆಗಳು ಎಲ್‌ಎಲ್‌ಪಿ ಗೆ ಅನ್ವಯಿಸುವುದಿಲ್ಲ ಮತ್ತು ಇದನ್ನು ಪಾಲುದಾರರ ನಡುವಿನ(contractual agreement) ಒಪ್ಪಂದಗಳಿಂದ ನಿಯಂತ್ರಿಸಲಾಗುತ್ತದೆ.
  • ಪ್ರತಿಯೊಂದು “ಸೀಮಿತ ಹೊಣೆಗಾರಿಕೆ ಪಾಲುದಾರಿಕೆ” ಅಥವಾ ಅದರ ಸಂಕ್ಷಿಪ್ತ “LLP” ಅನ್ನು ಪ್ರತಿ ಸೀಮಿತ ಹೊಣೆಗಾರಿಕೆ ಪಾಲುದಾರರು ಅದರ ಹೆಸರಿನ ಕೊನೆಯಲ್ಲಿ ಬಳಸುತ್ತಾರೆ.

ಸಂಯೋಜನೆ:

ಪ್ರತಿ ಎಲ್‌ಎಲ್‌ಪಿ ಕನಿಷ್ಠ ಇಬ್ಬರು ಪಾಲುದಾರರನ್ನು ಹೊಂದಿರುತ್ತದೆ ಮತ್ತು ಕನಿಷ್ಠ ಇಬ್ಬರು ವ್ಯಕ್ತಿಗಳನ್ನು ಗೊತ್ತುಪಡಿಸಿದ ಪಾಲುದಾರರಾಗಿ ಹೊಂದಿರುತ್ತದೆ, ಅವರಲ್ಲಿ ಕನಿಷ್ಠ ಒಬ್ಬರು ಭಾರತದಲ್ಲಿ ವಾಸಿಸುತ್ತಾರೆ ಮತ್ತು ಎಲ್ಲಾ ಪಾಲುದಾರರು ಸೀಮಿತ ಹೊಣೆಗಾರಿಕೆ ಪಾಲುದಾರಿಕೆ’ಯ ಪ್ರತಿನಿಧಿಗಳಾಗಿರುತ್ತಾರೆ.

LLP ಯ ಅವಶ್ಯಕತೆ ಮತ್ತು ಮಹತ್ವ:

  • ಎಲ್ ಎಲ್ ಪಿ ಸ್ವರೂಪವು ಪರ್ಯಾಯ ಕಾರ್ಪೊರೇಟ್ ವ್ಯವಹಾರ ಆವೃತ್ತಿಯಾಗಿದೆ, ಇದರಲ್ಲಿ ಕಂಪನಿಯ ಸೀಮಿತ ಹೊಣೆಗಾರಿಕೆ ಪ್ರಯೋಜನವನ್ನು ಒದಗಿಸಲಾಗುತ್ತದೆ, ಆದರೆ ಪಾಲುದಾರಿಕೆ ಸಂಸ್ಥೆಯಂತೆ ಅದರ ಸದಸ್ಯರಿಗೆ ಪರಸ್ಪರ ಒಪ್ಪಿಗೆಯ ಆಧಾರದ ಮೇಲೆ ಆಂತರಿಕ ನಿರ್ವಹಣೆಯನ್ನು ಸಂಘಟಿಸಲು ಅವಕಾಶವಿದೆ.
  • ಸಾಮಾನ್ಯವಾಗಿ, ಈ ಸ್ವರೂಪವು ಸಣ್ಣ ಮತ್ತು ಮಧ್ಯಮ ಉದ್ಯಮಗಳಿಗೆ ಮತ್ತು ವಿಶೇಷವಾಗಿ ಸೇವಾ ವಲಯದ ಉದ್ಯಮಗಳಿಗೆ ಬಹಳ ಉಪಯುಕ್ತವಾಗಿರುತ್ತದೆ.
  • ಅಂತರರಾಷ್ಟ್ರೀಯ ಮಟ್ಟದಲ್ಲಿ, ಸೀಮಿತ ಹೊಣೆಗಾರಿಕೆ ಸಹಭಾಗಿತ್ವ (ಎಲ್‌ಎಲ್‌ಪಿ) ಒಂದು ಜನಪ್ರಿಯ ಸ್ವರೂಪವಾಗಿದೆ, ವಿಶೇಷವಾಗಿ ಸೇವಾ ಉದ್ಯಮಕ್ಕೆ ಅಥವಾ ವೃತ್ತಿಪರರಿಗೆ ಸಂಬಂಧಿಸಿದ ಚಟುವಟಿಕೆಗಳನ್ನು ಹೊಂದಿರುವ ವ್ಯವಹಾರಗಳಿಗೆ ಆದ್ಯತೆಯ ಆವೃತ್ತಿಯಾಗಿದೆ.

 

ವಿಷಯಗಳು: ಅಂತರಿಕ್ಷದಲ್ಲಿ ಜಾಗೃತಿ

ಸ್ಕ್ವೇರ್ ಕಿಲೋಮೀಟರ್ ಅರೇ (SKA):


(Square Kilometre Array)

ಸಂದರ್ಭ:

ಫೆಬ್ರವರಿ 4 ರಂದು ನಡೆದ ಸ್ಕ್ವೇರ್ ಕಿಲೋಮೀಟರ್ ಅರೇ ಅಬ್ಸರ್ವೇಟರಿ (SKAO) ಕೌನ್ಸಿಲ್ ನ ಮೊದಲ ಸಭೆಯಲ್ಲಿ ವಿಶ್ವದ ಅತಿದೊಡ್ಡ ರೇಡಿಯೊ ಟೆಲಿಸ್ಕೋಪ್ ಸ್ಥಾಪನೆಗೆ ಅನುಮೋದನೆ ನೀಡಲಾಯಿತು.

ಸ್ಕ್ವೇರ್ ಕಿಲೋಮೀಟರ್ ಅರೇ ಅಬ್ಸರ್ವೇಟರಿ’ (SKAO) ಕುರಿತು:

  • SKAO ಎಂಬುದು ಯುಕೆ ಯಲ್ಲಿ ಪ್ರಧಾನ ಕಚೇರಿಯನ್ನು ಹೊಂದಿರುವ ರೇಡಿಯೊ ಖಗೋಳವಿಜ್ಞಾನಕ್ಕೆ ಮೀಸಲಾಗಿರುವ ಹೊಸ ಅಂತರ್ ಸರ್ಕಾರಿ ಸಂಸ್ಥೆಯಾಗಿದೆ.
  • ಪ್ರಸ್ತುತ, ಎಸ್‌ಕೆಎಒ ಹತ್ತು ದೇಶಗಳ ಸಂಸ್ಥೆಗಳನ್ನು ಒಳಗೊಂಡಿದೆ.
  • ಇವುಗಳಲ್ಲಿ ಆಸ್ಟ್ರೇಲಿಯಾ, ಕೆನಡಾ, ಚೀನಾ, ಭಾರತ, ಇಟಲಿ, ನ್ಯೂಜಿಲೆಂಡ್, ದಕ್ಷಿಣ ಆಫ್ರಿಕಾ, ಸ್ವೀಡನ್, ನೆದರ್ಲ್ಯಾಂಡ್ಸ್ ಮತ್ತು ಯುಕೆ ಸೇರಿವೆ.

ರೇಡಿಯೋ ಟೆಲಿಸ್ಕೋಪ್’ ಎಂದರೇನು?

  • ಆಪ್ಟಿಕಲ್ ಟೆಲಿಸ್ಕೋಪ್‌ಗಳಂತಲ್ಲದೆ, ರೇಡಿಯೊ ದೂರದರ್ಶಕಗಳು ಅದೃಶ್ಯ ಅನಿಲಗಳನ್ನು ಕಂಡುಹಿಡಿಯುವ ಸಾಮರ್ಥ್ಯವನ್ನು ಹೊಂದಿವೆ ಆದ್ದರಿಂದ, ಕಾಸ್ಮಿಕ್ ಧೂಳಿನಿಂದಾಗಿ ಗೋಚರಿಸದ ಬಾಹ್ಯಾಕಾಶ ಕ್ಷೇತ್ರಗಳನ್ನು ಸಹ ಅವರು ಹುಡುಕಬಹುದಾಗಿದೆ.
  • ರೇಡಿಯೊ ಸಿಗ್ನಲ್‌ಗಳನ್ನು ಮೊದಲ ಬಾರಿಗೆ 1930 ರ ದಶಕದಲ್ಲಿ ಭೌತಶಾಸ್ತ್ರಜ್ಞ ಕಾರ್ಲ್ ಜಾನ್ಸ್ಕಿ ಪತ್ತೆ ಮಾಡಿದರು.
  • ಇದಕ್ಕೂ ಮೊದಲು, ಪೋರ್ಟೊ ರಿಕೊದಲ್ಲಿ ವಿಶ್ವದ ಎರಡನೇ ಅತಿದೊಡ್ಡ ಸಿಂಗಲ್-ಡಿಶ್ ರೇಡಿಯೋ ಟೆಲಿಸ್ಕೋಪ್ ಅರೆಸಿಬೊ ಟೆಲಿಸ್ಕೋಪ್’ ಅನ್ನು ಡಿಸೆಂಬರ್ 2020 ರಲ್ಲಿ ನಾಶವಾಯಿತು.

SKA

SKA ದೂರದರ್ಶಕದ ಬಗ್ಗೆ:

  • ದೂರದರ್ಶಕವನ್ನು ವಿಶ್ವದ ಅತಿದೊಡ್ಡ ರೇಡಿಯೊ ಟೆಲಿಸ್ಕೋಪ್ ಎಂದು ಪ್ರಸ್ತಾಪಿಸಲಾಗಿದೆ.
  • ಇದನ್ನು ಆಫ್ರಿಕಾ ಮತ್ತು ಆಸ್ಟ್ರೇಲಿಯಾದಲ್ಲಿ ಸ್ಥಾಪಿಸಲಾಗುವುದು ಮತ್ತು, ಇದರ ಕಾರ್ಯಾಚರಣೆ, ನಿರ್ವಹಣೆ ಮತ್ತು ನಿರ್ಮಾಣವನ್ನು SKAO ನೋಡಿಕೊಳ್ಳುತ್ತದೆ.
  • ಇದು ಸುಮಾರು 8 ಬಿಲಿಯನ್ ಯೂರೋ ವೆಚ್ಚದಲ್ಲಿ, ಸುಮಾರು ಒಂದು ದಶಕದ ಅವಧಿಯಲ್ಲಿ ಪೂರ್ಣಗೊಳ್ಳುವ ನಿರೀಕ್ಷೆಯಿದೆ.

 


ಪೂರ್ವಭಾವಿ ಪರೀಕ್ಷೆಗೆ ಸಂಬಂಧಿಸಿದ ವಿದ್ಯಮಾನಗಳು:


ಮೊನ್ಪಾ ಕರ ಕುಶಲ ಕಾಗದ:

(Monpa handmade paper): 

  • ಕೈಯಿಂದ ಮಾಡಿದ ಕಾಗದವನ್ನು ತಯಾರಿಸುವ ಕಲೆ ಮೊನ್‌ಪಾ ಜನರಲ್ಲಿ 1000 ವರ್ಷಗಳ ಹಿಂದೆ ಹುಟ್ಟಿಕೊಂಡಿದ್ದು, ಇದು ಅರುಣಾಚಲ ಪ್ರದೇಶದ ಪಾರಂಪರಿಕ ಕಲೆ ಯಾಗಿದೆ.
  • ಕ್ರಮೇಣ ಈ ಕಲೆಯು ಅರುಣಾಚಲ ಪ್ರದೇಶದ ತವಾಂಗ್‌ನ ಸ್ಥಳೀಯ ಸಂಪ್ರದಾಯ ಮತ್ತು ಸಂಸ್ಕೃತಿಯ ಅವಿಭಾಜ್ಯ ಅಂಗವಾಯಿತು.
  • ಸ್ಥಳೀಯ ಉಪಭಾಷೆಯಲ್ಲಿ ‘ಮೊನ್ ಶುಗು’ (‘Mon shugu’) ಎಂದು ಕರೆಯಲ್ಪಡುವ ಸೂಕ್ಷ್ಮ-ವಿನ್ಯಾಸದ ಕೈಯಿಂದ ಮಾಡಿದ ಈ ಕಾಗದವು ತವಾಂಗ್‌ನಲ್ಲಿನ ಸ್ಥಳೀಯ ಬುಡಕಟ್ಟು ಜನಾಂಗದವರ ರೋಮಾಂಚಕ ಸಂಸ್ಕೃತಿಯ ಅವಿಭಾಜ್ಯ ಅಂಗವಾಗಿದೆ.
  • ಕೈಯಿಂದ ಮಾಡಿದ ಮೊನ್ಪಾ ಕಾಗದವನ್ನು ‘ಶುಗು ಶೆಂಗ್’ (‘Shugu Sheng’) ಎಂಬ ಸ್ಥಳೀಯ ಮರದ ತೊಗಟೆಯಿಂದ ತಯಾರಿಸಲಾಗುತ್ತಿದ್ದು ಇದು ಔಷಧೀಯ ಗುಣಗಳನ್ನು ಸಹ ಹೊಂದಿದೆ.
  • ಬೌದ್ಧ ಮಠಗಳಲ್ಲಿ ಈ ಕಾಗದವನ್ನು ಬೌದ್ಧ ಧರ್ಮಗ್ರಂಥಗಳು ಮತ್ತು ಸ್ತುತಿಗೀತೆಗಳನ್ನು ಬರೆಯಲು ಬಳಸುತ್ತಿದ್ದುದರಿಂದ ಈ ಕಾಗದವು ಐತಿಹಾಸಿಕ ಮತ್ತು ಧಾರ್ಮಿಕ ಮಹತ್ವವನ್ನು ಹೊಂದಿದೆ.

 

 

ಕಪಿಲಾ’  (KAPILA):

  • ಇತ್ತೀಚೆಗೆ, ಭಾರತ ಸರ್ಕಾರವು ಬೌದ್ಧಿಕ ಆಸ್ತಿ ಸಾಕ್ಷರತೆ ಮತ್ತು ಪೇಟೆಂಟ್ ಜಾಗೃತಿ ಅಭಿಯಾನವಾದ (Kalam Program for Intellectual Property Literacy and Awareness Campaign– KAPILA)  ಕಪಿಲಾ’ ಎಂಬ ಅಭಿಯಾನವನ್ನು ಪ್ರಾರಂಭಿಸಿದೆ.
  • ಯೋಜನೆಯ ಉದ್ದೇಶಗಳು: ಉನ್ನತ ಶಿಕ್ಷಣ ಸಂಸ್ಥೆಗಳಲ್ಲಿ (HEI) ಬೌದ್ಧಿಕ ಆಸ್ತಿ ಹಕ್ಕುಗಳ (IPR) ಬಗ್ಗೆ ಜಾಗೃತಿ ಮೂಡಿಸುವುದು, ಉನ್ನತ ಶಿಕ್ಷಣ ಸಂಸ್ಥೆಗಳ ಬೋಧಕವರ್ಗ ಮತ್ತು ವಿದ್ಯಾರ್ಥಿಗಳ ಆವಿಷ್ಕಾರಗಳಿಗೆ ಬೌದ್ಧಿಕ ಆಸ್ತಿ ಹಕ್ಕುಗಳನ್ನು ಪಡೆದುಕೊಳ್ಳುವುದು, ಬೌದ್ಧಿಕ ಆಸ್ತಿ ಹಕ್ಕುಗಳ ಪಠ್ಯಕ್ರಮದ ಅಭಿವೃದ್ಧಿ (IPR), ಮತ್ತು ತರಬೇತಿ ಕಾರ್ಯಕ್ರಮಗಳು ಇತ್ಯಾದಿ.

    • Join our Official Telegram Channel HERE for Motivation and Fast Updates
    • Subscribe to our YouTube Channel HERE to watch Motivational and New analysis videos