Print Friendly, PDF & Email

[ ದೈನಂದಿನ ಪ್ರಚಲಿತ ಘಟನೆಗಳು ] ದಿನಾಂಕ – 8 ಜನವರಿ 2021

 

 

ಪರಿವಿಡಿ :

ಸಾಮಾನ್ಯ ಅಧ್ಯಯನ ಪತ್ರಿಕೆ 1:

1. ಪ್ರವಾಸಿ ಭಾರತೀಯ ದಿವಸ.

 

ಸಾಮಾನ್ಯ ಅಧ್ಯಯನ ಪತ್ರಿಕೆ 2:

1. ಜಮ್ಮು ಮತ್ತು ಕಾಶ್ಮೀರಕ್ಕಾಗಿ ಹೊಸ ಕೈಗಾರಿಕಾ ಅಭಿವೃದ್ಧಿ ಯೋಜನೆ (J&K IDS, 2021)

2. ಅಮೆರಿಕ ಸಂವಿಧಾನದ 25 ನೇ ತಿದ್ದುಪಡಿ.

3. NFHS-5 ನ ಸಂಶೋಧನೆಗಳನ್ನು ಅಧ್ಯಯನ ಮಾಡಲಿರುವ ತಜ್ಞರ ತಂಡ.

 

ಸಾಮಾನ್ಯ ಅಧ್ಯಯನ ಪತ್ರಿಕೆ 3:

1. ತರಂಗಾಂತರ( Spectrum ) ಹರಾಜು ಎಂದರೇನು?

 

ಪೂರ್ವ ಭಾವಿ ಪರೀಕ್ಷೆಗೆ ಸಂಬಂಧಿಸಿದ ವಿದ್ಯಮಾನಗಳು :

1. ಬ್ಯೂರೋ ಆಫ್ ಇಂಡಿಯನ್ ಸ್ಟ್ಯಾಂಡರ್ಡ್ಸ್ (BIS):

2. ನೌಕಾ ನಾವೀನ್ಯತೆ ಮತ್ತು ದೇಶೀಕರಣ ಸಂಸ್ಥೆ (NIIO)

3. ರಾಜಕೀಯ ಹಿಂಸಾಚಾರದಲ್ಲಿ ಮೃತಪಟ್ಟವರ ಸೋದರ ಸಂಬಂಧಿ ಅಥವಾ ರಕ್ತ ಸಂಬಂಧಿಗಳಿಗೆ ಉದ್ಯೋಗ ನೀಡುವ ತ್ರಿಪುರ ಸರ್ಕಾರದ ಹೊಸ ಯೋಜನೆ.

 


ಸಾಮಾನ್ಯ ಅಧ್ಯಯನ ಪತ್ರಿಕೆ – 1


 

ವಿಷಯಗಳು: ಆಧುನಿಕ ಭಾರತದ ಇತಿಹಾಸ – ಹದಿನೆಂಟನೇ ಶತಮಾನದ ಮಧ್ಯಭಾಗದಿಂದ ಇಂದಿನವರೆಗೆ- ಮಹತ್ವದ ಘಟನೆಗಳು, ವ್ಯಕ್ತಿತ್ವಗಳು, ಸಮಸ್ಯೆಗಳು.

ಪ್ರವಾಸಿ ಭಾರತೀಯ ದಿವಸ.


ಸಂದರ್ಭ:

  • ಕೋವಿಡ್ ಸಾಂಕ್ರಾಮಿಕ ರೋಗದ ಹೊರತಾಗಿಯೂ, 16 ನೇ ಪ್ರವಾಸಿ ಭಾರತೀಯ ದಿವಸ್ ಸಮಾವೇಶವನ್ನು 2021 ಜನವರಿ 9 ರಂದು ಆಯೋಜಿಸಲಾಗುತ್ತಿದೆ.

 ಪ್ರವಾಸಿ ಭಾರತೀಯ ದಿವಸದ ಕುರಿತು:

  • ಭಾರತದ ಅಭಿವೃದ್ಧಿಯಲ್ಲಿ ಸಾಗರೋತ್ತರ ಭಾರತೀಯ ಸಮುದಾಯದ / ಅನಿವಾಸಿ ಭಾರತೀಯ ಸಮುದಾಯದ ಕೊಡುಗೆಯನ್ನು ಗುರುತಿಸಲು ಜನವರಿ 9 ರಂದು ಪ್ರವಾಸಿ ಭಾರತೀಯ ದಿವಾಸ್ (PBD) ಆಚರಿಸಲಾಗುತ್ತದೆ.
  • ಪಿಬಿಡಿ ಸಮಾವೇಶವು ವಿದೇಶಾಂಗ ಸಚಿವಾಲಯದ ಪ್ರಮುಖ ಕಾರ್ಯಕ್ರಮವಾಗಿದ್ದು ಸಾಗರೋತ್ತರ ಭಾರತೀಯರೊಂದಿಗೆ ತೊಡಗಿಸಿಕೊಳ್ಳಲು ಮತ್ತು ಸಂಪರ್ಕ ಸಾಧಿಸಲು ಒಂದು ಪ್ರಮುಖ ವೇದಿಕೆಯನ್ನು ಒದಗಿಸುತ್ತದೆ.
  • 2003 ರಿಂದ ಪ್ರತಿ ವರ್ಷ ಪಿಬಿಡಿ ಸಮಾವೇಶಗಳು ನಡೆಯುತ್ತಿದ್ದವು.
  • ಆದರೆ, 2015 ರಿಂದ, ಅದರ ಸ್ವರೂಪವನ್ನು ಪರಿಷ್ಕರಿಸಲಾಗಿದ್ದು ಈಗ PBD ಯನ್ನು ಪ್ರತಿ ಎರಡು ವರ್ಷಗಳಿಗೊಮ್ಮೆ ಆಚರಿಸಲಾಗುತ್ತಿದೆ.
  • 2021 ರ 16 ನೇ PBD ಸಮಾವೇಶದ  ವಿಷಯ: “ಆತ್ಮನಿರ್ಭರ್ ಭಾರತಕ್ಕೆ ಕೊಡುಗೆ”.

ಪಿಬಿಡಿಯನ್ನು ಜನವರಿ 9 ರಂದು ಏಕೆ ಆಚರಿಸಲಾಗುತ್ತದೆ?

  • 1915 ರಲ್ಲಿ ಮಹಾತ್ಮಾ ಗಾಂಧಿ, ಶ್ರೇಷ್ಠ ಪ್ರವಾಸಿ, ದಕ್ಷಿಣ ಆಫ್ರಿಕಾದಿಂದ ಭಾರತಕ್ಕೆ ಮರಳಿ ಭಾರತದ ಸ್ವಾತಂತ್ರ್ಯ ಹೋರಾಟವನ್ನು ಮುನ್ನಡೆಸಿದರು ಮತ್ತು ಭಾರತೀಯರ ಜೀವನವನ್ನು ಶಾಶ್ವತವಾಗಿ ಬದಲಾಯಿಸಿದರು, ಆದಕಾರಣ ಈ ಸಂದರ್ಭವನ್ನು ಆಚರಿಸಲು ಜನವರಿ 9 ಅನ್ನು ಆಯ್ಕೆ ಮಾಡಲಾಗಿದೆ.
  • ಮಹತ್ವ:
  • ಈ ಸಮಾವೇಶಗಳು ಸಾಗರೋತ್ತರ ಭಾರತೀಯ ಸಮುದಾಯದವರಿಗೆ ಭಾರತ ಸರ್ಕಾರ ಮತ್ತು ಅವರ ಪೂರ್ವಜರ ಭೂಮಿಯ ಜನರೊಂದಿಗೆ ಪರಸ್ಪರ ಲಾಭದಾಯಕ ಚಟುವಟಿಕೆಗಳಿಗಾಗಿ ತೊಡಗಿಸಿಕೊಳ್ಳಲು ಒಂದು ವೇದಿಕೆಯನ್ನು ಒದಗಿಸುತ್ತದೆ.
  • ಈ ಸಮಾವೇಶಗಳು ವಿಶ್ವದ ವಿವಿಧ ಭಾಗಗಳಲ್ಲಿ ನೆಲೆಸಿರುವ ಸಾಗರೋತ್ತರ ಭಾರತೀಯ ಸಮುದಾಯದವರಿಗೆ ಸಂಪರ್ಕ ಸಂವಹನ ಸಾಧಿಸಲು ಮತ್ತು ವಿವಿಧ ಕ್ಷೇತ್ರಗಳಲ್ಲಿ ತಮ್ಮ ಅನುಭವಗಳನ್ನು ಹಂಚಿಕೊಳ್ಳಲು ಅವರಿಗೆ ಅನುವು ಮಾಡಿಕೊಡಲು ಬಹಳ ಉಪಯುಕ್ತವಾಗಿವೆ.

 


ಸಾಮಾನ್ಯ ಅಧ್ಯಯನ ಪತ್ರಿಕೆ – 2


 

ವಿಷಯಗಳು: ಅಂತರ್ಗತ ಬೆಳವಣಿಗೆ ಮತ್ತು ಅದರಿಂದ ಉಂಟಾಗುವ ಸಮಸ್ಯೆಗಳು.

ಜಮ್ಮು ಮತ್ತು ಕಾಶ್ಮೀರಕ್ಕಾಗಿ ಹೊಸ ಕೈಗಾರಿಕಾ ಅಭಿವೃದ್ಧಿ ಯೋಜನೆ


  (J&K IDS, 2021):

ಸಂದರ್ಭ:

ಕೇಂದ್ರಾಡಳಿತ ಪ್ರದೇಶವಾದ ಜಮ್ಮು ಮತ್ತು ಕಾಶ್ಮೀರದಲ್ಲಿ ಕೈಗಾರಿಕೆಗಳ ಅಭಿವೃದ್ಧಿಗಾಗಿ ಭಾರತ ಸರ್ಕಾರವು,ಜಮ್ಮು ಮತ್ತು ಕಾಶ್ಮೀರಕ್ಕಾಗಿ ಹೊಸ ಕೈಗಾರಿಕಾ ಅಭಿವೃದ್ಧಿ ಯೋಜನೆ  (J&K IDS, 2021) ಎಂಬ ಯೋಜನೆಯನ್ನು ರೂಪಿಸಿದೆ.

ಈ ಯೋಜನೆಯ ಬಗೆಗೆ:

J&K IDS, 2021 ಒಂದು ಕೇಂದ್ರ ಪುರಸ್ಕೃತ  (Central Sector Scheme) ಯೋಜನೆಯಾಗಿದೆ. ಕೈಗಾರಿಕಾ ಅಭಿವೃದ್ಧಿಯನ್ನು ಜೆ & ಕೆ  ಯುಟಿ ಯಲ್ಲಿ ಬ್ಲಾಕ್ ಮಟ್ಟಕ್ಕೆ ಕೊಂಡೊಯ್ಯುವ ಗುರಿ ಹೊಂದಿರುವ ಈ ಯೋಜನೆಯು ಭಾರತ ಸರ್ಕಾರದ ಯಾವುದೇ ಕೈಗಾರಿಕಾ ಪ್ರೋತ್ಸಾಹಕ ಯೋಜನೆಯಲ್ಲಿ ಮೊದಲನೆಯದಾಗಿದೆ.

  • 2020-21 ರಿಂದ 2036-37ರ ಅವಧಿಯ ಈ ಪ್ರಸ್ತಾವಿತ ಯೋಜನೆಯ ಆರ್ಥಿಕ ವೆಚ್ಚವು 28400 ಕೋಟಿ ರೂ. ಆಗಿದೆ.
  • ಹೊಸ ಹೂಡಿಕೆಗೆ ಉತ್ತೇಜನ ನೀಡುವ ಈ ಯೋಜನೆಯು, ಜೆ & ಕೆ ಯಲ್ಲಿ ಈಗಾಗಲೇ ಅಸ್ತಿತ್ವದಲ್ಲಿರುವ ಕೈಗಾರಿಕೆಗಳನ್ನು 5 ವರ್ಷಗಳವರೆಗೆ 5% ದರದಲ್ಲಿ ಕಾರ್ಯನಿರತ ಬಂಡವಾಳದ ಬೆಂಬಲವನ್ನು ನೀಡುವ ಮೂಲಕ ಪೋಷಿಸುತ್ತದೆ.

ಉದ್ದೇಶಗಳು:

  • ಈ ಪ್ರದೇಶದ ಸಾಮಾಜೋ-ಆರ್ಥಿಕ ಅಭಿವೃದ್ಧಿಗೆ ನೇರವಾಗಿ ಕಾರಣವಾಗುವ ಉದ್ಯೋಗವನ್ನು ಸೃಷ್ಟಿಸುವುದು ಯೋಜನೆಯ ಮುಖ್ಯ ಉದ್ದೇಶವಾಗಿದೆ.
  • ಇದು ಜೆ & ಕೆ ನಲ್ಲಿ ಉತ್ಪಾದನೆ ಮತ್ತು ಸೇವಾ ವಲಯದ ಘಟಕಗಳ ಅಭಿವೃದ್ಧಿಯ ಗುರಿಯನ್ನು ಹೊಂದಿದೆ.

ಈ ಯೋಜನೆಯ ಪ್ರಮುಖ ಅಂಶಗಳು:

  • ಸಣ್ಣ ಮತ್ತು ದೊಡ್ಡ ಘಟಕಗಳಿಗೆ ಈ ಯೋಜನೆಯನ್ನು ಆಕರ್ಷಕವಾಗಿ ಮಾಡಲಾಗಿದೆ.
  • ಇದು ಇಡೀ ಜಮ್ಮು ಮತ್ತು ಕಾಶ್ಮೀರದಲ್ಲಿ ಹೆಚ್ಚು ಸ್ಥಿರವಾದ ಮತ್ತು ಸಮತೋಲಿತ ಕೈಗಾರಿಕಾ ಬೆಳವಣಿಗೆಯನ್ನು ಸಾಧಿಸಲು ಪ್ರಯತ್ನಿಸುತ್ತದೆ.
  • ಸುಲಲಿತ ವ್ಯಾಪಾರದ ದೃಷ್ಟಿಯಿಂದ ಯೋಜನೆಯನ್ನು ಸರಳೀಕರಿಸಲಾಗಿದೆ ಮತ್ತು ಒಂದು ಪ್ರಮುಖ ಪ್ರೋತ್ಸಾಹಕವಾದ – GST ಸಂಬಂಧಿತ ಪ್ರೋತ್ಸಾಹಕಗಳನ್ನು ಪರಿಚಯಿಸುವ ಮೂಲಕ – ಇದು ಪಾರದರ್ಶಕತೆಗೆ ಧಕ್ಕೆಯಾಗದಂತೆ ಕಡಿಮೆ ಅನುಸರಣೆ ಹೊರೆಯನ್ನು ಖಚಿತಪಡಿಸುತ್ತದೆ.
  • ಇದು ಜಿಎಸ್‌ಟಿಯ ಮರುಪಾವತಿಯಲ್ಲ, ಆದರೆ ಜೆ & ಕೆ ಯ ಯುಟಿ ಎದುರಿಸುತ್ತಿರುವ ಅನಾನುಕೂಲಗಳನ್ನು ಪರಿಹರಿಸಲು ಕೈಗಾರಿಕಾ ಪ್ರೋತ್ಸಾಹದ ಅರ್ಹತೆಯನ್ನು ಅಳೆಯಲು ಒಟ್ಟು ಜಿಎಸ್‌ಟಿಯನ್ನು ಬಳಸಲಾಗುತ್ತದೆ.

ಪ್ರಮುಖ ಪರಿಣಾಮಗಳು ಮತ್ತು ಸಂಭಾವ್ಯತೆಗಳು:

  • ಉದ್ಯೋಗ ಸೃಷ್ಟಿ, ಕೌಶಲ್ಯ ಅಭಿವೃದ್ಧಿ ಮತ್ತು ಸುಸ್ಥಿರ ಅಭಿವೃದ್ಧಿಗೆ ಒತ್ತು ನೀಡಿ ಜಮ್ಮು ಮತ್ತು ಕಾಶ್ಮೀರದ ಕೈಗಾರಿಕಾ ಪರಿಸರ ವ್ಯವಸ್ಥೆಯಲ್ಲಿ ಆಮೂಲಾಗ್ರ ಬದಲಾವಣೆಗಳನ್ನು ತರಲು ಈ ಯೋಜನೆಯನ್ನು ರೂಪಿಸಲಾಗಿದೆ.
  • ಇದು ಹೊಸ ಹೂಡಿಕೆಯನ್ನು ಆಕರ್ಷಿಸುತ್ತದೆ ಮತ್ತು ಅಸ್ತಿತ್ವದಲ್ಲಿರುವ ಹೂಡಿಕೆಗಳನ್ನು ಪೋಷಿಸುತ್ತದೆ, ಆ ಮೂಲಕ ಜಮ್ಮು ಮತ್ತು ಕಾಶ್ಮೀರವು ರಾಷ್ಟ್ರದ ಇತರ ಪ್ರಮುಖ ಕೈಗಾರಿಕಾ ಅಭಿವೃದ್ಧಿ ಹೊಂದಿದ ರಾಜ್ಯಗಳು / ಕೇಂದ್ರಾಡಳಿತ ಪ್ರದೇಶಗಳೊಂದಿಗೆ ರಾಷ್ಟ್ರೀಯ ಮಟ್ಟದಲ್ಲಿ ಸ್ಪರ್ಧಿಸಲು ಅನುವು ಮಾಡಿಕೊಡುತ್ತದೆ.

 

ವಿಷಯಗಳು:   ಅನಿವಾಸಿ ಭಾರತೀಯರು ಮತ್ತು ಭಾರತದ ಹಿತಾಸಕ್ತಿಗಳ ಮೇಲೆ ಅಭಿವೃದ್ಧಿ ಹೊಂದಿದ ಮತ್ತು ಅಭಿವೃದ್ಧಿ ಹೊಂದುತ್ತಿರುವ ದೇಶಗಳ ನೀತಿಗಳು ಮತ್ತು ರಾಜಕೀಯದ ಪರಿಣಾಮಗಳು.

ಅಮೆರಿಕ ಸಂವಿಧಾನದ 25 ನೇ ತಿದ್ದುಪಡಿ.


ಸಂದರ್ಭ:

ಡೊನಾಲ್ಡ್ ಟ್ರಂಪ್ ಬೆಂಬಲಿಗರು ಯುಎಸ್ ಕ್ಯಾಪಿಟಲ್ ಗೆ ಲಗ್ಗೆ ಹಾಕಿ ದಾಂಧಲೆ ನಡೆಸಿದ ನಂತರ, 25 ನೇ ತಿದ್ದುಪಡಿಯನ್ನು ಜಾರಿಗೊಳಿಸುವಂತೆ ಉಪಾಧ್ಯಕ್ಷ ಮೈಕ್ ಪೆನ್ಸ್ ಅವರನ್ನು ಅನೇಕರು ಆಗ್ರಹಿಸಿದ್ದಾರೆ.

ಏನಿದು ಅಮೆರಿಕ ಸಂವಿಧಾನದ 25 ನೇ ತಿದ್ದುಪಡಿ ?

ಇಪ್ಪತ್ತೈದನೇ ತಿದ್ದುಪಡಿಯನ್ನು ಅಮೆರಿಕ ಸಂವಿಧಾನದ  1967 ರ ತಿದ್ದುಪಡಿ ಎಂದು ಕರೆಯಲಾಗುತ್ತದೆ.

  • ಇದು ಅಧ್ಯಕ್ಷರ ಮತ್ತು ಉಪಾಧ್ಯಕ್ಷರ ಕಚೇರಿಯ ಖಾಲಿ ಹುದ್ದೆಗಳು ಮತ್ತು ಅಸಮರ್ಥತೆಗೆ ಸಂಬಂಧಿಸಿದಂತೆ ಅನುಕ್ರಮ ನಿಯಮಗಳನ್ನು ರೂಪಿಸುತ್ತದೆ.
  • ಇದನ್ನು ಜುಲೈ 6, 1965 ರಂದು ಯು.ಎಸ್. ಕಾಂಗ್ರೆಸ್ ಪ್ರಸ್ತಾಪಿಸಿತು, ಮತ್ತು ಫೆಬ್ರವರಿ 10, 1967 ರಂದು ಅಂಗೀಕರಿಸಲಾಯಿತು.

ತಿದ್ದುಪಡಿಯಲ್ಲಿ ನಾಲ್ಕು ವಿಭಾಗಗಳಿವೆ:

  • ಮೊದಲ ವಿಭಾಗವು ಅಧ್ಯಕ್ಷರ ಸಾವು ಸಂಭವಿಸಿದಾಗ ಸಾಂಪ್ರದಾಯಿಕವಾಗಿ ಗಮನಿಸಿದ ಪ್ರಕ್ರಿಯೆಯನ್ನು ಸಂಕ್ಷಿಪ್ತಗೊಳಿಸುತ್ತದೆ –ಉಪಾಧ್ಯಕ್ಷರು ಅಧ್ಯಕ್ಷ ಸ್ಥಾನಕ್ಕೆ ಏರುವ ಮೊದಲು ತಮ್ಮ ಹುದ್ದೆಗೆ ರಾಜೀನಾಮೆ ನೀಡಿದ ನಂತರವೇ ಉಪಾಧ್ಯಕ್ಷರು ರಾಷ್ಟ್ರಾಧ್ಯಕ್ಷ ರ ಕಚೇರಿಯ ಅಧಿಕಾರ ವಹಿಸಿಕೊಳ್ಳಬೇಕು ಎಂಬ ಬದಲಾವಣೆಯನ್ನು ಪರಿಚಯಿಸಿತು.
  • ತಿದ್ದುಪಡಿಯ ಎರಡನೇ ವಿಭಾಗವು ಉಪಾಧ್ಯಕ್ಷರ ಕಚೇರಿಯು ಖಾಲಿ ಇರುವ ಬಗ್ಗೆ ತಿಳಿಸುತ್ತದೆ.
  • ತಿದ್ದುಪಡಿಯ ಮೂರನೇ ವಿಭಾಗವು ಅಧ್ಯಕ್ಷರ ಅಧಿಕಾರ ಮತ್ತು ಕರ್ತವ್ಯಗಳನ್ನು ನಿರ್ವಹಿಸುವ ಸಾಮರ್ಥ್ಯವನ್ನು ನಿರ್ಧರಿಸುವ ಔಪಚಾರಿಕ ಪ್ರಕ್ರಿಯೆಯನ್ನು ರೂಪಿಸುತ್ತದೆ.ಅಧ್ಯಕ್ಷರು ಅವನ / ಅವಳ ಅಸಾಮರ್ಥ್ಯವನ್ನು ಘೋಷಿಸಲು ಸಾಧ್ಯವಾದರೆ, ಉಪಾಧ್ಯಕ್ಷರು ಹಂಗಾಮಿ ಅಧ್ಯಕ್ಷರಾಗಿ ಅಧಿಕಾರ ವಹಿಸಿಕೊಳ್ಳುತ್ತಾರೆ.
  • ತಿದ್ದುಪಡಿಯ ನಾಲ್ಕನೇ ವಿಭಾಗವು ಅಧ್ಯಕ್ಷರಿಗೆ ಅವನು/ ಅವಳು ತಮ್ಮ ಅಸಮರ್ಥತೆಯನ್ನು ಘೋಷಿಸಿ ಕೊಳ್ಳದಿದ್ದರೆ ಉಪಾಧ್ಯಕ್ಷ ಮತ್ತು ಕ್ಯಾಬಿನೆಟ್ ಜಂಟಿಯಾಗಿ ಇದನ್ನು ಕಂಡುಹಿಡಿಯಬೇಕು. ಈ ಸಂದರ್ಭದಲ್ಲಿ ಉಪಾಧ್ಯಕ್ಷರು ತಕ್ಷಣವೇ ಹಂಗಾಮಿ ಅಧ್ಯಕ್ಷರಾಗಿ ಅಧಿಕಾರ ವಹಿಸಿಕೊಳ್ಳುತ್ತಾರೆ.

25 ನೇ ತಿದ್ದುಪಡಿಯ ಈ ನಾಲ್ಕನೇ ವಿಭಾಗದಿಂದ ಪ್ರದತ್ತವಾದ ಅಧಿಕಾರವನ್ನೇ ಉಪಾಧ್ಯಕ್ಷ ಪೆನ್ಸ್ ಅವರು ಅಧ್ಯಕ್ಷ ಟ್ರಂಪ್ ವಿರುದ್ಧ ಪ್ರಯೋಗಿಸುವಂತೆ ಅನೇಕರು ಆಗ್ರಹಿಸುತ್ತಿದ್ದಾರೆ.

 ಇದನ್ನು ಯಾವಾಗ ಪರಿಚಯಿಸಲಾಯಿತು ಮತ್ತು ಇದನ್ನು ಹಿಂದೆ ಯಾವಾಗಲಾದರೂ ಬಳಸಲಾಗಿದೆಯೇ?

  •  ಅಧ್ಯಕ್ಷ ಜಾನ್ ಎಫ್. ಕೆನಡಿ ಅವರ ಹತ್ಯೆಯ ನಂತರ, 25 ನೇ ತಿದ್ದುಪಡಿಯನ್ನು ಜುಲೈ 6, 1965 ರಂದು ಕಾಂಗ್ರೆಸ್ ಪ್ರಸ್ತಾಪಿಸಿತು ಮತ್ತು ಫೆಬ್ರವರಿ 10, 1967 ರಂದು ರಾಜ್ಯಗಳು ಅಂಗೀಕರಿಸಿದವು.
  • ಆದಾಗ್ಯೂ, 25 ನೇ ತಿದ್ದುಪಡಿಯ ನಾಲ್ಕನೇ ವಿಭಾಗವನ್ನು ಎಂದಿಗೂ ಪ್ರಯೋಗಿಸಲಾಗಿಲ್ಲ.

ಡೊನಾಲ್ಡ್ ಟ್ರಂಪ್ ಬೆಂಬಲಿಗರು ಕ್ಯಾಪಿಟಲ್ ಅನ್ನು ಏಕೆ  ಮುತ್ತಿಗೆ ಹಾಕಿದ್ದಾರೆ?

  • ಯಾವುದೇ ಮಾನ್ಯವಾದ ಆಧಾರ , ಪುರಾವೆಗಳಿಲ್ಲದಿದ್ದರೂ, ನವೆಂಬರ್‌ನಲ್ಲಿ ನಡೆದ ಅಧ್ಯಕ್ಷೀಯ ಚುನಾವಣೆಯಲ್ಲಿ ವಂಚನೆಯಾಗಿದೆ ಎಂದು ಟ್ರಂಪ್ ಪದೇ ಪದೇ ಆರೋಪಿಸಿದ್ದರ ಪರಿಣಾಮವಾಗಿ.
  • ಯು.ಎಸ್. ಕಾಂಗ್ರೆಸ್ ಸದಸ್ಯರು ಒಗ್ಗೂಡಿ ಚುನಾವಣಾ ಕಾಲೇಜಿನ ಮತಗಳ ಎಣಿಕೆಯನ್ನು ಪರಿಶೀಲಿಸಲು ಮತ್ತು ಜೋ ಬಿಡೆನ್ ಜನವರಿ 20 ರಂದು ಅಧಿಕೃತವಾಗಿ ಅಧಿಕಾರ ವಹಿಸಿಕೊಳ್ಳಲು ದಾರಿ ಮಾಡಿಕೊಡುವುದರಿಂದ ಅವರು ತಮ್ಮ ಬೆಂಬಲಿಗರಿಗೆ ಅವರ ಧ್ವನಿಯನ್ನು ಕೇಳುವಂತೆ ಮನವಿ ಮಾಡುತ್ತಿದ್ದಾರೆ.

 

ವಿಷಯಗಳುಃ ಆರೋಗ್ಯ, ಶಿಕ್ಷಣ ಮತ್ತು ಮಾನವ ಸಂಪನ್ಮೂಲಕ್ಕೆ ಸಂಬಂಧಿಸಿದ ಸಾಮಾಜಿಕ ವಲಯ / ಸೇವೆಗಳ ಅಭಿವೃದ್ಧಿ ಮತ್ತು ನಿರ್ವಹಣೆಗೆ ಸಂಬಂಧಿಸಿದ ಸಮಸ್ಯೆಗಳು.

NFHS-5 ನ ಸಂಶೋಧನೆಗಳನ್ನು ಅಧ್ಯಯನ ಮಾಡಲಿರುವ ತಜ್ಞರ ತಂಡ.


(NFHS-5 – ರಾಷ್ಟ್ರೀಯ ಕುಟುಂಬ ಆರೋಗ್ಯ ಸಮೀಕ್ಷೆ -5)

ಸಂದರ್ಭ:

ರಾಷ್ಟ್ರೀಯ ಕುಟುಂಬ ಆರೋಗ್ಯ ಸಮೀಕ್ಷೆ -5 ರ ಪ್ರತಿಕೂಲ ಆವಿಷ್ಕಾರಗಳನ್ನು ಪರೀಕ್ಷಿಸಲು ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸಚಿವಾಲಯ ತಾಂತ್ರಿಕ ತಜ್ಞರ ತಂಡವನ್ನು ರಚಿಸಿದೆ.

ಸಮಿತಿಯ ಬಗ್ಗೆ:

ಈ ಸಮಿತಿಯ ಅಧ್ಯಕ್ಷತೆಯನ್ನು ಜಂಟಿ ಕಾರ್ಯದರ್ಶಿ ಪ್ರೀತಿ ಪಂತ್ ವಹಿಸಲಿದ್ದು, ಇದು ವೈದ್ಯಕೀಯ ಮತ್ತು ಪೌಷ್ಠಿಕಾಂಶ ತಜ್ಞರನ್ನು ಒಳಗೊಂಡಿರುತ್ತದೆ.

ಕಾರ್ಯಾದೇಶ :

ಅಪೌಷ್ಟಿಕತೆ, ಕುಂಠಿತಬೆಳವಣಿಗೆ, ರಕ್ತಹೀನತೆ ಮತ್ತು ಸಿ-ವಿಭಾಗದ ಸೂಚಕಗಳನ್ನು ಸುಧಾರಿಸಲು ಪ್ರೋಗ್ರಾಮ್ಯಾಟಿಕ್ (ಕಾರ್ಯತಂತ್ರ) ಮತ್ತು ನೀತಿ ಮಧ್ಯಸ್ಥಿಕೆಗಳನ್ನು ಶಿಫಾರಸು ಮಾಡುವುದು.

NFHS-5 ಸಂಶೋಧನೆಗಳು:

ಸಮೀಕ್ಷೆಯು 130 ಕ್ಕೂ ಹೆಚ್ಚು ಮಾನದಂಡಗಳ ಕುರಿತು ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳ ದತ್ತಾಂಶವನ್ನು ಒದಗಿಸುತ್ತದೆ. ಹೆಚ್ಚಿನ ಸಂಖ್ಯೆಯ ರಾಜ್ಯಗಳು,ವಿವಿಧ ನಿಯತಾಂಕಗಳಲ್ಲಿ, ಕೊನೆಯ ಬಾರಿಯ ಸಮೀಕ್ಷೆಗಿಂತ (NFHS 4 – 2015-16) ಕಳಪೆ ಪ್ರದರ್ಶನ ತೋರಿವೆ.

  • 2014 ಮತ್ತು 2019 ರ ನಡುವೆ ಜನಿಸಿದ ಮಕ್ಕಳು ಹಿಂದಿನ ಪೀಳಿಗೆಯ ಮಕ್ಕಳಿಗಿಂತ ಹೆಚ್ಚು ಅಪೌಷ್ಟಿಕತೆಯಿಂದ ಬಳಲುತ್ತಿದ್ದಾರೆ.
  • ಭಾರತದ ಹೆಚ್ಚಿನ ರಾಜ್ಯಗಳಲ್ಲಿ ಶಿಶು ಮತ್ತು ಮಕ್ಕಳ ಮರಣ ದರ ಕಡಿಮೆಯಾಗಿದೆ.
  • ಸಿಕ್ಕಿಂ, ಅಸ್ಸಾಂ, ಗೋವಾ ಮತ್ತು ಜಮ್ಮು ಮತ್ತು ಕಾಶ್ಮೀರದಲ್ಲಿ ನವಜಾತ ಶಿಶು ಮರಣ ದರ (NMR), ಶಿಶು ಮರಣ ದರ (IMR) ಮತ್ತು ಐದು ವರ್ಷದೊಳಗಿನ ಮಕ್ಕಳ ಮರಣ ದರ  (U5MR) ತೀವ್ರ ಕುಸಿತ ಕಂಡಿದೆ.
  • ಮೇಘಾಲಯ, ಮಣಿಪುರ ಮತ್ತು ಅಂಡಮಾನ್ ಮತ್ತು ನಿಕೋಬಾರ್ ದ್ವೀಪಗಳು ಮಕ್ಕಳ ಮರಣದ ಎಲ್ಲಾ ಮೂರು ವಿಭಾಗಗಳಲ್ಲಿ ಅಂದರೆ, ಎನ್ಎಂಆರ್, ಐಎಂಆರ್ ಮತ್ತು ಯು 5 ಎಂಆರ್, ಗಳಲ್ಲಿ ಹೆಚ್ಚಳವನ್ನು ವರದಿ ಮಾಡಿವೆ.
  • ಸಮೀಕ್ಷೆ ನಡೆಸಿದ ಎಲ್ಲಾ ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳ ಪೈಕಿ, ಬಿಹಾರವು ಶಿಶು ಮತ್ತು ಮಕ್ಕಳ ಮರಣದ ಪ್ರಮಾಣದ ಎಲ್ಲಾ ಮೂರು ವಿಭಾಗಗಳಲ್ಲಿ ಅತಿ ಹೆಚ್ಚು ಏರಿಕೆ ಕಂಡಿದೆ, ಆದರೆ ಕೇರಳದಿಂದ ಅತಿ ಕಡಿಮೆ ಸಾವಿನ ಪ್ರಮಾಣದ ವರದಿಯಾಗಿದೆ.

NFHS-5 ನೀಡಿದ ಫಲಿತಾಂಶಗಳ ಮಹತ್ವ :

  • ಮಕ್ಕಳ ಅಪೌಷ್ಟಿಕತೆಯ ಮಟ್ಟದಲ್ಲಿನ ಭಾರಿ ಏರಿಕೆ ಮತ್ತು ಮಹಿಳೆಯರು ಮತ್ತು ಗರ್ಭಿಣಿಯರಲ್ಲಿ ರಕ್ತಹೀನತೆಯ ಮಟ್ಟದ ಹೆಚ್ಚಳವು 2015-2019ರ ಅವಧಿಯಲ್ಲಿ ಜನಿಸಿದ ಮಕ್ಕಳು ಪೌಷ್ಟಿಕತೆಯ ಕೊರತೆಯಿಂದ ಬಳಲುತ್ತಿರಬಹುದು ಎಂದು ಸ್ಪಷ್ಟವಾಗಿ ಸೂಚಿಸುತ್ತದೆ.
  • NFHS 3 (2005-06) ಮತ್ತು NFHS 4 (2015-16) ನಡುವಿನ ಅವಧಿಯಲ್ಲಿ ಮಕ್ಕಳ ಅಪೌಷ್ಟಿಕತೆಯ ಮಟ್ಟದಲ್ಲಿನ ಸುಧಾರಣೆಯನ್ನು ಭಾರತ ತೋರಿಸಿದರೂ, NFHS-5 ಫಲಿತಾಂಶಗಳ ಪ್ರಕಾರ, ಮಕ್ಕಳ ಅಪೌಷ್ಟಿಕತೆಯ ವಿಷಯದಲ್ಲಿ ರಾಷ್ಟ್ರವು ಈಗ ಯು-ಟರ್ನ್ ತೆಗೆದುಕೊಂಡಿದೆ ಅಥವಾ ಹಿಂದಡಿ ಇಟ್ಟಿದೆ ಎಂಬುದು ಸ್ಪಷ್ಟವಾಗುತ್ತದೆ.

 


ಸಾಮಾನ್ಯ ಅಧ್ಯಯನ ಪತ್ರಿಕೆ – 3


 

ವಿಷಯಗಳು: ಮೂಲಸೌಕರ್ಯ: ಶಕ್ತಿ, ಬಂದರುಗಳು, ರಸ್ತೆಗಳು, ವಿಮಾನ ನಿಲ್ದಾಣಗಳು, ರೈಲ್ವೆ ಇತ್ಯಾದಿ.

ತರಂಗಾಂತರ( Spectrum ) ಹರಾಜು ಎಂದರೇನು?


ಸಂದರ್ಭ :

ಮಾರ್ಚ್ 1 ರಿಂದ 4 ಜಿ ಸ್ಪೆಕ್ಟ್ರಮ್‌ (4G spectrum) ಹರಾಜು ಪ್ರಕ್ರಿಯೆ ಪ್ರಾರಂಭವಾಗಲಿದೆ ಎಂದು ದೂರಸಂಪರ್ಕ ಇಲಾಖೆ (DoT) ಇತ್ತೀಚೆಗೆ ಹೇಳಿದೆ.

ಮಾರಾಟದ ಮುಖ್ಯ ಉದ್ದೇಶಗಳು ಇಂತಿವೆ:

  • ತರಂಗಾಂತರವನ್ನು ಮಾರುಕಟ್ಟೆ ನಿರ್ಧರಿಸಿದ ಬೆಲೆಯನ್ನು ಪಡೆಯಲು.
  • ಸ್ಪೆಕ್ಟ್ರಮ್ನ ಸಮರ್ಥ ಬಳಕೆಯನ್ನು ಖಚಿತಪಡಿಸಿಕೊಳ್ಳುವುದು ಮತ್ತು ಅದರ ಸಂಗ್ರಹಣೆ ಮಾಡುವುದನ್ನು ತಪ್ಪಿಸುವುದು,
  • ಈ ವಲಯದಲ್ಲಿ ಸ್ಪರ್ಧೆಯನ್ನು ಪ್ರೋತ್ಸಾಹಿಸುವ ಮೂಲಕ ರಾಜ್ಯದಾಯವನ್ನು ಹೆಚ್ಚಿಸಿಕೊಳ್ಳುವುದು.

ತರಂಗಾಂತರ( Spectrum ) ಹರಾಜು ಎಂದರೇನು?

  • ಸ್ಪೆಕ್ಟ್ರಮ್ ಹರಾಜು ಎನ್ನುವುದು ಒಂದು ನಿರ್ದಿಷ್ಟ ಬ್ಯಾಂಡ್‌ನ ವಿದ್ಯುತ್ಕಾಂತೀಯ ವರ್ಣಪಟಲದ ಮೇಲೆ ಸಂಕೇತಗಳನ್ನು ಪ್ರಸಾರ ಮಾಡುವ ಹಕ್ಕುಗಳನ್ನು ಮಾರಾಟ ಮಾಡಲು ಮತ್ತು ವಿರಳ ಸ್ಪೆಕ್ಟ್ರಮ್ ಸಂಪನ್ಮೂಲಗಳನ್ನು ನಿಯೋಜಿಸಲು ಸರ್ಕಾರವು ಹರಾಜು ವ್ಯವಸ್ಥೆಯನ್ನು ಬಳಸುವ ಪ್ರಕ್ರಿಯೆಯಾಗಿದೆ.

ಭಾರತದಲ್ಲಿ ತರಂಗಾಂತರ ಹರಾಜು:

ಸೆಲ್‌ಫೋನ್‌ಗಳು ಮತ್ತು ವೈರ್‌ಲೈನ್ ದೂರವಾಣಿಗಳಂತಹ ಸಾಧನಗಳಿಗೆ ಒಂದು ತುದಿಯಿಂದ ಇನ್ನೊಂದು ತುದಿಗೆ ಸಂಪರ್ಕ ಸಾಧಿಸಲು ಸಂಕೇತಗಳ ಸಹಾಯ ಬೇಕಾಗುತ್ತದೆ.ಈ ಸಂಕೇತಗಳನ್ನು ಗಾಳಿಯ ಅಲೆಗಳಲ್ಲಿ ಸಾಗಿಸಲಾಗುವುದಷ್ಟೇ ಅಲ್ಲದೆ, ಯಾವುದೇ ರೀತಿಯ ಅಡಚಣೆಯನ್ನು ತಪ್ಪಿಸಲು ಗೊತ್ತುಪಡಿಸಿದ ಆವರ್ತನಗಳಲ್ಲಿ ಕಳುಹಿಸಬೇಕಾಗುತ್ತದೆ.

  • ಗಾಳಿಯ ಅಲೆಗಳೂ ಸೇರಿದಂತೆ,ದೇಶದ ಭೌಗೋಳಿಕ ಗಡಿಯೊಳಗೆ ಸಾರ್ವಜನಿಕವಾಗಿ ಲಭ್ಯವಿರುವ ಎಲ್ಲಾ ಸ್ವತ್ತುಗಳ ಮೇಲೆ ಕೇಂದ್ರ ಸರ್ಕಾರವು ಒಡೆತನವನ್ನು ಹೊಂದಿದೆ.
  • ಸೆಲ್‌ಫೋನ್, ವೈರ್‌ಲೈನ್ ಟೆಲಿಫೋನ್ ಮತ್ತು ಇಂಟರ್ನೆಟ್ ಬಳಕೆದಾರರ ಸಂಖ್ಯೆಯಲ್ಲಿನ ಹೆಚ್ಚಳದೊಂದಿಗೆ, ಕಾಲಕಾಲಕ್ಕೆ ಸಿಗ್ನಲ್‌ಗಳಿಗೆ ಹೆಚ್ಚಿನ ಸ್ಥಳಾವಕಾಶವನ್ನು ಒದಗಿಸುವ ಅವಶ್ಯಕತೆಯಿದೆ.
  • ಈ ತರಂಗಾಂತರ ಅಲೆಗಳನ್ನು ಒಂದು ತುದಿಯಿಂದ ಇನ್ನೊಂದು ತುದಿಗೆ ಸಾಗಿಸಲು ಅಗತ್ಯವಾದ ಮೂಲಸೌಕರ್ಯಗಳನ್ನು ಸ್ಥಾಪಿಸಲು ಸಿದ್ಧವಿರುವ ಕಂಪನಿಗಳಿಗೆ ಈ ಸ್ವತ್ತುಗಳನ್ನು ಮಾರಾಟ ಮಾಡಲು,

ಕೇಂದ್ರ ಸರ್ಕಾರವು ಈ ಗಾಳಿಯ ಅಲೆಗಳನ್ನು ಕಾಲಕಾಲಕ್ಕೆ DoT ಮೂಲಕ ಹರಾಜು ಮಾಡುತ್ತದೆ.

  • ಈ ಗಾಳಿಯ ಅಲೆಗಳನ್ನು ಸ್ಪೆಕ್ಟ್ರಮ್ / ತರಂಗಾಂತರ ಎಂದು ಕರೆಯಲಾಗುತ್ತದೆ, ಇದನ್ನು ವಿಭಿನ್ನ ಆವರ್ತನಗಳನ್ನು ಹೊಂದಿರುವ ಬ್ಯಾಂಡ್‌ಗಳಾಗಿ ವಿಂಗಡಿಸಲಾಗಿದೆ.
  • ಈ ಎಲ್ಲಾ ಗಾಳಿಯ ಅಲೆಗಳನ್ನು ಒಂದು ನಿರ್ದಿಷ್ಟ ಅವಧಿಗೆ ಮಾರಾಟ ಮಾಡಲಾಗುತ್ತದೆ, ಅದರ ನಂತರ ಅವುಗಳ ಅವಧಿಯು ಕೊನೆಗೊಳ್ಳುತ್ತದೆ, ಇದನ್ನು ಸಾಮಾನ್ಯವಾಗಿ 20 ವರ್ಷಗಳ ವರೆಗೆ ನಿಗದಿಪಡಿಸಲಾಗುತ್ತದೆ.

spectrum_auction

ಈ ತರಂಗಾಂತರ ಹರಾಜಿನಲ್ಲಿ ಪಾಲ್ಗೊಳ್ಳಲು ಸಾಧ್ಯತೆ ಇರುವ ಬಿಡ್ಡರ್ ಗಳೆಂದರೆ:

ಎಲ್ಲಾ ಮೂರು ಖಾಸಗಿ ಟೆಲಿಕಾಂ ಕಂಪೆನಿಗಳಾದ, ರಿಲಯನ್ಸ್ ಜಿಯೋ ಇನ್ಫೋಕಾಮ್, ಭಾರತಿ ಏರ್ಟೆಲ್, ಮತ್ತು Vi ತಮ್ಮ ನೆಟ್‌ವರ್ಕ್‌ನಲ್ಲಿ ಬಳಕೆದಾರರ ಸಂಖ್ಯೆಯನ್ನು ಬೆಂಬಲಿಸಲು ಹೆಚ್ಚುವರಿ ಸ್ಪೆಕ್ಟ್ರಮ್ ಖರೀದಿಸಲು ಅರ್ಹ ಸ್ಪರ್ಧಿಗಳಾಗಿವೆ.

  • ಈ ಮೂವರ ಹೊರತಾಗಿ, ವಿದೇಶಿ ಕಂಪನಿಗಳು ಸೇರಿದಂತೆ ಹೊಸ ಕಂಪನಿಗಳು ಸಹ ತರಂಗಾಂತರ ಹರಾಜು ಪ್ರಕ್ರಿಯೆಯಲ್ಲಿ ಭಾಗವಹಿಸಲು ಅರ್ಹವಾಗಿವೆ.
  • ಆದಾಗ್ಯೂ, ವಿದೇಶಿ ಕಂಪನಿಗಳು ಭಾರತದಲ್ಲಿ ಒಂದು ಶಾಖೆಯನ್ನು ಸ್ಥಾಪಿಸಬೇಕು ಮತ್ತು ಭಾರತೀಯ ಕಂಪನಿಯಾಗಿ ನೋಂದಾಯಿಸಿಕೊಳ್ಳಬೇಕು, ಅಥವಾ ಭಾರತೀಯ ಕಂಪನಿಯೊಂದಿಗೆ ಒಪ್ಪಂದ ಮಾಡಿಕೊಳ್ಳುವ ಮೂಲಕ ಮಾತ್ರ ಅವುಗಳನ್ನು ಗೆದ್ದ ನಂತರ, ಗಾಳಿಯ ಅಲೆಗಳನ್ನು ನಿರ್ವಹಿಸಲು ಸಾಧ್ಯವಾಗುತ್ತದೆ.

 


ಪೂರ್ವಭಾವಿ ಪರೀಕ್ಷೆಗೆ ಸಂಬಂಧಿಸಿದ ವಿದ್ಯಮಾನಗಳು:


ಬ್ಯೂರೋ ಆಫ್ ಇಂಡಿಯನ್ ಸ್ಟ್ಯಾಂಡರ್ಡ್ಸ್ (BIS):

ಭಾರತೀಯ ಪ್ರಮಾಣಿತ ಮಂಡಳಿ/ಸಂಸ್ಥೆ (BIS):

ಬ್ಯೂರೋ ಆಫ್ ಇಂಡಿಯನ್ ಸ್ಟ್ಯಾಂಡರ್ಡ್ಸ್ ನ ಸಂಸ್ಥಾಪನಾ ದಿನವನ್ನು 6 ಜನವರಿ 2021 ರಂದು ಆಚರಿಸಲಾಗುತ್ತದೆ.

BIS ಕುರಿತು :

ಬ್ಯೂರೋ ಆಫ್ ಇಂಡಿಯನ್ ಸ್ಟ್ಯಾಂಡರ್ಡ್ಸ್ (BIS) ಭಾರತ ಸರ್ಕಾರದ ಗ್ರಾಹಕ ವ್ಯವಹಾರ, ಆಹಾರ ಮತ್ತು ಸಾರ್ವಜನಿಕ ವಿತರಣಾ ಸಚಿವಾಲಯದ ಆಶ್ರಯದಲ್ಲಿ ಕಾರ್ಯನಿರ್ವಹಿಸುತ್ತಿರುವ ಭಾರತದ ರಾಷ್ಟ್ರೀಯ ಪ್ರಮಾಣಿತ ಸಂಸ್ಥೆ ಯಾಗಿದೆ.

  • ಬ್ಯೂರೋ ಆಫ್ ಇಂಡಿಯನ್ ಸ್ಟ್ಯಾಂಡರ್ಡ್ಸ್ ಆಕ್ಟ್, 1986 ರ ಮೂಲಕ ಈ BIS ಅನ್ನು ಸ್ಥಾಪಿಸಲಾಗಿದ್ದು, ಇದು 23 ಡಿಸೆಂಬರ್ 1986 ರಿಂದ ಜಾರಿಗೆ ಬಂದಿತು.
  • ಬ್ಯೂರೋ ಆಫ್ ಇಂಡಿಯನ್ ಸ್ಟ್ಯಾಂಡರ್ಡ್ಸ್ ಆಕ್ಟ್, 2016 BIS ಅನ್ನು ರಾಷ್ಟ್ರೀಯ ಪ್ರಮಾಣಿತ ಸಂಸ್ಥೆಯನ್ನಾಗಿ ಮಾಡಿತು. BIS ಕಾಯ್ದೆಯು

12 ಅಕ್ಟೋಬರ್ 2017 ರಿಂದ ಜಾರಿಗೆ ಬಂದಿದೆ.

  • ಸರಕುಗಳ ಗುರುತು ಮತ್ತು ಗುಣಮಟ್ಟದ ಪ್ರಮಾಣೀಕರಣ ಮತ್ತು ಅದಕ್ಕೆ ಸಂಬಂಧಿಸಿದ ಅಥವಾ ಪ್ರಾಸಂಗಿಕ ವಿಷಯಗಳಿಗೆ ಪ್ರಮಾಣೀಕರಣದ ಚಟುವಟಿಕೆಗಳ ಸಾಮರಸ್ಯ ಅಭಿವೃದ್ಧಿಗೆ ಬಿಐಎಸ್ ಕಾರಣವಾಗಿದೆ.

ನೌಕಾ ನಾವೀನ್ಯತೆ ಮತ್ತು ದೇಶೀಕರಣ ಸಂಸ್ಥೆ (NIIO) Naval Innovation and Indigenisation Organisation (NIIO):

ಇತ್ತೀಚೆಗೆ ರಕ್ಷಣಾ ಮಂತ್ರಿಗಳು ನೌಕಾ ನಾವೀನ್ಯತೆ ಮತ್ತು ದೇಶೀಕರಣ ಸಂಸ್ಥೆ (NIIO) ಯನ್ನು ಪ್ರಾರಂಭಿಸಿದರು.

ಎನ್ಐಐಒ ಒಂದು, ಮೂರು ಹಂತದ ಸಂಘಟನೆಯಾಗಿದೆ.

  • ನೇವಲ್ ಟೆಕ್ನಾಲಜಿ ಆಕ್ಸಿಲರೇಶನ್ ಕೌನ್ಸಿಲ್

(N-TAC)ನಾವೀನ್ಯತೆ ಮತ್ತು ದೇಶೀಕರಣದ ಎರಡು ಅಂಶಗಳನ್ನು ಒಟ್ಟುಗೂಡಿಸುತ್ತದೆ ಮತ್ತು ಉನ್ನತ ಮಟ್ಟದ ನಿರ್ದೇಶನಗಳನ್ನು ನೀಡುತ್ತದೆ.

  • N-TAC ಅಡಿಯಲ್ಲಿ ಕಾರ್ಯನಿರತ ಗುಂಪೊಂದು ಯೋಜನೆಗಳನ್ನು ಕಾರ್ಯಗತಗೊಳಿಸುತ್ತದೆ.
  • ತ್ವರಿತಗತಿಯ ಸಮಯದ ಚೌಕಟ್ಟಿನಲ್ಲಿ ಉದಯೋನ್ಮುಖ ವಿಚ್ಚಿದ್ರಕಾರಕ ತಂತ್ರಜ್ಞಾನವನ್ನು ಸ್ಥಾಪಿಸಲು ತಂತ್ರಜ್ಞಾನ ಅಭಿವೃದ್ಧಿ ವೇಗವರ್ಧಕ ಕೋಶವನ್ನು (Technology Development Acceleration Cell)

(TDAC) ರಚಿಸಲಾಗಿದೆ.

  • ಆತ್ಮನಿರ್ಭರ್ ಭಾರತದ ದೃಷ್ಟಿಗೆ ಅನುಗುಣವಾಗಿ ರಕ್ಷಣೆಯಲ್ಲಿ ಸ್ವಾವಲಂಬನೆ ಸಾಧಿಸಲು ನಾವೀನ್ಯತೆ ಮತ್ತು ದೇಶೀಕರಣವನ್ನು ಉತ್ತೇಜಿಸುವ ಸಲುವಾಗಿ ಅಂತಿಮ ಬಳಕೆದಾರರ ಶಿಕ್ಷಣ ಮತ್ತು ಉದ್ಯಮದೊಂದಿಗೆ ಸಂವಹನ ನಡೆಸಲು NIIO ಮೀಸಲಾದ ರಚನೆಗಳನ್ನು ಸ್ಥಾಪಿಸುತ್ತದೆ.

ರಾಜಕೀಯ ಹಿಂಸಾಚಾರದಲ್ಲಿ  ಮೃತಪಟ್ಟವರ ಸೋದರ ಸಂಬಂಧಿ ಅಥವಾ ರಕ್ತ ಸಂಬಂಧಿಗಳಿಗೆ ಉದ್ಯೋಗ ನೀಡುವ ತ್ರಿಪುರ ಸರ್ಕಾರದ ಹೊಸ ಯೋಜನೆ :

  • ಹೊಸ ಯೋಜನೆಯಡಿ, ರಾಜಕೀಯ ಹಿಂಸಾಚಾರದಲ್ಲಿ 2018 ರ ಮಾರ್ಚ್ ವರೆಗೆ ಪ್ರಾಣ ಕಳೆದುಕೊಂಡವರ ಸೋದರ ಸಂಬಂಧಿ / ರಕ್ತಸಂಬಂಧಿಗಳಿಗೆ ಸರ್ಕಾರಿ ಉದ್ಯೋಗಗಳನ್ನು ನೀಡಲು ರಾಜ್ಯ ಸಚಿವ ಸಂಪುಟ ನಿರ್ಧರಿಸಿದೆ.
  • ಈ ಯೋಜನೆಯಡಿಯಲ್ಲಿ, ಅಂತಹ ಕುಟುಂಬಗಳ ಯಾವುದೇ ಒಬ್ಬ ಸದಸ್ಯರಿಗೆ ಸರ್ಕಾರ ರೂಪಿಸಿದ ಅಗತ್ಯ ಮಾನದಂಡಗಳನ್ನು ಪೂರೈಸಿದರೆ ಸರ್ಕಾರಿ ಉದ್ಯೋಗಗಳನ್ನು ಒದಗಿಸಲಾಗುತ್ತದೆ.

  • Join our Official Telegram Channel HERE for Motivation and Fast Updates
  • Subscribe to our YouTube Channel HERE to watch Motivational and New analysis videos